بنات الخليج المتزوجات..عندكم هالمشكلة؟؟؟

اكيد اغلب الازواج في الخليج جذي ..

احنا متفقين من البدايه ان بعد ما يتخرج نكون في بيت منفصل .. و الحمدلله ما باقي شي ..

في ناس من البداية يسكنون لحالهم ،، وفي بعد ما عيالهم يكبرون او يكثرون ..

حبيبتي مثل ماقلتي اسعار العقارات نار واحنا يالهل البحرين يدوب المعاشات تكفينا بعد شلون ناخد بيت؟؟ مافي حد بالديرة ماعنده قرض حق سيارة وزواج وتأثيث وغيرها..انا الحين من تزوجت ساكنة بشقة منفصلة وقاعدة افكر انتقل لملحق في بيت زوجي لان ما نقدر نجمع ولا فلس عالاقل راح نستفيد من الاجار..يمكن بعدها نقدر ناخد قرض حق بيت او ارض او مثل ماقلتي ننطر بيت الاسكان (الحكومة ) بس احنا مب بأخر الديرة لا احنا باخر العمر يعني بعد 15 سنة تقريبا من الزواج

الله يعيينا والله وويوفقج

عادي حبيبتي هالمشكلة موجودة بكل مكان مش بس في الخليج لكن بما أنك طلبتي رأي بنات الخليج بنرد عليك.

أحنا عندنا في السلطنة نفس الشئ وأغلب الأزواج الي راتبهم ما يكفي يسكنون مع أهلهم بس الي يقدر يستقل أكيد يسكن بشقة أو بيت أجار أو حتى منهم يفضل أن ياخذ قرض ويشتري بيت جاهز بدل بهدلة الإيجارات.

عن نفسي الحمد لله زوجي بنى لني بيت من دون قروض ولا أي عازة من اي شخص بل من عرق جبينة الصبح عنده وظيفة حكومية والعصر عنده شركة والحمد لله أمورنا وأحوالنا طيبة.

بس من وجهة نظري ما ادري إذا بتعجبك أفظل الواحد يبني له بيت حتى ولو كان صغير بس أفظل من بهدلة الإيجارات وافظل من السكن مع أهل الزوج لأن الواحد لحد متى بيظل في بيت أهله وخاصة إذا الله رزقة بالعيال. بتقولي كيف ومن وين؟

بقولك بطريقة واللي الكل تقريبا يتبعها والله أعلم أن بعض الأأمة حللو هذا الشي وهي قرض من البنك لبناء مسكن صح أنه ربى بس من وجهة نظري الضرورات تبيح المحضروات. يعني من وجهة نظري أفظل من بيت إجار الي حتى مسمار ما تقدري تظربيه في الجدار عشان اتعلقي صورة غير تاخذي أذن من المالك. هذا غير كل شهر دفع الإيجار للمالك فبدل دفع أيجار لمالك البيت دفعوه للبنك وانتو في بتكم ملك لكم. هذي وجهة نظري وأتمنى ما أكون غلطت بالحلال والحرام بس أنا لو صار لي مثل هالموقف وما بيدي حيلة غيرة على طول بسوي هالشي.


والله يرزق ويوفق الجميع

أنا الحين ساكنه في إيجار.. بس أكيد نفكر في بيت ملك حقنا..

في بالنا إن زوجي يخلص قرض الزواج وإيدي على إيده ونشتري أرض ونبنيها..

بس ما أتوقع أقل من عشر سنين عشان نسكن في بيت ملكنا..

ابا وزوجي صار لنا تقريبا 5 سنين عايشين في بيت اهله والحمد لله الله رزقنا بولدين بس الصراحة وايد صعب انج تعيشين في بيت اهل ريلج وخاصة يوم يكون للزوج اخوان شباب والحين بدينا اندور على بيت ايجار وان شاء الله من نحصل بنطلع على طووووووول مع ان عندنا الحمد لله ارض بس ما نقدر نبني عليها لان البناء وااااااااايد غااااالي عندنا في الإمارات يعني فوق المليون درهم والصراحة احنا ما بنقرب صوب البنوك الربوية لانه حرام وان شاء الله يمكن ناخذ قرض من المصارف الاسلامية عندنا والله يقدرنا ان شاء الله

ريحانة القلوب:
بقولك بطريقة واللي الكل تقريبا يتبعها والله أعلم أن بعض الأأمة حللو هذا الشي وهي قرض من البنك لبناء مسكن صح أنه ربى بس من وجهة نظري الضرورات تبيح المحضروات.

