أخوي بيجلطني !

شموخ البحرين:

بصراحه الله يعينج

والغلط من البداية على ابوج لانه تساهل معاه وايد مع ان اخوج في عمر لازم الواحد يحط

باله عليه

الحين خلاص اللي صار صار بس المفروض ان ابوج يعتبر ويراقبه وياخذ البطاقه منه ويحاول يصادقه

ويعرف وين يروح وين ايي

ومفتاح البيت لازم تاخذونه حتى لو اخوكم ثقه عيال الحرام وايد في هالزمن

هذا رايي حبيبتي

انجي قطر:
خطج صغير ماقدرت اقراه فديتج

بنت الغالي:



هلا الغاليه ................. مشكلتج يبيلها حكمه .........مايبيلها شده ........ترى خصوصا هالسن ماااااااينفع معاه أبد أسلوب التحقيق والمراقبه والجدال.........أنامعاج انج تراقبينه بس بدون مايدري ....... المفروووض هذا السن تتقربين منه وتخلينه يثق فيج عشان هو بنفسه يجي ويقوولج كل شي وصدقيني عن تجربه انا عند اخو عمره 16 ووايد قريب مني والسبب اني ماصرخ عليه ولاافتن عند امي ولااقولها فلان سوا وسوا .......لا اذا سوا شي اكلمه بكل احترام واقوله انت رجال وكبير وتعرف مصلحتك لاتسوي كذا عشان كذا ....... يعني حسسيه برجولته وحسسيه بثقتج لاتحطين حواااااااجز بينج وبينه عشان مايبعد وترى هالسن حساس وايد اذا قلتي له لا وبشده بيعاند..........لكن لو قلتي لا مع توضيح الاسباب بيحس شوي ..... دوم حسسيه انه اخوج الوحيد وانج شاده الظهر فيه وتبينه يطلع احسن واحد ........ في نفس الوقت وصي ابوج مايحطله مبالغ كبيره في رصيده ........خل تكون عنده بطاقه مومشكله بس المهم ان المبلغ يكون على قد مصروووفه ... والله يهديه انشالله .........

malaak:

السلام عليكم ورحمة الله وبركاته

الله يرحم والدتك يا رب ويوسع عليها ان شاء الله

حبيبتي بارك الله فيك وما شاء الله عليك على رغم ان سنك صغير بس كثير واعية ما شاء الله

حياتي المفروض تجلسي مع الوالد الله يحفظه لكم يا رب وتكلميه بإسلوب حلو

قوليله يبا احنا عارفين انك تحبنا وعشان كذا ما تحب تمنعنا من اي شي ولا تضايقنا ولا تنقص علينا شي

بس كل شي له حدود

اخوي عمره 15 سنة وانت معطيه بطاقة البنك يصرف على كيفه ويطلع على كيفه يعني بكذا انت تساعده انه ينحرف

كلميه باسلوب حلو وأكيد بيقتنع

قوليله مو من الحنان انك تساعده على الإنحراف

وقوليله من حق اخوي انك تصرف عليه وتعمله حساب خاص بس بحدود المعقول

يعني طفل عمره 15 سنة وبيده بطاقة البنك طبيعي راح يتصرف كذا

واحتمال يشتري فيهم اشياء تضره

احتمال الوالد انتو كاسرين خاطره ومو حاب انه ينقص عليكم شي ويعوض عليكم فراق الوالده الله يرحمها

فإنتي فهميه ان بها الدلال راح يخرب ابنه بيده

والله يوفقك عمري ويهديكم جميعا ان شاء الله

غديرة الاحزان:
:shy: :shy:
حبيبتي الله يعينج بس لازم تفهمين ابوج انه اللي قاعد يسويه هذا غلط اول شي مفروض ما يعطيه مفتاااح البيت لانه كذا يضيعه والمفروض يحددله موعد طلعته ورجعته للبيت لانه عيااال الحرااام ما خلوا لعيااال الحلال شي والبطاااقه فورا تنشاال منه والله لانه الولد في سن المراااهقه والله يقويج عليه واجرج عند
الله حبيبتي

حبر وورق:
صح اللسانج فديتج

وكذلك الغالية ملاك كلامها صح لازم توضحين للوالد أن اللي يسويه يضر أخوج لكن بدون ما تقولين "" يباه اللي تسوي غلط" لااااااااا ولكن اشرحي له الموضوع من وجهة نظرج

دمعه بريئه:
حبيبتي انا نفس حالتك واربي 6 موب اثنين وابوي مومره متساهل بس كل شي فوق راسي عندي 2 مراهقين وواحد خلاص ببداية المراهقه حمدي ربك انا اكتشفت انهم يدوخون بس تلاحقت الموضوع من بدايته والله يعينك حبيبتي

تحياتي

دانة قطرية:
بالنسبه لموضوع البطاقه

انا اشوف الافضل الوالد يحط له مبلغ معين كل شهر يكفيه وبس

مافي داعي للمبالغ الكبيره

وبجذي مابيقدر يتصرف غلط وفي النفس الوقت مابيحي انه يهال وانكم اخذتوا منه البطاقه

وحاولي انج تكسبينه

وتكلمينه على انه كبير مو ياهل لان هالسن تلقين الشباب يبون يثبتون شخصيتهم

فخلج صبوره معاه

وحاولي تخلينه يشغل وقته بشئ مفيد

يعني نادي

او ياخذ دورة لغة انجليزيه في احد المعاهد

او دوره كمبيوتر

والمفتاح خذوه منه

وحددوا له وقت معين يرجع فيه ومايتأخر عنه

الولد لازم يحس انه في حد يسأل عنه ويهتم متى يطلع ومتى يرجع

وخلي الوالد دايما يتصل فيه

يسأله وينك . , متى بترجع

وخلي الوالد يتعرف على ربعه ويكلمهم ويعرف ارقام تيلفوناتهم

هالزمن صعب والثقه الزايده ماتنفع

شوق قلبي:
الله يرحم الوالده اول شي

ويعينج انتي وابوج

تربية الولد صعبه كيف اذا كان توه مراهق


حاولي تتقربين منه اكثر

وخلج صريحه وياه فكل شي عشان يصارحج بدوره

وخلي ابوج يشد عليه اكثر

امنوعوه من طلعاتع ويا عيال عمه

ولاتخلون عنده وقت فراغ سجلوه فنوادي

او شغل تطوعي

منها يتعلم ومنها ما ينجرف ورا الشباب ومصايبهم

واولاد عمج لازم حد يوقفهم عند حدهم

لان هو بعده صغير اي حد ممكن يستغله


والله يعينكم حبوبه