تجمع جديد لرابطة شهر سته سابقا وحاليا امهات تجربة الولاده ومابعدها

انا مبرزه نفسي لين ربيت بشترك معاكم فسوالفكم يا ليلة عرسي
مع اني مب من رابطتكم..انا من رابطة امهات يوليو:cool2:

ذكرتينا بالهم يا ليلة عرسي بسم الله عليج ياقلبي
واهم شئ انج بخير وولدج بحضنج ياعمري

قصة ولادتي

انا ياطويلات العمر فترة حملي كانت كلها سهله الحمد الله مااافي شئ متعبني
غير ابر الانسولين ولكن من دخلت الشهر السابع بدات اعراض تسمم الحمل معاي

اولا انتفخوا ارجيلي وايدي وصار زولال في البول وانتم كرامه من دخلت الشهر التاسع
زاد وزني 8 كيلو في اسبوع وارتفع الضغط
ورحت لمريم سلمان وسويت تلفزيون قالتلي الجنين حجمه زين قبل ليوصل لاربعه كيلو
روحي لدكتوره يسون لج طلق صناعي
رحت لدكتوره احدد يوم للولاده واللى الدكتوره تقولي برقدج لحين اقولها مابي اربي لحين
تقولي لا ابي اتابع حالتج 24 ساعه فقط وانا اقولها بطلع بروح اجيب ملابسي ارفضت وجابوا كرسي وطلعوني لغرفه وانا كل هذا مستغربه ليششششششششش ؟

24 ساعه مروا على خير قالتلي دكتوره الحمد الله مرت الحاله على خير بعد يومين بتربين بطلق صناعي وطبعا تجهزت علشان اطلع من المستشفىوانا اسولف مع ريلي احس بالالم قوي تحت قلبي كذا فوق بطني

قلت وشفيه ولدي يرفسني كذا جابوا جهاز لقياس نبض الجنين
واللى طلع معاي طلق والمصيبه ورا بعض بغيت اموووت
الالم غير طبيعي جاتني رزفي (دكتوره ) تركض واكشفت الرحم عندي ماينفتح وطلق ورا بعض
قالتلي تسمعين نصيحتي وقعي على قيصري انا من الالم اخذت الاوراق ووقعت
وطيران فيني على العمليات دخلوني الغرفه تخرعت بديت اصيح وارتجف
جاني دكتور التخدير (دكتور سعد ) وقالي بعطيج ابرة الظهر
رفضت وبشده قلتله بعد ماشفت الغرفه مستحيل والله خايفه قالي خلاص وجهزوني للعمليه
جابولي خبيره اللى تحط قسطره للبول ماشاء الله متى حطته لي ومتى شلته مااادريت
تقولي اخذ نفس وتعد 123 وتدخل الانبوبه وانا موقفه النفس وخلتني اخذ نفس طويل واسحبت الانبوبه
و لا حسيت

وخدروني وصحيت بضبط اول ماخلصوا العمليه وصرخت صراخ من الالم لدرجه صوتي راح ومن الالم حسيت الفرحه ماتت بقلبي وعطوني ابرة تسكن الالم ونامت كانت ساعه 10 بالليل
ريلي يقولي 20 دقيقه واللى ولدي خالد طالع لهم
وانا ماخذيني لغرفه
والصباح جاوا النيرسات وشلوا عني المغذي غسلولي وجهي وفرشولي اسناني ههههههههههه
وعلموني كيف اجلس واقوم وامشي كله بالحساب والعد وطريقه التنفس اذا ابي اقوم علشان ماااحس بالالم الجرح وكيف ادخل الحمام واستخدم المرحاض من غير الم
كانوا دائما جمبي مايخلوني كلش

والحمد الله

3 يوم كنت امشي وظهري مستقيم
وكانوا ينصحوني ماستخدم مسكانات لانها كلها مؤقته
كانوا ينصحوني امشي واحرك جسمي هذا هو الحل الوحيد اللى بيخلي الجرح
يتلائم بسرعه
جابولي خالد ضميته وبوسته
انقهرت الكل شافه وانا امه اخر وحده تشوفه

رابع يوم افتحوا لي مكان الخياطه ونظفوه والحمد الله الف مره ماكان يبين شئ وجرح نظيف
عطوني مطهر البيتادين ومرهم للجرح وصوني اخلي الجرح نظيف مااعرق في هذا المكان وانشفه دائما


موقف اللى راح تضحكون عليه
يوم الرابع بالليل مهب جايني نوم وكانت نفسيتي تعبانه ابي اطلع اروح لبيتي
كذا على فجريه اسمع صوت وحده تصارخ وتصيح طلبت النيرس
قلت ويش صاير قالت وحده جيبينها لولاده المصيبه هي تصارخ وانا احس بالالم في مكان الجرح
واتذكر الطلق اللى جاني بغيت اموت صحت وقلت لنيرس ابي اطلع لحين وجلست اتصل في ريلي
من الخرعه وحسيت بودوني بيولدوني مره ثانيه هههههههه

بالاخير تدرون اللى جابتلي الوجع اطلعت من

عروس اغسطس ههههههههههههههه

ثاني يوم ريلي طلعني من المستشفى شافني اصيح وهو عارف نفسيتي زفت صايره
الله يقطع ابليسها خرعتني وجابتلي حاله

بعد 20 يوم رحت لموعد لدكتوره تفاجاءت تقولي انا كان فيني
تسمم الحمل وضغط والزلال يوم جاني الطلق

كان الجنين بيموت وانا كان بيجيني تشنجات وجلطه في المخ وقالتلي لو قلتلج من الخوف
كنتي بتتعبين وبيرتفع الضغط وراح تتعبين اكثر لذلك المسكينه دخلتني المستشفى
ومخلتني اطلع
والحمد الله الله كتبلي عمر جديد وخالد بحضني

وشئ الوحيد اللى تحسفت عليه اني مارضعت ولدي طبيعي
ماجا حليب في صدري اللى يوم 7 تقريبا وولدي كان تعود على صناعي
مايمص صدري يعافيه ويصيح وحرمته من الصناعي ولا في فائده
كسر خاطري وهو يصيح ياقلبي
وانا ريحتي ريحه من الحلبه
لحين صدري نشف ماافيه حليب

هذا الشئ الوحيد اللى الى الان قلبي معورني عليه

الله يطرح فيهم البركه ويرزق اللي عندها بنات اولاد واللي عندها اولاد بنات..

الله يعطيكم العافيه..

هلا وغلا بأحلى امهات
شلونكم وحشتوووووووووووووني
انا مو مطولة الحين لأن جواد عندي ويتقلب بالنومة،،،الحمدلله على سلامتكم
ليلة عرسي وشهد شخباركم،،ااااااااااااااه ذكرتوني بالعملية وعوار العملية
انا قصتي قصة بقولها لكم بعدين انشالله على رواق
يالله جواد قعد بدخل لكم بعدين

ليلة عرسي
شهد
الحمدلله على سلامتكم وسلامه اطفالكم

كتكوته نايمة
ياله شدي حيلك وخبريا بقصتك وان شالله تكون ولادة سهلة يارب

ام جواد صراحه خوفتوني كلكم بعملية ياله انتظر قصتك

وان شالله اقولكم على قصتي بس لسى بعدني بالاسبوع 36
والله يسلها على الجميع

يا والدين
مايصير كذا شوقتونا خلي انعرف قصصكم اتسويلنا دعم معنوي

واللة يباركلكم بذريتكم انشاء اللة

شهوده حبي الله نجاكي من الشر الحمدلله على سلامة خلود ..
عيل طلعت عروس اغسطس؟؟؟ بس لهلدرجه الصوت يبين عندك؟؟؟؟:sad:

اقولج شهوده انا القسطره لما دخلوها ماحسيت فيها كثر مابعدين شوفي انا لاني نطرت وايد انتي حطوها لج ودخلوج تولدين
ماحسيتي فيه...

دوده والعهد حياكم الله....

كتكوته نايمه يالله الله يسهل عليج....

الله يسلمكم يالغاليات

ليلة عرسي انا سمعت صوتها وهي مودينها لولاده
مهب وهي في غرفه الولاده

وماعرفت انها عروس اغسطس اللى صباح يوم ارسلت لها المسج
فديتها والله

عن القسطره فديتج انا يوم يسون لي تحليل الزلال يدخلون فيني القسطره
وفي العمليه بعد وكنت اسمع عن الالم القسطره وايد كنت خايفه
ولكن لقيت ايدها خفيفه وايد ماتحسين
وطريقتها اللى علمتني عليه في اخذ النفي وايد سهلت علي

يابنت الحلال الاهم احنا قمنا بالسلامه وكتاكيتنا في احضانا

الله يعينكم حبايبي ..

