امي وحماتي

[grade="DEB887 D2691E A0522D"]السلام عليكم ورحمه الله وبركاته ,,,,

أوه ه ه ه يا اختي والله انا ما ابي اخرعك ,,,,, لو تقري موضوع دوامه الحموات ايش تقولين عيل .. انا طايحه بالدوامه هذي الحين صار لي 8 شهور .... والله يعين على الباقي ....
اختي اذا بتسكنين معاهم ... فالله يكون بعونك ,,,, واذا تقدرين عيشي لحالك .. بالنسبه لشهر العسل انا ادري ان هالشي خصوصي بينكم وان المفروض محد يتدخل .... بس لو حاسه ان هالشي بيخلق مشاكل ... زياده وحساسيه ... خلاص انسي الموضوع ومشيه وخذوا والدته معاكم ,,, وبعدين هي ما راح تقعد عندكم نزلوها مكان ما تحب وبعدين خلاص عيشو حياتكم وتهنو ورجعو اخذوها ,,, صدقينين اختي انا ادري اان هالشي يحرق القلب وان ودك انهم يتصالحون وان الامور تكون ماشيه مثل ما انتي وزوجك تحبون .... بس تجري الرياح بما لا تشتهي السفن .. اختي امور كثيره راح تحصل وتتطلب منك الصبر ,,,,, وانا انصحك ... من ورا قلبي ,,, لأن لو كنت مكانك كنت بستشيط نار وغضب .... بس الي ابي اقوله هو كلام العقل .. والي المفروض يصير .. يمكن انتي تطلعين احسن مني :shy:

تحياتي وطمنينا عليك والف مبروك[/grade]

الله يعينج اختي مالج الا الصبر.

والله ماعيج منهم ---- هذا شهر العسل حقكم روحي انتي وزوجج وسكرو تيلفوناتكم بس لا تخبرون حد ؟؟؟؟ الله يكون في عونج لازم ريلج تكون ثقته فيج كبيره ---

صدقيني تقربي منهم اكثر وبيحبونج وبسياسه كل شي بيصير والله احلى شي تسكنين مع اهل زوجج تعرفين طبعهم وتتعودين عليهم


ولا تخافين ترى الحمى مب نفس التلفزيون

شوفي حبيبتي ....

اذا من أولها بتعطينهم الفرصة يدخلون في حياتج بتعورين راسج ومشاكلج ما بتنتهي ....

انت الحين أتزوجتي صح.. يعني شورج من ريلج مب امج... وما حد له الحق يقولج سوي ولا تسوين غيره يعني حتى امج مالها حق تقولج سيري ولا تسيرين..

يعني طنشي وحددي المكان الي تبين تسيرله وقوليلها واذا قالتج ما يستوي قوليلها انا ما اقدر اعارض ريلي.. وهو يبانا انسير ..

بالنسبة لحماتج خذيها بالين ... ولا تعانديها خاصة جدام ريلج عسب ما تقوله شوف اسولبها وياي ... وهي وهي ..

يعني الطريقة المثلى انج تقردنين ريلج

استخدمي اسلوب ان كيدهن عظيم.. ( الدلع ) انت بعدج عروس يعني السالفة بإيدج ...

أدلعي عليه وقوليه انج طول عمرج تمنين تسافرين برع وانج تحمدين ربج الي عطاج ريل مثله تحبينه وتسافرين وياه... والذي منووووووووووووووووو

وحاولي تفهمينه انها حياتكم .. واذا قالت امه انها تبا تسير مكان قوليله اوكي بنسافر اسبوعين برع وبنرد عقب ودي امك وين ما تبى ... وشوفي شو بيرد عليج

وانشاء ايامكم كلها تكون عسل


غــــــــــــزل

فترة شهر العسل احلى فتره بين
الزوجين وعشان جيه لازم يكونون
بروحهم 100% حتى لو ام الزوج مثلا
بتكون بروحها او بتزور حد

حبيبتي طنشي أم ريلج وأمج بعد
لاحقات على التدخل في حياتكم:cry:

لا ترضون وحده منهن أبدا، وابتعدوا
عنهن احسن فترة شهر العسل

وسوي انتي وريلج خطه اجراميه في
يوم الصباحيه واشردوا بروحكم مثل
الحراميه:dd: ويوم بتكونون بعيييييد
خبروا اهلكم

ريحي بالج وأعصابج يا عروس واهم
شي تكسبين ريلج وفي نفس الوقت
تقنعينه بأسلوب حلو:shy: انكم محتاجين
بعض وااااااااايد ولازم تكونون بروحكم
بعيد عن الهم

ياقلبي حاولي بالتي هي احسن وحاولي تكسبين حماتك ولا تخسرينها وصدقيني كل شي بأجره ممكن تزعلك مره او مرتين (الله لا يقوله ) بس ممكن يصير ولو صار تليني معها والله راح تصير تحبك وتدور رضاك وحاولي تخلين العلاقه بين حماتك وامك زينه مهما صار بس شوي شوي يعني لما تشوفين وحده منهم قواليلها ان الثانيه تسلم عليك وتسال عنك دائما ممكن تواجهين صعوبه بس النهايه سعاده وراحة بال
والله يوفقك ومبببببببببببببببببببببببببببببببببببببببببببببببروك الزواج مقدما

والله ماعرف شاقولج بس الله يعينج

اذا من اولها جذيه الله يستر من تاليتها

شوفي اختي بما ان العرس قريب مشي كل شي و خلي العرس يعدي على خير ان شاء الله ...و اي شي تقوله امج قولي لها انزين حاظر ان شاء الله و طنشي ... و حماتج نفس الشي ...

