حيرة والله

بنات بعرض عليكم موضوع ::

انا لما كنت في اول سنة لي في الجامعة تعرفت على بنات ثنتين كانوا معاي في اغلب المواد .. وصرنا مع الايام صديقات على طول مع بعض في الجامعة او على النت واحيانا في التلفون ..

في نهاية اول سنة انا انخطبت .. وفي نفس الوقت انا وحدة من صديقاتي كنا مقدمين على طلب تحويل لتخصص ثاني " كل وحدة فينا كانت طالبة تخصص غير " ، طبعا انخطبت بداية الاجازة وبعدين طلع لي تحويل .. وبحكم التخصص الجديد انا انتقلت لكلية ثانية ونفس الشي مع صديقتي الثانية .. ومع انشغالاتنا في الدراسة وانا كنت قريب بتزوج وقلة لقاءاتنا بدت علاقتنا نوعا ما تبرد .. لكني شخصيا كنت احاول التواصل معاهم كلما سنحت لي الفرحة .

طبعا الموضوع اللي اتكلم عنه صار له حوالي 3 سنين ونص .. ومن حوالي 7 او 8 اشهر انخطبت صديقتي .. وهني ابتدت المشكلة ..

علاقتي مع صديقتي المخطوبة ما تغيرت ولله الحمد .. يعني لما نشوف بعض في الجامعة نسلم على بعض بكل " ود " واذا نلتقي على المسنجر نقعد نسولف وبينا مسكولات وهالسوالف .. لكن صديقتنا الثالثة كلما تشوفني تقعد تتشكى على صديقتنا المخطوبة وتقول انها من انخطبت تغيرت عليها ..
يعني اذا شافتها في الجامعة .. المخطوبة اذا لقت فرصة تتهرب فيها من البنت تتهرب .. واذا اضطرت انها تسلم فتسلم بكل برود وتبين لها انها مستعجلة وما عندها وقت ، واما على المسنجر فقامت في بداية كل ما تدخل وتشوف المخطوبة اونلاين دايركت تطلع هذيك البنت .. كانت تظن انها صدفة بس لما تكررت السالفة قالت اكيد ان المخطوبة تتعمد انها تقوم من النت او تسوي بلوك للبنت وبعد فترة ما قامت تشوفها على النت ابدااااا..
هذا كلام صديقتي عنها وما يندرى اذا كان هالكلام فعلا صحيح ولا البنت تتحسس زيادة عن اللزوم ..

المشكلة الاساسية ان صديقتي قاعدة تدخلني في الموضوع .. يعني تقعد تقولي انتي اذا شافتج " المخطوبة " تكلمج عادي ولا تغيرت عليج ؟؟ تشوفينها ع النت ولا ؟؟ بينكم اتصالات ومسكولات ومسجات ولا لا ؟؟
انا في البداية كنت بحسن نية اقولها لها لا البنت ما تغيرت واذا تشوفني للحين تسلم ونسولف مع بعض ونقعد ع النت فكان ردها ان المحطوبة تغيرت من انخطبت وتكبرت وصارت مغرورة .. وانها تكلمني انا لاني متزوجة اما هي " العازبة " فشكلها خايفة تبوق ريلها او تحسدها او من هالسوالف ..


الموضوع مثل ما قلت لكم صار له كم شهر وانا مليت من هالسالفة وفي نفس الوقت منحرجة منهم ثنتينهم .. يعني خاطري اقول للبنت " العازبة هذا الموضوع بينج وبين " المخطوبة " وما له داعي تدخليني بينكم .. وانا صراحة ما اتجرأ واروح اكلم " المخطوبة " واقول لها ليش تغيرتي على صديقتنا .. خصوصا اني قاعدة اسمع الكلام من طرف واحد وما ادري شنو راي الثانية ..



شالحل في هالموضوع ؟؟ ولو كنتوا مكاني شنو بيكون تصرفكم ؟؟ طفشت والله :sad: