تكفون عطوني حل بهالمشكله

يااختي في الله ....انا اقولك راي انا من النوع الي ما احب هذا الشئ واكرهه كره الي يخون .....بس انتي عارفه بالسالفه اول شئ استخيري ربك هو الي يزيح عنك الهم ووجع الراس ...لالالالالالازززززمممممم تستخيرين ربك....؟؟ وبعدين اذا انتي خلاص قبلتي بالموضوع والدعوه فيها حب ....بس اعرفي ان الحب راح يزول مع الايام ويبقى الاحترام بين الزوجين في اغلب الاحيان ....بس لاحضي دامنك راضيه عليه بهذي الحاله مو بعدين كل بين فتره وفتره تهزئينه او تذكرينه بالي سواه ...اذا انتي انك حاسه انك بتسووين كذا فابعدي احسن الحين من يجي بعدين تتحسفين ويكون قد جاء طفل بينكم ...لكن حطي في بالك انك اذا رفضتيه وتضيق به الدنيا راح يضيع اكثر من هو ضايع وتتعدى الامور من بنات الى اشياء اخرى .....؟؟ يعني يمكن تنقذينه من الغرق ..........لكن الامور تبشر بخير انه انشاء الله انه تاب ...........بس اذا انتي وافقتي عليه لالالالالالالازززممممم يسوي تحليل عن المرض الي منتشر وهو <<<<الايدز او الهربس ..>>> وما شابه والله يعينك ويكتب الى فيه خير لك وله.......................................بس ليه ماصبر وخل كل شئ بالحلال كان استعجل واخذك بدل الحرام .......يااللله ترحمنا برحمك وتبعدنا عن الحرام احنا وازواجنا وذرياتنا وذررارينا وفيه شريط ممتاز لخالد الجبير مايحضرني اسمه الحين يتكلم عن مثل حالت زوجك وياليت يسمعه زوج المستقبل...........................بس شوفي حالك تقابلتي معه وحبيتيه من سنتين كل هذا ماتتوقعين انه كله مو عن طرق شرعيه وفق ما يرضي رب العالمين والمثل يقول ؛؛؛<<<<كما تدين ..تدان>>>>>>>> والله يقول <<<<<<<<<<ويقولون يا ويلتنا مال هذا الكتاب لا يغادر صغيره ولا كبيره الا احصاها ووجدو ما عملوا حاضرا ولا يظلم ربك احدا>>>>>>>>>>

أنا ساعات اقول حق نفسي لا ما ابي واحد سوه جذي خربط مع بنات وساعات اقول
دام الله هداه وغفر له .. انا يعني ما اغفر له واسامحه على اللي سواه لانه اهو ما كان جذي
وما استمر على هالخرابيط الا اسبوع وبعدين تاب وانا مو من النوع الا بذله بعد الزواج بس راح يكون
هالشي ببالي اكيد وما بقدر انساه

جزاج الله خير اختي


وانتظر اراء باجي العروساات

تكفووووووون يا بناات رجوا علي بسررعه انا محتاجه لرد ضرووووور
لا تخيبون أملي فيكم وابي رايكم تكفوون ضروري

سنتين تحبينه... وليش ما خطبك؟؟


متى ناوي؟؟


تقولين المشكلة بدأت من شهرين والحين تفكرين تتزوجينه او لا؟؟



خليه يخطبك بالأول
وبعدين فكري واستخيري. واستشيري....



انتبهي لنفسك ياعزيزتي...




وفقك الله ورعاك

اختي منال

اهو يبي يخطبني وناطر مني رد باني موافقه ولالا
بس ما رضيت اوافق الا اذا عرضت مشكلتي الاول
واشوف شنو نهايتها

جزاج الله خير

أختي بسمة أمل اسمعيني يالغالية

ما في انسان معصوم عن الخطأ ومب عيب الواحد يغلط
لكن العيب يوم ما يتعلم من غلطته وسالفة انه يتريا سنتين
عشان توافقين عليه ترا هذي مب حجة وهالشيء ما يرضي
الله ولا رسوله .. لا يا اختي حطي حد للموضوع تراج غاليه
وعزيزة نفس .. الريال اللي ما يدش من الباب تراه ينعاف
وما يستحق كلمة ريال سنتين مب شوية تضيعينهم ويا هالانسان
وآخرتها ما تعرفين شو مصيرج وياه ..

اولا اذا بينج وبينه اي محادثات او كلام اقطعيها وقوليله كلمه وحدة
اذا انتي راضية فيه تعال يا فلان اطلبني من اهلي واخطبني

واذا ما كنتي تبينه خلاص اقطعي علاقتج فيه فورا لانه انسان غريب
عنج وما يجمعكم اي شيء ..

وترا الحب قاعده مش ثابته لا قبل ولا بعد الزواج فانتي احكمي على دينه
وأخلاقه أولى من الحب وصلي لاستخاره وتوكلي على الله ...

