محرومه من كل شيء ..

ليش هالتشاؤوم؟؟؟

السلام عليكم ورحمة الله وبركاته

مو زين نقول ها العبارة ياريت الدنياااااااااااا تنتهي بي الان .. لا آريد الحياة

ومو شرط كل الناس يحبونا اذا محمد رسول الله صلى الله عليه وسلم حبيب الله بس فيه ناس يكرهونه

ما بالك بينا احنا

شوفي يا عمري مو شرط الكل يحبنا بس أكيد فيه ناس بحياتنا يحبونا ونحبهم وعزيزين علينا

يعني لا تحصري نفسك بناس انتي ما ترتاحي معاهم

وصدقيني فيه ناس قلوبهم صافية وطيبة وتحب الغير في الله

وتوكلي على الرحمن والله بييسرلك ان شاء الله كل امورك

طمنينا عليك

البنات معاهم حق


اولا ليش التشاؤم

ثانيا مثل ما قالت ملاك

كل الناس عندهم مشاكل

بس انتي شو مشكلتج ؟؟ علشان نساعدج

حبيبتي ليش التشاؤم؟

يمكن ربي يمتحنج ماتدرين

انت تريد وانا اريد والله يفعل مايريد

كل شيئ بها الدنيا مقدر ومكتوب

سبحان الله ماتدرين يمكن رب العالمين يبدل كل ايام الحزن بفرح

انتي لاتتشامين وحلي ايمانج باللة قوي

واللة يساعدج انشاء اللة

اختك/العنبوره

أختي عيشي حياتج وما عليج من الناس لا كلامهم ولا تصرفاتهم

ومهما حاولتي ترضين غيرج ما بتلحقين على رضاهم ..

انتي بس ارضي ربج ونفسج وأهلج وما عليج من حد

وترا الدنيا ولا تسوى كل هالهم .. ربي يحفظج ان شاء الله

ويسعدج ويرزقج الفرح من أوسع أبوابه .. قولي آمين :)

السلام عليكم ورحمة الله وبركاته

هلا بيكي أختي...

كلنا عندنا مشاكل...الحين بكتب لك و في مشكلة فوق راسي في الشغل..

بس تعالي شوفيني...مطنشة...طالما عملت اللي عليه :)

شاركينا همك أختي...في كل مكان راح تلاقي السيء و الجيد...و لازم تتعاملي معاهم بذكاء...

الله يكون بعونك

بس الحل بيدك انتي حبي الحياة والحياة راح تحبك

يعني غيري نظرتك

اسمحي لي اقول لك


العيب فيك مو بالناس


اكيد اللي يخالط الناس بيواجه مشاكل وهو افضل من اللي ما يخالط الناس ولا يصبر على اذاهم..

لازم تقرين كتب تقوي شخصيتك بالتعامل مع الناس
تسمعين اشرطة تفيدك

تتعلمين مهارات بالحياة والتعامل معاها,,



انا كنت مثلك بالضبط..

لكن علمت نفسي اساسيات كثيره كنت ما اعرفها
عن طريق القراءة ومتابعه اخبار علماء النفس
واقرا عن سير الانبياء والصحابه وتلقين معلومات كثيره عن طريقة تعاملهم مع الناس..


ولو تشوفين شخصيتي الحين.. ماتتصورين انني انا اللي كنت قبل كم سنة..
الحمدلله,,


واليوم سمعت شريط عن قصة سيدنا يوسف.. وعن مهارات تعامله مع اخوته بعد ان مكن الله له في الارض كيف رمى اللوم على الشيطان وفسر تصرف اخوته بانه تحقيق رؤياه ,,وانه خرج من السجن ولم يذكر الجب لوجود اخوته,, من اجل مشاعرهم..




اتمنى انني فدتك

لانني كنت مثلك والحين تغيرت

أختي الحبيبه كلام كل الاخوات رائع فعلا بس انت تقولين محرومه من كل شيء هذا الكلام غير صحيح أبسط شيء قومي شوفي نفسك في المرأه وشوفي نعم الله عليك ألي ناس كثيره محرومه من بعضها هذه النعم ما حرمك رب العالمين منها .ولو على الناس تعودي ان لاتنصدمي فيهم بتقولين صعب ؟لا بالعكس كل شيء يستطيع الأنسان التدرب عليه وهذا ما أكتشفته فأرضاء الناس غايه لاتدرك وبعدين لاتستبعدي ان يكون ما انت فيه أختبار من الله وللأسف رسبتي فيه بطلبك الموت لا تستسلمي للشيطان وزيدي في شكر الله كلما قابلتك مشكله

حبيبتي احنا هني كلنا خواتك اذا عندك مشاكل فضفضي واكتبيها وان شالله تجدي الحلول
لكن اكبر غلط هو الاستسلام للتشائم وماضاقت الا فرجت

عروسة البحر 1:
أختي الحبيبه كلام كل الاخوات رائع فعلا بس انت تقولين محرومه من كل شيء هذا الكلام غير صحيح أبسط شيء قومي شوفي نفسك في المرأه وشوفي نعم الله عليك ألي ناس كثيره محرومه من بعضها هذه النعم ما حرمك رب العالمين منها .ولو على الناس تعودي ان لاتنصدمي فيهم بتقولين صعب ؟لا بالعكس كل شيء يستطيع الأنسان التدرب عليه وهذا ما أكتشفته فأرضاء الناس غايه لاتدرك وبعدين لاتستبعدي ان يكون ما انت فيه أختبار من الله وللأسف رسبتي فيه بطلبك الموت لا تستسلمي للشيطان وزيدي في شكر الله كلما قابلتك مشكله

أسأل الله ان يفرج همك ... ويحقق لك كل ماتتمنين

وألجأي الى الله تجدي السعااااااده

أسأل الله ان يفرج همك