مشكلتي مع حبيبي واهلي وظروفه

الله يكتبلج اللي في الخير

وعليج بالدعاء والصبر

وان شاء الله اللي فيه خير لج بيستوي

ولو كان من نصيبج بتتسهل الامور

دعواتنا لج ^_^

استخيري والله يكتب اللي فيه الخير...

شوفي يادلوووعة بقولج شي انتي الحين بتشوفين الف رد يقولج الاتي : شفيه السعودي وليش هلج يرفضونه وعلاقتج معاه حرام ........انا عارفه شبيقولونلج بس انا بقولج شي حبيبتي ......... انا فاهمه انه هلج بيرفضونه لانه من بلد ثاني ولانه غريب عنج وواصلا بيشكووووووون وبيقوولون من وين طلع ؟؟ بتواجهين مشاكل وايد معاه ........ انتي في هالحاله لازم تفكرين بعقلج .؟؟ تقولين وظيفته مب مناسبه ........ هل هالانسان بترتاحين في العيشه معاه ؟؟ هل بيعيشج نفس ماهلج معيشينج ؟؟ خصوصا انج بتكونين في غربه ؟؟؟؟؟؟ فكري فيها حبيبتي اذا انتي واثقه من مشاعرج ورغبتج فالزواج منه اكيده لازم تستخيرين وبعد الاستخاره تطلبين منه يقطع علاقته فيج ويتقدم لج والي الله كاتبه بيصير ........ لاتسمحين لهالعلاقه تطول اكثر ........... اي شي تبينه انا حاضره .........الله يحفظج ........

هلا اختي
لازم يلقى وظيفه تناسبه لان ممكن ان الاهل يتحججون ان الوظيفة ماتعيش ولا تفتح بيت
واذا انتي تحبينه صبري عليه وانشاء الله الي الله كاتبه راح يصير
والله يوفقج

شاكره ردودكم خواتي


خواتي اهو الحمد الله ابوه تاجر ولو يبي يتزوج قدر يفتح له ابوه

بس اهو رافض هالمبدا من اساسا ورافض اصلا انه ياخذ من ابوه فلس وما دخل هالوظيفه يقول عشان يعتمد على نفسه

واهو الحين مقدم على وظيفه زينه وتم قبوله مبدايء وباقي فحوصات طبيه

ابي دعواتكم بنات عشان يتوظف هالوظيفه الزينه

بالنسبه للغربه ما فيه غربه احنا بخليج واحد وابوي امه بحرينيه وكل شوي يطلع البحرين
واخوي متزوج بحرينيه بعد

وحبيبي من الرياض مو من بعدها بس ما ادري اهلي ليش رافضين الخليج نعرف اننا الحمد الله ما فيها يعني عجب لو خطب اي واحد من اي دوله ثانيه

مشكوره اختي


ادعوا لنا

انا وقعت قبلفي مشكلتك بس العريس كان مصري ذي بس من القاهره وانا من اسكندريه فاهلي قالم لو هو حيكن هنا ماشي بنتنا تكون وسطنا لاكن تسكن بعيد عنا وما نعرف عنها شئ ونتركها والله اعلم كيف راح يعاملها كمان المتعارف ان لما يتقدم عريس الاهل بيروحم يسالم عليه وعن اصله وفصله لاكن البعيد الاهل ما بيعرفم يسالم عليه انا حاسه بيكي بس استخيري ربك وحاولي بالهدوء مع اهلك وقللهم قابلوه ول ما عجبكم خلاص وخليه هو يثبت نفسه ادامهم

الغاليه اصبري انشاء الله الله بفرج همج مثل ما فرج الله همي وهم جميع الناس ومثل ما قالوا الاخوات استخري والخيره فيما اختارها الله والله يصبرج ويعينج يا الغاليه

هل عرفتيـه ؟؟
بتقولي ماسنجر !!
ماهي نسبة المصداقية في الماسنجر ؟؟ 20% فقط هو يظهر لك مايود أن يظهره أي شخصية أي صفة ممكن يوصلها لك في الماسنجر إذا بغا وإنك تبني حياتك وتعطي رأي وانطباع على أساس ماسنجر اسمحلي إنت عايشة كذبة كبيرة مو لأنه يبغا يكذب عليك لا بس لأن الماسنجر يضلل
وإنت ماعندك أي شيء مؤكد ياعزيزتي حتى لو كنتِ كلمتيه بالتلفون برضو مو كافي عشان تثقي فيه
إذا كنتوا مصرين
يتقدم ينرفض مرة مرتين مصير أهلك يرجعوا يوافقوا
أنا بنت خالتي حبت واحد أصله باكستاني وخطبها مليون مرة وماتزوجته إلا بعد 15 سنة


الله يختارلك الأصلح وطمنينا

مشكورين بنات ما قصرتوا

للعلم بنات انا واثقه منه وادري انه يحبني وانتوا ماتدرون انا وش اسوي وايد وايد اتهاوش وياه على اقل شي واقوله راح اتركك والله مادري وش اقول الله كريم ان شاء الله

يعطيكم العافيه

دعوووتكم ..

