هجران زوجي لي

بصراحه الله يكون في عونج واكثري من الدعاء ياختي

وانا احس من كلامج انج مش من نفس جنسية زوجج صح؟

يمكن هالشيء مسبب لج ازمة انج بعيده عن اهلج يعني ماعندج احد تلجأين له من اهلج

الله يعينج على مصيبتج وغربتج!!!

الله يكون في عونك يااارب والله مشكلتك صعبة بس ربنا قادر يوفق بينكم من جديد وادعي ربك بالليل ووقت الفجر ربنا مجيب الدعاء

ورب الكون يفرج كربتك وهمك يااااارب

qshark:
بصراحه الله يكون في عونج واكثري من الدعاء ياختي

وانا احس من كلامج انج مش من نفس جنسية زوجج صح؟

يمكن هالشيء مسبب لج ازمة انج بعيده عن اهلج يعني ماعندج احد تلجأين له من اهلج

الله يعينج على مصيبتج وغربتج!!!

لا والله انا وهو من نفس الجنسيه بس والحمدالله

والله شو اقولج انا حااااسه فيج انا عشت هذي الماساه والله كنت محرومه من ابسط الاشياااء وهي المعاااشره الزوجيه كان يخليني من شهر وتقريبا شهرين وانا لسه عروس ما قعت معاه اله

سنه الله كريم يهدلج زوجج ويوفقني في حياااتي واكثري من الدعاء

الله يهديه ويسخره لج

عليج بالدعااء

السلام عليكم ورحمة الله وبركاتة لماذا يا اختى كل هدا التحمل انا اسفة انى اقوول لك اطلبى منه الطلق يا اما يصلح من حاله وهدى مو عايشة ولو على الاطفال هم بيتربوا بوجود ابوهم او من غيره بس انت حاولى تهددى وكمان انا شايفة انك موظفة اذن انت مش محتاجة منه شى عموما كان الله فى العون:shy:

حبيبتي ادعي وصلي ..
انا في رايي انج ماتيأسين منه..بس خفي شوي من الهدايا لين عيد زواجكم..
اول خطوه اخذي اجازه من الشغل..اسبوعين على الاقل..
وغيري اسلوبج في الكلام والاتصالات يعني بدل ما تتصلين وتسألينه انت وين وبتتاخر ولا لا ..طرشي مسج قولي له اشتقت لك وايد ودي تكون عندي الحين..قلبي يعورني خاطري اسمع صوتك الحين..ملهوفه عليك..طرشي له تذكر الموقف الفلاني(يكون موقف صار منه ويكون حلو) وبعدها اكتبي الله لا يحرمني منك ومن حنانك ..وحاولي تخترعين مسجات ماتكون فيها اي نوع من الاوامر او اي نوع من الاسئله..وتكون كل يومين ..مثلا طلع بدون ماتشوفينه اكتبي الله مب راضي على اليوم ما تصبحت بوجهك الحلو....شوفي الرياييل لو قعدتي تمدحين صفه معينه فيه يصدق انها فيه حتى لو ماكانت فيه..يعني دايما قولي له انت حنون وايد علي..انت طيب وايد..وعلى هالموال..فبيبتدي الرجل يسوي اشياء متصله بهالصفه عشان يثبت لنفسه هالشي..
غيري شكلج شوي يعني انتي قلتي انج مرتبه..بس انا اقولج في نسوان ما تترتب الا حق الطلعات او صج تكون مرتبه بس شكلها هو هو مايتغير..هاليومين غيري شكلج مب شرط مكياج ثقيل لا ..غيري مره ثقيل ومره خفيف..حطي خفيف بودره مسكره جلوس وحاولي تحطين جلوس ملفت يعني فيه لمعه ويكون على اللون اللي يناسب بشرتج..البسي شي غير يعني مثلا البسي شي بناتي شوي من ناحيه اللون او الشكل اذا كنتي دايما تلبسين جلابيات البسي تنوره وقميص..بس لاتروحين لغرفته تستعرضين ملابسج وكشختج ولا حتى تسألينه حلو ولا لا تجاهليه شوي ((حرب نفسيه)) في البدايه اكشخي برع غرفته عشان يشتاق تدخلين غرفته..قصي شعرج غيري لون شعرج..حطي حنا..البس حلقان بارزه ملونه..لا تقولين لا مب ينتبه لا هو ينتبه ..بس مب يبين لج
مرات البسي جلابيه كشخه وحطي مشموم في شعرج وحطي حنا..مرات البسي شي سبورت..بنطلون وبدي..البسي شي قصير شوي..بس لا تقربين منه...ولا تسألينه رايه..ولا شي..اسمعي كلامي..لان اذا سألتيه بيتنرفز وبخترب اللي انتي تسوينه..كله..


