تجهيزات احلي عرايس مصر ( الجزء الخامس)

امة الله ازيك حبيبتى بانضم ليكم

ممكن اكون عروسة معاكم

ان شاء الله زواجى فى 8

عقبالكم يا بنات عروس

فاكريني ولا لاء ياتري

مبروك عالجزء الجديد ياأمة الله.....بس كان احسن تخلي الفرح بعد رمضان عالعيد مثلا انتي بتقولي ان شاءالله يمكن يكون اول تسعة ورمضان السنة دي جاي 25-/9 يعني عشان تقدري تلبسي في البيت اللي علي مزاجك وتخرجوا تتفسحوا
بس دة ميمنعش ان رمضان شهر رائع جدا انا بستناه بفارغ الصبر انا برضو اتجوزت قبله بشهر وكم اسبوع

قطوطه الجميله منوره في اي وقت قلب العصفوره مشكلتي ان بابا مهندس بحري ومرتبطه باجازته وسفره يعني لما بابا ينزل اول سبعه ممكن يسافر علي نص تسعه وده يخليه ياخد اجازه شهر 4 السنه اللي جايه وده حيكون قبل امتحانات اخواتي بشهر وماما دايما رابطاني باخواتي وخصوصا انهم توأم والسنه اللي جايه بكالورويوس عندهم وطبعا مش حينفع اعمل الفرح وتجهيزاته من غير ما تكون اختي حاضره في كل حاجه طبعا دي كانت زعلانه جدا عشان في خطوبتي ملفتش معايا علي الفستان فما بالك بالفرش والتنجيد لازم اختي تكون معايا وشهر 4 ده بيكون وقت امتحانات الميت ترم عندها لانها بيطري المهم عشان كده انا متقيده بسفر بابا وامتحانات اخواتي وده لو متمش شهر 9 حيتني لحد شهر سته الشنه اللي جايه :shy: اسبايكي طبعا مرحبا بيكي عروسه معانا وان شاء الله نفيدك وممن لو محتاجه حاجه تصفحي الجزء الرابع من تجهيزات احلي عرايس مصر وحتستفادي كتير انتي منين يا سبايكي فيت دودي خلصتي ولا لسه

قلب العصفورة
أنا كنت عايزاكى تبعتيلى بيانات مدام فوزية لو سمحت يا جميل

بنات
إن شاء الله الأسبوع الجاى من الأربعاء للأحد معرض لاكازا أنا قلت أقولكم
In& Out
فى حاجات حلوة كتير بس مودررن جداً ...أوض النوم كتير تجنن بس التسريحة بتاعتها مش قد كدة

Joutun
أعلن أن فى نوع دهانات جديد اسمه pearl يمكن ينزل أول الشهر وبيقول أنه هيكون حاجة جديدة خالص بس مش أكيد أول الشهر يمكن ويمكن

Tarek Trade
فى كراسى سينجل شيك أوى وكام كنبة فرع عباس العقاد مشفتش فرع المهندسين.

بنات شفت حاجة حلوة أوى حاجة شبة جلابية نانسى عجرم بس شيفون ومخططة بنفس اللون بس المتيريال مختلفة والخط بارز وبكم ومفتوحة من الجوانب ومعاها الجى سترينج بتاعها بجد تحفة اسمها جلابية شهر العسل

ياترى جلابية شهر العسل بتتباع فين وكنت عايزة اعرف معرض لاكازا بتاع ايه , ميرسي ليكى ياجميل والف مبروك لكل عرايس مصر على الجزء الجديد ويارب يتملى بالمشاركات المفيدة زي الاجزاء اللى قبل كده

وحشتوني يا بنات كلكم واحده واحدهانا اتاخرت عاليكم بس محدش افتكرني غير dalida_palace المهم مش مشكله برده كلكم وحشتوني بالنسبالي انا متأخره عنكم لاسباب كتير لاني مشغوله كل يوم نزول ومشاوير اللتجهيز المقرفه دي بس الحمد لله انجزت اولا اتفقت على الفرقه اللهتيجي ودفعتلها ديبوزيت ثانيا اتفقت مع الخياطه بس لسه مجبتش القماش ثالثانزلنا جبنا الشبكه امبارح قولولي مبروك بقه ثالثا بما ان خطيبي مش من مصر فانا اللانزلت اتفق مع المسجد لانهم الحمد لله اتفقوا ان الستات هتكون فالبيت والرجاله فالمسجد رابعا وده الاهم اتفقت الحمد لله مع الكوافيره خامسا نزلت الازهر اشتريت المعدات اللازمه للمعركه من زيوت لصابون مغربي للليفه مغربي للترمس المطحون وكللل حاجه وبعدين بدات الشغل ماسكات وزيوت لشعري وكل حاجه اخيرا طبعا بدات الريجيم الكيميكال زي ما قلتلكم 3 ايام زبادي كنت حاسه اننا هموت خلصتهم وفكيت بس النهارده هبدا3 ايام شربة خضار

جويريةةةةةةةة هيه إزيك يا بنتى ومبروك على الشبكة وربنا يجعهلهالك جوازة العمر أنا كمان اشتريت شوية لوازم للمعركة بس الليفة المغربى اللى جبتها مكتوب عليها كيس للتكبيس من وبر الجمل من حراز بـ 35 يا ترى هى دى ولا لأ؟؟؟ وجبت الصابون وزيت لوز حلو ادهنه تحت عينيا قبل ما انام عشان الهالات وترمس مطحون تحفففففففففففة وماء ورد بس ناوية اجيب زيت زهر لأنى قريت أنه بينفع أوى فى تفتيح الأماكن الغامقة وربنا يهنينا كلنا يا رب

