تحطين مكياج للدوام ؟ شتسوين وقت الصلاة ؟

هلا اختي ...................بكل بساطة انا ما احط غير واقي حماية من الشمس -- ووقت الصلاة اشيله ...سوري ما فدتج بشي

انا عندي لج حل .

اهتمي ببشرتج و حاولي تخلينها تكون بدون كريمات اساس ثقيله حلوة و مقبوله

ما بتحتاجين الا بودرة خفيفة ضبطيها بعد الوضوء

و بس

أختي الغالية (Miss.B )

ألف مبرووووووووووووووووووك عالوظيفة اليديدة والله يسر لج كل خير

وأنا مثلج ان شاء الله آخير بتوظف

أن شاء الله البنات ما يقصرون ويعطونا أفكار حلوه مع اني ما احط مكياج كلللللش

بس بسألج أنت شلون تشيلين الواقي بالماءوالصابون؟؟؟؟؟؟؟اذا كنت فاهمه صح يعني جم مرة باليوم تغسلين ويهج بالماء والصابون؟؟

سووووري عالقافة

بسم الله الرحمن الرحيم
السلام عليكم و رحمة الله و بركاته

تسلمون بنات على هالردود الحلوة

--

مياوه

هلا حبيبتي .. بالعكس مرورج فرحني وااايد
انا ودي أكتفي بالحماية بس المشكلة لونها أبيض و لازم أحط عليها بودرة عشان يصير لون بشرتي طبيعي و بعدها كحل و شي يسحب شي

--

زمــــردة

فكرتج حلوة و هالشي قاعدة أسويه من زمان و الحمدلله بشرتي وايد متحسنة
ودي أترك كل المكياج بس بيني و بينج ماحب شكلي بدون ما احط شي .. يصير شكلي مريضة !
تعودت على الكحل و الماسكارا

--

حبر وورق

هلا و غلا بالغالية
الله يبارك فيج و يخليج و يسلمج قولي آمين .. مبروك عليج الوظيفة يالله يبيلنا نشد حيلنا بسنا أكل و نوم
و افا عليج لا لقافة و لا شي .. اخذي راحتج
ويهي أغسله الصبح أول ما أقوم + بالليل قبل لا أنام .. هذا الأساسي
لكن اذا رجعت من بره لاااازم أغسله لأني قبلها أكون حاطه مرطب و حماية و تدرين الجو ملوث .. يعني تقدرين تقولين أغسل ويهي مرتين إلى 3 مرات يومياً
أستخدم غسول نيوتروجينا البرتقالي خاص للحبوب و ترى وايد وايد حلو و يخلي بشرتج نظيفة و ناعمة

السلام عليكم ورحمة الله وبركاته

انا وقت الظهر عندي محاضرات وقت الاذان وما اخلص الا 2 يعني ما يمديني اصلي بالجامعة ارد اصليها في البيت

بس الي اجوفه ان البنات ياخذون معاهم النابكين المزيل للمكياج ... من كلين اند كلير ويغسلون ويههم بصابون حاطين هالشغلات طبعا في اللواكر

وبعدين يتيددون ويصلون ويخلون لهم شي خفيف بودرة و كحل وماسكرا مرة ثانية

في أمان الله

والله انا مرات احط مكياج لما اروح الدوام بس مو دايما ولما احط مكياج
يا اما اني اتوضأ الصبح او اني انطر لما ارجع البيت واصلي ..

ومبرووووك عليج الوظيفه وبالتوفيق ان شالله ..

انا بعد توني متوظفه فديتني :shy: بقولج حبوبه انا شسوي اول شي بشرتي ماأحط لها الا كريم من كنيبو وهو واقي من الشمس وحمايه وبعدين احط عليه بودره كنيبو الناعمه وماسكارا ماك ووتر بروف ( كووول ) وخط خفيف من كحل لورد اند بيري اللي سووا عليه ضجه في المنتدى بس يستاهل والله وهو بعد ووتر بروف وغلووس من لانكوم لونه ع البيج والوردي الفاتح وبس ويطلع شكل طبيعي وهادي وحزه الصلاه مايبيلها شي توضي عادي وعيدي المكياج برتوش بسيطه وانشالله اكون افدتج

بسم الله الرحمن الرحيم
السلام عليكم و رحمة الله و بركاته

دمع الليل

مشكووورة حبيبتي
صعبة اغسل ويهي بالدوام بس فكرة النابكينز اعجبتني .. يسلمووو

--

~"مناير الكويت"~

الله يبارك فيج و يخليج بعد عمري مشكووورة
عيزت و انا افكر بس ما عندي الا اني اتيدد الصبح قبل الدوام

