أيهما تفضلين البنت أم الولد؟؟ ولماذا؟؟

ياهلا اختي الغاليه

بصراحه بالنسبه الي اهم شئ اتمام الخلقه

لكن بعض الناس واقربهم اختي بكت لما عرفت انها حامل ببنت

واعتبر هالشئ قمة التخلف للاسف

وربي يرزق الجميع الذريه الصالحه...

احييك على الموضوع الجميل
اختي الغاليه ام فروحه
وربي يحفضلج فروحه

تحيتي

كموره

نفسي في الولد الاول وبعدين البنت لكن لسه مش اتجوزت بس ده طلبي من ربنا وامنيتي يكونوا تؤام أدعولي اتجوز الاول والي يجي من ربنا حلو

انا في خاطري بنت ودي ادلعها والولد بعد حلو.........

واهم شي يجون بصحه وسلامه



وانتي اختي ام فرووحه شاللي تحبينه؟؟؟؟؟؟؟

كمووره..شكرا لج حبيبتي..على الرد السرييع..


و شكرا على دعواتج الحلوة.. :)



انا أأيدج..ما توصل لي درجة البكاء !!!

بس كل واحد له ميزة..

يعني مثلا البنت تكون صديقة لأمها لم تكبر غير عن الولد يكون اقرب للأب..

و البنات أهدأ من الأولاد بنظري..

يعني في بعض المميزات اللي تخلي الشخص بفضل جنس على جنس آخر..

و تقبلي تحياتي :)

lovemarymar

ربي يرزقج الزوج الصالح و الذرية الصالحة :)

ليتك معي..

تبين الصج..مره أقول بنت و مره أقول ولد..

عشان جذي قلت أكتب الموضوع عشان أشوف منو الأكثر و أمشي معاهم ... ههههههههه

لا أتغشمر معاج..

ودي بولد..

لعدة أسباب..

لأن زوجي أحس بخاطره الولد قبل..

و السبب الثاني عشان يصيرلي محرم بعد جم سنه :)

و السبب الثالث عشان العايله فيها بنات أكثر..

----

أما البنت..فهم حلوه..لبسها و دلعها..و ان تكون صديقتج..

لكن مرات أحس مشاكلهم أكثر لم يكبرون..

و حتى الأولاد هم مشاكل..و مزعجين أكثر..خصوصا و اهم صغار..

و الله يقدرنا على تربيتهم التربية الصالحة..

كله واحد والله

بس البنات وناسه لبسهم كشختهم مممممماادري احسهم احلى

يمكن لان ماعندي بنات !

الحمدلله على النعمه

مشكوره على الموضوع

مرحبا ام فرووحه
انا هذا اول حمال لي
قبل حمالي كنت اتمنى من الله يرزقني ببنوته
بس سبحان الله اول ما حملت حسيت بشعووور غريب ولد والا بنت كلهم زيين
اهم شي يكونون بصحه سليمه وكاملين والكامل الله سبحانه
واللي يجي من الله حياه الله
واعلمك ليش كنت اول افضل بنت
عشان اصادقها
واكشخها
البنت تبين فيها الكشخها واذا جت عزيمه البس انا واياها نفس الالوان (اووووووه اموت ع الحركات )
والحمدالله زوجي احس انه يفضل البنت
والحمدالله اللي يجي من الله حياه الله

مشكورة الغالية على الموضوع الحلو
بالنسبة لي .. ماشي فرق والله ... وان شاءالله ربي يرزقني الولد والبنت ...
بس اول ماحملت حطيبت في بالي بنت ... احسهم احلى واكشخ .... وكلهم دلع ...
حليلهم حتى الاولاد حلوين... بس الوانهم محددة ... ولبسهم مش نفس البنات ...
وطبعا قبل كل شي الحمدلله على النعمة ... وكلهم حلوين .... المهم الصحة والعافية ... وتمام الخلقة

[COLOR="DarkSlateGray"]ولد أو بنت مافي فرق..أهم شي الصحة و العافية..[/COLOR]

اتمناه ولد الصراحه لاني احب الاولاد اكثر من البنات
وابغي بكري ولد وباجر ان شاء الله يكبر ويكون حريص على خواته وساعات اقول لو اييب مثل امي الاولاد كلهم قبل عقب البنات بعد كشخه لاني شفت كيف هي حياتنا وكيف البنات مدلعات من اخوانهن الكبار واتمنى لعيالي نفس العيشه باذن الله

اهم شي الصحة والسلامة ولد لو بنت بالذات الاول بس ما اعتقد اني لو جبت ورا بعض نفس الشي ماراح ابكي ابد...انا الحين حملي الاول اي شي من الله حياه الله وزرجي نفس الشي بس في داخلي احس اميل للبنات خاطري ادلعا واشتري لها اغراض وكل شي واحس بزوجي نفس الشي بس على طول لما اسأله يقول اي شي خاصة الاول

عادي عندي اهم شي صاحين وما فيهم شي

بس افضل ولد عشان افتك من حنة الناس متى بتيبين ولد

يعني ايبا اول واحد ونفتك وبعدين البنات على راحتهم

بس البنات احلى وايد

اللي بيجي من الله حياه الله اهم الشي الصحة والخلقه الزينه وبسسسس

انا الحمدلله الي طلبته من ربي حصلته ...

كنت اقول قبل لا اعرس ان شاء من اعرس واحمل اييب اول شي ولد ...

وبعد كم سنه اييب بنت .. والحمدلله حلمي تحقق يبت حمودي والحين حامل ببنت ...

بس تبون الصراحه احس ان كلهم نفس الشي ... بالعكس حركات الاولاد احلى من حركات البنات يوم صغار ...

شكرا حبيباتي على ردوودكم الرائعة ..:clap:

و ربي يرزقكم كل اللي تتمنونه :shy:

اللي يجي من الله حياااااه الله..

انا اتمنى بنــــــــــــــــــــــــــــــت ..لان البنت الذ واطعم حركاتها من الولد..

ولااااااااااااايق عليها الدلع...

واذا ربي كاتب ولد.. برضو بصير اسعد انسانه لو يشيل ملامح ابوه وهذا اللي اتمناه

ابي بنت تشبه لي وولد يشبه له

بصي حبيبتي كل اللي يجيبه ربي كويس بس انا احب البنت احسها تكون قريبه مني سهل التعامل معاها سهل التفاهم وكمان سهل اصادقها الولد يكون شقي ويتعب كتير ما بعرف الحين لما يتم فرحي واحمل راح اخبركم احساي وشوقي لمين للبنت ولا الولد :shy:

طبعى احب الاطفال وخصوصا البنات بس اتمنيت احمل اول شي بولد عشان زوجي لايرجني يبغى خلفه ثانية على طول الولد يسكته ويخليني على كيفي احمل
والحمدلله دحين حامل بولد
وزوجي يقولي لاتفكري تجيبي غيره خلاص ما ابغى خلفه بيجيه اللي تمناه