انا ما جربت العمليه .. لاني جبت ولدي محمد طبيعي .. وان شاء الله ادعولي اربي طبيعي هاي المرة ...

بس والله حاسه فيكم ...

ترا الطبيعي مو احسن عن القيصريه وقت العمليه تطلع روحج اليما اطلعين راس البيبي ...

بس مثل ما قالت الغالية ليلة عرسي عشان شوفت البيبي ... وسماع صوته اول مرة وهو يصيح ...

والي ينسيج الويع كله .. والتعب والعمليه والخياطه يوم يحطون البيبي اول مرة على صدرج ... لحظات تجنن تهبل تخبل .. شعور لا يوصف

هلالالالالالالالالالالالابكل حبيبات قلبي

ومبروك التجمع اليديد...

انا كتبت قصة ولادتي في التجمع السابق

شو رايكم...بعد ماتنتهون من قصص ولاداتكم...نبدا في المفيد...

كل وحده تخبرنا عن نتائج كل اللي جربته مع طفلها...

مثلا : للغازات شو استعملت؟
للامساك والاسهال؟
الاشياء اللي اشتريتيها...قبل الولاده..شو استعملت منها..زشو العملي منها؟؟
نوعية الصابون اللي شفتيه زين لطفلك؟؟

واستله كثيره من هذي ...وكل وحده حسب تجربتها؟؟؟


وبالنسبه لج...

الخياطه...الاهتمام بالصدر(الرضاعه)
نوعية الرجيم اللي ناويه تتستعملينه...والرياضه
من اللي ناويه اتسافر في الصيف...وكيف راح تتصرفين مع البيبي...

.............الخ

هذي الاسئله اللي حضرتني...

ويالله همتكم ... نغي كل وحده تحط الاسئله من خلال تجربتها سواء ناجحه او لا...

:salam:

ياهلا حبايبي انا بقول لكم شنو استفدت منه
انا مثل ماقلت لكم الدوا اللي جابته لي رفيجتي من الامارات حق الغازات حسيته زين بس بعد ماي غريب زين اعطيه ملعقه صغيره مع ماي رقم 1 او نص اكثر الاوقات اعطيه بروحه لانه مايحب الماي وايد انا سالت الدكتور عن ماي غريب قال اوكي استخدميه وصج يفيد انا شفته انا من يوم صغيره امي تعطيني اكو كلنا كبرنا ومافينا شي الحمدلله.. وقبل كان فيه على ايامنا كحول مال لندن اصلي (r) الحين لان الكحول حرام شالوه حق منتجات الشرق الاوسط تقول امي اقول كله ترتاحون وتنامون تتخدرون طلع فيه كحول ههههههههههه الحين راحت على عيالنا ههههه ولا كان سكروا:cool2:

انا ولدي للحين كله فيه مثل الاسهال من حليبي انا اعطيه حليبي وحليب صناعي الحمدلله الله سمع دعائي اني ابي اشربه ال2 صج ينام على صدري وايد لما اشربه بس على قولة امي لو مره وحده يشرب من صدرج بعد زين بس انا احاول انسق ومرات اشفط له ولاني ما اكل عدل ومو مهتمه بنفسي عدل مرات يطلع شوي حليب احاول اكل اشيا مفيده بس مافي وقت اتفرغ لنفسي لما احصل لي فرصه انام او اطلع الصاله اغير جو.. بس صج طول اليوم معاه ماترتاحين الا قعد يبي رضعه.. الله بس يهديه اكثر واقدر اتفرغ لنفسي ماقدر كللللش اتسبح او اعدل نفسي الا بنص السالفه قعد المشكله الخدامه ماحب اعطيها الياهل وخاصه ان خدامتي جديده واثيوبيه وماتعرف عربي ولا انجليزي فبنطر الفلبينيه بعد فتره باخذها من بيت اهل ريلي عالاقل تفهم هذيك هذي حارقه اعصابي من الغباء..يادوب بس تنظف وزين منها وكله من وره خشمها جاييين من جنقل شعرفهم يشتغلون..:down:
اما عن الثياب اللي شريتها لعلاوي طبعا ماقول لكم مال اول ايام اوكي نيو بورن بس طبعا اللي خذتهم اب تو 3 منث مال ماركس اند سبنسر هذول خليهم على الله كبار ووليدي 3 كيلو نتفه ف طلعوا وايد كبار رحت بيبي شوب شريت له ...

اما عن المشكله الكبرى عندي هي الحفاظات اخذ له بامبرز رقم 1 اللي من 2 الى 5 كيلو كبار عليه بس الحين زينيين شوي المشكله الكبرى هي......<<<<<<الله يعزكم البول يطلع من الحفاظه>>>

:cry: يعني مرات اقول لازم اسكرها عدل ومرات اقول لا يمكن من الظهر يطلع ف ارفع الحفاظه فوووق عشان مايتسرب ومرات اقول من الكراكيش اللي عالجنبين احاول مايكون اي شي منها داخل عشان مايتسرب وبعد يتسرب مسكين اشوفه يصيح اعرف انه متبلل شسووووي؟ اختي تقول لي هي استخدمت اكثر الحفاظات تقول احسن شي بامبرز وانا اشوفه مايفيدني مرات اقول لانه ولد ف لما يبي يبول يكونالعضو عنده على فوق ف امي قالت لي حاولي تنزلينه لما تسكرين الحفاظه واسويها وبعد مافي فايده ...
اما عن الكريمات والشامبو مالة سيباميد اشوفها وايد زينه وخاصه الكريم اكسترا سوفت ..


اما عن نفسي.....

انا صدري وايد يحكني قبل وبعد الولاده ماعرف ليش لدرجه اني بس ابي اهرشه يعني حكة حساسيه عطتني الدكتورة كريم كانت معطتني اياه ادلك فيه صدري ايام الحمل وتقول كله اشيا طبيعيه حتى لو نسيتي ورضعتي ولدج مايضره بس مافادني ماعرف شفيني بهالحكه
واما عن الرجيم انا ااصلا ماكل عيش(رز) ولا اكل دهني لان اصلا ماعندي وقت احس يعني يادوب اكل على قدي ونزلت للحين بس8 كيلو باقيلي تتخيلون كم؟؟ 10 كيلو عشان ارد مثل قبل الحمل..يقولون لاتستعجلين بينزلون بس انا بعد اخاف انا قلت لين شهر 8 مانزلت بشترك بدايت سنتر احسنلي واصلا انا بنقل بيتي المفروض قريب( ياهلبيت اللي مانقلت فيه للحين صاير لي سنه ابي انقل بس الكهربا ماجات ) ف اتخيل لما انقل بعد بتعب
الدكتوره قالت لي العبي رياضه بعد ال40 يوم بالضبط عادي بس اهم شي تخلصين ال40
انا ماحس نفسي بنفاس لان اصلا مانزل علي دم لان القيصريه ماينزل دم وايد شوووي وكل يومين شوي وعلى خفيف لو ينزل وماسوي شي من اللي يقولونه وانا قلته قبل بسويه كه لابسه كت وخفيف وبدون صروال على قولة امي تخرعني تقول بتندمين كل عهضامتج تسحب هوا بكره كل حياتج جسمج يعورج اساسا انا عظامتي تعورني بدون شي بس ماعندي وقت اهتم بنفسي احس كله مع البيبي مايمديني كلش..ولا اكل حار ولا اشرب ساخن كله بارد واشيا بارده يعني الله يستر يقولون مب زين بيسويلج روماتزم اعوذ بالله... انا اتوكل على الله واقول ان شاء الله مايصير شي بس اللي حسيت فيه صج رجولي كله تعورني هاليومين عطتني الدكتورة فيتامين( زنك مغنيسيوم وكالسيوم مع بعض) وعطتني فيتامينات مالتي فيتامين الخضراوات عشان ماكل عدل واشرب عصيرات وايد...