**هذي حركات بتلين قلبه من ناحيتج وخليها مب يوم او يومين لا خليها من اليوم ورايح..**
اول شي تبوسينه دايما على راسه الصبح..وتصبحين عليه..اول مايرجع من البيت..واذا تاخر لا تنامين ولاتتصلين ولا شي انتظريه لين يرجع وقولي له تصبح على خير وروحي نامي..
((الهدف بيحس ان انتي تحبينه وتهتمين فيه))

ثاني شي بين فتره وفتره ادخلي عليه وهو نايم بقميص نوم بس مايكون عاري لايكون حلو مغري واللون اللي يحبه.. بس يستر..يعني لاتفصخين الحياء لا..الرجل يحب الشي اللي مب دايما قدامه..شعرج مرتب...حطي يدج على راسه واقري عليه المعوذات وآيه الكرسي..واذا انتبه لج قولي حلمت حلم مو زين وخفت عليك وخلصي قرايه وبوسيه على راسه واطلعي مب تحاولين تغرينه..لا اثقلي..لان الرجال اللي يكون متحامل على زوجته ما يعطيها اللي تبيه ..فكل مابينتي ان انتي مب هامج هالشي بيبتدي يعطيج اياه بس شوي شوي
..دايما خلي على لسانج الله يحفظك ويخليك لي ..جزاك الله الف خير..الله يريحك مثل ما انت مريحني..الله يخليك لي..اذا بيطلع بتوحشني..بشتاق لك ..وهالكلام الحلو بس مب طول اليوم كلام حب مره او مرتين ..
ثالثا بين فتره وفتره حطي له باقه ورد في غرفته وهو مش موجود..بدون بطاقه بدون اي شي ولا تسألينه شفتها ولا لا.. حاولي تعطرين دايما غرفتج وتبخرينه تخلينه يشتاق يدخل فيه..غيري غرفة نومج..فضوله بيذبحه وبيحاول يشوف التغيرات..
حطي له رساله فيها شعر من فتره لفتره او كلمه حلوه على باب سيارته او حتى ورده..او دخليها من تحت باب غرفته..دايما امدحيه قدام اهله وحتى هو محد قولي قدامهم انج اشتقتي له وتفديه ((يعني فديت روحه اشتقت له وهالكلام))..ماعليج بيوصل له الكلام..

بس حاولي ماتطلبين منه شي بوسه لمه حضن..ولا شي لين ما تحسين قلبه حن لج..
اذا كلششش قلبج يعورج وتبين تقولين له قولي له اشتقت لحضنك...انا ضايعه بدونك..لما تحضني احس بالامان..
والحين دور دموع التماسيح ..اذا سوى اي شي بسيط وفيه أي نوع من الحنان..كلمه حلوه حركه حلوه..لمه بوسه..حاولين تنزلين لو دمعه وحده..وتقولين الله لايحرمني منه..قصدي من الشي اللي سواه...

اطبخي له شي خفيف فطاير كيكه وطرشيه له الشغل مع السايق..بعد ممكن تطرشين له باقه ورد الشغل وبطاقه فيها كلمه حلوه ..بس هالاشياء بين فتره وفتر من كل يومين ..لا كل اسبوع ونص اسبوعين
هذي اللي عندي الحين ..اتمنى اني فدتج في شي...والله يوفقج ويسخر لج زوجج..ولا تنسين الدعاء لان التساهيل من ربج...

وآسفه على الاطاله

الله يهدي زوجج ان شاء الله...

والله يحنن فلبه عليج يااااااااااااااااااااااااارب

ولا تيأسين من رحمة الله

خيتو من ناحية واقع وتجربة أنا أقولج خلينا من الردود الخيالية ...

ونكن واقعين أكثر..!!

المرأة بطبيعتها عاطفية وتستحمل المصائب أكثر من الرجل ...
ولكن أعتقد بان المشكله الحقيقية هي وجود إمرأة ورجل في منزل واحد وهو لا يقترب من المرأة؟!