اختي مثل ما قالت لج احد الاخوات

انتي عرفتيه عن طريق النت
هل هو شافج
لا
شفتيه
لا

طيب وين هالحب ؟؟؟ حب من خلف الشاشه ؟؟

كلامي جارح ادري بس ترى من خوفي عليج اختي

انتبهي من هالذئاب البشرية اللي متخفيين لنا ورى الشاشات
مابي اسيء الظن فيه

بس معظم الشباب جذي

والله مرت علي نفس هالقصه وكان سعودي بعد ومن الرياض وما يبي يتزوج الا لما يكون نفسه وللعلم كان يقول انه امير بس ماياخذ فلوس من اهله ومايبي منهم شي..يبي يكون انسان عصامي
وفي النهاية لا تقدم للبنت ولا شي وضحك عليها طبعا
"للعلم القصة حقيقة والله .. طبعا اخواننا السعوديين ماعليهم كلام بس بعد كل بلاد فيها الزين والشين مثل بلادنا طبعاوهذا اللي صار القصه اللي اعرفها بعد سعودي ومن الرياض"

انتبهي اختي

وصلي استخاره واقطعي علاقتج فيه واذا يبي يجي يتقدم لج

والله يوفقج لو هالانسان فيه خير لج

أستغرب كيف تصدقوا هالكلام من وراء الشاشات.. أختي إنتبهي لنفسك شوي شوي بيسحبك واليوم يقول لك إذا فيه طارئ كلميني

وبكره بتكلميه وكل يوم بتكون المكالمات

وبيبغى يقابلك وبيسوي المستحيل على قولته عشان يقابلك ويشوف حبه وجها لوجه..

وهذا وجهي إذا تزوجتيه..

ترى إخذيها كاش ما فيه واحد سعودي يتزوج بهذي الطريقه إلا ما ندر غير إن الزواجات هذي إللي إحتماليه إنها تصير 3% تكون أغلبها زواجات فاشله..

إنتبهي لنفسك من الذئاب البشريه..

وتوقعي إنه متزوج وعنده أولاد بعد..

صارحي أهلك باللي داخلك أكيد ما تقدري تقربي من أمك وقولي لها.. وصدقيني أمك إللي بتعرف مصلحتك.. وإذا ما تقدري أختك الكبيره.. أي أحد فاهم..

تراك شكلك صغير ومراهقه وإذا مو صغيره فإنتي ضايعه في دوامة حب مكانها مو صح..

فأتوا البيوت من أبوابها ..

حبيبتي ما أدري شقول لج بس آنا عن نفسي أخاف من هذي الزيجة اللي عن طريق الشات ، لأنج ما تعرفين

شنو مستوى الحبيب الأخلاقي وهل أهو يكذب عليج أم لا ...........بس إذا انتي مطمئنة له 100% استخيري

واقنعي أهلك فيه ،،، وهم أكيد راح يسألون عنه ما راح يخلونج بروحج والله يسهل أمورج معاه ..........

عزيزتي دلوعه

هل تعتقدين ان سنه بينكم لا هو شافك ولا انتي شفتيه ولا حتى سمعتي صوته ولا تأكدتي هو ولد من بتخلي أهلك تقبل به؟؟؟

انتي شيضمنك انه صادق؟؟ يكلمك من ورا الشاشه ويمكن تكون مسألة شغله مسأله كذب؟؟ يبي يتهرب منك لاكن مستانس وياك ولا يبي يفقدك فبالتالي حط مسألة الشغل عقبه!!!!!!!!!!!!!!!!!!!!!!!!!!!

عزيزتي نصيبك بتاخذينه لا تنزلين نفسك لحد ،، وبعدين انتي تقولين حبيتيه شلون تحبين شخص على الماسنجر من غير ما تشوفين شكله ولا تعرفين اخلاقه؟؟؟

الإنسان بإمكانه التخفي وإظهار المحاسن عن طريق الماسنجر والتلفون لاكن مستحيل يتخفى قدام العرب وفي علاقاته..

المسأله أساساً ما يبي لها تفكير،، انتي تقولين هلك ما يوافقون عليه معناته انتي عارفه حالته زين طيب ليش تخوضين معركه انتي خسرانه فيها

ارجعي لعقلك ولا تثقين في حد ،، إذا هو طيب وولد عرب يعرف من وين يجي،، وإذا المسأله مسألة لهو لا أكثر ،، فإنتي أولى بالوقت اللي تضيعينه معاه ومن غير داعي،،

يمكن كلامي جرحك نوعاً ما ،، بس هذي حقيقه ولازم تفهمينها،،

وحلاة الثوب رقعته منه وفيه لك وله،،


سفيرة فوق العاده

الآن اكملنا السنه ونحن نعرف بعض والحب لا يزال

وقد كنسل هو المنتدى لاجل لا اغار وتم تغير ماسنجره ولم يضاف الا انا

مع العلم اني لا اكلمه بالهاتف ولا يعرف رقم هاتفي واعطاني رقم هاتفه يقول لكي لو حصل اي شي طاري ارسل له رساله من مواقع الاس ام اس ويرفض ان اتصل عليه من هاتفي الخاص


شنو الفرق بالتواصل معاه بين الماسنجر والموبايل<<<< تناقض

اختي مافكرتي انه ممكن هو متزوج عشان جذي يرفض انج تتصلين له !!!

مو خوفا عليج .. طبعا لا بس خوفا على مصالحه قدام اهله


هذا احتمال كبير ووارد

مرت علينا وايد قصص من هالنوع من الانترنت وغيره !!!!

انتبهي