دمعه بريئه:
انا بقوللك شلون اتعامل معاهم بالفلوس
انا كل شهر احط لكل واحد 300 ريال وطول الشهر مايجي يطلب مني اي شي حتى لو خلصت يتحمل او يتلف من خوانه انا مااعطيه اكثر منها لاني لوعطيته من خلصت ماراح يقدر يحس بالمسؤووليه ابدا وطبعا صرفها تحت اشرافي صدقوني احنا بخير كثيير بس المال الكثير بيد هالمراهقين يساعد على انحرافهم وحتى بديت اقرى كتب تساعد بالتربيه وكتب علم نفس مفيده تساعدني كيف حيكون تعاملي معاهم والحمد الله قدرت احسسه بالمسؤووليه حتى بطاقتي عنده الباسووورد مالها واحيان اخليه يروح يصرفلي من البنك حتى فلوسي لما اكون ابي ارسله يجيب اغراض من السوبر ماركت هو يروح ياخذ ليه عشان احسسه باني واثقه فيه طبعا هذا اكبرهم وحتى الصغار نفس الحركه صدقيني لو يشوفون ريال مرمي على الارض ماياخذونه لا يالون والحمد الله بعد سالفة الدواخه قلت لهم كلمه انا لو اشك بواحد فيكم مجرد شك صدقوني راحح تشوفون وحده ثانيه غيري والله يعنك ويعيني على تربيتهم
تحياتي
و الله لو اقول لج عن المصروف كم ياخذ يمكن تصفعين على راسج
ابوي يعطي كل واحد شهرياً 20 دينار هذي حتى نجمعها بس اخوي لازم يصرفها ،
و كل شهر يحط في حساب كل شخص فينا
مبلغ يمكن 200 و هذا الحساب ابوي مسويه للمستقبل
من مصارف جامعة و فلوس للسيارة و الخ
طول عمري ما استخدمته الا لما دخلت الجامعة
و محد يستخدمه لا اختي و اهو بعد المفروض ما يستخدمه الا لما يدخل الجامعة
و غير هذا ابوي يعطيه اهو و اختي دينار في يده مصروف للمدرسة
يعني لو يينا نحسبها بيكون 30 دينار هذي اللي ياخذها يومياً
و 20 كل بداية شهر بيكون المجموع 60 دينار فيه يده
كل شهر لازم اعترض بس محد يسمعني !
كم مرة اقول لأبوي لا تعطيهم هالكثر فلوس تراهم يهال
و يقول لي لا تحرمينهم من شي خليهم يشترون اللي بخاطرهم
اعتقد ابوي تعلم درس من اللي صار الحين و راح يشد عليهم
أنا ابي امشيهم على نظام بس ابوي الله يهديه ايي و يخرب كل شي بدلاله لهم
جربت مع أخوي كل الاساليب حتى لا يصرف ، سوينا لنا انا و اهو و اختي حصالة و نجمع فيها
هذا غير الجمعيات اللي ادخله فيها معانا بس بعد من يقبض الفلوس لازم يصرفها !!