--

قطريه موت

هلا حبيبتي
ترى ما يصير اتوضين فوق الووتر بروف لأنه عازل للماي
انا بغيت اسوي مثلج لكن تأكدت من الفتوى و قالوا ماااا يجوز لانه يمنع وصول الماي لكامل الوجه و بجذي وضوئج ناقص

مبارك عليك الوظيفة عزيزتي وانا بعد من راي زمردة

احسن شي البودرة الخفيفة حرام تخنقين وجهك بشي ثقيل

ال loose powder خفيفة مرة وتعطي وجهك اشراق
اشوف البنات اللي معاي بالدوام ( رغم ان دوامي مختلط ) بس وقت الصلاة كل وحدة بمزيل مكياجها وترجع تضبطه بعد الصلاة لان عندنا بريك الصلاة طويل مع بريك الغدا يعني يمدي

الحمدلله انا دوامي من الساعة 9 الصباح

وبعدين احط يدوب الكريم الواقي للشمس وبس لامكياج ولااي شي ....

تحياتي لك

بسم الله الرحمن الرحيم
السلام عليكم و رحمة الله و بركاته

RoOoOmy_M

الله يبارك فيج و يخليج حبيبتي
من ناحية الفاونديشن و البودرة ما أكثر منهم بس يا دوب أحط كومباكت باودر خفيف عشان أخفف لون الحماية الأبيض بس عندي الحماية شوي ثقيلة و مضطرة أحطها و بعد متوهقه بالكحل و الماسكارا ماقدر استغنى عنهم و مو لاقية البديل


صباحي

ما شاء الله الله يهنيج بهالدوام الحلو
بحاول أقلل كثر ما أقدر من الكريمات و مثل ما قالوا البنات اتوضى الصبح قبل لا أطلع
لازم ألقى حل لأن حرام أأخر الصلاة من غير عذر

اولا الف الف الف مبروكعالوظيفة والفال لي (شدعوة صج ملقوفة ماصارلي شهرين متخرجة وابي اتوظف)

وثاني شي احسن لج انج اتحطين مكياج خفيف ووقت الصلاة تمسحينه وتوضين وبعدين تردين تحطينه بعد شتسوين اهم شي صلاتج

السلام عليكم و رحمة الله و بركاته

وردة العتبان

الله يبارك فيج و يسلمج و يخليج

فكرت احط بس حماية و كحل خفيف .. بيني و بينج مكاني ما يشجع امسح و احط
على قولتج أهم شي صلاتي و بعد بشرتي ما يسوي أخربها بمكياج كل يووووم .. جونا ما يرحم

أنـا عن نفسي أحط مكياج خفيف بودرو وكحل وماسكرا وغلوس

ووقت الصـــلاة أغسل وجهي بالصابون والماي وأتوضأ وأروح أصلي

وبعدين أرجـــع أحط مكياج ع الخفيــــف ...


أتمنى أكون أفدتـــــج

سلام الله عليكم
بنات صراحه النصيحه واجبه في هالمقام
وما للنفاق بيننا مكان
الي بتداوم منكم بجامعه أو شغل مختلط ما أعتقد من الحكمه التبرج والتمكيج
والمشكله يا بنات في تناقض غريب ......
تحطين مكياج كامل وتغسلينه وتتوضين للصلاة وتردين تحطين مرة ثانية؟؟؟؟
صلاة وتبرج ما أعتقد يتفقون...الجمال مطلوب والتجمل لكن مش للغرب وخارج البيت بمجتمع مختلط،
بين البنات وبالبيت وبتجمعات الحريم لكن غير جذي..فكروا...وهذا الكلام مو من عندي ....
أختكم المحبه
دروب خضراء

مرحباا الغاليه

مبروك على الوظيفه .. والله يوفقج في حيااتج كلها

ومثل ماقالن البناات .. خذي المحارم اللي تشيل الميك اب .. وتوضي ..

وبعدين ردي حطي بودر .. وغلوس .. وجحال ..

تحياتي

أنا دوامي من 8ونص إلي 4ونص بس أحطة من ساعة 6والحمدلله طبيييييييييييييييييعي جداااااااااااااااا لأن أحط ماركة ديور و وقت الصلاة عادي أتوضأة وأنشف أحطة من جديد ولاكأني سويت شي ونا حنطاوية وأحب بشرتي لأنهاتلفت النظر وين مارحت بسبب طبيعتي والوثوق بالنفس

[جزاكى الله خيرا فى كلامك هذا وربنا يهدينا جميعا وانا شايفه ان الميك أب طبعا مالهوش لزوم

خارج البيت .

مدري والله ما اقدر افيدج


انا احط كحل و قلوس وواقي الشمس من لويس ويدمر


بس ترى مكتوب عليه water resistant

هل هي نفس معنى واتر بروف والا غير ؟


واذا جيت اغسله هل لازم امسحه بالصابون والا بس ماي ؟