|| ..

بسم الله الرحمن الرحيم ..

مساءكم.. أحلى و أرق من الورد ْ


:")

..

يا شمعة الروح تو الروح ما ذابت ..

أشعلتني لين بان الشوق في عيني ..

العمر يفني و يبقى حبنا ثابت ..

و ان غبت عن ناظري صوتك يناديني ..

الهقوه اللي خذتني فيك ما خابت ..

أوفيت و انا احسب انّك ناسيني ..

.../

يا أجمل الناس في قلبي و في عيني ..

يا أحلى طيف يمر العين و يشقيها ..

كل الخطاوي على دربك توديني ..

حتى النواظر تودك و انت غاليها ..

لو قلت أعزّك قليله ما تكفيني ..

معزّتي لك أكبر من الدنيا و ما فيها ..

.../

هم يحسبون المسأله كلها سلك ..

إذا انقطع تقطع معاه المسالك ..

و لا دروا انّي بـ الاحساس أبادلك ..

مو شرط أشوفك و اسألك كيف حالك ..

أحس بك لو كنت ماني مقابلك ..

و تحس بي لو كنت ماني قبالك ..

تدري وش اللي بس يقطع تواصلك ؟..

الموت بس الموت يقطع تواصلك ..

.../

عهد ٍ قطعته لو مضى العمر ما انساك ..

إلا إذا صادفت لحظة وفاتي ..

جايز افقدك و اتناساك ..

جايز تغيب و تنسى حبي و غلاتي ..

بس انت تدري كيف انا احس وياك ؟ ..

و تدري إذا غبت عن حياتي اقعد احاتي ؟! ..

.../

مثل الجبل عـالـي و لا حد ٍ يوطيك ..

و الكل تحتك ما وصل حد سورك ..

انت الغلا دايم على البال طاريك ..

و انت الهوى و احلى هوى في حضورك ..

حتى القمر لا غاب شفته يوصّيك ..

تقعد مكانه و يجهر الناس نورك ..

.../

يحن قلبي للحبايب و يشتاق ..

و الشوق يرسم طيفهم في منامي ..

أحبهم و أسهر مع الحب تواق ..

فيهم حديث النفس و احلى كلامي ..

لو يعرف المحبوب قدره بـ الأعماق ..

ما يبتعد عن وصل خلّه ثواني ،،

.../

ما عرفت الشوق لين شربت حلو شوقك في خفوق محتريك ..

ما حسبت الشوق لكنّي حسبت فوق خميسن الف خفقه تحتريك ..

لو أقول انّك وحشتني ،،

كذبـت !

ما وحشتني .. بس قلبي ميت من الوحشه عليك ..

.../

ممكـن ..:

أمسّي على نسيم الشوق مياسي ؟

ممكـن ..:

أعبّر عن لهفتي و شوقي لـ أعز ناسي ؟

ممكـن أقـول ..:

اشتقت لك يا أعز ناسي ؟

.../

قهوتي ،،

انته حلاها ..

و زعلتي ،،

انته رضاها ..

و علتي ،،

انته دواها ..

و نظرتـك ،،

عمري فداهــا ..

.../

يا رفيق العمر يوم انّك نويت ..

تعرف المكنون في قلب ٍ حنون ..

بـ أعترف بـ الصدق لا منّي حكيت ..

بـ أعترف بـ الحق لو عندي جنون ..

في حياتي كل شهم ٍ ما نسيت ..

مثلكم يا عز راسي ما يهون ..

المحبه حق كانك ما دريت ..

في صميم القلب دايم تسكنون ..

.../

ليت بعض الناس يدري عن غلاه ..

ليته يقّدر شعور اللي يبيه ..

ان بغيت اقول يجرني جفاه ..

و ان سكت الشوق يجذبني إليه ..

قام يتغلى و انا اتغلى معاه ..

كنت أبيه يحس لكن ما عليه ..

.../

ما أرسلت أغنّي في غرام الغنادير ..

و لا أرسلت أسلّي خل فاقد نديمه ..

جيت و معي صدق الولاء و التعابير ..

احساس صدداق و النوايا سليمه ..

عندي غلاك فوق كل التعابير ..

حشمه و قيمه و احترام و شيمه ..

.../

يشتاق لك قلب العنا وين ما راح ..

يـ اللي غلاك أقرب من الروح لـ الروح ..

لا تحسبنّك بـ الهوى طيف سواح ..

يحوم حول القلب لحظات و يروح ..