وأقعا" شككت بما كنتي تشكين به وهو واقع أبصم بالأألف إنه بفتره الخطوبة ما كان يقرب منج ولا كان يهتم فيج عدل !

بس ع العين والخاطر عشان يثبت للي حوالية إنه رجال !!

(ألمرأة دايما" تسمع ها الحجي باجر بيعتدل لين تزوجتوا بيعتدل تزوجون وما اعتقد تنتظر يقولون لين جيبتي له الولد بيعتدل تجيب الولد والطفل وما يعتدل ..) تبقى طول حياتها ع أمل إنه يعتدل !! وما أعتد يعتدل ..!

السالفة خيتو عنده!
بأي حق يمنع زوجته من حقوقها ؟
إلا إذا أهو يفكر في شيء بأعماق نفسه والأسباب كثيرة أهمها :-

1- البرود الجنسي لدى الرجل .
2- عدم رغبته في المرأة ..ولكن يرغب للذين مثله وأمثلة ها الشيء كثير ..! ( ما يطلعون إلا لين تزوجوا )
3- التهرب بطرق كثيرة ملتوية والنفور واضح وعدم الرغبة واضحة .
4- الإصرار بإنه الصواب وأنتي الخطأ كي يغطي ع نفسه أمام الكل وأنتي تظهري بالصورة بشكل بشع كي يشفع له أن يلعب ويلهو كما يشاء ..!!أعتقد جلستي وتناقشتي معاه بروحكم وما فادت النتايج الحين نجي للحلول ألأأخرى .

خطوة لابد أن تكوني جريئة في القدوم والإقدام عليها !

1- أن تحضرية حضرة أهلية جماعية كاملة ...ابوه وابوج وتتفاهمون بالحسنى بالنسبة للوضع إن قدر يحل الموضوع كان بها ما انحل فيه طرق أخرى
2- تحضرون شيخ مع الجلسة وتتناقشون مع الشيخ بخصوص إلي صاير !! إن ما يبي الأهل أو حتى بحضرة الأهل تجيبون احد الشيوخ الثقاة يحل المسألة وياهم .

3- أعتقد قعدي مع نفسج شوي ..وإتخذذي قرار صائب..! إن لم يعتدل ولن يأتي بالحسنى
فوجوده كما عدمه!
الطلاق هو الحل

تحياتي وسلام ..أتمنى أن تكوني قوية وتسترجعي الخطه جيدا" وتدرسينها وترين أين أنتي بهذه الحياة معه وأين ستكونين بدونه ؟

الإلحاح ليس المشكله ولا أعلم لما جعلها بهذه الدرجة من المهولة وهولها بحيث يعاااااااقبك 5 سنوات وأكثر ع مثلهذا الشي ؟!

لا يحق له ألف لا يحق له

تحياتي وسلامممممممم كوووووووووووووني قوية وقولي لن يتغيرررررررررررر ماذا حياتي بعد ؟

حبيبتي الله يكون في عونج؟؟ بس انا عندي تسائل شلون عندة زوجة ومايعشرها؟؟ هل يقدر والله هالشي يخل الوحدة صج تفكر في علاقتة الشادة مع اصداءه تمنعه من هالشي؟؟؟؟؟؟؟؟؟؟

إن تبين مساعده وأحد يمسك بيدج لطريق الصحيح أقدر أقدمها لج ....إن تبين تتصلين فيني وما شابه ذلك

بالتوفيق عمري ولن يتغيررررررررررر السالفة واضحة ....

هذا مثل خطيبي السااااااااااااااااااااااااابق ببعض وأغلب التصرفات خيتوووووو

عن تجربة أقولها لج ..!!

ماله في الزوااااااااااااااج

سلام

هلا وغلا

الله يكون في عونك ويصبرك

انا مستغربة من شي كيف يستضف اصدقائة في البيت وفي غرفتة بالتحديد ؟؟؟

انا اشوفها حركة غريبة شوي

ورجال متزوج كلمة والثانية يقول لك انا مشغول ولا لك حق تتدخلين ...اسمحيلي هذا معناه ان عندة بحياتة الكثير من الأخطاء وخايف انك تكشفينها

طيب نجي لعيوبك إلي ذكرتيها ..دامك ذكرتيها وانتي معترفة بأنها عيوب ومسببة لك المشاكل وانك فكرتي تروحي لطبيب نفسي هذا معناه خير

