مشكلة بنتي اسمها سؤ تغذيه عطوني حل...ارجوكم

السلام عليكم

لا تحاتين بس حبيبتي مايصير اكلها كله كربوهيدرات لازم تعطينها بروتينات وفيتامينات ليش ماتحاولين تعطينها حليب كاكاو ولا فراوله وعصاي تعويضا عن الفواكه وبعدينانا بقولج نصيحة دكتورة اطفال حاولي تمنعينها من اندومي واذا ياعت بتطلب اي شي تاكله لا تدخلين الاندومي البيت قوليلها خلص من السوبرماركت وبعدين اذا هي شهيتها ضعيفه عطيها فيتامين يفتح الشهيهkidi
وردي علي خبريني شو صار

كم عمرها اختي ؟ وهل ترضع طبيعي ولا صناعي؟

يعطيكم العافيهmiss gulf وأكبر قلب والله اني استانست على ردكم

وادعيلكم الله يسهل اموركم..عطيتها ادوية فتح شهيه موسيغور,و

جونيور,وميولتي سانستول بس احيانا ترجعه,وعمرها خمس سنوات

بس الي يجوفها يعطيها عمر ثلاث سنوات وكنت ارضعهاطبيعي لمدة

سنتين والصناعي فطمتها كان عمرها ثلاث سنوات وهالسن بدخلها

الروضه اشلون بتركز بتتعب. بحاول اجرب معاها كيدي انشالله....

ومشكورين....

فيه نصيحة تقول ملعقة عسل على الريق تفتح الشهية عند الطفل :)

شربيها حليب يوميا في الصبح .. حليه بملعقة عسل بدل السكر افضل..
قصصي لها السلطة بشكل مختلف عن اللي تعودته.. مثلا قطعي المكونات صغار صغار مثل مكونات التبولة وضيفي عليها الذرة بيصير شكل جديد زحلو يمكن يرغبها..
ضيفي البصل الاحمر والطماطم بعد تقطيعه صغار جداً الى السلطة..

يمكن هذي الاشياء ما تسمنها لكن الاقل تحفظ صحتها جيدة.. ..

خلوها تاكل الاكل بروحها ولا تشددون انها تاكله كله او لازم لازم تاكل.. اعطيها الصحن وغاوري عنها..

افف ذكرتيني بولد اختي جننا من العناد يوم كان بعمرها .. بس الحمدلله يوم راح الروضة والمدرسة ومع توصيات امه للمدرسات صار اكله افضل من السابق :)

مشكووره اختي جمانه على اهتمامج اتوقع اذا راحت الروضه

يمكن تشوف اليهال ياكلون بتشجع بس انشالله بحاول معاها

ايه عدل انا واقفة لها وقت الاكل احس ارتاح يوم تاخذ اللقمه

بس يمكن هذي الشي مومخليها تهتم بعد بحاول معاها ولا

باغصبها والله يصبرني....يعطيج العافيه...

الله يعينك نفس معاناتي بولدي

الله يكون بعونك أختى فعلا مشكلة لأني أشوف ولدي هالأيام يسوي نفس الحركات...

مثل ماقالوا الأخوات جربي لها الأشكال في التقديم ، يعني سوي السندويشات على أشكال قطعي الفواكة،، أشتري لها طقم صحون على شخصية كارتونية تحبها،، لا تشدين عليها بالأكل خلي لها في طبق وروحي،، يعني مثلا ولدي يحب الروب قمت أخلي له بوعاء وأتركه بالصلاة فيقوم هو كل شوي وياكل منه وماتمر ساعة الا وهو مخلص جزء كبير منه..
شفته يحب لأندومي مع أنه مو مفيد بس قمت أسوي وأخليه وهو ياكل منه..
أتبعي اسلوب المكافآت،، يعني لو أكلتى هذا راح أعطيك جائزة أو طلعة للألعاب..
يقولون الرز المصري يسمن،، حتى قلت باجربه لولدي...

