لو سمحتن ساعدوني

السلام عليكم ورحمة الله وبركاته

اختي استفسارك حلو وان شاء الله يفيد كل الاخوات العاملات المقبلات على الزواج

وأشكر كل الي ردو عليك وعسى الله يخفف عنكم كل الكرب يا رب

حبيبتي موضوع لصرف هذا يعتمد على نوعية الزوج

يعني فيه أزواج لا تعطيهم مجال كثير انهم يتعدوا على راتبك بحيث ما يستغلوك استغلال اعمى وفيه رجال ينشد فيهم الظهر مهما كان راتب الزوجة تحت تصرفه ما ياخذ منه ولا فلس

وها الشي انتي تقدري تعرفيه بروحك من شخصية زوجك

لا تعوديه كثير انك انتي تصرفي عليه وعليكي

اذا طلعتوا خليه هو طبعا الي يدفع بس مو تبالغين بالصرف خاصة لو ما كان معاه

بس اذا طلعتي بروحك اصرفي من راتبك وخذي اغراض لك وله بس مو بشكل كبير يخليه يعتمد عليك كليا

ولا تعودي اهله على تحديد مبلغ شهري تعطيهم لانه بعدين راح يعتبروا ها الشي واجب إلزامي عليك واذا بيوم ما عطيتيهم بتصير حكاية ومواقف

فلأفضل تتركي موضوع الصرف على اهله بعيد عنك تمام

بس بين الفترة والثانية خذي لوالدته او اخواته او أطفال البيت شي رمزي يونسهم بس مو يوميا عشان ما تكون واجب الزمي زي ما قلتلك

وان شاء الله تتوفقي بكل الأمور ولا تخلي موضوع الفلوس وراتبك مشكلة وموقف تمنع سعادتك الأسرية والله يوفقك دوما حبيبتي