ليش ..وليش ..وليش..!! موضوع مهم((ارجوا المشاركه)

صحيح كلامج 100 %

دوووم المراه همها زوجها

بس تؤجر على هذا الشي باذن الله ..

بس ياريت لو الرجل بعد يهتم بهالمره الي يومها كله له ..

والله يجزاج خير ..

شوفي حبيبتي تساؤلاتج في محلها

بس ترى مو كل الرياييل جذي

عندي صديقتي زوجها يدور رضاها وين مايكون ويهنم في شكله علشان يحلق لحيته كل 3 ايام في البيت مايلبس الصروال والفنيله لا شاري له البيجامات القطن الحلوة دايم يلبسها بالبيت ودايم يحب يطلع معاها ومايرضى اذا تضايقت وترى كذا وحده من صديقاتي جذي ..

يعني هالكلام ينطبق على ناس وناس لا

هلا خواتي نونو قطر واحلى ام
حياكم الله ومشكورين على مروركم العطر

حبيبتي احلى ام انا ادري انه مو كل الرجال

وشوفي انا عن نفسي وانا اللي كاتبه الموضوع بس والله ويشهد الله على كلامي ان زوجي نظيييييييف جدا ولا عمري شميت منه الريحه ويحب انه يطلع معي وتجيه احيانا ايام يحب يتكشخ لي بالبجامات اللي اجيبها له

بس انا اتكلم بشكل عام والله

وممكن يكون في صفه وحده بس او ثنتين

هلا بك ياخووخة

اشكرك على هذا الطرح

ونحن سبق وناقشنا هاذي الأمور

شوفي عيني السبب وببساطة لأنه المجتمعات العربية عامتا" والخليجية خاصتا" مجتمع ذكوري

وذكوري بما معناه ان الرجال قوامون على النساء

طبعا تساءلاتك ماتنطبق على كل رجل وزوج عربي وخليجي وحرام نظلم الكل

اكو رجال قمة في الذوق والنظافة والأتكيت والذرابة ويحبون يتكشخون ويتعطرون

وانا والحمد لله زوجي ينضرب فيه المثل كامل والكمال لله سبحانه

لكن انا انصح كل زوجه تلاحظ وجود ا طباع شينة بشريك حياتها او حتى اخوها حاولي بجهدا جهيد ان تغيرين من سلوكة من سيأ إلى حسن من غير تجريح

شكرا وننتظر جديدك

ما أدري

أتمنى المتزوجات يجاوبون

خواتي انا كتبت الموضوع لاخذ ارائكم بخصوصه

وكل وحده من حقها تقول رأيها ..
ومثل ماذكرت سابقا هذا الكلام لا ينطبق على كل الرجاجيل اي ليست كل الصفات موجوده برجل واحد

انا عن نفسي وانا التي كتبت الموضوع..اقسم لكن ان زوجي خالي من اكثر هذه الصفات

لكن انا اتكلم من واقع ما سمعته من بعض النساء فهذه تعاني من هذه الصفه وتلك من الاخرى

فجمعتها لكن..

وهذا لا يعني ان النساء خاليات من العيوب بل منهن من تكثر فيها

لكن نصيحتي لكن حاولوا ان تقوموا بواجباتكن كااااااامله اتجاه ازواجكم ولا تقصروا ابد ا

اولا لكي تكسبي رضا الله ..
ثانيا لكي تكسبي رضا زوجك..((لانك لو خسرتيه راح تخسري اشياء كثيرة))..
ثالثا حتى وان كان هو مقصر فلا تقصري بل اتمي واجباتك حتى تخلصي ذمتك امام الله وامامه وحتى لا يكون له حجه عليك..
يعني بصريح العبارة لا تخلي زوجك يمسك عليك شغله بسيطه مقصره فيها
حاولي انك دائما تكوني احسن منه

وعلى العموم اسعدني مروركم اخواتي جدا واسعدتني مشاركتكم الرأي


الموضوع مفتوح لكل من يريد ان يدلو بدلوه..

