حلمت اكتر من مرة بنفس الحلم وهو ان الله تحدث معى ارجو من المفسر فقط ان يطمئنى

ياريت ماحدش يفسرلى الرؤيا دى الا المفسر وانا بقول انها رؤيا لانها تكررت ثلاث مرات على فترات متباعدة ولكن كما هى دون تغيير مع العلم انى :
- متزوجة ولدى طفل عمره 8 شهور اسمه عمر بن الخطاب
- لا اعمل ولا ادرس
- والدى ووالدتى على قيد الحياة وعندى اخ واحد فقط اصغر منى
- انا بعيدة عن طاعة ربنا شوية ولكن الايام دى بفكر فى ارتداء النقاب
- وعلى فكرة الرؤيا دى اخر مرة حلمت بيها كان من سنة ونصف تقريبا

الرؤيــــــــــــا هى :

حلمت انى نايمة فى غرفت والدتى (وفى الحقيقة انا كنت نايمة فعلا فى غرفتها ) ثم استيقظت ونظرت خلف السرير من الشباك فرأيت منظر يقشعر له الابدان السماء تحولت واصبح لونها غريب بنفسجى على احمر واصفر والوان ممزوجة ببعض وشكلها غريب والالوان دى ملفوفة كانها دوامة بدايتها من الارض ونهايتها فى السماء فنظرت الى السماء وانا مفزوعة وابكى وقلت انه يوم القيامة انه يوم القيامة والنبى يارب بلاش تخلى القيامة تقوم دلوقتى انا خايفة منك اوى لحسن تحاسبنى انا مش مستعدية ومعملتش اى عمل خير وكمان مش بصلى وفضلت ابكى كثيرا جدا

ثم سمعت صوت وكانه الله يخاطبنى ولكن الصوت ماكنش صوت زى البشر لأ يعنىكنت حاسة الكلام وفكراه لكن مش فاكرة الصوت لكن كنت حاسة بصوت الكلام فى قلبى والصوت كان كأنه صوت فيه صدى وخشوع وقوة ورهبة والله العظيم احساس غريب مالهوش وصف المهم ان الصوت ده اخبرنى بانه الله وقالى انا حأجل يوم القيامة وحأجل حساب الناس دى كلها علشان خطرك وعشان ترجعى وتعملى خير وتستعدى لهذا اليوم العظيم ....

ثم استيقظت وانا مفزوعة وفرحانة فى نفس الوقت مع العلم انى حسيت ان الموضوع ده حقيقى يعنى حسيت انى قمت من السرير ونمت تانى يعنى كانه ماكنش حلم ... وكمان الرؤيا دى اتكررت ثلاث مرات بلحرف دون تغيير .

ولانى انسانة غبية وايمانى ضعيف للأسف برضوا مابصليش بانتظام لكن لما بصلى ببكى اوى اوى وانا ساجدة وبدعى ان ربنا يعينى على طاعته .

اتمنى ان المفسر يفسرلى الحلم واسفة على الاطالة وجزاكم الله خيرا ً

اختي الفاضله هذا الحلم يحذرك كل التحذير من ترك العباده وقد زارك الموت في هذا الحلم وكان من الممكن ان تغبظ روحك ولكن رحمة الله قد امهلتك قليل حتى تعودي وتعملين مايرضى الله

فالله قد اختارك لصفاق قلبك وقد امهلك لنيتك الطيبه فجعليها في طاعة الله واحرصي على الفروض فقد امهلك الموت ثلاث مرات ولا تضمنين المره الرابعه فالحذ ثم الحذر كوني قريبه إلى الله وكوني مع الله يعصمك من النار ومن العذاب

اختي هذه رسال لك من الله عز وجل حتى تكوني إلى الله اقرب وتبتعدين عن كل مايغظبه

هذا ماتبين لي والله تعالى أعلم