افيدوني عاجلا

الله يشافيه ان شالله

حبيبتي وديه المستشفى افضل ..

انا اعرف انه الدوود يسبب حكه .. ولو دوود كنتي بتلاحظين عليه يحك ...

وديه احسن وطمنينا

السلام عليكم ورحمة الله وبركاته

و الله يا أم حسين لو مكانك ما أسكت...

طالما سخن معناه في شيء....توكلي على الله...بدلي ملابسك و على الدكتور....

إن شاء الله خير...

اختي وديه المستشفى احسن
انه اخاف من هالمنطقه كلش

للأطمئنان أخذي عينة من تكرمين البراز للمختبر للتأكد،، وإذا في شي راح يوصفون لك الدواء الخاص بالدود،، حتى في بالصيدلية دواء اص للدود شراب للأطفال وحبوب للكبار...

وديه علي المستشفي بيعطونك دوا عن دود...اكيد في دود

طيران عالمستشفى قبل لا يجرح نفسه وتصير المصيبه مصيبتين

ما يشوف حسوني القمر شر.. مسكييييين

انتظرج تطمنينا بعد عودتج من الطبيب..

ومع على حسون القمر شر...

ياحبيبي مايشوف شر ننتظر تطمنينا عليه

طمنينا خيو ASAP بس انا اشوف خيو تعودينه على الحمام احسن لج وخصوصا انج الحين اجازة، وسنه صار مناسب وخصوصا كلها كم شهر ويصير معاه شريك. لان بعض الاطباء يؤكدون مساوؤ الحفاظ كلما طالت المدة.

الله يشافيه يا رب. وطمنينا امانة

فديته بسم الله عليه مايشووف شر وانشالله خير طمنيناا عليه والله احاتيه..

مايشوف شر .. اكيد فيه شي مدام صخن .. احتمال عنده دود بعيد الشر .. او امساك اذا ما كان دخل الحمام هاليومين
مع البنات وديه المستشفى واكيد بيطلبون عينة مثل ما قالت ام عبدالله

طمنينا عليه

اهلين بنات .. وشكراااا على السؤال وعلى نصايحكم

انا امس انشغلت طول اليوم لان عمة ولدي كنت راجعة من السفر بعد غياب سنتين بسبب دراسة زوجها في الخارج .. وصرنا في بيت عمي وحسون شاف اليهال ونسى المرض وتم يلعب معاهم ولا كأنه فيه شي .. لكنه تم مصخن طول اليوم ..
وبالنسبة للمنطقة فهو نساها باقي اليوم ولا قام يأشر عليها مرة ثانية ولا شي ، لما صار الليل زادت عليه الصخونة حتى انه ما قدر يقوم يلعب مع اليهال وتم لاصق في ابوه .. وصار يطلب ماي بكميات ما تصدقونها ، يعني كل 5 دقايق او اقل يطلب يشرب ماي ..
عطيناه قبل النوم ادول ورحنا ننام .. لكنه قبل النوم تم بعد كل شوي يطلب ماي ، واحنا كنا تعبانين انا وزوجي وكنا ناويين نأجل روحة المستشفى الي اليوم في الليل .. لكنه كان طول الليل ينام له شوي ويرد يقعد ويطلب الماي .. لما صارت الساعة 5 ونص الصبح رد قعد وقال يبغي ماي وسقيناه .. وزوجي جيك حرارته لقاها للحين مرتفعة ، فقال بيوديه المستشفى قبل ما يروح الشغل لانه ما بيقدر بعدين يطلع من الشغل وهو ما يخلص دوامه الا الساعة 5 المغرب وحرام يتم الياهل الى الليل وحرارته هالقد مرتفعة .

ورحنا وديناه عند اخصائي اطفال " دكتور يوسف اكبر " وهناك طلعت حرارته 38.5 :sad: ولما دخل على الدكتور وكشف عليه طلع ان عنده " كالعادة " احتقان في البلاعيم ، واحنا ما كنا ندري لان حرارته ارتفعت امس فجأة وهو ما فيه زكام ولا كحة <<< هذا الشي اللي خوفني من الصخونة .


المهم بالنسبة عن المنطقة تحت انا قلت للدكتور عنها وقالي هذا دود ولما طالع الفتحة ما لقى شي .. وسألني اذا انا شفت شي فقلت لا وقلت هو السالفة ابتدت معاه اول امس لمدة يوم واحد وبعدين نسى الموضوع وما قام ياشر او يتشكى وقال ان الموضوع ما فيه شي وما في داعي اخاف ما دام ان الياهل سكت عن الشكوى .. قلت له ما يحتاج اجيب عينة للمختبر فقال لا لان الولد ما فيه شي اويمكن طلع منه شوية دود وخلصوا ..
انا بسكت حاليا عن الموضوع دام ان ولدي ما يتشكى .. لكنه اذا رد يأشر ويتشكى راح اوديه مرة ثانية المستشفى مع عينة خروج ..

بالنسبة للبلاعيم فاذا تذكرون ان ولدي كان كل يشكي منها وقالوا لي الدكاترة ان اشيلها احسن للطفل وخصوصا انه صغير والتهاب اللوز مسبب له امراض ، لكنه الحمد لله من فترة ما قام يتشكى من بلاعيمه او الصخونة .. خصوصا بعد ما قطعت عن الرضاعة من شهر .

اليوم رديت سألت الدكتور اذا لازم اشيلها اولا فكان رده مفرح بانه قال لا ما يحتاج تشيلونها ,, الموضوع ما يوصل لدرجة الاستئصال .. سألني اذا كان يشخر وهو نايم فقلنا له لا ما يشخر .. فقال عيل ما يحتاج بس اهم شي تواظبون على الادوية وخصوصا المضاد الحيوي وكل شي بيكون طبيعي ان شا الله ..

طبعا عطوه ابرة عن الصخونة مع لستة ادوية .. وابتدا مشوار المعاناة والعذاب لان ولدي ما يطيق شي اسمه دواء :angry:

لما رجعنا البيت زوجي بدل وراح الشغل دايركت وانا عطيت ولدي الادوية ورحنا ننام .. من تعب ما قدرت اقوم من النوم الا من حوالي نص ساعة بس ولدي مسكين للحين نايم ، جيكت حرارته لقيتها الحمد لله نزلت .

قلت لكم قصة حياتنا ههههههههههههههههههه :shy:

اشكركم مرة ثانية على نصايحكم وعلى سؤالكم عن ولدي وما تقصرون .. والله يدفع عنا وعنكم البلاء ان شا الله

الحمدلله على سلامته،، فعلا إحتقان البلاعيم يسبب إرتفاع في الحرارة.. واظبي على المضاد وإن شاء الله يتحسن،، بس أسمحي لي أقولج غلطانة أنك تركتيه أمس وماخذيتيه الدكتور...

للأطمئنان بخصوص الدود أخذي عينة وروحي أي مختبر خل يشوفون لك إذا فيه شي او لا...

الحمدلله على السلامة وماتشوفون شر إن شاء الله

ما يشوف حسون الوردة شر ان شاء الله ..

وانا مع رانيا في رايها.. :up: