ما هي احسن مستشفى للولادة بالبحرين.... وماهي الأسعار والخدمات؟؟؟؟؟

n

nsync lover

عروس مشرقة

19-06-2006 | 10:54 AM

خواتي ...

انا حامل في مولودي الأول ان شاء الله والولادة في آخر ديسمبر ان شاء الله... وابغي استفسر عن احسن مستشفى للولادة في البحرين....

قالولي عن التخصصي وان تكلفة الولادة فيه تقريباً 450 دينار ... ابغي استعلم منكم خواتي للضرورة والإفادة

م

مناهل78

مشرفة سابقة

19-06-2006 | 11:34 AM

حبيبتي الله يسهل عليك حملك،، أنا كنت أتابع بالأمريكي وولدت عندهم،، التكلفة كاملة للجناح الخاص مع الدكتورة 500 دينار،، وراح يشمل دروس ماقبل الولادة،، متابعةلبعد الولادة لك ولطفلك مع مراجعة لإخصائية التغذية وبعدها أول شهرين مجانا لطفلك الزيارات وأول تطعيم..
إن شاء الله أكون أفدتك...

أ

أم حسين

عروس جديدة

19-06-2006 | 04:48 PM

انه وحده بعد ابى اعرف الكل قال لى عن التخصصي ونفس السعر اللى كاتبته بس مشكله التخصصى ما منهم امان وووايد تجاريين انه بجوف الأمريكى لانه حاليا انه اتابع مع الدكتورة ساندو بس مستحيل اولد فى السلمانية مابى روحى ههههههههههه شكلى وانه اولد بتهاوش مع النرسات اذا ما عاملونى عدل

موضوعج حلو اختى

ه

هيا البحرينية

عروس متألقة

19-06-2006 | 07:55 PM

مستشفى ابن النفيس وااايد زين ،،
ولدت فيه بنت عمي وكل شي عندهم تمام ،،
وكلفهم تقريبا 500 دينار،،

u

umjana79

عروس ركن قضايا و حلول

20-06-2006 | 11:09 AM

[grade="DEB887 D2691E A0522D"]السلام عليكم ورحمه الله وبركاته

اختي والله انا مثلك قعدت ادور وادور ... مع اني اقدر اولد في مستشفى العسكر وبجناح خاص .. والصراحه اخر شي اقتنعت ان احسن شي مستشفى العسكري لأن كثير من زميلاتي وصديقاتي ولدو فيه ,, مدحو لي فيه المعامله وكل شي ... وجتى السعر مو غالي ,,, 3 ليالي 150 دينار ... يعني اعتقد اني راح اسلم للأمر واولد هناك .....

تحياتي [/grade]

م

مراوي

عروس ماسية

21-06-2006 | 01:20 AM

انا ولدت في التخصصي من شهر تقريبا
التكلفه حق غرفه خاصه مع جميع الخدمات و فحص بعد الولاده لك و للبيبي ( راح يعطونك قائمه كامله بجميع الشغلات اللي يشملها العرض) كان كله ب 370 دينار و الحمد لله كنت مرتاحه وايد وايد من النظافه و الاهتمام

كفايه غرفه الولاده اللي تفتح النفس تولدين فيها :)

م

مراوي

عروس ماسية

21-06-2006 | 01:31 AM

انا ولدت في التخصصي من شهر تقريبا
التكلفه حق غرفه خاصه مع جميع الخدمات و فحص بعد الولاده لك و للبيبي ( راح يعطونك قائمه كامله بجميع الشغلات اللي يشملها العرض) كان كله ب 370 دينار و الحمد لله كنت مرتاحه وايد وايد من النظافه و الاهتمام

كفايه غرفه الولاده اللي تفتح النفس تولدين فيها :)

n

nsync lover

عروس مشرقة

21-06-2006 | 09:21 AM

مشكورين خواتي على التفاعل....

بالنسبة لأختي مراوي انا توني شايفة قائمة الأسعار للولادة في التخصصي (حشى كفيتيريا) وشفت ان ارخص شي لغرفة خاصة هو 450 دينار ولليلتين بس احس اني احتاج 3 ليالي على الأقل وخصوصاً اني دلوعة وما تحمل جرح صغير في صبعي ما بالك بجرح ولادة...

فأرجو الإفادة اذا في وحدة تقدر تطلع لنا خصومات.... (:

ر

ريـــــ أم ــــم

عروس مبدعة

21-06-2006 | 09:53 AM

انه كنت اتابع في الامريكي وولدت عنهم صرااحه العنايه ممتازه وخصوصا لحظة الولاده

والتكلفه كانت 600 دينار ولادة ياشراف الطبيبه والغرفه في اي بي

أ

أم حسين

عروس جديدة

21-06-2006 | 09:54 AM

انه اللى سمعته سمعته 450 دينار ليلتين والله ما يندره يبى لى اروح اخذ المنيو مالهم ههههههههه

