اللي اجرو عملية (اطفال انابيب) يدخلون؟؟

*

**العنيده**

عروس جديدة

27-06-2006 | 11:02 PM

السلام عليكم ورحمة الله وبركاته

انا عضوه جديده واتمنى اكون خفيفه عليكم

ولفتني منتداكم الرائع وحبيت استفسر عن شي ...

انا الشهر الجاي انشاءالله احتمال اسوي عملية اطفال انابيب..وقريت اليوم مقال في موقع (انه اطفال الانابيب هم اكثر عرضه للتشوهات) انا ادري كل شي بيدالله سبحانه وتعالى وانا وزوجي اتفقنا نسويها بس حبيت استفسر عن اللي قريته هل هو صحيح؟؟؟؟

واللي عملو اطفال انا بيب ونجحت العمليه معاهم كيف اطفالكم(انشاءاللله اصحاء) ومتى كانت الولاده هل مبكره ولا في موعده؟؟

اسفه طولت عليكم وياريت اللي اجرت العمليه تفيدني لاني محتاجه ردكم....

انتظركم

*

**العنيده**

عروس جديدة

28-06-2006 | 04:48 AM

ليييييييييش ولا رد الله يسعدكم انشاءالله.

انا في انتظاركم انشاءالله

ا

الــريــم

عروس جديدة

28-06-2006 | 05:08 AM

هلاااا بج ..أختي العنيده...

نورتي المنتدى ..

أختي أنا سويت أطفااال انابيب ومااصاار حمل الحمدلله على كل حااال ...

انا أعرف وحده حملت أنابيب ماشاء اللله عليهااا ولدين وبصحه جيده والحمدلله

وجابت اولادهاا في الشهر التاااسع كامليين والحمدلله ...

توكللي على الله وأنشاء الله خيير ...

لاتنسيني من دعااائج ....رب لاتذرني فرداا وارزقني وانت خير الرازقين ...

ل

ليالي الريم

عروس مشرقة

28-06-2006 | 05:21 AM

الله ينولج مرادج ويرزقج بالذرية

الصاااالحة

ويرزقني وياااااااااكم يا رب

ل

ليالي الريم

عروس مشرقة

28-06-2006 | 05:22 AM

الله ينولج مرادج ويرزقج بالذرية

الصاااالحة

ويرزقني وياااااااااكم يا رب

:shy:

أ

أم إيهاب

عروس جديدة

28-06-2006 | 07:14 AM

أختي الغالية إن شاء الله ربنا يرزقك الذرية الصالحة عاجلا غير آجل
بالنسبة للعملية اعرف قريبة لي ما شاء الله لا قوة إلا بالله حملت بأطفال الانابيب و جابت الله يحميهم ثلاثة أطفال ما شاء الله زي القمر عقبال عندك.. ولي صديقتان سووها و بعد ما شاء الله نجحت وجابو توم بنات زي القمر....
اتكلي على الله اهم شي و ادعي كتير و خاصة في الثلث الاخير من الليل الساعة 3 فجرا و إن شاء الله ربنا ما يضيع لك تعب ويرزقني وإياك الذرية الصالحة عاجلا غير آجل

ه

همسات قطر

عروس جديدة

28-06-2006 | 10:03 AM

السلام عليكم ورحمة الله وبركاتة

اختي الغالية توكلي على الله وسوي العملية ... انا سويت تقريباً 8 مرات وحملت منهم 6 مرات بس ما

في نصيب دايما اسقط ...والسبب كنت اشتغل وايد بس الحين انا تركت الوظيفة عشان اسوي العملية

مرة ثانية ...نصيحتي لج يا الغالية انج ما تقومين من السرير الا في الضرورة حتى لو قالوا لج

عادي :qaq:

تقدرين تمارسين حياتج اليومية ...وعندي وايد من اهلي عملو العملية وكل اطفالهم بالانابيب وما

شاءا لله في صحة ممتازة ....والله يوفقج ..

.واهم شي الدعاء من رب العالمين :shy:

*

**العنيده**

عروس جديدة

28-06-2006 | 03:06 PM

ماقصرتو خواتي عالردود الله لايحرمني منكم ولا من ارائكم..

الريم (شكرا عالرد والله يعوضك خير حبيبتي)

ليالي الريم (مشكوره ياقلبي عالرد ماقصرتي والله يرزقك الذريه الصالحه انشاءالله)

ام ايهاب (شكرا على ردك ياعسل والله حسستيني بالتفاؤل )

همسات قطر (والله ماشاءالله 6 نجحوا بما انه في شي نجح يعني انشاءالله الباب مفتوح قدامك والله يرزقك اللي تتمنين انشاءالله ,,بس لازم المره الجايه انشالله تريحين نفسك,,عموما كل شي بيد الله سبحانه وتعالى ,,اذا ربك كاتب انه الحمل بيثبت بيثبت واذا كاتبلك انه مابيثبت مابيثبت حتى لو كملتي اخر شهر عموما الله يعوضني ويعوضكم ويعوض كل محرومه خير انشاءالله):shy: :shy:

اللهم لاتذرني فردا وانت خير الوارثين
اللهم لاتذرني فردا وانت خير الوارثين
اللهم لاتذرني فردا وانت خير الوارثين