معناه انك ودك تغيرين من نفسك للأفضل والأحسن

انا اشوف علاقتكم مش طبيعية بالمرة يا انك تجلسين معاه جلسة مصارحة وتتكلمون مع بعض او انك تدخلين احد حكيم من الأسرة ينصف الحق بينكم

شنو يعني مخليك على ذمته بس عشان بنته؟؟؟

شنو يعني ما يحبك لأنه مرة سويتي مشكلة؟؟؟

هذا موكلام منطقي بالمرة

انا اشوف علاقتكم مو طبيعية بالمرة واذا استمريتي على هالمنوال راح تصابين بأنهيار نفسي

الله معك

ماعليج بصفاته إلي يقلون عنها الكل تراهم جذي قالوا لي مدين وعارف الله وخجول وكريم ومن ها الصبغ الزين

يختشششششششششششششششششش

افهميييييييييييي السالفة والله فيني حرة ما ابيج توصلين للمستوى إلي وصلت له

انا بعد كنت بروح لطبيبة نفسية بس في النهاية كلمت شيخ وحط لي نصاب الامور والامور كانت واضحة أصلا" بس أنا أماطل من كثر ما يقول غني الغلطانه في أشياء فقلت أكيد العيب فيني فأكتشفت إنه يتهرب بها الاشياءءءءءءء

خيتوووووووو ريحي أعصااااااااااااااابك وعطي نفسك برررررررررررريك

طلعي من بيته وروحي بيتكم جم يوم ...

خليه يرقع لطوف مثل ما هو مسوي

لعنة الله ع كل زوج ما يعرف حق زوجته ويفكر تفكيررررررررررررر ما ندري من وين جايبنه ولا يعرف قداسة الحياة الزوجية ويبهدل بنات الأوادم وياه

اوووووووووووووف فيني حررررررررررررررررررررررررة

ساعدج الله خيتووووووووو بس لااااااااااازم تتحركين ع الموضوع خلااااااااااص اوووووووووووووفر سنتين ونص
بعد جم تبين تستحملين أكثر؟؟؟؟؟؟؟؟؟؟؟؟

اختي عطاء انا معاج في اللي تقولينه اذا كان صج يعاملها بهالاسلوب من ايام الخطوبه هذا معناه ان في مشكله فيه..لكن اذا هو اصلا تغير بعد الزواج بفتره في شي خرب العلاقه واعتقد لازم تصححه.. انا في رايي انها اول شي تبتدي تغير من نفسها وبعدين تتخذ هالحل لان اذا انفصلت عنه الحين بتلوم نفسها بعد الانفصال..ويمكن في رايج ان هالحلول خياليه..لكن عن تجربه مرت اخوي كان اخوي يسوي فيها جذي..لكن بدت تسوي هالحركات..والحمد لله اخوي تغير 360 درجه ..بعد صبر سنتين..اخوي لا كلمه حلوة ولا معامله ولا مصروف ولا شي..وبعدين لا تنسين ان هي عندها بنت..و هي لين الحين تحبه وهالشي واضح..صج سالفه دخول صديقه الغرفه غريبه شوي بس..بعد خل تحاول على الاقل شهر او شهرين هاي زوجها يمكن الله يهديه على يدها..وانا في رايي اذا ما طلعت نتيجه واضحه او تغير تستخير وتتخذ الشي اللي تكون مقتنعه منه,.,لكن تعالي واطلبي الطلاق ومافي فايده لا..الامور بيد ربج..ويمكن المشكله في معاملتها والزوج اذا كره شي من زوجته..ممكن يستخدم هالاسلوب..يعني هي تعترف لحوحه وايد تسأل وسواسيه شكاكه..هاي اشياء ممكن تدمر اي مشاعر بين الزوجين..
وهاي رايي وهي اعتقد تعرف الحل اللي انسب لها..