يعطيكم العافيه ria ورانيا البحرينيه ومشكورين على الرد

الله يخليلكم اعيالكم ويصلحهم ويهديهم.....:flower:

الله يعينك نفس معاناتي بولدي

بنات بالنسبة للعسل لو احطه لها بالحليب من عمر سنة و4 شهور عادي ولا مو عادي لان بنتي مشكلتها انها ابدا ترفض الاكل بس حليب حليب حليب ما يستوي ما تاكل حتى الحليب ما بيكفيها في هالسن ابدا ما تحب الاكل لا فواكهه لا خضروات ابدا

وعاد كله كوم والعيش الي هو الرز كوم ثاني هذا ابد ما تتقبله ليش ما ادري مستغربه من هالشي افيدوني خواتي

بنات بالنسبة للعسل لو احطه لها بالحليب من عمر سنة و4 شهور عادي ولا مو عادي لان بنتي مشكلتها انها ابدا ترفض الاكل بس حليب حليب حليب ما يستوي ما تاكل حتى الحليب ما بيكفيها في هالسن ابدا ما تحب الاكل لا فواكهه لا خضروات ابدا

وعاد كله كوم والعيش الي هو الرز كوم ثاني هذا ابد ما تتقبله ليش ما ادري مستغربه من هالشي افيدوني خواتي

السلام عليكم
اختي مشكله ولدج نفس مشكله ولدي هو الحين عمره خمس ونص اللي يشوفه يعطيه ثلاث

بس في الروضه صار ياكل واحس ان صحته صارت احسن بس اول ماجت الاجازه رجع مثل اول وهو الحين بيدخل صف اول وخايفه عليه لان المدرسه غير الروضه كلها لعب مافيها دروس وواجبات تعب وصحته ماتساعد وكل مايعجبه اكل يمل منه بسرعه
حتا مانفعت معاه الفيتامينات

انشاء الله اذا لقيت حل حق ولدي ماراح ابخل عليج حبيبتي
والاخت قلوووب بالنسبه للعسل عادي انا اعطيه ولدي الصغير من عمره 4 شهور

اختي قلوووب كم رضعة تعطيها في اليوم؟

بسنها لازم بس 3 رضعات .. قبل ما تنام واول ما تقعد ورضعة عند غفوة منتصف اليوم ..

لا تكثرين..

وان شا ءالله تاكل.. بالتدريج عليها.. ولدي عمره سنة وتسع شهور وتوه من شهر متأقلم مع اكل العيش.. كان كلش ما يدانيه.. وكل من يقول لي ضعفان ولدج.. لأن اكله الحين ما يناسب حركته الكثيرة..

وديت بنتي للدكتور اطفال وقلتله وكشف عليها

والحمدلله قال مافيها شي وقال الفيتامينات وفتح

الشهيه هذي الادويه كلها مامنها فايده ووصف لي

عسل اسمه اكاسيا وبالفعل بنتي كله يوعانه الحمد

لله البنات والدكتور ماقصرو وجزاكم الله خير وحاولو

تجربونه احسن من الفيتامينات وتسلموووون:shy:

حبيبتي بحرينيه مغتربه ياليت تعلميني وين القاه العسل في الصيدليه ولا عند العطار

ياليت تعلميني وين القاه في البحرين لاني عن قريب رايحه هناك

مشكووووووره,,,,,,,

عندي نفس المشكلة بنتي عمرها سنتين وخمس شهور

وزنها تسعة كيلو ، ما تحب الأكل بالمرة ، وديتها عند الدكتور عطاني فيتامين kidi

ولحين من شهر وماشي فايدة وهاي مو أول مرة أوديها ويعطيها نفس الفيتامين

وعلى فكرة هي عندها حساسية في الأنف..... أحيانا أقول الحساسية السبب في

رفضها للأكل والصراحة ما عارفة شو أسوي


بس اختي بحرينية مغتربة ها العسل أكاسيا وين أحصله وبيكون موجود في الإمارات يزاج الله خير
والله يعين الجميع .. ويخليلكم عيالكم .. ويرزقكم الذرية الصالحة ان شاء اللة

وينج يابحرينيه

ناطرين ردج,,,,,,,,,,,