زوجي حبيبي زعلان علي واااايد

" إنما أشكو بثي وحزني إلى الله"
أنا وااايد ضايق صدري ومو عارفة شو أسوي ...أتمنى أنكم تساعدوني وتعطوني الحل.....

أنا كملت من زواجي سنه وشهرين...وعمره زوجي ما زعل علي مثل هالمره......قال خلاص أنا مب قادر اتحمل....

بتقولون ليش؟؟؟انتش شو مسويه؟؟أنا بخبركم...

مشكلتي كلها دلع ما اعرف متى بصير عاقلة وما اعرف متى بتصرف كحرمة .....الله يخليكم لا تخلوني بروحي...ساعدوني ما اقدر اقول هالشي غير لكم .....

مشكلتي مع زوجي تتكرر كل شهر يمكن مره ومع الحمل صارت تتكرر أسبوعيا.....أبكي لأتفه الامور ...في البداية كان زوجي يراضيني الحين قام يعصب علي....أدري بتقولون شفيج وليش تبكين؟؟

زوجي يحب لما يطيح بينام ينام ..ما يبي حد يكلمه...فأنا إذا سوا هالحركة يعني طاح على الفراش ونام بدون ما يعبرني ولا يبوسني قبل لا يرقد...أقوله انته فيك وفيك وفيك؟؟؟؟؟ أعطيه كلام والله ما تتخيلونه.....واجرحه....هاي مو أول مره...وبعدين أصيح....فهو يقولي : أنا ابغي أفهم انتي شو بلاج....مريضه نفسيا....؟؟؟

وبعد ما انام وأصحى أندم على كل اللي قلته ولأني ما خليته ينام....

ونفس الشي البارح ....كل مره أقول بيود لساني لكن ما اقدر أقعد ألومه واقوله : انت ما تهتم فيني ولا شي.....مع انه وايد يهتم واللي اريده يجيبلي اياه ويوديني وين ما اريد........فهو ينقهر من هالكلمه.......

وخلاص طفح الكيل....اليوم شفته معصب وراح للدوام واتصلت فيه: قالي الله يخليج ابتعدي عني ولا تكلميني أبدا ليما اهدى وبتلاقيني أنا بنفسي بكلمج؟؟؟ فهمتي يوم يومين ولا شهر...أبدا لا تكلميني......ضغط في الشغل ضغط في البيت وين أروح؟؟؟::angry:

شو أسوي شلون أراضيه....فديت روحه والله مو هاين علي أدري أني غلطانه شلون أمسك عمري وما اكلمه ساعدوني ودورولي حل الله يخليكي:sad: :sad: :sad: :confused: :confused: