من وين تحبين تشترين ملابس أولادك؟؟؟

السلام عليكم ورحمة الله وبركاته

هلا بيكي رانيا...

أفيدك بتجربتي...

بالنسبة لملابس الحضانة و البيت...أجيبهم من القطن الخفيف علشان تلعب براحتها...و ما أحاول أجيب أشاي ءغالية...لأنهم علطول يبقعوا و يخربوا من اللعب و الألوان و خلافه..

بالنسبة لملابس الخروج...من مذر كير أشياؤهم حلوة...و تعيش...و أولوانهم ما تخرب...

البيبي شوب...يعني نوعية متوسطة...ألوانه تبهت مع الغسيل شويه...يعني لبسة لبستين بعدين يتحول لبس بيت...

و فرصة أسألك..جربت كل أنوع مساحيق تنظيف الغسيل..و فانيش...و كلوركس ألوان..ما في فايدة..البقع ما تطلع...و خسارة اللبس بعدها يتحول لبس بيت...و ما أقدر أخليها تطلع فيه...كيف تحلي هذه المشكلة يا رانيا ؟

:ok: حلو جدا الموضوع, بس بآجل الرد لين أرجع البيت لأني عندي هدره وايد فيه

أم مريم، شكراً على مشاركتك الرائعة وإفادتك لبنات المنتدى..
وبخصوص مسحوق الغسيل أستخدم soft للأطفال، وللبقع أستخدم بخاخ من شركة kiwi في لون أحمر أعتقد على ليمون وأزرق هذاالنوع الي أستخدمه ترشين على البقعة قبل الغسيل بخمس دقائق وبعدين غسليهم،، طبعا علشان مايتهدلون الملابس خليهم كلهم في الشبك الخاص بالغسيل...

أكبر قلب،، ننتظر هذرتك الطويلة ، لا تتأخرين...

تسمحون لي أشارككم، لأن اختيار ملابس الأولاد بصراحة شي مزعج، مو مثل البنات كل شي تلاقينه بسهولة...
بالنسبه لملابس النوم والملابس الداخلية من baby shop، لأن مثل ما تفضلتوا أسعارهم ونوعياتهم وايد أوكي...
ملابس الطلعة لما كان صغير(لين حوالي عمر سنه) معظمهم من Adams و Next، بس ألحين (سنه و10 شهور) رحت مرة "ابن بطوطة مول في دبي" وشفت محل ملابس الأولاد عندهم حلوة وكان أول فرع لهم في الإمارات اسمه Orchestra، وحاليا فتحوا في أبوظبي والشارقة، وعلى فكرة أتفاجأ في محلات الأطفال اللي في"ابن بطوطة مول" معظمها ما شوفها إلا هناك، و Okaidi بعد عندهم أشياء حلوة..
بالنسبة للجواتي (عزكم الله) وايد أتبهدل لين ما أحصلهم، وعادة أخذله من Paplosky، ياليت تحطون لنا خبرتكم في محلات الجواتي....

Aryam شكرا عزيزتي على إفادتك لنا، بخصوص اوركسترا عندنا منه في البحرين وحتى اوكايدي بس الصراحة ولا مرة جربتهم،، في محلات كثيرة كنت شايفتها بمجمع الظهران والحين في منهم بالبحرين.

بخصوص الأحذية العادة أشتري له من ماركة juniors ومن BHS ترى أحذيتهم وايد زينة وجودتها عالية....

يالله من ملابس اليهال ... وخاصتا الاولاد صعب انج تحصلين

انا اخذ من اي محل يصادفني بس لبس البيت والملابس الداخليه من baby shop الصراحه جربت من عند كل المحلات وارتحت لبضاعة baby shop

اما ملابس الطلعه ... اخذ من كل مكان يعني ما عندي محل محدد ...

بالنسبة للجواتي اخذ من شومارت واكثر شي اخذ طبي ... بس اذا صادفني جوتي حلو من محلات ثانية على طوول اخذ

أختي bj3a صدقتي بخصوص ملابس الأولاد مافي شي حلو،، قبل إسبوع كنت رايحة lady bird شفت كل الموديلات الحلوة للبنات وموديلات الأولاد عادية جدا والوانها ماهي زاهية بالمرة..

عن ملابس الـ baby shop شكلنا متفقين عليها للبيت,,,,,

امممم انا اشتري لبنتي ملابس البيت من بيبي شوب ومذر كير

اما للطلعات من مذر كير بعد ووو نكست واروكسترا ووو ادم


ومونسون يهبببل للمناسبات

من بيبي شوب والطفوووووووووووووووووووووووووووووله

أحلى أم ، شكراً على الإفادة وبخصوص مونسون فعلا عجيب للبنات،، بس حنا ماعندنا بنات نلبسهم هالملابس الحلوة...

nice people شكرا أختى على إفادتك ،، ماقلتي لنا عندك بنت أو ولد؟؟؟؟

هذاني وصلت أخيراً.

والله معاناة اختيار ملابس الاطفال . أنا الحين خلاص صارت محلاتي محددة. الملابس الداخلية بالذات من مذركير. وحتى باقي الملابس جداً نوعيات عندهم حلوة وقماشها ناعم ويدوم. وفي الحين محل بمجمع اللولو نسيت اسمه تصدقين ، اشكال حلوة بعد بس الجودة ما عجبتني ذاك الزود، بالنسبة للجينزات بالذات من نيكست. اما الاخذية فأفضل ماركة pampili جدا مريحة للاطفال. هذيلا المحلات اللي على طول مداومة عندهم. لكن هذا ما يمنع اني كل ما اشوف محل يبيع ملابس اطفال اوقف عنده.
بس رانيا وين هذا البيبي شوب عندنا في البحرين. ,و آخر مرة رحت فيها اليدي بيرد كان عندهم ثياب شتى وما عجبتني البضاعة، وآدمز بعد اتكرر عليه كثير.

ودمتم سالمين

الموضوع واااااااااااااااااااااااااااايد حلو
انا آخذ لولدي كل الي اشوفه حلو
بس بيبي شوب هو رقم 1
و اخذ بعد من
آدمز
أوكيدي
مذركير
bhs
و اذا اتذكرت بعد بخبركن

[frame="7 80"]هلا أختى ....
أنا أخذ لبنتى كل الي اشوفه حلــــــــــــــــو
أخذ من بيبي شوب ( بجامات وملابس داخليه وأحيانا من ماركس سبنسر
بالنسبه حق للطلعات...
آدمز
أوكيدي
مذركير
bhs
نكست
ماركس سبنسر
زارا
مونسون
فيه محل مش موجود فى الامارات....(H@M ) فى لندن ملابسه عجيبه وايد حلوه وماتختربه بسرعه ,والحلو أنه ما تشوفينه الا بنتج...ملابس بنتى لبستها وبعدها يديده بخليها حق أختها... أن شاء الله .وايد مدحت المحل صح...[/frame]

بيه رانيا.. بس شفت الموضوع احتزنت... :(

بصراحة اللي عندهم بنات الله يهنيهم في التسوق لهم.. احسهم يتمتعون وهم يختارون الثياب...
احنا امهات الاولاد كأنه نؤدي واجب بس...

ومرة دخلت محل مخلي حوالي 8 علاقات ثياب بنات وعلاقتين بس ثياب اولاد...


شنسوي يعني نخلي ولادنا مفاصيخ :(

مثل ما قلتي اختي اكبر قلب سارة.. الخيارات محدودة..

بيبي شوب ( اللي هو مذركير الرفااع ، السقية واللي في مارينا مول ) حق ثياب البيت والملابس الداخلية..

ومذركير الاصلي ( اللي بالسيف ومجمع البحرين ) يعجبوني نوعية وجودة ثيابه حق الطلعات.. بس ساعات الالوان كلش.. عدم.. باهتة ولا فيها روح.. احب الالوان الزاهية حق ولدي .. :up:

نكست مثل ما قالوا حق جينز الاولاد وايد حلو.. حتى الاوفرولات في الشتاء خذيت منه عجبوني.. والحمدلله ما يتغير بعد الغسيل...

عندي بعد سناء احب اخذله ملابس البيت منه لأنهم اقطان 100% ويناسبون حساسية ولدي..

بعد وين؟ ايي ماركس وسبنسر مرة اذكر خذيت منه فوانيل قطن تنلبس تحت الثياب العادية في الشتا عجبوني بس الثياب اللي مال طلعات ما عجبتني موديلاتها موول :down:

ولاعاد هالموضة الي طالعة الحين .. تلبسين الفانيلة كأنها مقلوبة واو مشققة على الاطراف... كلش ماحبيتها...



مشكورة رانيا خليتيني افضفض حرّتي ههههههههه

بسم الله الرحمن الرحيم
السلام عليكم ورحمه اله وبركااته
شخباركم بنات
بصرااحه ثيااب الاولااد معاناه ماتحصلين شي وثيااب البناات روعه اتخبل يوم اشوفهم بس ماعندي بنت عندي ولد الله يحفظه..
بيبي شووب مثل ماقلتوا اخذ منه للبيت بصرااحه وايد مرتاحه منه ونكست وادمس واوكايدي وامممممممم وبعد كمن محل نسيت اسااميهم اخذله للطلعه ومذركير بعد بدلهم مال الطلعه حلوه بس خذت لولدي بجامات هذاك اليوم وماعجبتني قطعتهم لبسهم مره او مرتين حببت القطعه بس البدل مال الطلعه ماعليهم كلاام.

[CELL="filter:;"][ALIGN=center]موضوع حلو .. اسمحي أشارك مشرفتنا

احنا عندنا اختي دلوعة البيت

الكل يشتري لها ولاعندها مكان في دولابها من الملابس وحتى لو قلنا بنبطل ما نقدر
نحب نشتري لها من الاماكن المعروفة للكل في المجمعات وتتوفر في كل دول الخليج

The Mothercare
Monson
Okidi
Next
Zara
تاب ألويا
بمبكن باتش
آدمز
سيرجنت ميجور
جاكادي ( بس كبرت عليه الحين )
احيانا نلاقي قطع حلوة في ماركس آند سبنسر و بيكوكس
وفيه بعد محل في مجمع ا لظهران صناعة فرنسية بس ناسية الاسم قليل لو شرينا منه بس القطنيات والملابس الداخلية عنده حلوة
دبنهامز بعدة ماركات
ونطلب لها من كتلوجات من لندن بين فترة والثانية .. ونشتري لها اذا سافرنا من محلات مو متوفرة عندنا هنا

طبعا الملابس تختلف من ماركة للثانية بس اللي لاحظناه ان معظم الماركات تخترب .. بسبب نوعية القماش
او طريقة الغسيل الخاطئة ( خاصة اذا تلقفت الشغالة وغسلتهم رغم ان هالشي مو من وظايفها )

يالله بانتظار الامهات عشان نستفيد[/CELL]

هلووووووووووووو

يعني الموضوع بس للاولاد ؟؟ او و احنا امهات البنات بعد نقول ؟؟

اذا اي فشوفو لستتي :gum:

مثل ما كلكم اتفقتو ان ملابس البنات ما تتعطلين فيها يعني كل مكان فيه احلى من الثاني

ملابس البيت اخذها من رعاية الامومه ( بيبي شوب ) خصوصا التبانات التحتيه احس قطنهم ممتاز وما يخترب

اما ملابس الطلعات فاني جربت معضم لمحلات بس الي اكثر شي اخذ منه :

Bhs ثيابه حلوه ونعومه وغسل ولبس ما ينعدمون
Adams: حلوه ثيابه واوقات كثير يجيب ستايلات كبار للصغار
marks&spencer:روووووووووعه الملابس عنده
mothercare: ملابسه حلوه وجودتها ممتازه
next: جووووووده لا يعلى عليها
pampken patch:يجيب حركات دلع بناتي والحلو فيه انها اطقم مع القبعه والشباصات والصنادل :shy:

ليدي بيرد ، مونسون ، اوركسترا ، ايه تو زد جاكادي ،..............................
هذول جربتهم بعد

الخلاصه : ثيااااااااب البنات ما تتوهقي فيهم ............>>> تبي تحركم لانكم مو دايم تحصلون للاولاد :dd:

أكبر قلب،، أخيرا فضفضتي، بخصوص الملابس الداخلية شكلنا متفقين على رعاية الأمومة،، وبخصوص بيبي شوب هذا هو رعاية الأمومة بس بباقي دول الخليج معروف بهذا الأسم..

moonmoons5 ياهلا ومرحبا بج معانا،، أنت مثلنا الملابس الداخلية وللبيت من رعاية الأمومة،، ماخبرتينا كيف عندك بعد الغسيل؟؟؟؟

حصة السويدي،، ماشاء الله ذكرتي محلات كثيرة ،، بخصوص H & M فعلا ملابسهم حلوة وكنت آشتري منه سابقا لما نسافر،، في بداية السنة أبوي كان مسافر المانيا وأشتري لودي من عندهم تيشرتات روعة الكتابة الي عليها.. للأسف مو موجود عندنا بالبحرين.

جمانة،،، طلعتي حرتك،، فعلا مملابس الأولاد مشكلة،، كل مكان تشوفين زهوة ملابس البنات، ولما تشرفين جهة الأولاد مافي غير البيج والكحلي،، آخر مرة شفت عند بامبكن باتش ألوان حلوة للأولاد،، شوفيهم..

ميهودة،، الله يحفظ لك الولد،، بخصوص البيجامات هل تقصدين الشبك او القطعتين؟؟؟ لأني جربت الشبك وشفتهم زينيين، بس ولدي هالأيام مايحبهم..

RoOoOmy ماشلء الله ماخليتي مكان،، عطيتينا موسوعة متكاملة للمحلات،، الله يحفظ لكم أختك ويارب يرزقك وتلبسينهم إن شاء الله...

أم ريم،، لا أكيد حياج معانا ماقصدنا أمهات الأولاد بس،،، مثل ماقلتي بخصوص next جودة لايعلى عليها،، يعني جينزاتهم ماتتغير ولا شي....