صدري صاير كبير نوعا ما ونازل شوي ولين تقولي امي مال الرضاعه..
بلعب رياضه ان شاء الله بعد الا40 بسويلي نشاط معين بالبيت حاليا لما تجي الخدامه مالتي عشان اعتمد عليها شوي...
اما عن السفره ان شاء الله بسافر المانيا بإذن الله بس بشهر 9 ان شاء الله الله يسهل بس...بروح مع خواتي عالاقل استجمام وبراد مب هني الحمدلله على كل حال الحر مطفشنا...
هذي سوالفي وانا ادري تقولون الحين ماعندها وقت تقول وداشه النت لاني زهقت من الروتين قلت ادش بس بطلع الحين برقد وراي كل ساعتين قومه
سلامي للجميع

مراحب الغاليات وأمهات يونيو ^_^

اول شي سلامي على الكل اللي ربوا واللي ان شاء الله يربون قريب ..
وثاني شي مشكووورة ليلة عرسي لأنج فتحتي هالموضوع عشان نعرض تجاربنا ونستفيد
مثل ما استفدنا فترة الحمل ..
..

قصة ولادتي
_________


طبعا أنا كان محدد موعد ولادتي من الالتراساوند في 2-6-2006 ومن الدكتورة 3-6-2006
وعدوا الموعدين ومافي لا حس ولا خبر كأني قالب ثلج على قد ما مشيت وشربت قرفة
حتى ماي ورد مع زعفران شربت لكن مثل ما اقول لكم ابد مافي لا حس ولا خبر .. باااردة

كلمت الدكتورة قلت لها الموعدين مروا ومافي اي شي .. طلبت اني اروح لها عشان تكشفني
واتشوف يمكن متوسعة ومافيني الم .. اكشفتني وما لقت اي توسع ..
قالت لي اروح اسوي التراساوند عند مريم سلمان واشوف وزن البيبي اذا كان اكثر من الحد
المطلوب وقتها بيعطوني طلق صناعي ..

وكان اليوم الموعود رحت سويت التراساوند وطلعت النتيجة ان وزن البيبي اكثر من الحد المطلوب
خذت التقارير ورحت للدكتورة على طول وحددت لي اليوم اللي بعده الصبح طلق صناعي ..

طبعا رجعت البيت وانا كلي خوف من الطلق الصناعي ولكن بنفس الوقت مستانسة لأن خلاص
بشوف ولدي فديته ..

وفي هاليوم ما خليت شي من محفزات الطلق ما شربته وتميت امشي لين ما تكسرت ارجولي
من المشي في هالحر والرطوبة يا عزالي ههههه لين في الاخير توصلت لقرار نهائي وهو
اني اشرب الخروع ومن المعروف ان شرب الخروع يجيب الطلق ومرات ما يسوي شي قلت بجرب
وقبل ما اجرب دقيت على الدكتورة وطمنتني وقالت لي خذي الخروع عادي ..

شربت الخروع بعد ما تعشيت الساعه 11 بالليل .. <<< شوفوا حضرتها متى متعشية ^_^
وطلعت شوي تمشيت مع ريلي بالكورنيش لين 12 ونص رجعت البيت حسيت اني ابغي
استخدم الريست رووم وانتم بالكرامه .. ^_^

الساعه 1 ونص قررت اني انام عشان بكرته عندي طلق صناعي وكرف الله يعين ..
حاولت انام ما قدرت انام على جمبي اليمين مب قادرة انام على جمبي اليسار مب قادرة
انام على ظهري يصيدني ضيق تنفس لا حول ولا قوة الا بالله طيب ايش اسوي الحين
واحس بألم في نهاية ظهري مززززعجني ..

واقوم كل شوي على الحمام الله يعزكم مافي فايدة ما يروح الالم .. ياربي ليش هالالم
ابغي انام وارتاح وراي قومة 6 الصبح طلق صناعي ..

حطيت راسي على المخدة وقلت ياااااااارب بس خمس دقايق تغمض عيوني وراي طلق صناعي هههه
والله فعلا ما نمت 5 دقايق الا وشي ينصب صب وبغزاااااااره يااااااا سااااااتر الماي نزل
واقوم زوجي قوووم ولادة ولادة هههههههه فرحانه الاخت خلاص بتربي طبيعي

وأدق على الوالدة ياللا قوووومي ولادة الماي نزل ..
طبعا هذا كلة الساعه 3 الا ربع ..