ولكم مني اجمل تحية

عشان العصمه بيدهم

كلمه من هنا والا من هنا انتي طالق

عشان كذا كل هالحرص

اما الرجال ماعليه منها لو يغلط من هنا لبكره بكيفه الطلاق

ههههه

هلا اختي اسيرة قلبه..

صحيح العصمه بيده بس لازم يكون في مراعاة للطرف الثاني بعد...

حياك اختي وياهلااااا

حبيبتي

لأن المرأة طيبة وحنونة والرجل جلف

حبيبتي

لأن المرأة طيبة وحنونة والرجل جلف

:shy:

كل جنس وله وظيفته بالحياة

ليش .. ليش .. ليش ...
سألتي اسأله كثيره
بعضها لها جواب والبعض الاخر لا

الرجل غير عن المرأة
الله خلقه هكذا سبحان الله

والمرأة خلقها الله في ان توفر الراحة والسعاده للزوج

مشكوره اختي في طرح الموضوع

دمتم سالمين
اختكم شريفة

## خوووخه##:

بنات انا في شي شاغلني لي كم يوم وافكر فيه وودي افضفض واقولكم وتشاركوني الرأي...

الموضوع بخصوص الازواج والزوجات...

**ليش المرأة تدووووووور في المنتديات عن اي شي يحسن علاقتها بالرجال..
ليش الرجال مايفكر في الموضوع هذا نهائي..

**ليش المرأة مطالبة بالتجمل والتكشخ عشان الرجال واذا اهملت ياويلها وخراب بيتها..
ليش الرجال معلق على الفانيله والسروال الداخلي..وعاجبنا وما نعترض..

**ليش في كل متتدى قسم للمرأة تحكي وتسال وتدور حلول فيه ومحووووور الكلام فيه عن الزوج..
ليش مافي في اي منتدى قسم للرجل يدور فيه كيف يسعد زوجته..

**ليش المرأة تفكر في الزوج كثيييييييير وشاغلها اربع وعشرين ساعه..
ليش الرجال مايفكر في زوجته الا اذا صارمعها في البيت..بس هي اخر شي يفكر فيه..

**ليش المرأة مطالبه بالاعتذار اذا غلطت..
ليش الرجل يطالب المرأة بالاعتذار اذا هوو اللي كان غلطان..((حاجه غريبه صح بس يطلبوها))

**ليش المرأه اذ ا ارتكبت اي غلطه حتى لو بسيطه لازم يحاسبهاومايفوتلو حتى انه بس يكشر في وجهها..
وليش يطالبها دايم اذا غلط انها تفوت وتغض الطرف عنه ولا تدقق..هو رجال..

**ليش المرأه مطالبة بالصبر على الزوج..
والرجل غير مطالب بالصبر عليها..

**ليش المرأه اذا تعب زوجها تبكي عليه وترحمه وتتمنى انها تكون هي بداله..
وليش الرجل اذا مرضت زوجته يتحملها اول يوم بس يتسخط اليوم الثاني ويقولها مافيك شي..

**ليش المرأه لو طلع الرجال فيه عيب ومايخلف تقوله عادي ياحياتي اهم شي اني معك ومافي اي مشكله ومستحيل استبدلك بأحد ثاني..
وليش الرجل لو المرأة ماتخلف علطووووووول راح يتجوز عليه..((ليه هو يبي عيال وهي ماتبي))..

**ليش المرأة لو رفضت للزوج طلب صارت مصيبه..
وليش الرجل من حقه انه يرفض للمرأة اي طلب انشالله كلها وعلادي اسكتي واضحكي ولا تزعلي..

**ليش المرأة تدور رضا زوجها..
والرجل عمره ما يدور رضاها((الا في النادر))..

**ليش المرأة تحسب حساب خاطر الغالي في اي شي تسويه او بتقدم عليه..
ليش الرجل اخر شي يفكر فيه خاطرها..

**ليش المرأة مخلصه ..
وليش الرجل خائن..

**ليش المرأة مطالبه بالليالي الرومانسيه والشموح وكلام الحب والمدح الخ..
ليش الرجل مايكللف عمره ويسوي شغله بسيطه من هذي الاشياء..

