تجمع: شو الشي الي تبين تصححينه في حملج الثاني..حياكم

افااااا :( توقعت القى مشاركات منكم

حبيبتي موضوع جدا رائع

انا لسا هذا اول حمال لي
بس سؤالي ايش صار لاطفال قرايبكم اللي ماشربوا حليب؟؟

الغاليه الله يقومج بالسلامه ان شالله

شوفي عزيزتي ..

اخت زوجي ماشالله عليها كانت تشرب الحليب اغلب وقتها .. يعني كثرت فيه ..

وانا طول فتره الحمل شربت بس اسبوع ..

وتحسين بنتها ماشالله فيها عافيه وعظامها زينه

اما ولدي تحسينه رخو ههههه يعني ما يشد نفسه .. وبطيء لين ما جلس وحبى والحين كمل سنه بعده ما وقف ..

[grade="00008B 8B0000 008000 4B0082"] اي والله انا نفسج متأدبة من حملي اللي فات، وابي اغير في طريقة تربيتي ومعاملتي لولدي اليديد..بالنسبة لي راح اعطيه لهاية وما راح اعوده اني انيومه بالهز لأن ريلي تكسرت من الهز ويالله يالله ينام، بعطيه طبيعي بس لين ما اقدر ما راح اطول يعني عادي عندي اعطيه رضاعة ,بصراحة ما لي بارض بعوار الراس بالمرة راسي انفجر من ولدي هذا وذابحتنه ضرب وماشاء الله عليه بروحه شقي وايد [/grade]

كأنج تتكلمين عني اختي الجميله

بس ما انصحج باللهايه والله .. انا اليوم اول يوم احاول ابعدها عنه .. متعب الموضوع ترا ..

والله يقومج بالسلامه ان شالله

مشكوورة غناتي على هالموضوع الرائع...

في حملي الاول كنت كارهه شي اسمه حليب مع مشتقاته...يعني يمكن شربته كم من مره بس.. وكنت مدمنه على البيبسي والسفن اب ... وكنت موول مب مهتمه بعمري لاني من حملت على طوول اشتغلت ف تعبت وااايد الصراحه ماكنت اتريق واشرب نسكافيه وايد واكثر من الشيبس والحلويات يعني موول اكلي ما كان صحي...

بس الحين في حملي الثاني الحمد الله كل شي اوكيه ..وقمت ابد ما اشرب المشروبات الغازيه واكثر من الحليب ومشتقاته لوو بالغصب...واكلي الحمد الله صحي واحاول انه وزني مايزيد وااايد...


والسموووحه وااايد رمست..

موضوع رائع

الله يوفقكم

حلوووووووو الموضوع ومفيد
:)

توني والده صار لي شهر بالضبط .. يعني تونا نقول يا هادي

خوفي اشارك بموضوعكم واطلع من الاربعين احمل على طول الله لايقوله :)

بس انا بحملي الاول الحمد لله سويت اللي في بالي تقريبا من جميع النواحي مع اني ولادتي كانت بعد قريب الامتحانات حتى اني تنفست اسبوعين ودخلت امتحانات على طول وقبلها كانت ايام امتحانات منتصف و بحوث وبلاوي بس مامنعني اني اسوي اللي بخاطري وصورت واهتميت بثياب الحمل بحكم اني موظفه و ولدت بالمستشفى اللي كنت ابيه و الحمدلله ارتحت عليهم و ناويه بولاداتي اليايه بعد اولد عندهم

الشي الوحيد اللي ودي اعدله بحملي الثاني .. اني اسوي خبر حملي مفاجأه احلى حق زوجي لاني بهذا الحمل ماحس اني سويت مفاجأه قويه << شناويه تسوي هالمره تبي تفجر !! ..لاني من الاساس ماكنت ناويه احمل بس صار بالغلط وحملت فماكنت متحمسه وايد فما سويت مفاجاه حلوه المره اليايه ن شاء الله اضبطها عدل :)

1- في حملي الثاني حاولت انظم اكلي واكل المفيد حق الجنين وحاولت ان مايزيد وزني وايد بس اخر 3شهور ماقدرت اسيطر على نفسي زدت في حملي هاي 16 كيلو وباقيلي اسبوعين عالولاده
عكس الحمل الاول ماانتبهت على نفسي زدت 23 كيلو تخيلي بس بعد الحمل رجعت وزني الطبيعي.

