بعد ها السنين

اختي...طبعا عشرة 12 سنه صعب تغيرينها...وصعب ان اللي تعود على شىء يغيره.....يعني ماله داعي اقولج ان لو تعود منج على تحمل المسؤولية كان احسن لج لان فات الوقت

والريال مايصدق يلاقي وحده طيبة مثلج بتتحمل مصاريف البيت واليهال وبتتعبل بدراستهم وباغراض البيت...لا واحمدي ربج بعد ماتسوقين والا جان قال لج روحي جيبي الجريده والعشا خخخخخخخ

تدرين؟ اعرف حريم باعوا سياراتهم من عقب ما كانوا يسوقون بس عشان الزوج اعتمد عليهم وشال يده من مشاوريهم وطلبات البيت !

صج ترى فيه ناس ماينعطون وجه كلش....وفيه ناس ...لا ..يبين فيهمالمعروف ويقدرون لج هالتعب ويساعدونج

بس انا الكل ينصحوني باني ماصير طيبة وايد وخليه يتحمل كل مسؤولياتي ومسؤوليات البيت واليهال حتى لو كان راتبي اكبر من راتبه لان بهالنهاية هذا دوره ...وواجبه

الله يعينج اختي....بس ماجربتي اي حلول؟ انج تكلمينه او مثلا تشلين يدج من المسؤولية وتخلينها عليه؟؟ اكيد جربتي

شسويتي وشصار معاج؟

الله يعينج اختي.....انتي من البدايه عودتيه على انج تصرفين وما تحملينه المسؤوليه وهذا اكبر خطأ
ما لج غير الدعاء خلاص ما تقدرين تغيرين شي بس حاولي معاه انه يزيد حجم مساهماته الماديه في البيت بس طبعا بالهداوه عشان عيالج اللي يسوون الدنيا وما فيها :)

ما عرف شاقول المشكله مب انتي وبس تقريبا كل اهلنا نفس الشي المرة اهي الي تكد وتتعب واتقابل اليهال واتوديهم الملاهي والمستشفى وتوديهم المدرسه وتخلص معاملاتهم وكل شي على راسها واهو ماخذ راحته واذا شافج معصبه ولا شي تخانق وياج
ما اقول الا الله يعين

الصراحه رجلج نفس رجلي تقريبا ما يهمه الا اهله وامه واخته بس عياله
بطقاق وانا بعد اهم شي عنده اهله لو يطلبون منه شي وماعنده يتسلف عشان ايبلهم ولا
طلبت منه شي قال ما عندي اموت من الحره واهو ولا عندا اي احساس ابي حل يا ناس
شسوي معاه

الحلم الهادىء
شكرا على مرورك اختي ..........مثل ما قاتي كانت هناك محاولات متعبه جدا ..........من احدى المحاولات قلت اهو معتمد علي .......وحبيت اريح نفسي من الشغل برع البيت وخذيت اجازه .........تخيلي ان البيت فضى ما فيه كسره بسكوته واقوله ولا كاني اكلمه ......تخيلي ان حاولت امشي لين اقرب سوبر ماركت عشان اشتري حليب للصغير وشريت بسكوت لي ولشغاله لاني ما اقدر اشيل اغراض واحنا نعبر شارع عام ........تخيلي البيت فاضي ................والا خ متعود كل يوم يشتر فطور حق امه وخوانه وخواته ونسوانهم ويقعد معاهم ... وانا المسكينه في البيت انا والشغاله من غير فطور تقولين ايش اللي صبرني عليه ما ادري ....
لاحول ولا قوة الا بالله

الله يعينج اختي
توصل لان البيت مافي كسرة خبز حق البيبي ويشتري ريوق كل يوم لامه...
جان انا انحره

:[grade="DEB887 D2691E A0522D"]qaq: آآه يا قلبي عليج

السلام عليكم ورحمه الله وبركاته ....

اختي زوجك مع احترامي له انسان ما عنده مشاعر ولا احسايس وللأسف انج اكتشفتي هالشي بعد عشره طوله عمر ....... انا بقولك قصه واتمنى انها تفيدك او تمدك بشي ,, لكن بقولك رأيي الشخصي وهو من منطلق حرتي وناري على هالنوعيه من الرياييل ...

انا لو احس اني انا الريال وانا المره وانا كل شي لهم ,,,,, اخليه يولي وطلق منه .... دام انا عايشه 12 من راتبي ,,, وعيالي ما يعرفون غير كلمه يبه ......... انا ما تحمل هالكسل والاتكاليه الي ما منها فايده عيل شنو فايده وجوده بالبيت بتقولين ظل ريال ولا حيط ,, انا اقول ظل حيط ولا ريال العازه ...

القصه الي بقولها اتمنى تفيد الجميع ...

