أبي أزور دبي بعد يومين .. أبي مساعدة الإماراتييات في التجهيز..

الغاليه الود ودي اساعدج بس انا بس تخصص ثياب نوم
و الله يوفقج و ينيلج مرادج

السلام عليكم ..
حبيبتي محد بيحقرج افا عليج انتي اختنا ولازم انساعدج وبالبركه مقدماّ عالعرس..المهم بالنسبه للزفات انا اقدر اسوي لج زفه خاصه فيج وحسب اختيارج وحتى لوتبينها تتوزع عالمعازيم بسوي لج اياها بسعر حلو ويرضيج وحتى لو تبين قصيدة لبطاقة العرس أقدر اكتبها لج وأوصلج الشغل كله لين عندج حتى لو ماكنتي فالامارات ..أما بالنسبة للعبي في محلات وايده عندهم الشغل الحلو سواء خفيف أو ثقيل والغالي أو الرخيص على حسب انتي شو تبين ...عالعموم اذا احتجتي أي مساعده انا حاضره ومن عيوني ..اذا تبين يكون بينا اتصال طرشي لي رساله وفالج طيب حبوبه بتنورين الامارات بييتج

الغالية انا ااجر فساتين عرايس اذا حبيتي عالخاص

الغالية انا ااجر فساتين عرايس اذا حبيتي عالخاص

المجمع اللي تقصدينه ((بوهيل)) كله محلات عبي

وفيه الحلو وفيه الزين وفيه اللي مو شي

عبي مها خان حلوه

ووايد بنات غيرها

وطبعا غير المحلات العاديه والمعروفه
سويت ليدي ،، فيرست جويز ،،فير ليدي
بلو ليدي ،،وفي في مزايا محلين عندهم افكار حلوه ،،،الخ


بالنسبه للزفات تسجيلات النداوي (السطوه)
يتعامل ويا ناس يسووله زفات

وفيه عندي رقم شاعر اذا تبينه بطرشلج اياه
وعنوان واحد سعودي يسوي زفات حلوه
بالسعر اللي تبينه




ومبرووووك مقدما والله يتمملج على خير

تحياتي

شــوقـ قـلـبـيـ

السلام خواتي

أنا عروسه و عرسي قريب 4 أشهر بس

بحضر دبي بعد يومين أو 4


عشان أجهز .. أبي فستان عروس إللي عندها أرقام حريم بالبيت يأجرون أو يبيعون

فساتين لمصممين مشهورين .. مثل أروشي ..
ووليد عطالله ..
أنا سمعت و عن وحده إسمها أم ريم بالشارجه وأم جاسم بالشارجه يمدحونهم ما أدري شرايكم ؟؟

وياليت يكونون بين الشارجه ودبي . مو مشكله إذا شوي بعيد .. بس مو بعيد وايد

وإذا عندكم أرقامهم أرجوكم ..
و أي وحده عندها فستان تبي تعرضه لي . عشان أشوفه يمكن يعجبني و أشتريه

أنا حاضره .. أرجوكم أبي أي معلومه يمكن توفر علي الوقت لأني ماراح أطول أكثر من 5 أيام

ولازم أشتري كل شيء. . .

وإذا عندكم محل أقدر اشتري منه دخلة ( زفه عروس )
جاهزه.. مو شرط تكون مخصوصه لي .. لأن أكيد

المعازيم بالكويت مو سامعيهاا .. فما له داعي أدفع أكثر ... عشان شغله أوردي بتكون

جديده عليهم ..

المطلوب ألحين محلات ( عبايات _ شيال _ ( فخمه ومشغوله ) _ فساتين زفاف مأجره _ أحضيه ( وأنتم بكرامه ) _ ودخله )

وأرجوكم تكفون السعر .. ما أقدر أدفع الغالي لان المهر طار كله على الشرايا ( الذهب ) و السبحات و البقمات والعقد و الألماس
.. يعني الجهاز و مالملابسوعطور كله على الوالد و الوالده .. فما أبي أخسرهم ..

المهم حبيباتي ... هاللله هالله بالفزعه ...

ردو علي مو تحقرو ني ..

ومثل ما قلتلكم أي شيء يفيدني وسعهر طيب موغالي حيل .. يعني بين المتوسط والرخيص

وشكرا ... تكفون أخذو فيني أجر .. ترى دايخه

مرحبا اختي....اسمحيلي ما اقدر افيدج غير بمحلات العبايات والشيل...
1. عندج محل first choise تقريبا بتلقينه في كل المراكز.....بس اللي اذكرهم( سيتي سنتر، بن سوقات، سنشري مول،تاون سنتر، برجمان) في دبي... ومركز ميغامول في الشارجه.
2. وعندج محل sweet lady وبتلقينه في ( مركز الغرير، مركز الشاطئ، الملابلازا) في دبي.
3. وعندج محل البندر في مركز برجمان في دبي.
4. ومحل blue lady في سنشري مول في دبي.
5. محل غواني في مركز البستان في دبي.
6. ومحل my fair lady في أبراج الامارات في دبي.
7. ومحل الحلوة في مركز البستان في دبي...