2- جهزت اغراضي واغراض البيبي وحلويات التقديم والموالح وحجزت الورد والتوزيعات....الخ من اغراض غرفة المستشفى عكس الحمل الأول كان خرابيط ماكنت اعرف شي كانت اغراض البيبي ناقصه وماشريتلي جلابيات لأستقبال الضيوف خذت عاديين كلش..ومابرزت شي للاستقبال وكل شي كان غلط في غلط.

3-ناويه ارضع البيبي طبيعي فتره اطول احاول اكمل الست شهور او اذا كلش كلش 3شهور...انشالله ياربي
عكس الحمل الاول مسكينه بنتي حرمتها من الرضاعه الطبيعيه بس رضعتها شهر..بجهل مني.

4- اعطيها حنان اكثر واهتم فيها اكثر هذيك المسكينه كل التجارب كانت عليها ماكنت اعرف شي
كنت اخلي الخدامه تمسكها ومرات تشربها الحليب ولين ماتعودت عليها
بس الثانيه انشالله بتكون غييييير ممنوع الخدامه تمسكها الا في الحالات القصوى..بتكون عندي على طول...


على فكره الوحده كل ماتكبر حتى لو سنه تنضج و تفكيرها يتغير وتصير تخاف على عيالها وتهتم فيهم اكثر من قبل وهذا اللي صاير معاي الحين ..قبل ماكنت وايد مهتمه لأني كنت صغيره مع ان كان من ثلاث سنين ..بس يوم عن يوم يفرق
ولا شرايكم؟؟!!!

أنا ناويه اخطط لوقت الحمل عشان لايكون وقت شده الوحم في رمضان :ss: زي حملي اللي فات لان زوجي تبهذل من اكل المطاعم لاني كنت مااقدر على الوقفه من الدوخه خخخخخخخخخخخخخ
ونفسي اهتم اكثر بحملي والمتابعه عند دكتوره مو زي حملي اللي فات كان عالبركه لا متابعه ولاحرص ولاتغذيه والله ستر

كل الشكر لكِ عيون بوظبي على الموضوع الرائــــــــــع
و حلوه بعد مشاركات البنات:) و تجاربهن
وننتظرن بقية البنات

بس ألاحظ اغلبية البنات و بينهن انا نفسي
انه الطفل الاول يكون متهبدل نوعا ما
لقلة الخبره و الوعي و لانشغال الام في الدراسة
او الشغل او لصغر سن الام
و الحمل الاول نكون غير مهتمين فيه وايد

صـــح:)

بسم الله..

هلا حبيبتي..

أنا عندي شي.. ندمانه ومتحسفة عليه إني ما سويته لمن كنت حامل وهو ( إني ما عملت تعليقه لباب غرفتي بالمستشفى)..

لأن تفاجأت بالطلق .. وما مداني اسوي..

بس ولله الحمد كانت التوزيعات والستاند ولله الحمد جهزوا ليلة الأثنين .. وولدت يوم الأربعاء..

ولحمد لله اههتميت بصحتي وبالرياضة ولاسباحة والمشي..

بس بعد عندي شي مكدرني بس مو كثيير الا هو اني ما اهتمت بأناقتي..

يعني ما سويت لي ملابس حمل ولا شي..

خدت لي بس ملابس رياضة للمشي..

لأني ولدت نهاية شهر 7 . .. وكلنا نعرف يعني شنو شهر 7 ..

عز الصيف والحر.. والعرق واللوعه..

ما تقدرين تلبسين شي,,

كل الشكر لكم على مروركم الرائع ... اسعدتونس الصراحه ...

صدقتي فوانيس الطفل الأول مظلوم ههههه مع انه اول فرحه المفروض .....

وانا ناويه بعد اسوي التصوير الثلاثي الأبعاد بدري شوي ...على الشهر الخامس او السادس .ز

في انتظار المزيد منكم

ان شاء الله في الولاده الثانيه ارتاح بعد الولاده على الاقل ثلاث اسابييع لاني بهذه الولادة ما مداني ارتاح امتحانات وبحث تخرج ولا قدرت احس بحلاوة اول الايام واحس ظهر يللحين تعبانه مع اني باقي عليي بس يوم واحد واخلص الاربعين بس احس طهري ااحين نفس الشي ما تغير من الحمل نفس وجع الظهر

مشكورة الغالية على الموضوع الحلو والمفيد ...