وصلت المستشفى الأهلي الله يجزاهم كل خير على مساعداتهم ووقفتهم مع المرضى ..
وجات الدكتورة المناوبة تشوف من متوسعه لقتني سانتي ونص بس ههههههههههههه
وراي مشوار طويل وانا بديت احس بألم يروح ويرد ويزيد كل 5 دقايق

شوي شوي بدا صوتي يعلا هههههههه حتى انا مستغربة من نفسي كنت اقول اني
مو من النوع اللي بيصرخ ولكن حساباتي طلعت كلها غلط وتوقعاتي كلها خربوووووطة
ووصلت لمرحلة خلااااااااااااص ماقدرت اتحمل كشفت علي دكتورتي لقتني متوسعة 4 سانتي

هنيه طلعوني لغرفة الولادة وكانت الوالدة وزوجي معاي منتظرين بغرفة الولادة مو بالانتظار
وانا طلبت انهم يكونون الاثنين معاي عشان يشجعوني ويدعون لي ويساندوني وجودهم كان
مهم بصراحة ..

وعلى قولة شهد هههههههههههه سمعتني وانا اطلق مسكينة تخرعت
معليه شهد حقج علي ههههههههه
..

طبعا معاناة مع الم الطلق اللي يعصر الجسم كله عصاااار ويكسر الضلوع ..
ما قدرت اتحمل طلبت ابرة الظهر بعد معارضة من الوالدة ومني لكن مثل ما قلت لكم
توقعاتي كلها خربوووطة .. وطبعا لما طلبت الابرة الدكتور سعد مو موجووووووود
دقوا علي وخذ تقريبا ساعة ونص لين حضر المستشفى وعطاني الابرة كانت تقريبا 9 وربع
الصبح .. بس ما شاء الله عليه يده خفيفة وما حسيت في ايييييييي شي ابد ابد ابد
..

اول ما عطوني الابرة يا سلااااااااااااااااااااام راحة تامة رااااااااااح الالم وكل التعب
وما صارت الساعة 10 الاربع الا انا وااااااالدة الحمدلله شفت ولدي وهم يطلعونه
ابتسمت براااااااحة الحمدلله وقطيت نفسي على المخدة هههههههههههه
كأني مخلصة سباق سبحانك يارب تجربة مو طبيعية والله
..

وجبت الشيخ عبدالعزيز حفظه الله ورعاه ولي العهد ^_^
الله يخليه لي ويخليلكم عيالكم ..

والحين ولدي قام لي عودة لإستكمال التجربة ما بعد الولادة

^_^

مراحب الغاليات من جديد ^_^

بخصوص تجربتي بعد الولادة :

بالنسبة للبيبي :

جات فترة ولدي تعب من الغازات بس كنت اعطيه
دوا الاعشاب البابونج وكان يريحه ويطرد عنه الغازات
ومرات ماي مع سكر نبات ( القند ) بعد يطرد له الغازات
..
اما بخصوص الاسهال والامساك الحمدلله لحد الحين ما وصل
لهالمرحلة يعني الاستفراغ عنده طبيعي بعد الرضعات ..
..
الاشياء اللي اشتريتها كلها استخدمتها الحمدلله توفقت
في مشترياتي ما تركت ولا شي كل شي استعملته ومازلت
وبديت اشتري سايز أكبر من ناحية اللبس والحفاضة بعد

اما عن ادوات الاستحمام الشامبو والصابون استعملت
سيبا ميد جزاها الله خير ليلة عرسي انصحتنا بهم
والحمدلله مناسبين لبشرة ولدي ..

استعملت سادو كريم حق التهاب الحفاظ وايد زين وناسب
ولدي ما سبب له اي اضرار واستعملت له ميكوستاتن
كريم لأنه صاده طفح جلدي بسيط وهالكريم طيب الطفح
في نفس اليوم الحمدلله .. انصحكم بهالكريمين لأنهم احسن
نوعين ..

بخصوص نوع الحليب الصناعي استعمل له ابتاميل وايد
زين ومشابه لحليب الأم مافيه سكر وخفيف على المعده
ينام بعد الرضعة مرتاح الحمدلله .. بعكس سميلاك كان
يتعبه وايد بالغازات وفيه سكر ..
__________________________

اما بخصوصي انا ..

