خواتي الحبيبات لاتبخلن عليه بنصايحكم ...لاني احتاجها

هلا وغلا

شوفي اختي ماكو دخان من غير نار

يعني تبين تفهميني انهم منيه والطريق شالوا عليك وافتعلوا المشاكل ...من غير سبب

ولاحظي انتي وحدة ....وهم جماعه ...معقولة كلهم وواضح انهم اكبر منك بالسن كلهم غلطانين وانتي الصح؟؟؟؟

لا يا حبيبتي شوفي نفسك وراجعي حساباتك انتي داخلة على حياة جديدة حياة زوجية فيها مجتمعات وفيها مسئوليات ...

انتي الصغيرة وانتي إلي داخله عليهم كسبيهم بطيبك واحترامك لهم وواضح ان خطيبك شاريك

اذن انتي بادري بالسؤال والأتصال انتي زوريهم وقدمي لهم التحيا والإحترام مو لازم تحبينهم جامليهم وعامليهم بدبلوماسية فقط لا غير

اتصالات وزيارات منك لهم سريعة راح تكبرك بعيونهم وراح يسون لك اعتبار

وجابوا هدايا بكيفهم كل واحد وذوقة ....

والله يهنيك ويتتم لك على خير

مرحبا اختي ..

كيف اتهموج في عرضج وافتعلوا المشاكل وتم الموضوع ؟؟

السؤال انه ريلج ماتأثر بكلامهم ؟؟ امه شو ردت فعلها ؟؟ يعني كيف وضعج مع الباقي .؟؟

اهلج شو موقفهم ؟؟

شوفي الغاليه ... في الأول والأخير اهم شي ريلج .. ووالديه ..

هذيل في المرتبه الاولى انج تكسبين ودهم .. من بعدها توددي للعقب ..

انتي بادري بالأتصال .. انتي اكسبيهم .. مثلاً اتصلي اعزمي عليهم يكونون وياج في نفس صالون العرس .. الحنا او اي شي ..

تعالى على نفسج شوي وبيني لهم اهتمامج .. من تجهيزات وافكار .. خذي رايهم ..

لا تنتظرين شي منهم .. انتي بادري عشان ريلج .. وعشان انتي الداخله عليهم مب هم ..

يعني بيدج اتخلين حياتج جنه .. وبيدج تلبقين الموضوع نار ..

وانا ما بقول مثل الاخت عذب القوافي انه انتي اكيد مسويه شي .. لا بالعكس لانه في ناس فيهم حقد .. فهالشي طبيعي .

على العموم انا بكتب لج على الخاص ان شالله الي ما اقدر اقوله هني .. :)

والله يتمم لج على خير

تسلمن خواتي ...


على ردودكن ... عمره الانسان مايحب يدور المشاكل والا يفتعلها.......... كل وحده منا تحب تعيش بسلام وشوية اهتمام ما بينقص شي ..

هلا حبيبتي


الله يهون عليج
حبيت اقوولج قبل هل استخرتي في زواجج هذا ؟؟؟ ماابغي اخوفج بس هذا زواج المفروض تلجأين لربج وتسألينه هل هالزواج لي خير فيه او شر ؟ان في خير ادعي ربج ييسره لج وان شره يصرفه عنج قبل مايطيح الفاس في الراس هذي نقطة

عزيزتي انا وايد سمعت عن خوات الزوج جذيه يعني يعادون مرت اخوهم ومن هالقبيل الحقد والحسد الخوف انه العداوة تنتقل لأم ريلج ويأثرون على ريلج

عشان جذيه انا بنصحج باقتراح وخذيه محمل الجد قبضي ريلج وطلعي من البيت يعني اشترطي انج تبين بيت بروووووووووووووحج فهمتي لانه الظاهر انه المشاكل بطيح في راسج انتي وريلج اذا تميتي في بيتهم وفي سقف واحد هذا وانتي بعيده عنهم جذيه وين دشيتي بيتهم وقعدي عندهم بيراقبوج وبيحاسبوج على كل صغيرة وكبيرة صدقيني انا اعرف هالنوعية من الاوادم سبحان الله مااتعيشر ولو سويتي فيهم الخيررررر

عزيزتي من كثر مااسمع عن طلاقات ومشاكل لا لها اول ولااخر من اهل الزوج مستحيل اتزوج واحد يعيشني في بيت اهله وحتى لو سمعت عنهم كل الخير بيي يوم بتضاربين معاهم

وعندي بنت خالتي كانت عايشة مع ريلها في بيت اهلها وكانت عايشة سمن على عسل وقعدو يراقبوها بكل صغيرة وكبيرة طلعاتها روحاتها يياتها لبسها سفرها وحقدوا وحسدوا عليها انها موقد هالنعمة اللى عايشتها تخيلي دلعهاواشتري لها سيارة وشغلها وسفرها يعني حياتها ماشي منها وتتمنين تعيشين مثلها لكن بالنهاية أثروا عليه وايد من كثر الكلام عليها ومن الحقد والحسد اللى بقلوبهم طلعها من شغلها وضربها وطردها شر طردة ورفض حتى يصرف على ولده اللى كان يمووووووووت فيه بسبب كره اهله لهاا واحتقارهم

زواجها بس استمر سنة وكم شهر جنها عاشت في حلم وقامت منه والحين بينهم محاكم وبلاوي

طولت وايد بالسالفة بس هاي وحدة من الاف القصص الى مرت علي والسبب اهل الزوج

عشان جيه اشترطي عليه يطلعج بيت اروحج ولو ادري انها يات متأخرة بس حاولي لحد مايقتنع وحتى بعد الزواج واذا كنتي تشغلين قوليله بساعدك في الاثاث والايجار ووو حبيبتي دوري راحتج والفلووس نفااد تراها تروح وتيي

واهلج ريلج حاولي تكسبيهم بالهدايا والورود والزيارات والسؤال عنهم بجذيه بيحترموج وبيكون لج قدر واحترم معاهم ولو بالشئ البسيط بدل هالعدوات اللى مابتعيشيج الا في مشاكل ونكد وعوار راااس ولاتنسين انهم بيكونون خوال عيالج في المستقبل فحاولي تتقربين منهم وحتى لو صدوج احتسبي الاجر لربج

واسفة على الاطااااااااااااااااالة

الله يكون بعونك اهم شي زوجك ووالديه والباقي بسلامتهم انا مثلك خوات زوجي ما يرتحون

لي لاني زوجه ثانيه طبيعي ولا عمر وحده عزمتني في بيتها الا مره وحده واعتذرت لاني كنت مسافره


مكه ومعاد عزموني خايفيني من زوجة رجلي الاولى وانا اللي رحت فيها محد يقدرني لاني غريبه

عنهم اله يفرج همك ويفرج همي

غزلان2:
الله يكون بعونك اهم شي زوجك ووالديه والباقي بسلامتهم

انا مع الاخت بكلامها

اذا قدرتي عليهم حاولي تتقربين منهم

لكن اذا ماقدرتي خلاص خليهم بكيفهم

بس نصيحة لاتقولين لزوجك هالكلام ولا تشتكين له من اخواته ترا بعدين بيقول هذي هي اللي تدور المشاكل وبيطلعك الغلطانه

خليييييييهم ماعتقد سعادتك مبنيه على تقربك منهم

بالنسبة لخوات زوجك فعادددددددي لاني أنا يوم ملكت ماحد كلمني لانهم بعدهم مايعرفوني خذي الموضوع بصدر رحب وبعد ماتتزوجي اضحكي معاهم واسألي عنهم وبتشوفين كيف بتحسين بالفرق