انا عن نفسي في حملي الاول وايد كنت مهتمه .. تعرفون البجر (( مع اني كنت ادرس))

كنت وايد اهتم باكلي وما اكل وايد حلويات وشيبس ومووول ما شربت غازات كله عصاير فرش ... وخذار وسلطات..

واراجع من خوفي الدكتورة كل اسبوع ...

وحق المستشفى سويت توزيعه روووووعه والكل تخبل عليه وسويت جلابيات حلوه تهبل ... بس البيبي ما سويتله شي لانه امي ما خلتني قالتلي تبين الناس يصكونه بعين ( قصدها يوم بلبسه وبكشخه )


اما هالحمل ....

مع انها بنيه ... موول مو مهتمه ما عرف ليش ..

لا اشرب حليب (بس اكل بيض وجبن واشرب لبن كل يوم ) ونادر ما اشرب عصاير واكل فواكهه ..

كله ابا غازات .. سفن اب .. ميرندا ..شاني .. الخ

ووايد اكل كوكاو شيبس ...

ومن بداية حملي احب اكل الاشيا الحمرة .. مثل اليح .. الكرز .. التفاح الاحمر .. الرمان ..

ومن شهر كله يدخل خاطري فالرطب الاحمر ..

والين الحين ما جهزت حق البيبي مع اني في الاول كنت من البداية اشرى وخلصت المشترى وانا فالسادس ...

يعني انا عكسكم .. انا بدل لا اعدلها فالثانية اطينها ....

وش هالافكار الحلوة عيون بوظبي :handup:


انا الحين حامل في الشهر الرابع .. وللمرة الثانية يصير حملي من غير رغبة لان حملي الاولي كان بعد من غير رغبة .. وحزنت وايد وبكيت لما عرفت هالمرة اني حامل وقلتها يا ربي خاطري مرة افرح بحملي " يعني اخطط وانفذ واقعد انطر نتيجة الحمل في موعد الدورة واعيش الاكشن وقتها هههههههههههههههههههههه" بس الحمد لله على كل حال :shy:

طبعا من قبل كنت ناوية اسوي مثل ما قالوا البنات وافاجأ زوجي بخبر حملي لكن الله ما كتب هالمرة ان اسويها او يمكن فاجأته بس انا كنت من غير نفس لاني زعلانه يعني ما حسيت بطعمها :sad:

بس في اشياء حاولت اعوض فيها عن اللي ما سويته في حملي الاولي وهو الاهتمام اكثر في الاشهر الاولى بالتغذية والحمد لله ان وحامي صار اكثر شي على الفواكه واكلت سفرجل بعد :bigsmile: ، الحليب انا ما احبه لكن قمت اشرب لبن وآكل روب ..

وطبعا انا ناوية ان ما اكثر من الاكل هالفترة لان تعرفون بعد الوحام تنفتح نفس الوحدة عادة وكل تبغي تاكل .. انا الحين قاعدة احاول اني ما اثقل بالاكل .. يعني ع الغدا مثلا قمت اكل فواكه ومقبلات اكثر من الوجبة نفسها ، وان شا الله اقدر استمر على طول .

في الاشهر الاخيرة من حملي الاولي تحملت بشكلي خصوصا ان بطني كان صغير فكنت اتلبس عادي وما خليت شي ما لبسته وكانوا الاهل ما يرضون ويقولون لي حرام عليج ذبحتي الياهل ههههههههههههههههههه لكن هالحمل صاير العكس كل هاملة روحي من بداية الاشهر وما اتلبس زين وكل بيجامات في البيت وجلابيات برا البيت .. قليل اذا البس بنطلونات او تنانير و بلوزات ، ان شا الله هالعطلة اتفرغ عدل للكشخه :cool:

وفي الاشهر الاخيرة راح اروح المستشفى واسوي الالتراساوند الرباعي الابعاد لان كان خاطري فيه من حملي الاولي بس وقته لما سألت قالوا لي ان للحين ما نزل في اي عيادة او مستشفى في البحرين .. انا مأجلته للاشهر الاخيرة عشان اشوف البيبي اوضح :shy:

