الجزء الثامــــ8ـــــــــــــن من تجهيزات عرايس قطر 2006

بنات أرجو الالتزام بالقوااااانين التاليه عشان ماينحذف الموضوع ...احنا في الجزء السابع خذنا راحتنا شوي بس اتمنى ان خلاص نلتزم عشان نحافظ على هالموضوع الحلو الي جمعنا ...يعني لاارقام تلفونات ولامواضيع جانبيه ولاصور بدون تظليل ... واقروا هالقوانين نسختها لكم ........

[frame="7 80"]المواضيع التي تأخذ صفة الموسوعات أو القواميس أو التي يتم فيها تبادل المعلومات او الإستفسارات الخاصه ببلد ما , نرجو فيها الالتزام بالنقاط التالية :

1- أن تكون صاحبة الموضوع المسؤولة الأولى عن مجرى الموضوع
وأن تتعاون مع مشرفات الركن في التبليغ عن أي رد يخالف قوانين
الركن
2- عدم الدخول في دردشات جانبية والخروج عن مضمون الموضوع
3- يغلق الموضوع تلقائيا عند وصول عدد الردود الى 500 رد
4-لامانع من ذكر اسماء المحلات
5- يمنع وضع ارقام الهواتف او البريد الالكتروني على العام
6-سيتم اغلاق اي موضوع يخالف الشروط اعلاه دون ابلاغ صاحبته[/frame]


ومبروك عليكم الجزء الثامن وحياالله أي عروس جديده تبي تجهز معانا ............

هلاااااااااااااااااا بالغلا واللهــ (( بنت الغالي )) :shy: ....



تسلميييييين حبووووبهـ على الموضوع والجهد الملحوظ :smile:


ماقووول غير اللهـ يعطيج الصحهــ والعاافيهـ يااااااارب :yes:



والصـــــراحهـ يشرفني إني أكوووون أووول المشاركين :o وننتظـــر البقيه إن شاء الله



وألفــ ألفــ مبروووك لكل عروس عرست :shy: وبالمباااارك مقدما لكل وحده عرسها قرب



والفاااااااااااااااال للبقيه إن شاء اللهــ :smile:



ومبرووووك علي انا بعد لأني عرووس وياكم :shy: ههههههههه بس باقي على عرسي (r)


وبالنهااااااااااااااااااااايهـ اتمنى التوفيق للجميع



إن شاء اللهـ :bigsmile:




وألفــ شكر لج مرهـ ثانيه يالغلا يابنت الغالي :up:

كلللوووووووووووووووووش


الف الف مبروك عالجزء الثامن بنات

كل جزء واحنا بصحه وسلامه وجمال وعنايه خخخخخ

بنت الغالي الله يحفظج جهد ونشاط ملحوظ حبيبتي

يالله بنات ولا وحده تشرد كلكم تعالو هني معانا يالله

الله الله بالشروط واللي تخالف نحبسها يومين ههههههه

حياكم معانا

مبروك الجزء الثامن

ومبروك لبرنسيسه قطر ..وميس انجر ..

والفال لباقي البنيات ..

ألف مبرووووووك الجزء الثامن
ذبحتوني وانا اقرا ردودكم في الجزء السابع الله يكثرها ان شاء الله

تايم آوت والبنفسج وبعد وحده ماذكر مين (ضيعت اسمها تدرون قرب العرس وماقمت اثبت وااايد)

بنااااااااات اللي يدورون ماركة كارولاين موجوده في مجمع البستان في السد وفي مركز الاساور او الاسرار مااذكر اسمه عدل في مجمع المناعي اللي فيه المتحجبه اللي مجابل مطعم فينيسيا

ادعولي عرسي مابقى عليه شي

هلا بنوتات

مبروك عليكم الجزء ال 8

عقبال الالف بعد المئة
خخخخخخخخخخخخ

وبخصوص ماركة كريولان الصراحه شيييييييييي
ثابتة وواضحه ماتحتاجين الا شوي من الاي شدو وتحسينه واضح

واغلب الاشياء مائية يعني تستخدمونها مع الماي

عرايس ترا هالفترة اغلب المحلات مسويين سيل يعني اللي تبي تاخذ اشياء وملابس بيت تستغل السيل

واليوم كنت في رويال بلازا شفت بودي شوب مسويين عرض اونه اشتري ب 100 واسترد 20 ما ادري صج ولا خراط ودعاية