أ

أميرة العرب

عروس مبدعة

21-06-2006 | 10:07 AM

أسعار المستشفى التخصصي

اسعار الولاده العاديه حق يومين :
390 دينار حق غرفه مشتركه/ خاصة( هي الغرفه مشتركه بس تصيرين فيها بروحك يعني كانها خاصه )
450 ديلوكس ( غرفه خاصه)
695 بريميير ( غرفتين مفتوحين على بعض وحده للوالده و وحده للضيوف)
960 دينار في أي بي ( 3 غرف مفتوحين على بعض

و حق 3 ايام بنفس الترتيب:
470 دينار
525 دينار
880 دينار
1280 دينار

و طبعا اسعار الولاده القيصريه بعد تختلف و لها اسعار حق 4 ايام اقل شي و 6 ايام اكثر شي

الاسعار شامله الاقامه حسب المده يومين او 3
العلاج و الكشف اليومي من قبل الطبيبه
الولاده في المستشفى و العلاج المائي لتخفيف الالم قبل الولاده
احتياجات الطفل و الام خلال وجودهم في المستشفى من شامبو صابون و هالشغلات
الادويه و الحقن اذا احتاجت
تحاليل المختبر للام و الطفل
زياره طبيب الاطفال خلال مده الاقامه
زياره لطبيبه تغذيه خلال الاقامه
زيارات روتينيه مستمره للممرضات لتمريض الام

n

nsync lover

عروس مشرقة

21-06-2006 | 10:32 AM

شكراً اختي اميرة العرب على هالإفادة...

ها.. شرايكم خواتي في هالتسعيرات والخدمات...

نبغي مشاركة من كل حوامل البحرين....

n

nsync lover

عروس مشرقة

21-06-2006 | 10:38 AM

شكراً اختي اميرة العرب على هالإفادة...

ها.. شرايكم خواتي في هالتسعيرات والخدمات...

نبغي مشاركة من كل حوامل البحرين....

ا

العهد

مشرفة سابقة

21-06-2006 | 11:23 AM

البنات البحرينيات ماقصرن.

الله يقومج بالسلامه..

b

bent el ba7rain

عروس مبدعة

21-06-2006 | 12:11 PM

حبيبتي انا بعد مثلج ولادتي شهر 12 بإذن الله ودرت المستشفيات كلها..
التخصصي مثل ماقالت اميرة العرب بالضبط مافي اقل من 470 بس غرفهمم عادي حجمها وتطل على البحر
الامريكي قديم واحس غرفة فيه البي اي بي اذا عاد حصلتينها لان بس غرفة وحدة وسعرها اعتقد 525
ابن النفيس كأن 600 بس سمعت مب لهناك زيين وغرفهم مب حلوة..الصراحة ماجفتهم
الدولي الغرفة العادية 725 بس وايد صغيرة واذا تبين سويت اضافة 80 دينار عن كل ليلة..بس رعايتهم ممتازة
عندج عوالي والعكسري (بي اي بي) بعد يمدحون فيهم..

انا عن نفسي بعد هالمعاناة شبه استقريت على التخصصي و 3 ليال لاني اول ولادة

الله يقومنا يالسلامة

م

مناهل78

مشرفة سابقة

21-06-2006 | 12:33 PM

الله يقومكم بالسلامة ويسهل عليكم..

بخصوص المستشفى الأمريكي حبيت أفيد بنت البحرين، أن سعر الجناح الخاص 500 دينار،، ومثل ماقلتي مافي غير غرفتين طبعا الأولى أحلى بكثير من الثانية،،، بس لو تكلمنا عن الرعاية ترى رعايتهم ممتازة...

5

55ريم البحرين55

عروس مشاركة

21-06-2006 | 04:08 PM

المستشفي التخصيصي

o

om shahd

عروس جديدة

21-06-2006 | 06:43 PM

انا ولادتي بشهر فبراير وللحين ما قررت وبالنسبة للدولي ما انصحكم ، وحدة من اهلنا من كثر ما شققوها تمت ما تقدر تقعد لمدة شهر حتى الأكل تآكل وهي راقدة.

والله يقومنا كلنا بالسلامة

م

مراوي

عروس ماسية

22-06-2006 | 01:13 AM

ثل ماقالت اميره العرب الغرفه الخاصه وهذي اقل غرفه عندهم مافي مشترك سعرها في الورقه 390 بس اذا دفعتي مقدم تحصلين خصم 5%

انا اللي دفعته طلع 380 دينار تقريبا شامل كل الخدمات اللي قالتها الاخت اميره من جاكوزي قبل الولاده لتخفيف الالم الى كشف يومي خلال وجودك بالمستشفى و بعد خروجك من المستشفى لك و للبيبي

انتي روحي وقولي لهم ابي اشوف الغرف بورونك الغرف و غرفه الولاده بعد :)

b

bent el ba7rain

عروس مبدعة

22-06-2006 | 08:40 AM

بس شلون مشتركة وتصيرين فيها بروحج في مستشفى التخصص؟؟؟؟؟؟؟؟؟؟؟؟؟؟؟؟؟؟؟؟؟؟انا يوم رحيت وسألت وجفتهم قالو مشتركة مب خاصة