اما في الولادة .. انا في حملي الاولي كنت حاطة في بالي ان بطوف موعد ولادتي لان البنت البكر عادة تطوف موعدها بعدين تولد وصارت الصدمة اني ولدت قبل موعدي ب10 ايام وكنت يادوب مخلصة اغراض البيبي لكن انا ما سويت لي شي .. يعني رحت المستشفى وولدت من غير ما احف ولا اسوي حلاوة :cry: وللحين اذا اطالع الصور او الفيديو مال المستشفى واشوف نفسي انقهر :sad: لكن هالمرة ان شا الله اعوض واجهز روحي قبل الولادة باسبوعين :dd:

اما عن بعد الولادة اكثر شي ابي اعدله هالمرة هو الرضاعة الطبيعية لاني ما اهتميت بها وايد خصوصا ان صدري قام يتشقق وايد ويطلع منه الدم واعتمدت على الحليب الصناعي اكثر .. واللي زاد الطين بله اني بعد 3 اشهر من ولادتي استخدمت حبوب منع حمل من المستشفى واكتشفت خلال ايام ان ولدي عاف الراضاعة وبعدين لاحظت ان صدري خفيف وما فيه حليب .. ووديت العلبة المستشفى وراويتهم الا تقول لي الدكتورة انها تجفف الحليب هالنوعية .. طيب والحل ؟؟ قالت لي ببدل لج النوعية وانتي خلي ولدج يمص اكثر .. سويت هالشي لكن ما في فايدة الحليب جف خلااااااص وولدي ما شرب منه الا 3 اشهر ونص تقريبا :mad2: :cry:

هذا حاليا اللي في بالي اعدله في هالحمل .. وفي بالي بعد اني استانس في هالفترة وايد لاني بعد ولادتي بحسون اكتشفت ان فترة الحمل رغم متاعبها الا ان فيها حلاااااوة وذكريات ما تنسى ، يكفي اهتمام وتدليع زوجج لج اللي يزيد في هالفترة :shy: غير عن اهتمام الاهل والناس عموما .

الشي الزين في الحمل الاولي ان المسؤوليات تكون اخف .. لكن الحمل الثاني يكون وراج ياهل يبي اهتمام .. غير ان انا ولدي ذابحني من الضرب والرفسات على بطني .. احس ان البيبي يعاني وايد من اخوه :sad: ، لكن حسون يوم كان في بطني كان متدلع .. ما يحصل له ضربات ولا شي هههههههههههههه


الله يسهل علينا يا رب ويرزق كل محروم بالذرية الصالحة ان شا الله

:clap: :clap:


ماشالله عليكم يا امهات .. هههههههههههه

بجعه تدرين كل الي يحملون ببنات يكونون جي كله حلاوة وغازات هههههههههههه

ماما حسون كـأنج تتكلمين عني :bigsmile: بس لا تسوين التصوير الملون بالنهايات .. انا رحت في الثامن عشان اسويه .. وما نفع

والسبب انه البيبي ماشالله كان كبير وحركته تكون ثقيله شوي .. وماتطلع الصورة واضحه واذكر الدكتوره قالت لي انسب وقت في الخامس والسادس ..


وصدقتي انه الحمل له ذكريات حلوة والوحدة تتمناها .. وانا عن نفسي اتمناها من زماان .. لكن ولدي صغيير ومشيب راسي هههههه ..

وابا انهي دراستي عشان اسوي الي ماسويته قبل ..

الله يقومكم بالسلامه ان شالله وانتبهوا لعماركم عاد ..

اختي سندس حتى انا عانيت من آلام الظهر لنفس السبب :(

ماما حسون كـأنج تتكلمين عني بس لا تسوين التصوير الملون بالنهايات .. انا رحت في الثامن عشان اسويه .. وما نفع

والسبب انه البيبي ماشالله كان كبير وحركته تكون ثقيله شوي .. وماتطلع الصورة واضحه واذكر الدكتوره قالت لي انسب وقت في الخامس والسادس

..

زين قلتيلي عيون بوظبي .. لاني من جد كنت افكر اروح في الشهر الثامن او التاسع ، انا ان شا الله بعد 3 اسابيع راح اسافر .. وبكون وقتها في الشهر الخامس ، يمكن اروح لها قبل السفر عشان تجيك لي اذا كل شي اوكى وبالمرة اشوف البيبي :shy:


وتسلمين مرة ثانية(f)