اللي تعرف ياليت تفيدنا

ماقلت لكم قمت اضيع
تايم آوت والبنفسج وبعد وحده ماذكر مين (ضيعت اسمها تدرون قرب العرس وماقمت اثبت وااايد)
حبايب قلبي مشكورين على النصيحه

ماشاء الله على بنات قطر

:)

الف مبروك الجزء الثامن وعقبال المليار


دوحانية ..
انا شارية فستان ناعم .. بس مب مقتنعة فيه
اتوقع اني باتم في بيت هلي لين المغرب او العشاء وعقب وبنطلع يمكن البس الفستان ذيه
اممممممممممم باشوف شلون

شموخ عنادي ..
وايد فرق الصراحة انا قبل لا احجز لفيت على كل المحلات وسويت مقارنة واللي يناسبني التصوير كله على بعضه كلفني حول 10000 لان الالبوم اضطريت اخذه ب 3500
بس بدون الالبوم ما يجي 6 الاف

حاولي معاهم لين ما يرجعونها ولا خليهم يصورونج حق الصباحية والهدية


مملكة النحل ..
الله يوفق رفيجتك يا رب ,, الفال لج
الحمد لله اللي حصلت فستان ..

قطر ..
اهلين لج وحشة ..
شوبان خالتي مسويه عندهم توزيعات بنتها .. يينن وايد حلو وعندهم كم نوع كافي ناوية اجيبه في العرس ان شاء الله
مدري بالنسبة للمجفف شوفي جورج اللي بكازا فلورا اذا يسوي .. اليوم رحت عنده احجز المسكة وشفته تنسيقة روعةةةةةةةةة

روح قطر .. :)
شوفي كاريولين ما جربت منه الا شغلة وحدة حطيتها قبل لا احط بودر
والاساس من كانيبو وطلع ويهي صافي وحلو

دلوعة ..
:)
تورك محل اكتشفته بالصدفة وانا امشي باخر زيارة لي للحساء بس ماقدرت اخذ راحتي كله زحمة
بس خذت لي بالتيه المكياج المائي مال بن ناي ب 350 وفي الدوحة ب 560 تقريبا

خخخخخخخخخخ تشققت يوم قريت كلامج عن لورين صراحة انا بعد طلعت روحها مللتها وانا اغير بالموديل بس احسن شي انها سلمته لي قبل الوقت يعني حمد لله مرتاحة من ناحيته

بالنسبة لي يا ريت اسويها بالليل رفيجتي سوت جي وارتاحت والله بس ما اعتقد هلي يرضون
بنت قطر ..
نفس ماقلت حق دوحانية .. الغذا بيكون في بيت ابوي فشكلي بالبسها الصبح والعصر بالبس الفستان
ليش ما تسوين كوشتج على ستايل مغربي
؟؟

شخباركم يابناااااااااااااااات
مبروك وعقبال الجزء المليون ان شاء الله واحنا عيايز(هههههههههه)

تدرون نو تايم تو ريد اول بيجزس في الجزء السابع

حبيت اطمنكم اني اكد حجزي حق المكياج مال الحنه والشعر وحق العرس طبعا والحنه والكوشه
والمسكه خلصت سالفتها

وبالنسبه حق كارولاين يوم كنت في البحرين قالي اللي يشتغل اهنيه ان في قطر اسعارهم اغلى بوايد من قطر

مبــــــــــــــــــــــــــــــــــــــــــــــــــــــــروك،،،،،،،

سبحان الله في كل جزء نودع عروسه يديده وندخلها القفص الذهبي ..

عقبال كل البنات وبالذات بنت الغالي الغالية علينا

السلام عليكم ورحمة الله وبركاته

بس أشتقت لكم ولسوالفكم الحلوه فقلت أمر و أسلم

والله يسر لكم أموركم ويوفقكم...

أختكم
حبر وورق

الله يبــــــــــــــــــاركــــ فيكم يابناتــــــــ


فديتكمــــــــ والله ......... الله لايحرمنا من بعض ويزيد بنات وعرايس بلادي والأمهات بعد :shy: :shy:


قطر : حبيبتي أكيد تقدرين تعيدين الردود ....... (f)

مبروك عليكم الجزء الـ 8 .. الله يزيد الأجزاء و يزيد العرايس و يبارك فيكم ..

دلع ..
عيزت هااا .. اشفتي اشلون يا بنيتي ..
فديتج ما بقى غير التصوير .. كلمت اليوم السودانية اللي قلت لكم عنها قبل .. و هي من محل جولدن فوكس .. شفت أسعارهم .. حلوة يعني على اللي باطلبه إن شاء الله حطيت ميزانية 6000 ريال .. يعني لو أوفر الف أو 1500 يكون أوكي ..
إن شاء الله باجر باروح لهم بادفع العربون ..

