استفسار - منتديات عروس

م

ماما حسون

عروس برونزية

25-06-2006 | 01:01 PM

اهلين بنات

بنات انا حامل في الشهر الرابع " الاسبوع 16 " ، وهذا حملي الثاني وانا عندي ولد عمره سنتين و3 شهور ووزنه ما بين 12 - 14 كيلو تقريبا .. المشكلة ان انا ساعات اضطر احمله واذا احمله احس بألم فظيييييييييييييييع في اسفل بطني وضيق في التنفس وسرعة في خفقان القلب وكأنه بيغمى علي ..

وانا ما اقدر ما احمله بالمرة .. لان اوقات يكون يلعب وينام وزوجي في الشغل فمو معقولة اتركه نايم على الارض لازم احمله واحطه في سريره .. واوقات يقعد يتدلع ويبيني احمله عشان يشوف شي فوق في المكتبة مثلا .. واذا ما حملته يقعد يصيح ويعور راسي ولا يسكت الا لما اشيله .. واوقات ما يرضى ينزل بسرعة واذا ما قدرت اتحمل الالم ونزلته يقعد يصيح " وهو لما يصيح من غضب يقعد يضرب او يرمي علي اشياء " .

الالم اللي يجيني وايد قوي " يشبه الم الطلق " واحس اني لو اضطر واحمله ربع ساعة ممكن اولد او يصيد البيبي شي لا سمح الله ..

انا رحت بس موعد واحد للدكتورة .. والموعد الثاني بعد اسبوع ، بسبب احس بخوف من السالفة ومو قادرة انتظر للموعد .. هل كثرة حمالي ولدي واحساسي بالالم يضر الحمل ؟؟ وفي احد يعرف او ممكن يستنتج هالالم ناتج عن شنو ؟؟ يعني هل هي تقلصات او ثقل او شنوووو ؟؟

بانتظار ردودكم :sad:

ك

كتكوته نايمه

عروس فضية

25-06-2006 | 01:05 PM

تحملي تشيلينه
مب زين كلش
انا اعرف وحد شلت ولد اختها وهي في السابع وحست بألم خفيف في بطنها وبعدها جاها الطلق وربت والبيبي مسكين صغيييييييييير
تحملي

b

bent el ba7rain

عروس مبدعة

25-06-2006 | 01:08 PM

تحملي حبيبتي لان خطر

ر

رقية وفاطمة

عروس مشاركة

25-06-2006 | 02:18 PM

نصيحة لا تشيلينه لأن حمل الأشياء الثقيلة عموما يؤذي الحامل وخاصه انك في الأشهر الأولى وإذا جالك هذا الألم استلقي على ظهرك ورفعي رجولك علي شي مرتفع وابنك لاحقه تشيلينه بس اهتمي في هذي الفترة بنفسك واذا نزل عليكي شي ذوبي ملعقة صغيرة من النشا بالماء واشربيه يتوقف فورا .
والله يبعد عنج الشر حبيبتي.....

ت

توته في المريخ

عروس مشاركة

25-06-2006 | 03:14 PM

لا تشيلينه ...وإذا عاندج أشغليه بأي شي ....,إذا رقد رتبي مكانه وحطيله شي تحت راسه

ولحفيه المسأله بسيطه يشوية تدبير ..ولا تنسين إنه طفل ممكن أي شي يشد إنتباهه وينسيه الشي الي كان يبيه من فوق..

الله يتمم لج على خير..

أ

أم فرووحه

عروس رائعة

25-06-2006 | 04:22 PM

اهلا ماما حسون..

مثل ما قالولج البنات أكييييييد هالشي خطر..

و اسم الله عليه فوق السنتين يعني مو 3 كيلو ولا 4 فهالشي اكيد يضر و يسبب لج الم..

والله انا وايد اتابع سوبر ناني و أحب أشوف أساليب التربية..

اذا سوا شي موزين مثل ما تقولين و قعد يحذف عليج اشياء سويله تايم آوت مدة 4 دقايق و فهميه ليش هالعقاب عشان ما يكرر فعلته..

و اذا صاح لا تعطينه اهتمام..

خليه يتعود انج ما تشيلينه..

و حاولي انج تعرفين وقت نومه و تراقبينه عشان ما ينام على الارض و تضطرين تشيلينه!

و ربي يوفقج

b

bj3a

عروس ماسية

25-06-2006 | 05:36 PM

حبيبتي حالتي نفس حالتج ..

انا ولدي عمرة سنه وشهرين ... ووزنه 12 وشوي ...

واضطر اشله احيانا ... طبعا يوم اشله يا يمين ولا يسار .. وعقب خصري يعورني وبطني تحت ..

شو اسوي ...

a

angel eyes

مشرفة سابقة

25-06-2006 | 05:58 PM

حرام..والله يغمضون اليهال..

انا اشل ولد اختي وايد وهو عمره 5 شهور و اتعب..خصوصا ماشالله عليه يتم يرفس بطني و يحاول يتسلق كرشتي :)..بس يابنات هذي سنه الحياه..يعني اليدات من مئات السنين ماشالله ياهل ورا ياهل و ما استوى بهن شي...وانا قريت في كتاب انه عادي تشلين ولدج بس بطريقه صحيحه عشان ما يعورج ظهرج
حاولي بس ما تشلينه وايد عسب ظهرج لانج لاحقه على الم الظهر

s

smsm78

مشرفة سابقة

25-06-2006 | 06:01 PM

[grade="00008B FF6347 008000 008080"]ذكرتيني بنفسي.انا والله من حملي وانا تعبانة حدي وتوقعت ما اكمل الشهر الثامن بس الحمد لله كملته على خير وما باقي لي غير هالشهر, من كثر ما اشتغل واشيل ولدي واغير الحفاظ حقه, انا ولدي اللي مهتمة فيه اكثر من الخدامة ، انا مو من النوع اللي تعتمد على الشغالةـ واقول غصبن عني بخليها تساعدني في البيبي الثاني ما راح اقدر اتحمل اثنين وبيتي كبير ..يا رب تسهل على كل حامل يا رب بس صدق مو زين تشيلي ولدج بالمرة[/grade]

س

سحابة حب

عروس جديدة

25-06-2006 | 09:37 PM

انا بعد حامل في اخر الثالث وولدي عمره سنتين و3 شهور بس وزنه 10 كم وطول الوقت يباني احمله خصوصا اذا كنت بروحي معاه ولما اسويله الحليب بعد احس ظهري يتقطع بس شسويي الله يستر. سمعت عن وحدة من اول شهر طاح الياهل لأنها كانت تحمل بنتها اللي عمرها اقل من سنة