وألف مبروووووووووك مقدما...:smile:

اختي الغالية ..


في دبي مول اسمه " مول الامارات " ..


فيه كل شي بدل ما اتدوووورين دبي باكملها ..!


روحي هالموووول وبتلاقين كل شي تحتاجينه ..


اختج ..

.
.
.

جزاج الله خير يا قلبي .. ما قصرتي .. يا كبتشينو


بس رد واحد ؟؟؟

حرام عليكم .. الموضوع كله أترجاكم فيه .. وما فيه غير رد واحد ...


تبوني إتبجوني يعني ؟؟ ؟؟؟

جزاج الله خير يا قلبي .. ما قصرتي .. يا كبتشينو


بس رد واحد ؟؟؟

حرام عليكم .. الموضوع كله أترجاكم فيه .. وما فيه غير رد واحد ...


تبوني إتبجوني يعني ؟؟ ؟؟؟:sad: :sad: :sad:

مرحبا نور الكويت كله في بلادج الثانيه وبصراحه البنات ماقصرن و عندج مركز المنال حق الشيل و العبايا..

هلا الغالية.....

حبيبتي بالنسبة للاخذية بتلقينها في كل مراكز دبي تقريبا ..

الامارات مول ..ابن بطوطة مول .... مركز برجمان...مركز سيتي سنتر...ميركاتو

بالنسبة للفستان انا أختي معرسة من اسبوع تقريبا ... وممكن اعرض لج الفستان... هي فستانها

كلاسيكي ولونه سكري بس روعة ... اذا حابه بعرض لج الصورة واذا عيبج بقولج السعر عقب ما

أسألها... وبالنسبة للزفة ليش اتخسرين فلوسج على الفاضي الانترنت مليان زفات...أنا اخترت

وحملت زفة عرس اختية بنفسي من الانترنت واذا حابه تعرفين مواقع قولي لي أنا حاضرة...


وبالتوفيق ان شاء الله:shy:

هلا فديتج الزفات ممكن تلاقينهم في الشارجه عند سوق الذهب شارع كامل تجهيزات الاعراس وبتلاقين عنهم ... والفساتين بتلاقينهم في دبي في الامارات مول في محل يجنن بس ما انتبهت لاسمه

العبايات اذا تبين بسعر مناسب روحي عجمان يسوونهم باسعار زينه اطقم ب350 وعلى هالحدود

عزيزتي حياج الله في الامارات

وامارات بتنور بج

بالنسبة للعبي عندج مركز بوهيل متروس محلات عبي طبي وتنقي

وبالنسبة للفستان ممكن اعرف كم قياسج عشان اقدر اساعدج

انا عندي فستانين من اروشي واحد سمول
وواحد بين الميديم واللارج
واثنينهم حلوين

مرحبا فييج في الاماراات

و انا بعد عرووس
و سرت الشارجه جهزت ترى دبي و الشارجه جريبه وايد ما في فرق من بينهم
و شرييت من السووق الجدييم شيل وايد روعه ويا عبيهم و اسعاار حلوه
كاسريهم

و انتي بتكسبيين

و عندهم كم محل في جنااط حلوه

و بالنسبه لزفه العرووس
سيري الشارجه

محل حق تجهيز الاعرااس
في شارع كامل في محلاات و خلهم يسمعوونج زفاات

عندي زفه وايد

مال الجسمي سويتها في ملجتي

بس ما ادري عندكم في الكوييت سمعتوها او لااء
هي باسم المعبود و الرحمني

عندي سويتها من محل المال تجهييز الاعرااس

و تقدريين تخليهم قبلها تخليين حد يشعر من عندهم و بعديين يحط اسمج و اسم رريلج عيلها و عقب الاغنيه الي تبينها

و ما تكلف ابد في سيدي و عقب شغليها في العرس

اتمنى اكوون فدتج لو بشوي

و اسمحيلنا على القصوور

شكرا على الردود


أي وحده

عندها صور . . أنا على الخاص أستقبل ..
وعلى راي الوالده .. لأان والله موبيدي شيء كل منها . .

هي تختار وتشتري .. ناقص تلبس و تتزوج بدالي . خخخخخخخخخ

هي البركه .. والكل بالكل ..


وعالعمووم .. هي معارضه أروح للبناة ببيوتهم والرحيم اللي يأجرون .. تقول تضييع وقت . .

على الفاضي . وماراح يعجبنا شيء. . وايد تحكم أمي . من غير لا تشوف. خخخخخخخخ

فاللي عندها صوره حلوه تعرضهم ..


و؟أان يمعت عن وحده إسمها أم جاسم و أم ريم .. بالشارجه يأجرون ..

؟؟
اللي عندها أرقامهم مشكوره .


وشكرا
على الردود

و أبي بعد <<< طماعه