حلم لزوجة اخي - منتديات عروس

السلام عليكم..هذا حلم لزوجه اخي وهي حلمت فيني..
زوجة اخي..عندها طفلة عمرها 25..مافي مشاكل بينها وبين زوجها ما تشتغل,,
انا..متطلقه من 4 شهور عمري 23 اشتغل وهي حلمت فيني هالحلم وانا كنت مستخيره في شخص متقدم لي..وطليقي بهدلني وايد لين ماطلقني..وكان مب زين معاي..المهم

حلمت ان انا وهي رايحين السوق وشرت من عند البايع جلال الصلاة او عباءة الصلاه وكانت فرحانه بها وكان لونها ابيض وشكلها حلو وايد ورخيصه..وبعدين رجعنا البيت وجونا الخدامات يقولون ان طليقي جايب لي اغراض..يوم رحت انا وياها لقينا هدايا ومزهريه فيها باقة ورد على طاولة وان هو مطرشها عشان يعتذر مني المهم كان في هديه كبيره مغلفه تغليف واايد حلو باللون الاحمر والاخضر وهديه ثانيه بعد تقول كان لونها بيج ومكتوب عليها بالذهبي وانها ساعة..ومزهريه وفيها باقه ورد كبيره ووايد حلوه وان كان شكل الهدايا وايد حلو ..وكل اهلي كانوا يشوفون هالاغراضو يبون يعرفون ليش مطرشها ..وتقول ان حصلت بين الهدايا ورقه على شكل قلب..والورقه نفسها مطبوع عليها عينين وتنزل منها دموع بس العيون كانت وايد حلو وكان مكتوب فيها كلام وفاصله ووكلام ثاني في سطر واحد بس تقول انها كانت تحاول تقرا اللي مكتوب وتقراه وايد بس مب فاهمة اللي مكتوب..وان احنا كنا نسألها شنواللي مكتوب وهي تحاول بس مب فاهمه هو شمكتوب..

ارجو تفسير الحلم..وشكرا

اختي الكريمه رغم ان الحلم ليس لك فمن الواجب عليك اخذ الأذن في تفسيره وعليك ان تكتبيه كما كتبته هي صاحبة الحلم وكونك موجوده في الحلم فهذا ليس دليل يكون الحلم لك

عموماً سوف افسر مايخصك

اختي الفاضل إذا كان طليقك في بداية زواجكما كان كريم وصاحب اخلاق فلا تقبلي هذا المتقدم لك فالمأساه سوف تتكرر مره آخرى

وإذا كان عكس ذلك فالحمد لله هذا الخطيب مناسب وكريم فلا ترديه واقبليه بحفظ الله

اختي الفاضله اخبري زوجت اخي بحمل لها قريب إذا لم تكن حامل حالياً وهذا الحمل ولد

فقط والله تعالى أعلم