السلام عليكم ورحمة الله وبركاته

هلا بيكي ريحانة القلوب...

ما يصير أختي الإفتاء بجواز الربا بأي حال من الأحوال...و أنت تعلمي جيدا عقوبة الإفتاء بغير علم...و عارفة إنه الربا من الكبائر...راح نحلل أكل مال الربا علشان الزوجة تسكن في بيت منفصل ؟؟!!!!!

و ممكن واحدة الآن تقرأ كلامك و تطبقه...و يصير عليك وزرها...

هدانا الله و هداكي...

[grade="DEB887 D2691E A0522D"]السلام عليكم ورحمه الله وبركاته ...


مادري شاقولج اختي اقوله آآآآه من السكن مع اهل الزوج ,, ولا آآآه من القروض ولا آآآه من العيشه الي كلها نار وخصوصا العقارات .....

بلحن اغنيه مع الاه.... :gum:
المهم الوضع الحالي الي انا وزوجي نفكر فيه في حال لم تستجد اي مشاكل ..مع اهل الزوج العزيز...... ان نوصل لمه نخلص 50% من القرض .... وبعد ين نروح بيت التموين الكويتي لأن معاملاتهم إسلاميه ... ونخليهم يشترون لنا بيت ,, ونشترك احنا الاثنين بالراتب ..........

يعني هالكلام يمكن يصير بعد 4 او 5 سنوات ان شاء الله ...... والله يقدم الي فيه الخير ..... :sad:

تحياتي[/grade]

:confused: اييييييييييييييهههههههههههههههه فتحتي الجرح يا اختي انا مو بس ابي اطلع ابي اشرد انا تمللت من السكن مع اهل زوجي ودي نسكن بروحنا بس مثل ما قالت الأخت العيشة هنا في البحرين ولبه الراتب الى نصف الشهر يكمل هذا بعد انا وزوجي نشتغل الله يعين اللي ما تشتغل وعايشة بس على راتب الزوج ادعو لي الله يفرج علي لاني فعلا تعبت وايييييييييييييييدددددددددددددد

Marshmallows

ربي يوفقج إن شاء الله..و تلاقون بيت أحلامكم

بنت البحرين..

هههههههههه والله ضحكتيني لم قلتيبس بآخر العمر ..:smile:

أتصدقين شكلنا احنا جذي بعد..يالله بعد 15-20 سنه على ما انيمع مبلغ بيت..هذا اذا مسكنا ايدنا بعد..و المشكلة إن حتى الأجارات ناااااار مو بس الأراضي و البيوت الجاهزة,,:qaq:

الله كرييييم و يفرجها علينا جميعا..يا رب

مشكورة بنت البحرين على مرورج..و على طلتج الحلوة:clap:

ريحانة القلووب

عاد اتصدقين..عندي وايد صديقات عمانيات..كانا ندرس مع بعض بجامعة الكويت..و من خمس سنوات تخرجنا..و راحوا عمان..

و طبعا الحمدلله لم الحين نتواصل ماشاء الله وايد حبوبيين :shy:

عاد يقولون ان الأسعار عندكم مو عالية وايد..يعني مقدور عليها..

الله يهنيج ماشاء الله في بيتج و يوفقج..اهي بعد صديقتي توها متزوجة و شروا بيت..

الله يتمم عليكم هالنعمة..

أحنا أسعارنا بالكويت..و يمكن بالبحرين مثلنا على حسب كلام خواتي البحرينيات..إن حييييييل غالية..

يعني ضربي سعر الأرض عندكم ب 5 !! توقعاتي

بقولج على سبيل المثال..احنا الارض عندنا من غير البيت 200,000 دينار في المناطق الداخلية ..

سمعت من صديقاتي ان الارض عندكم على حسب المنطقة أكيد بحدود 10,000

ما ادري اذا صح هالمعلومة اذا غلط صححيلي اياها..خل نعرف اسعار الاراضي بالخليج :smile:




و تبين الصج اختي ريحانه..انا مع الاخت مرموم..اي شي فيه شبهه نبتعد عنه..