خيتو انتي عاارفه شباابنا شلوون صاايرين
((اظنج فااهمه قصدي))

انا اقوولج مااكو احد معصوم عن الغلط بس انتي فهميه

قوليله (( انا هالمره بساامحك وبطوف هالغلطه بس مره ثاانيه واذا شكييت بس انك تسوي شي غلط اسمحلي انسا اني بالوجود))

واذا انتي تبينه وشاايفه فيه ان الانساان اللي بترتاحين وياااه حيااتج كلهاااا وفااهمين بعض

قوليله اي انا موافقه علييك .. ورجاااءآ انا مرااح اكلمك صج احبك وابيك بس تبيني تعاال طق باب بيتنا وخطبني من اهلي .. وبعديين اذاا ملجنا كلمتك ..

لان علاقتكم سنتين ولحد الحين مااخطبج .. هذي تخافيين منهاا ..

السلام عليكم ورحمة الله وبركاته

و الله أختي هذا شيء راجع لك...

يعني ممكن بعد الزواج لو تغير عليكي شويه...تصيري تقولي له شكلك رجعت للعادة القديمة ثاني...

شوفي إنتي كيف تحملك...و ما تنسي تستخيري الله تعالى...

و ما تنسي...إحفظ الله يحفظك...

انا مع اختي مرموم

انتي استخيري قبل كل شي

و قوليله

لو تبيني تعال اخطبني

و لو تيسرت الاموور ترى ربج رايده لج
و هاي حكمه من ربج

و لو الاموور ما تيسرت يعني هذا حكمه من ربج و ابتعدي عنه

بس لا تضنيين السوء من غلطه

معظم الريااييل الي يعرسوون يغلطوون

حتى البناات

قبل لا يعرسوون يمكن يرمسوون

يعني الرياال يحكم عليهم

من مب غلطه في حاله الله اعلم يووم الشيطان قص علييه تحكميين علييه

و الامر الاول و الاخير رااجع لج يا الغاليه

أختي بسمة ألم

أهو صح غلط وغلطه صار ماضي

انتي اللحين خلي يتقدم لج رسمي و أستخيري ربج

واللي الله كاتبه لج بصير ولا تعورين قلبج

والله يوفقج وييسر امورج للخير ان شاء الله

أسأل الله لي ولكِ ولجميع المسلمين والمسلمات تفريج الكربات

اللهم آآمين .. اللهم آآآمين

أختج الصبوره

]اختي هل هو يستحق حبك?+ هل انت تحبينه لدرجة مسامحته على اخطائ الماضي?اختي اذا كانت اجابتك نعم []توكلي على الله و سامحيه.:shy:

ملاك الورد

احنا علاقتنا مع بعض عاديه وبعلم اهلي واهله لانه الولد جا وتكلم
مع اهلي لانه كان عنده ظروف بس الحين الحمدالله عدت على خير
الظروف واهو جاهز الحين للخطبه بس ينطر موافقتي ..

جزاج الله خير اختي

الورده الناعمه

أنا عشان احبه وابيه بسامحه عن الغلط وبقوله انه ما يكررها مره ثانيه

وبقولج مثل اختي ملاك الورد ..

احنا علاقتنا مع بعض عاديه وبعلم اهلي واهله لانه الولد جا وتكلم
مع اهلي لانه كان عنده ظروف بس الحين الحمدالله عدت على خير
الظروف واهو جاهز الحين للخطبه بس ينطر موافقتي ..

جزاج الله خير اختي

مرموم

المشكله يا اختي اني استخير واجد بس ما احس لا براحه ولا احس
بشي يخليني اقول لا مو اهو الشخص المناسب او اني ما ابيه
صراحه احترت والله

جزاج الله خير اختي

رموش

عدل كلامج والله يا اختي .. والله يكتب
اللي فيه الخير ان شاءالله

جزاج الله خير اختي

الصبوره

استخرت واجد يا اختي بس ماكو فايده ساعات احس
براحه اذا استخرت وساعات لا ما احس براحه
ما في شي مستقر للحين ..



جزاج الله خير اختي

بسمه 2000

اجابتي نعمـ ..

والله يكتب اللي فيه الخير ان شاءالله


جزاج الله خير اختي

شوفي اختي فكري زين ...انتي ماجربتي الحياة <<<<<<<<<<الخاصه>>>>>>>>> وبعدين اذا تزوجتيه وجربتي معه الخاص راح تتذكرين الي سواه وانه سوى فيك مثل ما كان سوى في غيرك ووبتتخيلين الشي هذا وبتطيير شياطينك في اعلى راسك وبتنزل من شدة الغيره والحقران لشخص فعل مثل هذي الاشياء................................................... والله يعينك ............احسبيها من جميع النواحي

اسمحيلي

واضح وضوح الشمس من كثر ما تحبينة وذايبه فيييييه ذوووب

قاعدة تحطين له اعذار

الوحدة منا لين حبت تصير لعبة بيد حبيبها

انا اقول والعلم عند الله ماراح ترتاحين مع هالشاب وطول يومك راح تعيشين بشك وقلق

و دام هذا اولها ينعاف تاليها

والله يوفقك ويفتح عينك للصواب