أصطحاب الاطفال الى الاعراس... بين مؤيد ومعارض..

مشكورة على طرح ها الموضوع الحلو

انا مع وضد
أنا اشوف الوحدة هي اعلم بعيالها..
يعني إذا كانوا مزعجين ومشاغبين الافضل ما اتوديهم ولو ما اتروح العرس إذا ما حصلت حد يشوفهم..
وترى الطفل الصغير الأقل عمره من 8-9 شهور ما يحب الازعاج..
أنا أحاول بقدر الإمكان ما اودي بنتي معاي مع انها تحب الاعراس و تحب ترقص مع الاطفال..
وانا انحرج يوم اودي بنتى واشوف وحدة حرمة اتدور كرسي وبنتي قاعدة.. لاني انا روحي اعصب يوم اروح عرس زحمة و اشوف وحدة حاجزة الطاولة بكبرها هي وعيالها وخداماتها!!

وبنشوف آراء البنات

ألف شكر لج اختي مارية على المشاركة معانا...

فعلا حركة مو حلوة ان اليهال حاجزين الكراسي والحريم المعزومات مالهم مكان..

موضوع حلو...

بالنسبه لى بنتى عمرها سنتين و3 شهور حظرت عرسين

عرس خالتها الغاليه...وعرس خال ربيعتنا...وعلى حسب الظروف بس أكثر شئ أخليها عند خواتى أو خوات ريلى.... وبنتى من النوع يضايق من الحشر واللبس تخيلى فى خالتها لبست فستنها يمكن ساعه وبعدها بدلت ولبست بجامه ههههههههه تصورت مع خالتى بجامه....

انا مع اذا العرس عرس حد من اخواني او عيال خالتي او عمي ..

وضد ..اولا لاني ما احي اسير اعراس الغرب .. ومستحيل اسير حتى ربيعاتي ما اسير اعراسهم

وثاني شي اسير العوز عمري والعوز عيالي وصدع راسي وراسهم ليش

وثالث احنا اذا اعراسنا نضايق يوم نشوف الناس يايبين عيالهم كانه العرس حضانه .. فمافي داعي اضايقهم واودي عيالي

نحن كل البطايق إلي ايبولنا ممنوع اصطحاب الأطفال واصلا نحن من النوع إلي ما انودي عيالنا الأعراس ... بس إذا اعراس الأهل انوديهم ... إذا ما عندي حد ايود اعيالي ما اروح العرس .. لانه مثل ما نحن انحب اعراسنا اتكون مرتبه انحب للناس بعد

مرحبا حريم
مساكن ربي بالخير
مشكوره اختى جمانه على الموضوع...........
اما عن نفسي ما احب اشل اعيالي عرس حد ابدا الى اذا عرس حد من الاهل القريبين يعنى الاخو الاخال العم ولد العم ولد الخال بس جي ......
وسلامتكن

حلو الموضوع، تصدقين جمانة من جبت بنتي صرت ما احب اروح اعراس الا اذا كلش كلش ما اقدر إلا اروح تدرين ليش لأني ما احب فوضة اليهال في الاعراس وفي نفس الوقت ما احب اطلع بدون بنتي. خصوصاً اني اشتغل يعني نصف اليوم مو وياها وبعد ما ارجع ما افراقها ولا دقيقة الا وقت النوم. الضرورة القصوى.
بس حتى اعراس الناس اللي لازم اروحهم أوديها لازم وإذا شفت في البطاقة عبارة (نوماً هنيئاً لأطفالكم) أمتنع عن الذهاب.

رأيي عاطفي جداً ... أليس كذلك؟؟!

لا والف لا

الطفل مايروح عرس ولا زيارات ولا عشاء اذا كان عمره اقل من 5 سنوات اما اذا كان فوق الخمس سنوات يروح للناس المقربين الين يوصل عمره فوق 12 وبعد ذلك عادي هذا رايي وهذا اللي احنا متبعينه في عايلتنا

اما وين نخليه عادي يااما عند الاخت او الام وبالنسبة لي انا ساكنه مع اهل زوجي اخليها مع الشغاله تحت اشرافهم

مرحبا
انا مع>> اذا كان العرس من الاهل
وضد>> اذا كان العرس يعني مب من الاهل لانه فشله احس إلا إلا إلا للضرووره لاني يووم اسير اعراس ربعي اخليه عند امي لاني ما اطمن الا اذا كان عند امي واخواتي.

