بنات الامارات - منتديات عروس

b

bride2004

عروس مشاركة

28-06-2006 | 06:54 PM

لو سمحتوا يا بنات ابغي محلات تبيع ملابس لبعد الولاده بس تكون راقيه

ا

الشاااامسية

عروس جديدة

30-06-2006 | 05:45 PM

في دبي في محل أسمه ( الكشخه ) قريب مركز بوهيل .... شوفيهم وأنشالله بتحصلين عندهم اللي تبينه

b

bride2004

عروس مشاركة

03-07-2006 | 01:13 PM

مشكوره يا الشامسيه اعرف هالمحل بغيت محلات ثانيه

r

rose_rose7788

عروس ماسية

03-07-2006 | 01:22 PM

اممممممممم مذركير ونعومي ..... وعندج راجوا بلازا

وانشاء الله الباقي بيفيدونج .....

رووووووووز

ع

عروس جميرا

عروس مشرقة

03-07-2006 | 02:20 PM

مرحبا اختي الغالية .....

ماادري هل تقصدين ملابس او القمصان اللي تقدرين تلبسيهن في المستشفي او ملابس عاديه ....

إذا ملابس المستشفي عندج محل في فريج المرر يسويلج قمصان راقيه ومن عنده الدانيل والليس ..

واذا تبين اتيبين من عندج احسن بيكون من ذوقج ......

وعندج محل في بردبي ... سكة الخياييط يبيع قمصان النوم وشغله حلو بس على مااذكر غالي

اشويه .....

وعن الجلاليب عندج محل في مركز البستان .. اتي الجلابيه على موديل الفراشه...

اتمني ان افدج

b

bride2004

عروس مشاركة

03-07-2006 | 02:45 PM

عروس جميرا الغاليه شو اسم الخياط الي في فريج المرر اوصفيلي مكانه بالضبط تراني مب من دبي

U

U.a.E-lOvE

عروس متألقة

03-07-2006 | 04:11 PM

حياج ختيه ..

ختيه أنا أعرف محل ف العين مول وله فرع فأبوظبي و دبي بس ما أعرف أسمائهن

تقدرين تتصلين بالمحل اللي ف العين مول و بيعطونج الأسماء

هالمحل اسمه بمبيني .. رووووووعة

كل الأشياء اللي عندهم ماركات إيطالية فريّ و موسكينو و بمبنينو و هالأشياء

روعة روعة روعة و للأطفال

وإذا قدرت إن شاء الله بييبلج اسمه اللي فأبوظبي بس اللي فدبي ما طاعت راعية المحل تخبرني عشان ما اسير عندهم ههههههه

b

bride2004

عروس مشاركة

03-07-2006 | 08:46 PM

اذا قدرتي الغاليه اتيبيلي الاسماء الي في دبي وبوظبي عشان اسير اشوف شو اسعارهم ؟

U

U.a.E-lOvE

عروس متألقة

04-07-2006 | 11:13 AM

أسعارهم شوي غالية بس ماركات إيطالية معروفة

و بتخبر عن اسمائهن ..

لي رجعه

ع

عروس جميرا

عروس مشرقة

04-07-2006 | 12:03 PM

bride2004 ... فاج طيب ادليج مكانه .....

اسم المحل: الريف للخياطه

موقعه: فريج المرر - ديره

اذا كنت يايه من طريق نفق الشندغة (شارع حياه ريجنسي) كملي سيده لين الدوار قبل الدوار لفي يسار ... كانج سايره سوق نايف او المرقبات ... خليج على لاين اليسار بتحصلين اشاره من بعد الاشاره لفي يسار مب اول لفه خذي اللفه اللي بتدويج سيده (حتى بيكون في ويهج مسيد على ايدج اليسار) ..... علي هالشارع كملي سيده لين ماتوصلين آخر الشارع(بتحصلين اشاره المرور "قف" ومنه تقدرين اتلفين يسار او اتسيرين سيده .. طبعا خذي يسار ومن بعده يسار ..... وقفي اهنيه وبركني (صح انه ماشئ بركنات بس وقفي وشغلي اشاره التنبيه).... والمحل بيكون على الناحيه الثانيه ... يوم بتنزيلين بتحصلين محل يفصل العبيء على ييدج اليمين وصالون الافريقي على ييدج اليسار ... ... خلي محل العبئ على ييدج اليسار وسيري سيده .. بتحصلين سوبر ماركت او دكان (مااذكر) ... امشي سيده ... بيكون المحل على ييدج اليمين وعداله اعمال بناء لعماره....

اتمني انج توصلينه ...... وكنت دقيقه في وصفي ..... واذا ماقدرتي توصلينه تراني بالشوفه الغاليه ماعليج انج اتقوليلي وانا بوصلج المكان ......

b

bride2004

عروس مشاركة

07-07-2006 | 12:31 PM

ما قصرتتي يا عروس جميرا لو تسويلي خريطه احسن ادري اني مصختها بس اذا تقدرين وهذا ايميلي طرشيلي اياها انا بجرب على وصفج بس اخافني ما اندل تسلمين وتعبتج

b

bride2004

عروس مشاركة

07-07-2006 | 12:32 PM

ما قصرتتي يا عروس جميرا لو تسويلي خريطه احسن ادري اني مصختها بس اذا تقدرين وهذا ايميلي طرشيلي اياها انا بجرب على وصفج بس اخافني ما اندل تسلمين وتعبتج
[email][email protected][/email]