السلام اختي فجر قطر كيف الحال اشكركي جدا على المداخله الحلوه اقول لكي انه بعض لي ذكرتيه اسويه يعني اغير من شكلي ، اقص شعري ، البس ملابس فاضحه وسبور بجامات جميله كلها ياختي والله بدون تفاخر ماركات ، انظف غرفته ابخرها ابخره هو اذا ذهب لصلاه الجمعه او عرس او مناسبه له لقد شتريت له من احسن البخور والعود مقدمتنه هديه له في عيد الحب، البس تنانير وجلابيات فخمه شوه اسوي بعد ، قدمتله ورد عندما مرض هذي الفتره وعلي هذا يقول ما احبك احس انج تيبيلي المشاكل يعني يوم اأساله عن ربعه او وين خارج او وين انت او شوه توي مع ربيعك في الحجره ما يحب هذي الأسأله بس والله يا اختي استفت من رسالتكي وسوف احاول اطبقها وسوف اراسلكي وشكرا لكي واحبكي في الله .....:sad:

فديتج العفو..انا اللي معور قلبي ان انتي تحبينه..وهالشي واضح..وانا بعد احبج في الله..
ولا تنسين استخيري من اليوم ورايح وادعي ربج ان الله يبين لج الصح..وصدقيني الله بيكتب لج اللي فيه الخير..
اختي انتي حاولي تطبقين الاشياء اللي ماسويتيها من قبل ..لكن اذا تم على حاله وماتغير..
اخذي برأي اختي عطاء..لان بيكون الشي وايد صعب عليج ..صج انتي تحبينه..لكن تخسرينه ولا تخسرين نفسج..انتي حاولي الحين عشان بكره لو الله ماهداه واخترتي الانفصال تختارينه عن اقتناع..ولا تتحسفين عليه..

خيتو أنا بعد كان يقول لي من اخذتج صارت أوضاعي في العمل مب تمام قلت له قول لي بصريح العبارة يا أخي إنيييييييييي نحــــــــس!!؟ خيتو واضحة المسألة يبي لها قعده عائلية عاجلة لحل الوضع مادام إهي بروحها مب قادره عليه

أنا صبرت ع خطيبي سنه وكنت مستعده أصبر اكثر لولا جد عطيته فررررررصه نهائية يطلعني من حياته والحمدلله

طلعت بسلام !

خيتو أنا ما أطلب منها إنها تطلب الطلاق بس أنا عطيتها حلول نهائية للموضوع لازم يعطي حل وأعتقد تصرفها مب سيء لها الدرجة كل النسوان عندهم بس اهي ادركته وتحاول تحله خيتووو بس مو لدرجة ياخذ مثل ها القرار الغريب ؟!

ش يبي منها ؟

إنتي ش تبين منه إختي ؟

يذلج بطريقة غير طبيعية الصراحة ؟
بعد بتستحملين لأنج تحبينه !!

ما أقول الطلاق ولكن فليحل ألأأمر إنتي قلتي إنتوا كنتوا مع أخوج أهو الظاهر يمنع أ] أحد يدخل الموضوع !

وإن كان بعد الزواج ؟
أعتقد كانت العلاقة شائكة لسبب ما بباله هو !

وأعتقد لو ترجعين للأسباب إلي حطيتها أبصم 1000 واحد منهم صحيح !

تحياتي وبالتوفيق خيتووو أتمنى لج السلامة

والصبرررررررررررر آخ من الصبر ساعدج الله

حد فاااااااصل هو الحل فصلي الحياااااااااااة
صدقيني كنت اقول مثلج خيتو بنت قطر وكنت اصبر مثلها وصديقتي كانت توعيني وتفهمني سألت كذا رجل من عائلتنا يقول الوضع مب طبيعي (ع إنه زوج صديقتي يسوي ها التصرف ) أبوي عمي قالوا الموضوع واضح من البداية ......

يعني خيتووو تبي الحل خل تسأل أحد رجال أهلها أبوها أخوها خالها ..بتشوفين شو بيقولون لها ..
ونظرة لرجال ما تخيب


تحياتي وسلام

الله ايعينج ويعين كل الزوجات .

اختي عطاء اشكركي كثيرا جدا في المداخله ولكن نفس مافسرتي كانت هناك مشكله بعد الزواج وفي ليله الزواج من اهلي في الزواج ومشكله انا كنت سببها بعد الزواج بعد عدت شهورمن الزواج صارت مشكله كبيره بيني وبينه علي سبب تافه مما ادي الي جرحي لكرامته مدت يدي علية:angry: هذا الشي لا يقدر ان ينساه ابدا يبين انه نساه ولكن انا اقول لكي ما نساه .... اختي احبه والله وايد مثل ما قالت فجر احبه كثيرا يكفيني اشوفه يكفي اهله متعجبين مني .... ان صابره ولكن في النهايه احبه اقول لكي .... اقول لكي شئ مات كل شئ في من ناحيه تسمى الشهوه ما عادت تهمني بس يحبني فقط هذا الذي اتمناه