مشكوووووورة مليوون على فكرة البطاقات .. سويت مثلج و أحسها عملية وايد ..

..

كلاسيك ..
اممم لبسي الفستان اللي شاريته ..

..

* المعرس .. اشلون يجهز نفسه ؟ شياخذ له و شيشتري له ؟

** المكياج المائي : خذت من عند أم شهد الله يذكرها بالخير .. من ماركة كرايولان و بن ناي و ما كلفني المكياج 2000 ريال .. طبعاً ما خذت كل حاجة .. ( باليتات شادو - باليتة أرواج - كونسيلر درجات - بيس - كيك لاينر - بودرة بن ناي ) .. بس نصيحة هالماركات حلوة للمناسبات أكثر لكنها ثقيلة وايد .. فيبي لها توزيع عدل + خبرة لو بسيطة في المكياج ..

فأنا أنصحكم للعرس مب شرط تاخذون مائي .. اخذوا باليتة الشادو العادية .. في ماركات عادية بس حلوة تصلح للإستخدام اليومي .. و ميزتها إنها تعمر وايد ..

..

باحط لكم رد فيه قايمة العروس + قايمة المكياج ,,, بس خلني أدورهم : )

برب

دوحانيه

حلوه النقطه هذي محد تكلم فيها ابد

المعرس شلون يجهز نفسه


اول شي طبعا بيفصل له ثياب

بيشتري جم نعال وغتر وجواتي اذا يلبس

على جم زار وقلم ومسباح مثلا

ساعات امممم ملابس داخليه فنايل وصراويل خخخخخخخ

وجلابيات حق البيت واذا بيدلعج يلبس بيجامات هع هع

اممممم وطبعا عطور ودهن العود

غير طقم ازره ونعال وغتره حق يوم العرس

+البشت لاينساه وتتوهقون


وطبعا ماينسى يشتري حق العروس طقم الماس نعوم مثلا مع ساعه هدية الصباحيه

قائمة العروس
الحجوزات :
الكوشة
التصوير
الشعر
المكياج
الحنا
المسكة
الطاولات
الفرقة
الدي جي

الشراء
حذاء الفستان
ملابس ( سبورات - داخلية - نوم )
مفرش
طقم للحمام ( إختياري )
فوط للإستخدام اليومي .
شنط ( يد - مكياج - سفر )
أحذية
عطورات ( شرقية و غربية // عود + بخور + مخلطات + عطورات بخاخ )
الذهب .
ساعات
مكياج ( لا تنسون الفرش )
إكسسوارات للشعر و الزينة .
مشد للعرس .
جلابيات جاهزة .
سشوار
ماكينة حف .
مدخنين واحد كبير عادي و الثاني صغير
مبخرة
ولاعة الفحم ( ضرورية )

التفصيل
الفستان
جلابيات
العبايات و الشيل .
تنانير
فساتين ( يكتفى بإثنين للصباحية + الهدية )

التجهيزات الأخرى :
العناية بالبشرة
العناية بالشعر
العناية بالجسم
العناية بالأسنان ( مهم )
الحف
حمام مغربي
تنظيف بشرة
مانيكير و باديكير
علاج للجلد ( على حسب )
إعداد قائمة المعازيم
إختيار البطاقات
تحديد الضيافة و التوزيعات

المشتريات الأخرى :
كير فري / سيتيل ( الغسول الحميمي )
فوط صحية
فرش أسنان + المعجون + غسول للفم + مبيض .
شاور جل + شامبو + حمام زيت .
أدوات خياطة صغيرة .
بندول
لزقة جروح
مناديل معطرة
انتي باكتيريال ( سائل التعقيم )
لبان ( اكسترا أحسن شي )
منعّش للفم .
ليفة
مناديل عادية صغيرة .
فحم .
علاليق ثياب .
كريمات العناية ( اللي متعودين تستخدمونها )



ردود مهمة لكل عروس ( أتمنى إنكم تنسخونها في ملف وورد بدال ما نكررها كل مرة ) :

إعداد حقيبة الفندق ( للي بتبات في فندق ) ,, رد الأخت / أحلى أم الله يحفظها

حقيبة السفر .. رد الأخت / أحلى أم

مستلزمات حقيبة شهر العسل ,,, رد الأخت / بنت الغالي الله يحفظها

رد للأخت / من الإمارات .. بخصوص شنطة السفر و شنطة الفندق

و هذا رد أم شيوخ الله يحفظها بعد عن تجهيز الشنطة

..

