|| ..

صباح الخير على الجميع


...//

يا سائلا ً عنّي من القلب لبيــــــه ..

صوت عزيـــز و غصب عنّا نلبيــــك ..

مثلك من الأجواد لا شك نغليــــه ..

و نفتح لك ابواب الخفوق و نحييــك ..

اشري رضا من يشتريني و ارضيـــــــــه ..

و اقول له بـ الروح و العين نشريـــــك ..

...//

لو كنت انا بـ الهند ولا ورى الصين ..

و انت بـ ضواحي نجد ولا وراها ..

و لو نفترق عامين أو عدة سنين ..

لك منزله لو غبت محد ٍ خذاها ..

معروف دور الدم يسقي الشرايين ..

و العين تظما و انت تسقي ظماها ..

...//

انت الوحيد اللي من القلب ماكن ..

و انت الوحيد اللي بـ حبه تعلقت ..

أبعترف انّك داخل القلب ساكن ..

و أبعترف انّك بـ الغلا حيل حققت ..

ما سمعت محمد يوم غنّى الاماكن ؟ ..

اسمعها و تعرف وش كثر لك اشتقت ..

...//
أبنشغل في عيونك لا تدورني ..

ودّي بـ شي أشوفه و ما بعد جيته ..

خليت قلبي معك و الله يصبّرني ..

مبطي و انا اقول قلبي وين خليته ..

نسيت أعلمك ،، طيفك جاي يسهرني ..

بس انت ما شفتني و شلون ضميته ..

...//

يمكن كسير العظم يبرا بـ تجبير ..

و يمكن علاج العين بـ آيات تقرا ..

و يمكن صياح الالم يبرا بـ تخدير ..

و يمكن قلوب الناس بـ فلوس تشرا ..

كل العلل تبرا بـ سبّه و تدبير ..

لكن مريض البعد وشلــــــون يبرا ..!

...//

حبيبي و ابتدا الموضوع ..

تعال اسمع كلام الحب

يقول إنّي احبك موت ..

أحبّك كلمه ما تكفي ..؟!

احبك

أعشقك

أغليك

حيــــــاتــــــي

عــــــمـــــــري

أفديــك و الله أفديـــك ..

...//

ودّي ألمس كل جرح ٍ يتعبك ..

ودّي أداويه بـ يدي و ألمّك و أجمعك ..

ودّي أضمك لـ صدري أتنفس هواك ..

و العمر وياك يا ليته يطول ..

و ما دخل قلبي من العالم سواك ..

وحدك الغالي و بـ قلبي تجول ..

يا ربيع عمري و يا كل الفصول ..

اطلب عيوني و انا كلّي فــــداك ..

...//

ما تدري إنّي مع النفس أسولف بك ..

و انّك إذا غبت أبسأل كيفها أحوالك ..

طيب .. ما دام هـ القلب تمسك بك ..

تكفى كثر ماحبك خلني على بالك ..

...//

انا ضمادك في الزمن لا تألمت ..

هاتي حزن دنياك و اخذي فرحها ..

كلّي مشاعر صاغيه لا تكلمت ..

كلّي فدايا كلمة ٍ تقترحها ..

انتي خوية دنيتي وين ما كنت ..

و انتي دروس الصدق و احلى لوحها ..

...//

وحشتني كثر فرحي بـ يوم لقياك ..

وحشتني كثر دمعي بـ ليل فرقاك ..

وحشتني كثر ضحكي و انا وياك ..

وحشتني كثر همّي و انا بلياك ..

وحشتني كثر حبّي انا لـ طرياك ..

وحشتني و أتمنى أكون هـ الحين وياك ..

...// من عرفتك و انا بالي دايم الدوم وياك ..

سرقت الروح منّي عساك تترحم بـ حالي ..

شفني وحيد خذني و خلني أبقى معاك ..

حطني حبيب .. صديق .. اخو

و ان بغيت اكون في حسبة عيالك ..

المهم ما تتركني لـ حالي ..

انا و ربي حبيتك كيف و شلون لا تسألني ..

بس اللي اعرفه انّي ما اشوف غيرك جدامي ..

...//

أدري هـ الدنيا ما فيها خير يا صاحبي ..

" لكن تطمن " ..

لو تدور الدنيا عمري ما نسيتك ..

لو تبيع أيامي يـ الغالي شريتك ..

لو تزيد أحزاني من فرحي عطيتك ..

حتى لو تظلمني عمري ما شكيتك ..

...//
...//

نوم العوافي حبيبي يا بعد عيني ..

يـ الله عساني من حلومك و روادك ..

مدري وش اقول لكن لا تخليني ..

و انا أتقهوى حروف الياس في قنادك ..

الله يخليك و انا الله يقويني ..

على هموم ٍ لفتني سبّة بعادك ..

...//

دامي على الدنيا و اشم النسايم ..

و الله ما ابيعك يا رفيقي و أخليك ..

لو حال من دونك بغيض و لايم ..

مغليك مهما ً كلّف الأمر مغليك ..

و لو صار من دونك جدال و نمايم ..

ربيع عمري و أفتخر في مخاويك ..

...//

ان كنت مقصّر بـ حق الاحباب ..

آسف ترى ظروف الوقت علّه ..

منتوا بـ القلب بس ،، إلا من النبض قراب ..

يـ اللي غلاكم محد وصل له ..

يوم اشوفكم كل جرح بي طاب ..

او بـ يدي أشيل ماي عيني و احطكم محلّه ..

...//

أبيك

دايم ضحوك

و خاطرك رايق ..

تراك

ان ضقت قلبي

حيــــــل يوجعني ..

...//

مشتــــــــــاق

لا !

لا تتريا هذا مب تعبير دقيق ..

أحبك مــــــــــووت

لحظه !

و هذا بعد كلام عتيج ..

انت عمـــــــــــري

و لا هذا !

لأنّي قلته مره لـ صديق ..

انت نظر عيونـــــــــــــي

صح هو هــــذا !

لأنّي فيك أشوف الطريق ..

...//

عيوني .. و شلون أصبّحك بـ الخير ؟ ..

و انت صباح الخير و الخير كلّه ! ..

سقت الغلا لك و النوايا مغاتير ..

و لا همني حقد القلوب المغله ..

مدري صباح ولا مساء الخير ..

بس المهم ان وجهك الخير كلّه ..

...//

غريبه

قصتي

وياك

متى ما

طاب لك

خاطر

تراسلني !

و متى ما

ضاق خاطر

تقطعني !!

...//

شفت البشر لو كلهم يرخصونك ؟ ..

الله عليك بـ داخل القلب مغلاك ..

اشتقت لك و اشتقت لـ اسمك و لونك ..

و اشتقت لـ معاندك و اشتقت لـ رضاك ..

و لو قلت وش صار جنّت جنونك ..

يمكن تقول إنّي مبالغ بـ فرقاك ..

ودّك تعرف اشلون عايش بدونك ..؟

لو قلت لك يمكن تجيني من أقصاك ..

تبي تعرف و شلون سكّر عيونك ..

سكّرتها ..؟

هذي حياتي بليّاك ..

شفت الظلام اللي تشوفه بـ كونك ..؟

يزول كلّه بس لا صرت ويّاك ..

...//


اتمنى تعجبكم