عاااااااااااجل

سلاااااااااااااااام

بنات انا بعد بكرا ذكرى زواجي .. ويوم الجمعة ذكرى خطوبتي ، وللحين ما سويت اي شي افاجأ به زوجي او اهديه لزوجي بهالمناسبة .

بنات انا تأخرت شوي في التحضير لان كان عندي امتحانات الجامعة وتونا مخلصين من اسبوع وحاولت اسوي شي او احضر لشي بس ما عرفت .. قلت ما لي الا بنات عروس ، على الرغم من انها المشاركة الاولى لي في القسم الا اني من المتابعات واطبق احيانا بعض الافكار اللي تناسب اسلوب حياتنا .. وانا الحين حامل في الشهر الرابع وزوجي مانع علي السياقة يعني ما اقدر اطلع واجهز له شي او اشتري له اي شي ، وانا ساكنة بعيد عن اهلي وما عندي احد يطلعني غير زوجي ومو معقولة اطلع معاه واخد له هدية قدامه ..

احنا ان شا الله بعد 3 اسابيع بنسافر وزوجي حاط كل ميزانيته حاليا في السفر .. والمسكين ما عنده حاليا حق يهديني هدية نجاحي في الجامعة او ذكرى خطوبتنا وزواجنا بس اتفق معاي ان يوم الجمعة بما انه يوم اجازته راح نطلع نتغدى او نتعشى برا ونروح الفيلم اللي ابيه في السينما بس انا ابغي اسوي له شي يفاجأه ويفرحه ...
ابغي شي بسيط .. فكرة بسيطة ممكن اطبقها في البيت تفاجأه بهالمناسبة .. على فكرة هو دوام شغله الى 5 المغرب .. وانا ابغي شي يفاجأه رجعته من الشغل .

" بعض البيانات اللي ممكن تفيدكم في الافكار "

- احنا عندنا ولد عمره سنتين و3 شهور والاكيد راح يكون حاضر وقتها ..
- اعمارنا انا وزوجي انا عمري 22 سنة وزوجي عمره 29 سنة ، ابغي شي يناسب اعمارنا :shy:
- احنا ساكنين في شقة صغيرة " يعني مو في بيت " ..
- مثل ما قلت ان انا حامل ويا ريت تعطوني افكار ما تتعبني " جسمانيا " وايد ..

واذا عندكم اي استفسار للتحضير لفكرة مناسبة انا حاضرة ..


وشكرااااااااا:shy: