مشكلتي معقدتني.........ساعدوني بلييز

هلااااااااا أخواتي الغاليات

انا ما حصلت إلااا أخواتي اشكيلكم عن مشكلتي ..... واعتقد انها موجودة واااايد

انا صار لي متزوجة ثلاث سنين والحمدالله متفاهمين وايد .... بسسسس:sad: فيوم من الايام اكتشفت ان زوجي يشوف صور أو فيديو لرقص حريم عالنت(طبعا ما يقصرن الرقاصات فإظهار .. أستغفر الله العظيم ) وانا شفتهن وكان هذا فالسنة الثانية لزواجنا وانقهرت وصحت لين لاعت جبدي وبعدين استهديت بالله وقلت يمكن طيش شباب مع العلم انه كان صغير يعني 20 سنه وأنا اصغر عنه بسنه وما كنت اعرف هالسوالف فلكم تتخيلوا صدمتي ...

لكن ما استعيلت وقلتله شي .. انا سكت عن السالفه ما ادري ليش ،بس بعد كم شهر اعتقد انه شاف قنوات خليعه عالتلفزيون كانت ممسوحه عندنا ..... بس فنفس اليوم اعترفلي ودمعته على خده وطلب مني اسامحه(w) ... وقلتله اطلب السماح من ربك اللي يشوفك وطبعا مالي غير اسامحه لاني ما عرفت شو اقول... والحمدالله ترك هالسوالف فترة تحت مراقبتي طبعا بدون علمه

:sad: :sad: ومره ثانيه بعد فترة حصلت هالسوالف وهالمرة ضاق صدري وحسيت عمري بنفجر :confused: لكن خليت عمري قويه وقلت اذا تكررت السالفه بصارحه ( أعرف اني بارده ) .. وفعلا تكررت وقلت مالي غير اكلمه .. وكلمته وصارحته بكل اللي فيني وهو انحرج وما رضى يخبرني بمشكلته لكني اصريت فقالي : اني انا مقصرة وياه فـــ ... تعرفون قصدي :angry: قلته مو مشكله انا اعترف اني مقصرة فالهشي لقلة فهمي في هاي الامور وحاولت اعدل من عمري والحمدالله ياب نتيجه ....:shy: :bigsmile:

بس اخواتي مشكلتي الحقيقة هي اني ما عدت اثق فيه وايد يعني صابني وسواس واذا قعد عالكمبيوتر احس قلبي يعورني :cry: وما اقدر اسير انام بيت أهلي لاني اوسوس عليه وايد ...والحين ما اطلع من البيت الا اذا طلع هو معاي :down: ..

جاوبوني اخواتي العزيزات هل الغلط فالغيرة هذي مني والا منه ؟؟؟ وشو اقدر اسوي عشان اتخلص منهاا مع العلم انه هو رجع لصوابه وترك هاي الاشياء بس انا بعدني ما اثق فيه واعرف انه هاي اكبر مشكلة بين الزوجين وهي عدم الثقة فالطرف الثاني ... ساعوني ارجوكم :sad: والسموحه عالتطويل