تجهيزات المستشفى و توزيعات المولود الجديد

[grade="D2691E 4B0082"]مبارك لك و عقبال ولاده ميسرة و سهل بإذن الله

بإختصار شديد

- جهزي اغراض المولود و اغراضك الشخصيه

- اذا بتلدين في خاص لازم تكونين مجهزه فلوسك ومتفقه مع اللي بتولدك

و ترى الموضوع سهل و بسيط اذا ما عندك اي مشكلات في حملك

الله يسهلها لك و لكل حامل [/grade]

بقولج انا شجهزت حق ولادتي:

1- التوزيعات شريت اشكال من لايف ستايل على شكل بنات وتحصلينهم في قسم الادوات المدرسيه مالت البنات (منزلين اشكال جديده تجنن)
المهم شريت 30 حبه +سله كبيره من هوم سنتر ووديتهم باتشي علشان ينسقونهم ويحطون على كل وحدة حبة كافي وملبس بطريقه حلوه ويحطونهم في السله الكبيره وقلت لهم يربطون على السله شريطه عريضه بلون يناسب التوزيعه لأن السله بنيه ومالها خص..

2-خذت شرشف تلبيس لونه مارون ساده من محل الشراشف وشريت ساري هندي مارون وفيه شغل بالذهبي وركبت الساري على التلبيس والمخدات عند الخياط لأني ماحصلت شي عجبني في السوق فحبيت افصل..طلع المفرش فظيع كأنه جاهز..

3-اما صواني التقديم خذتهم من لايف ستايل اخترت اللون المارون والذهبي ووديتهم باتشي(كافي) و لوفاندوم (فطاير صغيره وايد) وصينيتين صغار وديتهم هيديارد يحطون فيهم موالح وكيك صغار
وديت الصواني من 10 ايام وخليتهم ستاند باي اول مااربي اتصل لهم واقولهم يجهزون كل شيماعدا التوزيعات خليتهم يشتغلون فيهم من هذيك الفتره لأنهم بياخذون وقت..
وانا ولادتي باقي لها اقل من اسبوعين.
الشراشف اللي عالطاولات حصلتهم في هوم سنتر باللون العنابي ومنقط بذهبي وشريت اورغنزا ذهبيه ساده بحط المفرشين احذا بعض..


4-وحاطه فبالي يوم ولادتي اطلب عصير افوكادو ومنجا وفراوله يوصلونلي اياهم في المستشفى كل غرشه بروحها علشان اسوي كوكتيل طبقات..وبطلب فطاير عاديه ..وبخلي الشغاله تلف ورق عنب وتبرزه ليوم الولاده
4-خذت فازات شفافه وصينيه ومفرش صغير مال مستطيل مال طاولات الطعام وورد مجفف عنابي وذهبي عليه زري بنفس اللون ووديتهم محل الورد ونفس القصه خليتهم عنده استاند باي..بس بغيته يحط في الفازات الشفافه ورد طبيعي والصينيه يحط عليها المفرش المستطيل ويثبت الورد المجفف في الصينيه..

5-اغراض البيبي مجهزتهم من زمان في الشنطه مع اغراضي
ملابس البيبي اكثر شي من ماركس والاغراض الثانيه من عدة سباحه وكريمات وهالسوالف من تويز ار اص وبيبي شوب...
اما جلابياتي لاستقبال الضيوف فخذتهم من محل اسمه كشخه (والله انه اسم على مسمى )جلابيات الرضاعه تجنن عنده صج كشخه والجلابيات اليوميه والملابس الداخليه من ماركس اند سبنسر..



انا مضطره اختار اللون المارون والذهبي لأن اكثر لون يناسب غرفة المستشفى مع اني احب الالوان الفاتحه بس احس ان هالالوان مابتركب عالغرفه
وكل هاي طبعا مابينقط وبستفيد منه استعمله فبيتي...وماكلفني وايد ..بعض الناس يدفعون بال6 الاف عشان طقم سرير مع مفرش لتحت الطفل وبعد يطلع مب حلو ومايسوى..



سوري طولت في شرحي

ممكن أسأل وين محل (كشخة)!!؟؟

مشكوووووووووووووورة

كتكوته

ما شاء الله تجهيزاتج روووعه

الله يسهل عليج يا رب

انتي من وين الغاليه؟؟
من الامارات ؟؟

لاني من الحين ادور محل للفاطاير و السندويشات الصعغيره مو لاقيه شي يعجبني

ماشالله عليج كتكوته



الا انتي من وين؟

الله يسهل علينا كلنا ان شا الله.. والله لين الحين ماجهزت شي.. وانا في الشهر التاسع.. الله يعيني..

ومحل كشخه في دبي عند مركز بوهيل وشومارت اللي في الحمريه..

مرحبا
اشكركم على هالاطراء الحلو...!!
انا من قطر

ماشالله عليج كتكوته

روعه...بس انا لين الحين ما سويت شي...
بس خذت الكفر من دبنهامز...لونه بيج عذهبي..و عليه مثل دانتيل مشغول عالاطراف
وطبعا جلاليب المستشفى للاستقبال خذت 5 مع اروابهم من كشخه بلازا..وخذتهم الحمدلله باسعار حلوه لانهم كانوا مسوين سيل
وثياب النوم العاديه والملابس الداخليه من ماركس
ثياب البيبي بعد جاهزه بس ما خذت الحفاظات و الكريمات و ادوات الاستحمام لين الحين
وخذت السله اللي بطلع فيها البيبي من المستشفى

التوزيعات..راسي عورني..مب عارفه من وين اخذ ولا شو اسوي :(
ابا شي مبتكر وحلو...ويبالي عالاقل 100 حبه
سرت غودايفا بس ابسط شي ب 40 درهم الحبه..وايد بيطلع
بس فيه شي ابا اعرفه

ليش تزينون غرفه المستشقى بالورود؟؟ واصلا بتوصلكم باقات ما تعرفون شو تسوون فيها..
وهالفازات اللي خذتيهم كتكوته..وين بتحطينهم؟؟ احس ماشي مكان

وحتى صواني الكاكاو والباتشي...بتوصلكم بالهبل..ممكن تستخدمونها للضيوف

ممكن الموالح اطلب من مكان ما اعرف اسمه..اعتقد في الكرامه..ويسوون فطاير صغيره...

وين باقي البنات؟؟

حبيبتي
اول شي زين اكو تعرفين ماشالله تجهيزج حلو وراقي!!
وبعدين انا ماخذه فازات وايد صغيره يعني يادوب تنحط فيهم وردتين او ثلاث في كل فازه وبحط وحده على طاولة التقديم وحده عند راسي وحده على الطاوله الثانيه
صح ان الناس بيترسون الغرفه كافي وورد بس مابيجيبون شي صغير ينحط على الطاوله انا مسويه صينية الكافي مب وايد صغيره حجم وسط ..الناس بيجيبون صواني كبار والطاولة مابتكفي حق باقي اشكال التقديم..وانا مابي اترس الطاوله تراس بحيث ان التنسيق مايبين ابي شي سمبل..
اما سؤالج عن الموالح مااقدر افيدج لأني من قطر انشالله بنات ديرتج بيفيدونج!!!

مشكوره كتكوته

كفيتي ووفيتي....:)

الله يقومج بالسلامه حبيبتي

الله يسهل علينا يا رب

كتكوته سؤال في وين محل كشخه بالضبط؟

مشكورة أختي..

كتكوته حبيبتي


اسمحي لي بسالج بعض الاسله


انا من قطر

لوفاندوم (فطاير صغيره وايد)

وين هاااي المحــــــــل؟
وفطايره طعمها حلوه ولا لا



هيديارد
هذا بعد في وين؟؟


كشخه
وين بعد هالمحل وشلون اسعاره
وجلابياته تفصيل ولا جاهزه؟


وانتي فيج بنت عشان هالشكل اخترتي المارون والذهبي ولا بس عشان يناسب الغرفه
لاني احس مايصلح اللون لولد


واسفه عزيزتي على الاطاله

انا مثلك يا احتي في الشهر الثامن خلصت الحمد لله من غرفة البيبي والحين جالسه اجهز لي ملابس لما بعد الولاده

والله حلوه تجهيزاتكم يعطيكم العافيه ويتمم عليك فرحتكم ان شاء الله

اشكرركم خواتي عالمرور..لكن هل من مزيد؟؟ يلا شاركونا بتجهيزاتكم

مرحبا
أول شي قبل كل شي

انجل ايز :
اسمحيلي حبيبتي اخاف اضايقج بردودي الطويله عالبنات كأن الموضوع موضوعي
واذا يضايقج بكتب حق البنات اللي يبون يستفسرون عن اشياء يطرشونلي عالخاص ..بس قلت علشان الفايده تعم الجميع...




الغلا:
محل كشخه موجود في السيتي سنتر وره البيت الحديث في محل عبي اسمه (بدون اسم)وجنبه محل كشخه عنده جلابيات للرضاعه جلابيات ملونه حق استقبال الضيوف في البيت وعنده قمصان نوم وشيل...وسمعت انه موجود له فرع في سوق فالح مادري سوق الجبر...وكل اسبوع او اسبوعين ينزل بضاعه جديده..اكثر شي عجبني في المحل جلابيات الولاده وايد حلوين


روعه:
لوفاندوم : محل يبيع كافي وعنده فطاير صغيره وايد عالطلب وسندويشات صمون لافهم بنايلون المجل غالي شوي
بصراحه انا ماذقت فطايرهم بس شكلهم مرتتتتتبييين وايد... ذقت كافيهم يجنن صج حلو بس ماسويته حق ولادتي ..ماكنت ادري عنه..
موقعه في شارع سلوي جنب صالون جاك ديسانج..

هيديارد : نفس الشارع وقريب من جاك ديسانج بين محلين او ثلاث محلات حتى لون المحل من بره احمر واسود (وهو كوفي شوب)

كشخه: شوفي فوق راده على الغلا
الجلابيه الوحده سعره يتراوح بين 200 و280 تقريبا ومرات يسوي خصم
ومااعتقد انهم تفصيل الشغل نظيف ومرتب وايد وراقي...

مادري انا طرى على بالي هاللون مب عشان بنت بس حسيت ان هاللون اكثر شي يناسب الغرفه
بس وحده من هلي ربت من فتره وكانت مسويه كل شي ازرق تركواز مع ذهبي جاي عالفضي ستايل هندي نفسي.. طلع يجنن واااايد حلو وبعد ناسب الغرفه وكانت جايبه ولد...يعني مب شرط هاللون اللي بيناسب الغرفه تقدرين تبتكرين انتي وذوقج...

تسلمين كتوكه فديتج


انا فيني ولد

وعجبتني فكره اللي من اهلج...


بس مافهمت هالجمله


كل شي ازرق تركواز مع ذهبي جاي عالفضي ستايل هندي نفسي


شلون ذهبي جاي على فضي؟


ادري غربلتج

يعني ذهبي فاتح مب الذهبي اللي عالاصفر
ان شالله فهمتي قصدي