مجد ممكن اذا ماعليج امر ..؟؟

وعليكم السلام :) ,

يا هلا حبوبة :) ,

شوفي أنصحج وبقوة ب kanebo cream finish

وهذه صورته , يصلح لبشرتج ,



يعطيج تغطية روعة ومخملية ,,

حتى ودي أستخدمه بس ما يناسبني لأن بشرتي تميل للدهنية وهو للبشرات العادية واللي تميل

للجفاف ,,

أما بالنسبة لمنطقة الأنف اللي تدهن بشكل مزعج , فأنصحج تحطين عليها oil control

من ماك أو من كانيبو أو من فور إيفر , يعني عندج عدة ماركات ممكن تختارين منهم اللي يناسبج

واللي يناسب ميزانيتج وترى كلهم يعطون نفس النتيجة وبنفس المستوى ,

بالنسبة للبودرة , عندج بودرة توتال فنش من كانيبو هذه حيل حلوة وتغطيتها بعد مخملية ,



واللوس باودر بعد أرشح لج كانيبو ,



أما بالنسبة لبودرة الإضاءة فعندج ماك عندهم إضاءات حيل حلوة ,,

أتمنى أفدتج :) ,,

وأنا حاضرة لأي سؤاااااااااال :) ,,,,

نسيت أقولج البيس :) ,

البيس عندج البريم برايم من ماك حيل حلو وترى فيه لمعة جليتر خفيفة ,,

والحلو فيه إنه يثبت الميك أب ويخلي البشرة ناعمة ومخملية , يعني حيل حلو ,

وجربيه على إيدج وشوفي ملمسه قبل لا تشترينه ,

Prep + Prime Skin



أو

عندج MAC FIX+ هذا ما أستغني عنه ,, حيل حلو , أنصحج فيه وبقوة :) ,



وإذا تبين ماركات ثانية , فأنا حاضرة , بس قلت لج اللي جربتهم وعطوني نتيجة حلوة :) ,,

امم بس يبيله اروح اجرب بنفسي.. تتوقعين انها تناسبني اكثر من غيرلان..؟

فعلاً ألوان كانيبو حتى لو اخترت الدرجة المناسبة لج تعطيج لون أفتح منج ,

ولذلك أنصحج تاخذين لون أغمج منج بدرجة عشان يعطيج لون طبيعي ,

بالنسبة لكريم أساس كانيبو , أنا مدحته لج لأنه يناسب البشرة الجافة حيل ويعطيها لوك

طبيعي ومخملي وفيه حيوية ,

أنا ذاك اليوم كنت في محل تجميل ولقيت وحدة من البياعات كريمها رووووووووعة بكل ما

تحمله الكلمة من معنى , حتى أنا لفتت نظري من بعيد بسبب كريمها ,, مع إن ملامحها

حيل عادية ,,

ما خليت شي بخاطري رحت وسألتها وقلت لها لو سمحت ممكن أعرف ماركة الكريم

جان تقوللي كانيبو بس الصغير جان تروح للستاند وتراوينياه وقلت لها أنا عندي الليكود ,,

لأن بشرتي دهنية ,

جان تقوللي عادي ممكن أنا أستخدمه بس أستخدم قبله oil control

لكن إذا إنت مو حابة الماركة , ممكن تجربين ديفينورا من جيرلان رقم 520 أو 420 أو 440

وتشوفين أي درجة تناسبج , مع إني حاسة إن درجة 440 هي اللي تناسبج ,

أما بالنسبة للبودرة ,

جربي كاراميل من كانيبو ,

أو

ناتوريل روز من ديفينورا جيرلان ,

أتمنى أفدتج :) ,,