طبعاً هالقائمة كتبتها من عندي و شي من ذاكرتي ,,, فسامحونا على القصور ..
و إن نسيت شي ذكرونا به ..
و بخصوص قائمة المكياج بادورها لكم و باحطها في رد ثاني ..

((( رجاااااااااااااااءً رجاااااااااااااااااااءً خزنوا هالرد عندكم عشان ترجعون له كل مرة ,,, و أحسن من إن هالأشيا تضيع بين الردود و صعب نلقاها عقب )))

.
.

دعاؤكم في ظهر الغيب :gum:

*** أهم شي .. المصحف + الأذكار + سجادة و لبس الصلاة ..

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

دلع ..
مشكورة حبيبتي على الرد .. أذكر مرة قريت رد عاد مادري وين عن تجهيزات المعرس .. بس عيزت و أنا أدور .. <<-- تبي تطرشها حق ريلها لوول

بخصووووووووووووووووووووص بنااااااات قطر
الله يخلينا ولايفرقنا قولوا آمين
مبروك عليكم الجزء الثامن

وان شاء الله نطلع منه بـ 8 عرايس


بنت الغالي ومملكة النحل << الله يوفقها "اليوم حنة اخت رفيجتي ويوم الجمعه عرسها" مايندرى من البنت
مافي الا نحدد قاعة العرس لووووووووول

في وحده سألتني بخصوص الغسوول
انا كنت اقصد غسول المنطقه الحساسه بس البعض فهم الاسنان :)

بنوتات عطووني افكار ارتب السويت """بالفندق""""

مبروك عليكم الجزء الثامن يا احلى عراااايس

سحابه حب اشتري اوراق ورود صناعيه معطره من لايف ستايل تلقينهم بعلب شفافه تبين كنها طبيعيه روووعه وشموع مختلفه واذا حابه تسوين باقات ورد سويها باشكال غريبه واشتري الفراشات الكبيره والصغيره من لايف ستايل ودخليهم بين الورد يطلع شكلهم رهيب

ولا تنسين معطر الفراش والغرفه ... اممممم وبعد ما تفرشين الملحف عطريه وانثري عليه الورود ونوعي بالمخدات الصغيره وانثريهم حول السرير واخذي معاج كاسات للعصير ملونه وعليها ورود حركات بركات اممم وحلو لو تاخذين لج امتار من التور وتعفسينهم وتحطينهم على طاولة الطعام او على مغسلة الحمام الله يعزج او عند مدخل الباب وتنثرين عليه ورد مجفف او طبيعي

واترسي البانيو ماي وحطي بابلز وشور جيل علشان الرغوه وتقدرين تسوين لون الماي وردي مره شريت لي من لاش مثل الكوره ريحتها تجنن تسوي الماي لونه ورددي وانثري ورود بيضا كبيره

ترى تزيين الخله شي سهل وممتع

ولاتنسين تحطين كتيب ادعيه وسجادات الصلاه لج وله على جنب

وبعد ما تخلصين من تزيينها صوريها ولو بكاميرا الجوال بتظل ذكرى لكم طول العمر

عمري قطر ما قصرت أفكارها سهلة و حلوة ..

ممكن في الحمام الله يعزج .. تحطين الفوط الصغيرة اللي هي للوجه .. و تلفينها بشريطة ستان و فيها ورد طبيعي .. و توزعين شموع اللي تجي بكاسات و الشمع ملون داخلها .. تولعينها بس خليها شوي لا تطولين عشان ما تصير خنقة ..

بعد انتظري أفكار البنات ..

مرحبا بنات ..

حبيت أسلم عليكم واقولكم مبروك على الجزء الثامن مشاءالله عليكم بصراحه وايد استفدت وايد وايد منكم .. وبالاخص جهد بنت الغالي اللي محد ينكره وباقي الاخوات ..

وأظن ان شاءالله ان الجزء الثامن بيكون فاتحة خير علي شكله اليوم في حد متقدم لي :)

وإذا صار لي النصيب اكيد بحتاجكم معاي والحمدلله تعلمت منكم الكثير ..

واكيد احنا على تواصل دائم :)

بنات سؤال سخيف لكن في بالي العروس تاخذ معاها الجوال ولا تسكره وتقطه في بيت ابوها لين ثاني يوم :)