و اذا حماتج بتي معاج مشيها ....لكن قولي لزوجك شهر العسل لازم نكون بروحنا كل الناس يالي بالدنيا جذي و اذا مك راح تجي ويانا حياه الله لكن هذا ما راح اعتربه شهر عسل .....

و توعدني بشهر عسل حقيقي باول اجازه لك توعدني توديني بروحنا بعيد عن اهلي و اهلك .(و دايما بقولي اهلي و بعدين اهلك علشان ما يحس اني تقصدين اهله هو بس و لكن انتي بعد تقصدين الج ))..و خططوا للاجازه الثانيه من غير ما اي مخلوق بالدنيا يدري بس يوم السفر و انتوا طالعين المطار قول لهم ... و قولوا ان زوجك مسوي لك مفاجاه و انك انتي بعد ما كنت تعرفين غير اليوم و يدوبك لحقتي تقفلين الشنط ....و طلعوا تفسحوا في اي مكان بالمملكه او دول الخليج ..اذا الاجازه قصيره


حاولي ما تكونين عصبيه ابدااااا ...امسكي اعصابك ...و كلمي زوجك باللين و الدلع ... و لا تبينين لحماتج لانها تبي تختبرج ....و تختبر مدى تحملج ....و تبي تستفزج علشان تصير مشاكل ...كل ام تغار من زوجت ولدها مع انها تحبها ..و كل ام في البدايه يكون الموضوع عليها صعب ....و ممكن في البدايه تسوي لكم حركات تقهر و تعصبك لكن دايما ردي باللين و قولي لها احلى الكلام و خذيها بالهدايا ...صدقيني يوم بتشوفك طيبه مع كل الي تسويه فيج ...صدقيني راح تصير احن عليج من امج ...و من بعدها ماراح تتدخل في حياتج ابدا ...و دايما بتكون في صفج

لا تهتمين و لا تشغلين بالج و طنشي الكل المهم يعدي العرس على خير ان شاء الله ... و ربي يسعدج و يهنيج ان شاء الله

اللـــــه يعييييييييينج

لو انا منج تعرفين شسوي

اوصل ام زوجي مكان ماتبي واورح مكان ماابي وهي ماتعرف

المفروض موضة الحموات هذي تنتهي خلااااص

احنا مب في عصر الجاهليه عشان يتصرفون هالتصرفات


ادري ان مابيدج شي

بس انتي تقربي منها وحاولي تكسبينها عشان توقف بصفج

...


ما شاءالله أختي واضح انك عاقله وما تريدين مشاكل .. مع انه الوحده تنقهر في هذه الحالات لكن أحسن حل انك تحاولين تكسبين حماتك .. وما تزعلين امك .. وبكذا تكونين كسبتي زوجك بعد.. العناد ما ينفع في هالحاله.. واذا اصريتوا انتي و زوجك على مخالفة رغبات امهاتكم بتكون مثل اعلان حرب.. والمشاكل بتزيد وما بتقل.. واذا شافوكم انكم محترمين رغباتهم بتكبرون في عيونهم والاعيبهم بتتوقف لأنهم بيفهمون انهم ما قاعدين يجنون شيء من وراها ..

وشهر العسل في اعتقادي مب شرط سفر او اذا السفر لا بد منه مب شرط يوم بعد الزواج على طول.. اهم شيء قضاء وقت ممتع مع زوجك وين ما كنتوا ..

والله يهنيج ويتمم لج على خير .. وان شاءالله تتغير امج وحماتج بعد زواجكم .. وعليج بالدعاااااء.. والله يوفقج ..


---------------------------

لا ترضون وحده منهن أبدا،

!!!!

لا تعليق ..

- - - - - - - - - - - - - - - - -

هذا شهر العسل حقكم روحي انتي وزوجج وسكرو تيلفوناتكم بس لا تخبرون حد

واذا لا سمح الله صارت لهم مشكله او لا سمح الله حادث او شيء .. شو بيكون موقفهم؟

سهل ان الواحد يختفي ويقطع عن العالم.. لكن شو احساس الاهل والاقارب في هذه الحال؟

شكلك ما مجربه هالشيء اختي.. عشان جيه طلعت منك بسهوله ..
.

:flower: :flower: :flower:

انا مع الاخت دمدماني .ز مالهم حق يتدخلون بينكم .. طنشيييييييهم ولا راح تتعبيين وياهم