سؤالي عن البطن بعد الولاده

انتم السابقون ونحن اللاحقون...

انا ماعندي خبره بس ياليت يفيدونك اصحاب الخبره..

بس اللي اعرفه بالرياضه يرجع كلشي طبيعي باذن الله

مو المشكله يا اغتراب اني اول مانزل ولدي وحطوني عالسرير سالت الدكتوره : هذا يروح؟

اشرت لي على الخط اللي يطلع بنص البطن غامق وقالت لي هذا يروح بس هذا لا

مادري شكانت تقصد هل كانت تقصد التجاعيد اللي بالبطن ولا تقصد خطوط بسيطه كانت طالعه لي

اذا عالخطوط قصدها مو مشكله لانها يدوب تبين اذا ركزت فيها بس اذا كان قصدها عالتجاعيد انها ماتروح

فهذي الطامه الكبرى

والحقيقه انا خفت اسالها عن قصدها بالضبط شنو يطلع تقصد التجاعيد ويجيني احباط زياده لاني حزتها كانت معنوياتي تحت الصفر من شكل البطن

يمكن تقصد الخطوط لانها هي الي معروفه ماتروح..

بس شوفي اعرف لك وحده من تطلع من النفاس..

تركض عالنادي وتلتزم بحميه

3 شهور وماشاءالله كان ييرجع جسمها طبيعي

شوفي التاجعيد يروح بعد الولاده انا عن نفسي راح وما دري يمكن جسم عن جسم يختلف بس الحمد لله جسمي رجع زي اول لاني داومت على المشي

بفيدج من تجربة اختي الله يخليها

الكرش والتجاعيد والاسمرار يررووحن مع التمارين والمشي ،،


<<<< صايره ختها فار تجارب

<<<< تقيس كل شي على تجارب اختها

السلام عليكم ورحمة الله وبركاته

بالعل اتجاعيد تروح مع الايام.. وخاصة اذا داومتي على الرياضه بعد الاربعين باذن الله بتختفي بسرعه بس يبالها وقت وشد همه.. عن نفسي اول ما ولدت كنت خايفه لما شفت شكل البطن والحمدلله بعد مرور عدة اشهر الكل لما يشوفني ما يصدق اني ام لان جسمي رجع مثلما كان والحمدلله-..

الله يطمن قلبكم طمنتوني وانا كنت ناويه بروح النادي اليوم عشان اكلم المدربه واوريها بطني بس زوجي اخذ سيارتي وهقني

انا كنت ناويه ابتدي تمارين من اول اسبوع بعد الولاده بس خوفوني قالو لي مو زين عشان الرحم نازل وممكن تتأذين بعدين خليها لبعد الاربعين

في منكم من جرب التمارين وهو في الاربعين و الرحم رجع طبيعي مكانه ما تأثر؟

الغاليه تحملي تسوين تمارين بعد الولاده على طول
لاااازم تصبرين شهر على الاقل والرحم نازل هاي مشكله لان اخت ريلي منعتها الدكتورة حتى بعد الاربعين انها تسوي الرياضه لان الرحم عندها ينزل اذا سوت رياضه فلااااااااااازم تستشيرين دكتوره قبل ما تسوين شي تندمين عليه بعدين

الله يستر من هالكرش انا بعدي ما ولدت وشايله هم التشققات والتجاعيد


بس اضن انها تختفي


استخدمي كريم التشقاقات مع الرياضه علشان تشد زين

مرحبا اختي
انتي لسا جايبة بيبي وبتسوين تمارين
خليكي لا تسوين شى الا بعد الأربعين على الأقل
لانك تمدد بطن في 9شهور يروح في اسبوع بعد الولادة

هذى طريقة اعطانيها صاحب عطارة
قال عليك بشرب منقوعة العنزروت +شوي محلب + مرة
مع بعض بعد الغدا (عشان تهضمين الأكل وتنزلين المويات الي بلجسم
وقال عليك بشرب منقوعة قشر الرمان (قشرة الرمان الى مر عليها سنة )كل يوم
اغليها واشربى قدر فنجان كل يوم الله يعينك على الطعم اىىىىىى لانة يروح البطن ويجعة الى مكانة
شـــــــــــــــــــــــــــــــــكرا

جربت قشر الرمان و فعلا طعمه علقم ماقدرت اواصل عليه و امي حذرتني من كثرته يسبب ضعف المبايض فخليته

لو شربت كل يوم كسره مر تجيب نتيجه؟