الغرز طبعا مؤلمة في اول اسبوع ومن بعدها يبدأ الألم يخف
مع الوقت .. بالنسبة للحركة تحركت من اول يوم ولادة في
الغرفة وهالشي سهل علي وايد اني اطيب بسرعة واوقف
على حيلي مثل قبل ..
الشي اللي تعبت منه صادني امساك ما بعد الولادة وهالشي
معروف عن اكثر الحريم اللي يولدون وخاصة اني كنت اخذ
حديد والحديد يمسك البطن اكثر واكثر ويتعب .. اضطريت
اخذ حديد لأن همجلوبيني نقص وايد الى 8 والسبب النزيف
وقت الولادة كان زايد ..
اما الرضاعة الطبيعية الحمدلله رب العالمين رضعت ولدي
من اول يوم ولادة وتعود علي بس استخدم الرضعة الصناعية
في الاوفات اللي ما اقدر ارضعه طبيعي فيها ونادرة ..

الشي اللي فادني وايد وقوا جسمي اني جبت لي مساده
تمسدني لمدة اسبوع رجعت لي الرحم مكانه وطلعت الغازات
والهوا اللي بجسمي كله وبدا جسمي يرجع نفس قبل الحمل
نقصت من وزني 15 كيلو وباقي 5 كيلو انزلهم عشان ارجع
وزني يوم انا بنووته ^_^ يااااارب يا معين ..

والحمدلله رب العالمين على كل حال ..
الحين انا كملت شهر وباقي لي ال10 ايام واخلص النفاس
يالله بالحياة : )
..

وأبشركم بسافر على بداية شهر 8 ان شاء الله
بروح لبنان اغير جو شوي عقبالكم يا حلوات

^_^

مرحبا يا بنات الرابطه وينكم؟؟؟ خلاص تعبتوا انا اخباري ترا تعبت وايد ماعندي وقت ادش النت كلش بس دشيت اشوفكم واسال عنكم طلعتوا اصلا مب مفتكرين هههههههههه:qaq:

[grade="00BFFF 4169E1 0000FF"]السلام عليكم
اشلونكم بنات والله وحشتوني
ابي اسولف معاكم بس ما عندي وقت
زهقت والله تبديل حفاظات ورضاعه
بس يهبل الله يخليه ويخلي لكم عيالكم
يلا مع السلامة قام يصيح[/grade]

مراحب الغاليات ..

هااااااااا اشوفكم انشغلتوا الله يرحم ايام زمان ايام الراحة نص نص ههههههه
مووون الله يخلي لج الصغنون فديته .. ^_^

[grade="00BFFF 4169E1 0000FF"]السلام عليكم
مرحبا بنات اشلونكم واشلون الصغار
باين ان ما في ولا وحده عندها وقت والدليل اني ادور
على الموضوع ولقيته في صفحات متأخرة
الله يعينكم يا رب ويخلي لكم عيالكم
بس حبيت اسال عنكم لأنكم وحشتوني
انا رايحه ولدي قعد من النوم
بس عندي سؤال سريع يا بنات يا ليت تجاوبوني
ولدي لما ارضعه طبيعي ما يشبع كميه الحليب في
صدري قليلة جدا ويتم يصييح لما اعطيه الصناعي
ما خليت رهش ما كلته وخلصت عيش الدوحة والفواكه
حتى الحلبه ما سوت لي شي ... في رايكم شنو الحل
لأن ولدي شوي شوي صار يعتمد على الصناعي واخاف ينسى الطبيعي
يلا حبيباتي اخليكم الحين
مع السلامة [/grade]

مراحب الغالية ..

كلي جوز " يوز " واشربي عصاير وايد وحليب ..
والله كريم .. عموما المص هو اللي يزيد الحليب .. حاولي معاه ..

وااااااااااااااااااااااي

تعبت خلااااااااااااااص من سالفة الرضاعه والحفاظات

وغيرررررررررر ابي انظم الرضعه كل ساعتين ونص ومهب راضي الاخ
اخاف يدخل ولدي شهر الثالث وللحين ماقدرت انظم اكله كل ثلاث ساعات

الله يعيييييييييييييييييييييين

وحشتوني وااااااااااايد ولكن ماعندي وقت احك راسي
الله يعين

عروس اغسطس اخبار عزوزي فديته