hلطوارئ في مستشفى الكــــــــورنيش

هلا الغاليه

لا تخافين .. اذا انتي حامل وشهرج الاخير .. ويتج الام الولاده اطلعي المستشفى وادخلي قسم الطواري .. وكل شي بيسير على خير .. ولا تخافين ولا تحاتين ..

وسلامتج جدامج

انا مو بالامارات بس الله يسهل.
في 1990والدتي جابت اخوي الصغير بمستشفى الكورنيش واذكر قالتلي سألو ابوي اذا بيدخل او لا ليش الحين منعو وله شسالفه؟؟

الله يسهل عليج ان شاء الله.

[grade="8B0000 FF6347 008000 4B0082"]خرزة زرقة: والله اني انقهرت من موضوعج ..........!!!!!!!!!!!!!
كيف رحتي مستشفى الكورنيش وما رضو يدخلون ريلج!!!!؟؟؟؟؟؟؟؟ بأي حق انشاء الله لا حبيبتي طولي لسانج,,منو قالج ان الرياييل ما يدشون المستشفى!!!! انا طيلة فترة معالجتي لولدي الاولي (من شهر 7 لين 3) السنة اللي طافت طبعا ريلي يدخل معاي للدكتور ويدش معاي للكشف بالسونار والله انشاء الله شاهد ع كلامي,,والحين بحملي هذا والله ريلي يدش معاي لدرجة اني انا اروح اييب الدوا من الصيدلية وريلي يروح يشتري لي اكل من عند القلبينية ...شو هالرمسة...لا تخلينهم حبيبتي يقصون عليج..دامج وحدانية وما عندج غير ريلج ما عليج من كلامهم..انا ما اقولج الرياييل من هب ودب يدشون بس انا اخبرج عن حالتي وان ريلي عادي يدش..

في ولادتي القبلية تخيلي من عرفت اني بولد ريلي يابني بالسيارة 3 ساعات لمستشفى الكورنيش وكان العصر ودش معاي هو وامي وخواتي الثنتين واخوي لين غرفة الولادة وظل معاي لين ما ولدت الساعة 8 بالليل..
على فكرة الولادات المفاجأة ترا مسموحة باي مستشفى لا اتخافين انهم ما يدخلونه اي مستشفى,,انا خالتي والدة من 3 شهور تتعالج بمشتفى الحمرية لما ياها الطلق بالعمالة( بالعمد راحت مستشفى الوصل وولدت هناك..تعتقدين بيقولون لها طلعي!!!!!!!!!!!!!!!!!!!!!!! طبعا لآ وولدت والله سهل لها
انا اخبرج عن خبراتي وخبرات غيري
واسمحيلي ع الاطالة[/grade]

إللي اعرفه انهم يدخلون الزوج


بس ممكن الطواري بس ما يدخلها ما جربت و الله

شكرا على الردود ومشكورات من كل كل قلبي

واختي الجميلة اشكرج شكر خاص على طرح موضوعج ...........والله انا سالتهم قالتلي شوفي اللافته وممنوع دخول الرجال قطعيا وعصبت اتخيلي انا وحده متكسرة مول رايحة لاااقدر امشي ولاغيره وماسوت سالفة وعصبت بس ريلي مسكين قاعد يفكر فيني كيف بدخل شو بسوي بس ذكرت ربي وساعدني والحمدلله.........

وماشاء الله عليج انتي وريلج زين انه يدخل معاج ويوقف جمبج والله انا وحدانية مامعاي الا ريلي وربي وحارمني من دخول ريلي معاي............الحمدلله انه امرج تيسرت ياخي قمت احس الكورنيش اسلوبهم مب شي خايفة وقت الولادة مايسون لنا سالفة ولا يدخلون ريلي..................

انا متاكدة لانه ريلي واحد عادي مايحب يعصب على حد بس اذا بهالموضوع بصرخ عليهم...

الصراحة وايد خايفة وايد خايفة انا احتاج ريلي يدخل معاي بس الله كريم

اقولج اختي عادي دخلي ريلج دخلي امج دخلي العيله كلها لو تبين بالذات مستشفى الكورنيش
انا ربيعتي لما سارت تربي تخيلي كم شخص كان وياها في غرفة الولاده؟؟؟؟؟؟؟
9اشخاص وانا كملت العشرة مع ان النيرسات يقولون لنا شو ها ما يستوي بس طنشناهم
وبنت خالتي بعد العايله الكريمه كلها كانت متواجده
بس انتي عليج اصري على موقفج وقوليلهم انا ما بربي الا وريلي عندي :angry:
والله يقومج بالسلامه.

[grade="FF6347 FF6347 008000 4B0082"]الله يقومج بالسلامة يا أختي خرزة زرقة ومثل ما قلت لج ما عليج منهم ودخلي ريلج وانشاء الله ربج بسهلها[/grade]

السلام عليكم ورحمة الله وبركاته

هلا بيكي أختي...

راح أقول لك على تجربتي...

رحت المستشفى و فيني وجع الطلق على أذان الفجر بالضبط...دخلت مع والدتي...

و زوجي ظل بره في الإنتظار...

و طبعا فحصوني...و شافوا نبض الجنين و الذي منه...و زوجي بره...بس أمي تروح تطمنه...أو النيرس...

و بصراحة ما حبيته يدخل في الطوارئ...يعني السيدت قاعدين اللي تتألم و اللي تصيح...و كلهم واخذين راحتهم و شايلين الغشوة...يجي هذا الرجل يدخل عليهم...مش حلوة...

لكن لما صار وقت يطلعوني غرفة الولادة...و كان عندي مشكلة في نبض البيبي...ركبوني الكرسي المتحرك ( مع إني لسه كنت أقدر أمشي ) و نادوا زوجي...دخل بسرعة و طلع معايا في المصعد...و ظله معايا في غرفة الولادة...

ما تخافي...في غرفة الولادة ما بيقولوا لك شيء...يعني بيدخلوا زوجك معاكي...يمكن وقت الكشف...يطلعوه شويه...و بعدين بيرجع...لأنه بيساهم معاهم إنه يهديكي و يشد من أزرك...

و ما تخافي...التساهيل من رب العالمين...كله بيتيسّر وقت الولادة ...

تقومي بالسلامة إن شاء الله :)

شكرا لكم عالتواصل ..............وبصراحة انا بس يهمني انه يكون معاي وقت الولادة ............وبس مابي يكون وقت الكشف وغيره لاني ابي حد يحسسني انه معاي وعلى فكرة سمعت في نيرسات يعاملون اللي تولد بطريقة مش حلوة اذا بروحها واذا معاها ريال او حد من الاهل مايسون شي مب زين والله اعلم

اختي انا سمعت من وحدة نفس الكلام الي قالته الاخت مرموم

يعني ممكن على قسم الطوارئ ما بدخلوه

بس بغرفة الولادة و المستشفى ما حد بقدر يقوله اطلع

سلامتك و ان شاء الله تقومي بالسلامة

lolyta


شكرا لج عالرد ............وياليت يدخلون ريلي ومايسون بعد لي زوبعة

أنا حسب خبرتي انه بمستشفى الكورنيش صارت خدمتهم زفت وازفت عن الزفت والله اعلم

عبورة كلامج صح كل شي عندهم ارف وزفت وخدمتهم شرات ويهم