و نتعامل مع البنوك الاسلامية..لأن ما يجوز الربى في اي حال من الاحوال..

ما اتوقع هذا ينطبق عليه الضرورات تبيح المحضورات


و ربي يغنينا بحلاله عن الحرام..


ربي يوفقج يا الغالية..و ما قصرتي على مرورج

و سلميلي على بنات عمان..:salam:

كلكم حبوبين ماشاء الله :shy:

بنت قمر راكبه همر

نكج عجيييييييييييب هههههه وايد عجبني :shy:

والله يا الغالية هذا حالنا كلنا..

لا و اتوقع عشر سنين هذا اذا حرمنا نفسنا من سفر و غيره و نمسك ايدنا..


الله كريم

blackeyes


الحمدللة انتوا تقدمتوا بخطوة وايد مهمة و كبيرة و اهي الأرض..إن شاء الله يكون البنا قريب...


و ربي يوفقكم إن شاء الله :smile:

نووووووووووووور

يله ناطرين الأغنية هههه


بس والله حبيبتي صج استغربت من كلامج...!:think:

إشمعن بيت التمويل الكويتي؟؟؟!!!:think:

احنا بالنسبة لنا بالكويت..هذا البنك الوحيد اللي معاملاته اسلامية مثل ما قلتي..و في بنك ثاني اسمه بوبيان توه فاتح جديد و ما عنده خدمة العقارات و القروض..

لكن هل قارنتيه مع بنوك اخرى ولقيتوه احسن بنك؟؟؟

هل بالبحرين مافي بنك اسلامي يعطي قروض مثل التمويل؟؟


ترى إجاباتج حييييييييييييل مهمة بالنسبة لي..راح توفر علينا عناء البحث عن بنوك أخرى خارج الدولة..

بإنتظار ردج على أحر من الجمر..


و شكرا لج نور على مرورج و مشاركتج :up:

الغالية22..

سبحان الله..توني أدري إن هموم بنات الخليج مشتركة نفس الشي...!!

اتصدقين هم جذي المعاش يالله يكفي..لا و احنا الاثنين نشتغل..من غلاء المعيشة و الأجار..


ربي يعينا جميعا..

و ربي يوفقج و تطلعين بيت بروحج ان شاء الله :)

إن شاء الله ما أكون نسيت أحد بالرد..

و لا تنسوني بمشاركاتكم و ردودكم..

عشان الكل يستفييييييد

يا ليت حلم حياتي
اسكن ببيت ملك بس زوجي باارد من ها الناحيه
يبي ينطر بيت الحكوومه00اللي باخر الدنيا
وانا صراحه ما ابي اطلع من المناطق الداخليه
المهم انا ساكنه بشقه برووحي 00يعني الحمد لله شيء احسن من شيء

الظاهر ولا وحده من اللي ردوا من الامارات وخاصة من بوظبي

لاننا ولله الحمد بابا زايد ماقصر وزع بيوت جاهزة على غالبية سكان بوظبي وطبعا باولوية التقديم
وفي اراضي للي يبي اراضي بس الاكثر يبون بيوت جاهزة لانها اقل تكلفة

وفي برنامج للاسكان لاهل الامارات الثانية

والله يرحمه كان يفضل البيوت الجاهزة لانه كان يترحم على حال الشعب ويقول هذيل من وين لهم فلوس يبنون وما قصر الله يرحمه ويغمد روحه الجنة

والحين الشيخ خليفة من عقبه كمل المشوار ويوزعون اراضي وبيوت بس الاراضي اكثر والبيوت حق العوايل الكثيرة واللي لهم ظروف خاصة في الغالب

وطبعا الدولة توفر قرض للي يبي يبني ما ادري كم قيمته بس اتوقع فوق مليون وبعد مايسد

والحمدلله هالقرض يغني الناس عن البنوك الربوية والقروض والفوايد .........

الله يخلي لنا الشيخ خليفة ويبارك في بلادنا

صج اطلعت الهموم وحده
انا عن نفسي قاعده مع اهل زوجي وبكمل ست اسنين
بس الحمدلله اطلعت لنا الارض...بس ننتظر القرض على السنه الجديده وبعدين بنبي
وصراحه ولا افكر اخلي زوجي ياخذ قرض