هذي ثالث طبخة لي:o (كأني طباخه مألفه كتاااااب)
عقب الصور انمسحن:sad:
أيام ماكان اسمي Runaway Bride
هالوصفة تعلمتها في المدرسة ومن
سهولتها ما نسيتها مثل الباقي
واخواننا المصريين معروفين بهالوصفة
المقادير:
دجاج تقطعينه على حسب رغبتج
وتفركينه بملح وفلفل ِأسود
سمن وفلفل أسود وملح (أِحيانا احط
كمون وقرفه بعد)
طماط مفروم أو معلب (لو ما عندج طماط
ممكن تحطين ماي وتضيفين له صلصة الطماط)
جزر-بطاط-فاصوليا-(الخضرة اللي تفضلينها)
بصل وطماط مقطعين حلقات سميكه-ثوم مدقوق
الطريقه:
تغسلين الدجاج وتنشفينه وبعدين
تحطينه في نص الصينية وترتبين الخضرة
دور ماداير (والمدرسه تقول احسن لو ترتبينها
حسب الألوان)
ترشين الملح والبهارات
تضيفين الطماطم المفروم أو المهروس لو كان معلب
وكميه من الماي
وأخيرا تحطين السمن
حطي الصينية في الفرن وخليها لين ما يستوي الدجاج
ولعي الفرن من فوق عشان يحمر الدجاج شويه
هالطبق ينفع حق الغداء او العشاء ويتقدم ويا عيش او خبز
وبالعاااااااااااااافية عليييييييييييييكن