عن نفسي ماحب أخذ الأطفال للأعراس،، لأن خواتي الصغار كنت أتضايق لما يقولون بنروح معاكم...

والله ذكرتيني ياجمانة، وين ذيك الأيام،، من ولدي عبودي ماحضرت غير 3 أعراس ومضطرة،، مرة وحده معانا بالدوام ومرة خطوبة البنت الي وفقت بيني وبين زوجي وحسيت ان لازم أردها لها، الثالثة زواج أخت جارتي لأن كل مرة تعزمني أعتذر قلت بتقول مغرورة،،، وبكل المرات أخليه عند أمي وأخواتي،، صرت ماحب آروح لأني أحس بتأنيب الضمير بترك ولدي..

بشكل عام الأطفال مايصلحون للأعراس وبالذات الأولاد،، لكن لو كان العرس قريب يعني الخال او الخالة او العم او العمة ، حلوة أنك تاخذينهم للتصوير للذكرى وبعدين حد يرجعهم البيت،، بس لوكانوا كبار مافي مشكلة ناخذهم معانا والأهم أن يكون لهم بطاقة....

شكرا أختى جمانة على موضوعك الحلو...

[CELL="filter:;"][ALIGN=center]موضوع حلو مشرفتنا

احنا اساسا عندنا في السعودية معظم اعراسنا يكتبون في بطاقة الدعوة (( نوما هنيئا للأطفال )) يعني ممنوع اصطحاب الاطفال بطريقة حلوة

وفيه صالات كثير تحدد عدد معين للأطفال المدعويين مثلا 20 طفل معظمهم يكونون من اهل المعاريس

فصعبة تلاقين اطفال في الأعراس خاصة الراقية اللي تكون في صالات ... بس فيه ناس ما تهتم حتى لو كتبوا على البطاقة يروحون ويتهاوشون مع الحارس بعد !!

اختي في ثاني ابتدائي هذي اصغر وحدة .. امي ماتروح معاها وحتى وهي صغيرة نقول لامي خليها
حرام ما يتحملون صوت الطق والزحمة والازعاج

انا ضد لو كان الطفل صغير عمره اشهر حرام اشوفه في اللفة والمفرش وامه حاطه له كلينكس في اذنه عشان الازعاج .. والله اقعد مكاني ولا ازعجه واوديه معاي

بس فيه اعراس لازم الطفل يحضرها مثل اعراس المقربين .. بس اهم شي ان الام توصي عيالها خاصة لو كانوا من النوع الحركيين انهم يجلسون بأدب
ولو شياطين تخليهم في البيت احسن
ياماصارت قدامنا .. العيال ينطون على الكوشة ورايحين جاين على الجسر
ويكسرون في الكاسات ويكبون العصير

احلى شي اذا كتبوا على البطاقة (( جنة الأطفال ... منازلهم )) او (( ماما قبليني قبل ذهابك ))[/CELL]

موضوع حلوو ومهم ..احنا بالسعوديه زي ماتفضلت الاخت رومي عادة مايكون فيه اطفال بالاعراس الا اطفال العائله المقربين ومع ذلك فيه ناس يطلبون بطاقات وتصير مشاكل وحساسيات عشان اولادهم مع ان والله الطفل اريح له بيته من اللهجه بالاعراس وخاصه الرضع وانا مااؤويد حضور الاطقال وخاصه الصغار الي مايفهمون والاولاد الاعراس يعني تاخذين بنتج اذا العرس حق ناس قريبين منها اما اذا هي علاقات اجتماعيه فماله داعي واصلا فرصه ان الام تريح شوي من صجتهم .. تحياتي

بصراحه انا ماأأيد.........