عندي صديقه مثلك ,, عايشه مع زوجها وهي الي تصرف وهي الي تجيب والي تودي وهي الي تهتم بكل شي بس فيها عيب انها لمن تحمل ... تصيدها جلطه بريولها وتعان من الوحم والترجيع طول فتره الحمل لين الولاده والجلطه تسبب لها الشلل المؤقت طول فتره الحمل ... وهي صار لها معاه 8 سنوات ... المهم بالحمل الثاني ... صديقتي صاده نفس الشي الجلطه والوحم وكل شي ,, كان بيوم خطوبه اختها ,, اتصل الزوج العزيز بالليله هذي ,, من غير مقدمات او شي ... ومع انها تركته مافيه شي ... اتصل فيها يعايرها بكل عيوب الدنيا مع انها ما فيها شي غير المرض الي يصدها بالحمل ... وسبها بأوسخ الالفاظ واخر شي قال لها انا ابطلقج ......

البنت انهارت ,,,, في ذي اليوم وبدل ما يصير فرح صار حزن ... ومسكت اعصابها وردت عليه وقالت له جيب سيارتي واغراضي وورقه طلاقي ,,,, دام انا ثقل عليك .... وما تبي تتحملني ..
المهم الريال يوم حسن انها ما خافت يوم قال لها بطلقج ,,, رجع لها بنفس الليله بياخذها البيت بعد الحفله ... البنت رفضت ترجع معاه واصرت على الطلاق ,,, قالت انا الي تعبت منك ومن اتكاليتك وتصرفاتك البارده معاي .. على فكره هو بعد طالع داش يشوف طلبات اهله .... .. وقام رمى عليها اوسخ الالفاظ قدام اهلها واخواها ما تحمل وضرب زوجها وعطاه درس ما ينساه في شلون يحترم بنات الناس ..
بعده البنت رفضت ترجع له المهم .. ارسل اهله وامه واخواته عشان يطلبون السماح منها ,, على تصرفه وتعذر ان هو في ذاك اليوم راح وقص عليه الشيطان وشرب خمر عشان جذي سوي الي سواه ؟؟؟؟؟
المهم البنت بعد ما خذت عليه تعهد ان يعتدل في تصرفاته وان يصير مسؤول ويحترمها ,,,, ويهتم بالبيت رجعت له بس .... والحين هو ما قولج اهو على الصراط المستقيم بس كثير تغير عن قبل وصار يقدرها ويحترمها ,,,,, لا بعد اشترها سياره جديده ومعاملته تحسنت عن قبل ..

اختي في ريايل يعتدلون ... بعد ما يحسون ان المره الي شايلتهم ومدلعتهم راح تضيع من ايديهم .. ويمكن زوجك لو حسستيه بالشي هذا يعتدل معاج ..

تحياتي لج وانتظر اخر اخبارك[/grade]

شوفي إختي الله يعينش هذا أول شيء..

ثاني شيء إنتي السبب في اللي صار.. إش حقه عطيتيه الضوء الأخضر في التصرف في راتبش

إش حقه ما حسستيه بالمسؤوليه إن عليه بيت يصرف عليه وأولاد..

مشكلة أهل الزوج من يدروا إن الوحده موظفه بعد يحالوا يكوشوا على فلوس ولدهم يقولوا لو خلصت فلوسه يقدر يروح لها وهي عندها فلوس..

لازم تفكرين بالمستقبل لازم تجمعين لش من راتبش ما تدرين إيش المستقبل مخبي لك..

إخذي إجازه بدون راتب كم شهر عشان يحس إن الله حق وإن أهله مش هم الناس إللي المفروض يصرف عليهم..

ولو صرف عليهم يصرف عليهم بالمعقول أصلا محاسب على هذا الشيء إللي يسويه حرام..

رسلي له فتاوي إن المرأه لها الحق في النفقه والأولاد حتى لو كانت غنيه..

وإن واجب عليه إن يأكل أهل بيته..

وإن ما يمانع إن يساعد أهله لو ما عندهم أبوهم أو مصدر رزق أبوهم قليل بس كل شيء بالمعقول..

ولا تعوديه على إنش تسوي أي شيء زياده في البيت بحيث خلاص يشيل إيده نهائي..

يعني بكره تصبغي البيت والله تشتري غرفة نوم للأولاد.. خلاص بعد إش يبغى أكثر من كذا..

ولي عوده مره أخرى..

اختي الغاليه انا مع خواااتي في رايهم انتي الغلطااانه انتي ما تعرفين المثل اللي يقول ابنج على ما تربينه وزوجج على ماتعودينه

الحين لازم اول شي تتدعين انه ربي يغير حاله وتعالي معاه با الكلام الزين وبعدين انتي على قولتج انه يجي رايق من برا خلاص ويبي اكيد اللي خبرج وفي هذا الوقت انتي حايليه يمكن الله
يهديه