**ليش المرأة مطالبه انها مانتام جنب زوجها الا وهي تلق من شعرها الا اصغر اصبع في رجولها..
ليش الرجل ممكن ينام جنب زوجته وهو ريحته دخان وثوم ومافرش..

**ليش المراة مطالبه اذا جا الرجل من الدوام تكون مزهبه الغدا وتكون في كامل اناقتها..
وليش الرجل اذا جا من الدوام ما ياخذ دش علشان لما يتغدى معها تكون ريحته تفتح النفس..

**ليش المرأه لازم تنتف وتحلق وتتمكيج وتتلبس علشان زوجها ولو يوم قصرت واتزينت وهي رايحه عند احد او نتفت علشان كمها قصير قال اييه علشان الناس مو علشاني..
ليش الرجل ما يشوف نفسه مايحلق الا علشان الدوام وما يتحمم الا علشان الدوام وما يتعطر الا علشان الدوام..

**ليش المرأة تحاول انها تلبس كل شي وتسوي كل شي علشان تصون عيون زوجها وتملاها وتغنيه عن العالم..
وليش الرجل ما يسوي كل شي لزوجته علشان يملى عيونها((مع انه رغم العيوب ماليها)) يعني(ليش ما يلبس مثلا بنطلون جنز مع تي شرت حلو في البيت ويتعطر..علشانها هي فقط))..


طبعا انا لا اجزم ان جميع هذه الصفات تنطبق على كل الرجال ..بل فيه من رحم ربي..
بس لابد تكون فيه صفه اوثنتين منها..


انا قرأت مره كلمات اعجبتني واعتقد انها تفسير لكل هذه التساؤلات..وهي..
ان آدم خلق من تراب وحواء خلقت من ظهر آدم..علشان كذا اهتمام آدم بالرض والشغل والرزق..واهتمام حواء بآآآآآآآآآدم..



..

[grade="B22222 B22222 B22222 B22222"]لاتخلون الشيطان يكون لةمدخل بينكم
قال صلى الله عليه وسلم ((من مات زوجها وهو رضي عنها دخلت الجنة))
قال صلى الله عليه وسلم ( لو امرت أحدكم ان يسجدلغير الله لاامرت الزوجة ان تسجد لزوجها ) [/grade]

والله معاج حق ياخوخه بكل اللي قلتيه

rain:
كل جنس وله وظيفته بالحياة

ادري اختي معك حق واصلا المره تحب تسوي كل هالاشياء لانها غريزه فيها ..

بس هذا لا يعني اننا نعفي الرجل من حقوقه وواجباته.

SHREEFA:
ليش .. ليش .. ليش ...
سألتي اسأله كثيره
بعضها لها جواب والبعض الاخر لا

الرجل غير عن المرأة
الله خلقه هكذا سبحان الله

والمرأة خلقها الله في ان توفر الراحة والسعاده للزوج

مشكوره اختي في طرح الموضوع

دمتم سالمين
اختكم شريفة

حياك اختي
والله ادري ان هذي وظيفة المرأة بس هذا لا يعني ان الرجل لا يبدي اي اهتمام بالمرأة

يومي بسنة:
[grade="B22222 B22222 B22222 B22222"]لاتخلون الشيطان يكون لةمدخل بينكم
قال صلى الله عليه وسلم ((من مات زوجها وهو رضي عنها دخلت الجنة))
قال صلى الله عليه وسلم ( لو امرت أحدكم ان يسجدلغير الله لاامرت الزوجة ان تسجد لزوجها ) [/grade]

يا أختي والله عارفين ان رضا الزوج شي اساسي اصلا المرأة ماترتاح اذا زوجها زعلان عليها ولو لشي بسيط ...

انا ماقلت اعصي زوجك ولا تسمعي كلامه ولا ترضينه اشفيكم انتوا..!!!!

يعني هل كل كلاااااامي غلط..؟؟؟؟

هذي هي الحياه .... وبعدين كل رجال وشو يعجبه ...