الاطفال مكانهم بيتهم........... بلا ازعاج بلا عوار راس

موضوعج حلوووووو جمانه

انه عن نفسي من يبت بنتي وانه ما احب ارووووووح عروس ومثل ما قالت اختي رانيا اذا تركتها ورحت احس بتأنيب الضمير يمكن لان بنتي بعدها صغيره يعني توه سنه عمرها
ومن يبتها للحين ما رحت غير زواجات المقربين كلش يعني بنت عمتي وكانت بنتي عمرها 3 شهور وطول الوقت كانت في غرفه في الفندق مع الخدامه وكل 10 دقايق اروح لها
والعرس الثاني كان اول امس وهو زواج ولد خالتي بس ما اخذتها مع ان خالتي حلفت عليي اني اييبها معاي بس لان بنتي الحين توها تمشي وما تحب تقعد فحسيت انها راح تعفسني هناك وبعدين احد بقول لي يودي بنتج وبتحسس وتصير لي سالفه بعدين
.........>>>> كأنج قصيتي قصة حياتج هههههههههههههههههه

المووووووووووهم انه من الناس الي ما تأيد وجود الاطفال في العرس

الصراحه انا ضد هاي الفكرة .....

جنه الاطفال منازلهم ..... واللي يخلي ابو العيال .. الا هي ساعتين ولا ثلاث ... خله ايود عياله اشوي :shy:


وسلامتكم ......

رووووووووووووو:flower: ووووووووووووز

السلام عليكم ورحمة الله وبركاته

خلوني عاد أطلع اللي في قلبي...

يعني في عرسي...كتبنا على البطاقة ( إدارة القاعة تمنع دخول الأطفال )...

و وصينا الناس...و قلنا و عدنا...و مع ذلك...ما في فايدة..الناس جات بأطفالها...

طيب أقول لكم على شيء...في واحدة كانت مش جايبة عيالها...لما شافت في أطفال ...إتصلت عليهم جابتهم...و الله...!!!!

و وقت تقطيع التورتة...واحدة طلعة لي في كل الصور...لازقة فيه أنا و زوجي...لما كنت عايزة اقتلها...يعني هذه صورة تذكارية ما تعوض...و هذه لازقة لنا...

بصراحة..زالحمد لله فرحي كان مرتب و حلو...بس كرهت وجود الأطفال فيه بشدة...

انا من المعارضين وبشدة الا في حالة وحدة ::

اذا كانت الوحدة ما عندها احد تخلي معاه طفلها وهي مضطرررررررة انها تروح العرس " من اهلها او اصحابها " .. واذا كانت مو مضطرة انها تروح فلا تروح وتقعد مع عيالها في البيت احسن ..

انا من النوع اللي ما اودي ولدي لا اعراس ولا رحلات بناتية لان احس ان ولدي ما يحب قعدة البنات والحريم وما يستانس في هالقعدات .. اخر مرة راح عرس كان من حوالي الشهر ونص وكان حفلة خطوبة بنت اخت زوجي " بنت عمة ولدي " وكانت الحفلة ممنوع فيها اصطحاب الاطفال وخليته في البداية مع ابوه عشان اعرف اقعد على راحتي خصوصا ان وقتها كنت في بداية حملي والوحام شغال عندي .. لكن ابوه وداه المطعم وتعشى معاه وجابه لي عشان يروح القهوة مع ربعه .. وجنني في البداية كان كل لاصق فيني وين ما اروح وما يبي احد من عماته ، وكنت اقول يالله اهون من انه يروح يراكض ويلعب ع الكوشة مثل باقي اليهال اللي كانوا هناك " واللي اكثرهم كانوا من الاهل " لكنه يوم قربت دخلة المعاريس قام يلعب عند الكوشة لانهم ابتدوا يشغلون الاضاءات .. ولما دخلوا المعاريس رحت مسكته بالغصب وطفشني .. بعدين المعرس رد طلع عشان اهل العروس ياخدون راحتهم شوي .. وتركته وراح يلعب مرة ثانية عند الكوشة .. احلى ما في الموضوع ان العروس سحبته وصورت معاه:bigsmile:

المهم انا ضد اصطحاب الاطفال في الاعراس .. لان مثل ما قالوا البنات مثل ما نحب اعراسنا تطلع مرتبة لازم نخلي اعراس الناس مرتبة بعد .. وانا اذا ما حصلت احد اخلي معاه ولدي ما اروح العرس الا اذا كنت مضطرررررررررررة وانا مو من النوع اللي تترك ولدها يلعب على كيفه مثل بعض الامهات اللي يودون عيالهم ويخلونهم يسرحون ويمرحون :no:

مشكورة جمانة ع الموضوع

انا ضد اصطحاب الاطفال من الاولاد خصوصا
لكن بنتي اصغيرة عمرها سنة اوديها معاي عادي ولانها لصقة فيني ماتقوم فعادي اوديها