لا و الذي خلاك في القلب تختال ..

انّك معي يا راحتي وين ما اروح ..

.../

أبوعدك ..

إذا كان الطريق بـ يبعدك ..

ما راح أمشي الطريق ..

و إذا كان الجحود بـ يسعدك ..

ما لي رفيق ..

أبجمع أوراق السنين و أودعك ..

و إذا كان الفراق اللي تبيه ..

راح أقول ..

" الله معـك " ..

.../

الأحباء كـ النجوم ..

لا نراهم دائما ً !

لكن ...

نحس بـ ضياءهم على شغاف القلب ،،

فـ تنشرح الروح .. !!

هكذا انتم ،،

و هكذا نحن ،،

أحببناكم في الله حد الإرتواء .. !!

و سكنتم في مساكن الضياء .. !!

فـ لكم منّا كل الحب و الوفاء ..

.../

" يا رب تموت " ..

كل لحظة حزن بـ حياتك ..

و كل دمعه في عيونك ..

و كل كلمة آه بـ صدرك ..

و كل ضيقه بـ وسط قلبك ..

و كل هم ..

و كل غم ..

و كل ضيق بـ روحك ..

و ما أشوف غير الإبتسامه على شفاهك ..

و الفرح و الهنا و السعاده دوم بـ حياتك ..

.../

ودّي اموت اليوم و اعيش باكر ..

و اشوف من هو بعد موتي فقدني ..

و من هو حملني لين ذيك المقابر ..

و اشكر كل من كرّمني و دفنّي ..

شخص ٍ تعنّا لي مع انه مسافر ..

و شخص ٍ قريب ما ذكرني ..

و من هو يرتب غرفتي و الدفاتر ..

و ان شاف صورة ٍ لي صاح و حضنّي ..

.../

جعل الليالي من حلا الحظ تعطيك ..

و جعل الليالي ما تقصّر عطاها ..

و ليتك تهنى جعل ربي يخلّيك ..

يا منية عيوني و داها و دواها ..

و يبعدك ربي عن دروب التهاليك ..

و عسى دروب الخير يمّك خطاها ..

.../

الورد من له ؟

أكيد الورد لك ..

يا عابر اسوار قلبي و مستحلّه ..

انت الوحيد اللي أبد قلبي ما يملّه ..

عمرك شفت احد من زود حبّه تحب الناس ظلّه ؟ ..

الورد مــن له ؟

بعد هذا سؤال محد ٍ يحلّه ! ..

إذا الورد مو لك ..

عيل من له ؟ ...

.../

أعناب و نخيل ..

و عين سلسبيل ..

و شراب و زنجبيل ..

و طير جميل ..

و أشجار تتراقص و تميل ..

و خدّام تغرف و تكيل ..

و قصور تحتها الأنهار تسيل ..

جعلها الله حدود ملكك في النعيم ..

" أسعدك ِ الله أين ما كنت ِ " ..

.../

انا الذي لو هزني الكون ما أنساك ..

و لو أرغمني الزمن بـ الجفا ما جفيتك ..

ما ينساك قلب بـ الشوق أغلاك ..

و لو تطلب عيونه يقول لك عطيتك ..

أنا تحت أمرك لو تبعد اخطاك ..

كلّي فدا روحك و بـ روحي فديتك ..

.../

مغرور أنا ،،

من يوم حببتني فيك ..

أشوف كل الناس بـ أطراف طرفي ..

دلّعتني .. دللتني .. كيف أجازيك ؟ ..

ما عندي إلا الحب .. ليته يكفّي ..

عجزت أفكّر ودّي أعطيك و أعطيك ..

ودّي احبّك فــوق حبّي و وصفي ..

.../

يا صاحبي هاك أمانه رقم جوالي ..

دقّه ليا ضـاق صدرك بس و ازهلها ..

أنا رفيقك رفيق الدرب يا غالي ..

من مد يده لـ رفيقه كيف يخجلها ؟ ..

يفداك رقمي و مسجاتي و جوالي ..

شريحة ٍ منت فيها ليــــه أشغّلها ؟ ..

.../

صدّقني ..

مهما بـ الدنيا انشغلت ..

مهما غبت و ما سألت ..

انت موجود ٍ بـ بالي ..

غالي و لك قدر عالي ..

و مهما غبت ..

انا اعترف لك ..

في رساله ..

كلها شوق و محبه ..

أعترف لك ..

في بعادك ..

في غيابك ..

إنّي مشتــــــــاقه لـ شوفك ..