الي تعرف عت الليزك تدخل و الله يجزيهه كل خير

معقوله محد عنده خلفيه؟؟؟؟

الصراحــــــه أنا ما سويت العمليه لكن ولد خالي الي سواها
يوم واحد تم في البيت وهو مغمض عيونه بالشاش وبعدين لبس نظارة خاصه وتم فيها كم من يوم


ومسونها ف المستشفى المغربي اللي في دبي

السعر 8000درهم

أحلاهـــم واتحداهـــم

مشكوووووره حبيبتي

و انتظر معلومات اكثر من العرايس

ياااااااااااليت عندي معلومات كان افيدك لكن دعواتي للجميع بالعافيه

مشكووووره حبيبتي Ria والله يعافيج انشاءالله و جزاج الله ألف خير لمرورج الكريم

السلام عليكم
انا سويت ليزك من شهر نص تقريبا في مركز المغربي عند الدكتور هشام حمدي وسوا لي الليزك في عشردقايق والحمد لله نظري الحينه 6/6

انا عملت ليزك قبل سنتين بس بالاردن بس صار عندي تحسس بعد العمليه ودموعي ماوقفت 3 ايام وضليت البس نظاره خاصه وقت النوم وبقيت كم يوم بعيده عن الضو والشمس وهلا نظري تمام وكل شي عادي

اختي سوتها في دبي وهي كان نضرها مررة خفيف وسوتي في مركز روية دبي
والحين ماشاءالله نظرها 6\6
والسعر هي سوته ايام الخصم
5000

مرحباااا

أنا سويت العملية قبل شهرين تقريبا ،، و الحمدالله نظري وااااااااااااااايد زين

و اشووووووف 6 على 6 ،، بس في البداية لازم تحسين بعد رااااحه و قله دموووع

بس من ثاني يوم تقدرين ترجعين لروتين عملج اليومي

أنا سويتها عند الدكتور خالد الشريف (دكتور اردني زائر) في المرطز الدولي الطبي في دبي

العملية كلفتني 12 ألف و خمسمية درهم

الصرااااحه الدكتور ماشاء الله عليه شااااطر و متمرس ،، يسوي أكثر من عشر الاف عمليه في

الاسبوع في الاردن ،، و ماشاء الله كل هليه سووا العملية عنده

على العموم انا دورت لج في النت عن الدكتور و المركز وهذا الموقع ،، بس اعتقد بعدهم

يجددون الموقع

http://go.3roos.com/e0WG5QQy2pf

أنا أعرف ناس عملوا الليزك في تايلاند .... ما شاء الله كانت ناجحه

اختي عملية الليزك سهله جدا وبسييطه وماتاخذ اكثر من نص ساعه

اذا تجين عندنا الدوحه عندنا دكتور فنان يجي زياره للدوحه كل جمعه يسوي العمليات ويروح ثاني يوم واذا حسيتي ان العمليه فشلت يسويها لج بلاش ويعطيج نظاره تلبسينها وقت النوم وعادي ماتتغطى العين بالشاش تقدرين تطلعين وتستانسين بس تلبسين نظاره شمسيه

وسعر العمليه 10 الاف ريال
لكن النتايج مضمونه
واربعه من اهلنا مسوينها عنده ويقولون ان الدكتور فنان
ووحده من هلي سوتها وفشلت لانها طلعت فالشمس على طول فقال لها تعالي اعيدها لج بلاش

هو دكتور اردني

والعياده في مجموعة الجبر

blackeyes
redrose128
غلادبي
ورد جـــوري
الشاااامسية
دلوعتها

الله يجزيكم كل خير و يباركلكم و يرزقكم و يحققلكم امنياتكم
و مشكورين ع المساعده
و اذا في حد يعرف مكان ثاني بليييييز خبروني و قولولي وين المكان و كم بيكلف
و يجزيكم ربي كل خير

اختي اذا تبين مكان ارخص

فالبحرين

بس ماعرف عند اي دكتور بالضبط

العمليه تكلف 4000 او 5000

سئلي اهل البحرين

أختي حبيت أضيف لمعلوماتج لازم تتأكدين منها قبل لا تسويين الليزك
أولا لازم يكون نظرج ثابت على نفس الرقم لأكثر من سنه يعني اذا نظرج مب ثابت لا تستعجلين وتسوين العملية لان يمكن نظرج يرد يضعف مرة ثانية
شي ثاني لازم ما تكونين حامل ام ترضعين او حتى تاخذين حبوب منع الحمل عشان هاي الأشياء كلها تلعب بالهرمونات وبالتالي تؤثر في النظر، وبعد لازم تختارين مركز معروف ودكتور معروف عشان هاذي عيونج ومب أي حد بيظبط لج العملية 100%
وفي فحوصات معينة يسونها لج عشان يتأكدون من سماكة القرنية واذا كانت الفحوصات زينة وعينج سليمة بعدين يسونها لج
العملية ما تأخذين غير 10 دقايق كل عين 5 دقايق أهم شي تكونين مركزه عينج على الاضاءة الموجودة في الجهاز اللي فوق راسج وا تتحركين ابدا لمدة دقيقة وهي اخر دقيقة واهم مرحلة في الليزك
بعد ما تخلص العملية بتحسين بصداع شديد تقريبا في 4 ساعات الأولى ولازم تلبسين نظارة شمسية على طول لمدة اسبوع مع استخدام محلول الدموع والمعقم كل ساعتين ، بتلاحظين ان نظرج يبدا يكون واضح بعد يومين او ثلاثة او حتى اسبوعين (انا خذت اسبوعين حتى استوى نظري 6/6 لان نظري وااايد كان ضعيف)
أتمنى أكون أفدتج أختي وإذا بغيتي أي معلومة ثانية أنا في الخدمة

بسويهـــا بالكويت عندنا ..

بس مادري وين !!!

يمدحون د.سامي ربيعة ..

احد يفيدني ؟؟

والله انا خاطري اسويها من زمان بس خااااااايفة حيييييييل رغم ان كثير ناس اعرفهم مسوينها ويشجعوني

وعلى كثر ماسئلت عن افضل مكان كثير قالولي سويها عند المغربي وبالذات عند الدكتور عاكف مغربي شخصيا لانه هو نفسه مسويها ومتمرس

وفي ناس سووها في المغربي فرع القاهرة يقولون ارخص تقريبا الفين او ثلاثة ماني متاكدة لكن بعد في مصر هو نفسه عاكف يسويها

انشالله اكون افدتك اختي

blackeyes
مشكوره حبيبتي جزاج الله الف خير و يليت الي يعرف مكان في البحرين يخبرني

blackeyes
والله الغاليه خوفتيني أنا نظري ثابت من زمان بس الحين ارضع الله يستر و ما قصرتي الله يعطيج العافيه

الياسميـن
مشكوره الغاليه على المشاركه والله ينورلج دربج

جوررية
شكرا حبيبتي بس لو حد يعرف أو مجرب وين في مصر بالظبط و بكم و جزاج ربي كل خير

أنا وحده مسويه الليزك من 3 سنوات قبل كاااان نظري وااايد خفيف

والحين الحمدالله رب العالمين ، سويتهاا عند المغربي الي في دبي ب 11 الف درهم ..

تدخلين العمليه يمكن نص ساعه بس وانا قبلي كااان كم شخص بعد ..

بنت ديره
ما قصرتي اختي جزاج الله كل خير ع الرد الطيب