مارو أولاً لاكازا ده معرض italian furniture وهتلاقى مليون معرض إن شاء الله هناك وتذكرة الدخول بتكون عبارة عن كتالوج
بالنسبة لجلابية شهر العسل أنا شفتها هنا فى بورسعيد بس مش جبتها عشان أنا عاوزة الحمرا بس قالتلى أن جيالها الأسبوع ده إن شاء الله لما أجيبها هقولك اسم الشركة وانت ممكن تعرفى فين منتجاتهم فى القاهرة أما فى بورسعيد فهى فى محل عوض افندى اللى جنب الشراع المصرى قبل ميدان المنشية ( عشان لو حد هيعمل شوبنج) وتمنها مفاجأة

ازيكم ياعرايس
اسفة ياداليدا عالتاخير
رقم مزفوزية
يمنع وضع ارقام الهواتف

صلي استخارة قبل اي شئ وربنا يلهمك اللي فيه خير لكي يارب
حلوة يابنات جلبية شهر العسل دي والله تنفع برضو لزوم الدلع ياريت واحدة تتطوع وتعرفلنا مكانها في القاهرة وخاصة في مدينة نصر يعني

علي فكرة يابنات فيه حاجة مهمة هقولكم عليها هي تكسف شوية بس معلش اتحملوني
بالنسبة للخجل والخوف في الايام الاولي للزواج ومنعا لاي الم بسبب الجفاف فيه كريم ممتاز جدا جدا وممكن تسالوا عليه الصيدلي او الدكتور هو من جونسون اند جونسون اسمه
k-y gel
لون علبته علي مافتكر ابيض في ازرق مافيش منه اي ضرر بس للايام الاولي لكن لا يستعمل دايما
هو ب 17 جنيه
اتمني تكونوا فهمتوني علي طول
ولا تنسوا ركعتي السنة والدعاء

قلب العصفورة تسلمى حبيبتى على ردك وذوقك وإن شاء الله ربنا يلهمنى الصواب
ووعد منى يا بنات أسألكم على جلابية شهر العسل دى وبجد لو مش فى القاهرة لقيتوها أنا ممكن أجيبهالكم وأنا نازلة والله بس إن شاء الله المحل يجيب جديد لأن عندها واحدة حمرا بس منتوشة من قدام وواحدة كحلى مش حلوة ولا التركواز الأسود والأحمر تحففففة

dalida_palaceالله يخليكي يا حبيبتي يا رب انا برده جبت الليفه دي بالظبط بس جبتها ب25 واستعملتها حلوه قوي قلت هي اخف من السوده التانيه البتتباع ونتيجة الحمام المغربي مش حاسه بفرق كبير حاسه بس بنعومه جامده عموما انا هواظب يمكن يبان مع الوقت وانا كمان جبت زيت اللوز تحفه بدهنو على وشي وظهري عشان البقع والفستان بقه وكده ومقلتلكوش على الحركه الغبيه اللعملتها فشعري من شهر الفت ومسكت المقص وقصيت القصه بنفسي وقصرت جدا جدا لدرجة انها بقت شبه البوي كت المهم من ساعتها نازله دهان زيت خروع وزيتون وصبار علطول علطول ليل ونهار وربنا يسهل وتلحق تطول انا متعكننه بسببها جدا وخصوصا ان غير الفرح والمعاذيم خطيبي ساعتها هيكون اول مره يشوفني بشعري فتخيلو المنظر يلا ربنا يحلها من عندو المهم بجد يا بنات ارقو نفسكم بالرقيه الشريه انفثوا بايديكم 3 مرات ااسفه بس زي ما تكونوا هتفوا بس هوا بس وقولوا الاخلاص والمعوذتين وامسحوا على جسمكم دايا وحافظوا على الاذكار اليومين دول واللهي انا مش موسوسه لكن اللبيحصلي اليومين دول مش طبيعي مثلا الصبح كباية شاي بتغلي نزلة على دراعي وبطني وحرقتني مش قادره اقلكم ايدي بقت عامله ازاي مش هواصيكم انكم تخلوا الكم من الاذكار الصباح والمساء وسورة البقره علشان تحفظكم وربنا يحفظنا كلنا يا رب
vetdodyربنا يخليكي ويكرمك يا حبيبتي ويتمملنا كلنا على خير
امة الله على فكره اللعمل موضوع الجزء الرابع مش هانيا هوه تيتو الكان نفسي تكون معانا لانها بجد وحشتني وهانيا وانا كنا عاملين موضوعين وادارة المنتدى ضمتهم على بعض وانت فين وحشتيني

جويرية ايه يا حبيبتى بس سلامتك ألف سلامة معلش لازم يحصل حاجات كدة بس مش لدرجة حرق خدى بالك
بصى هقولك على نصيحة لشعرك ويا رب تلاقيها
من كام شهر لقيت زيت جدايل بتاع السعودية عندنا هنا فى بورسعيد جبت العلبة النبيتى هو فى تطويل وفيه تغذية وحاجة كمان يعنى 3 أنواع
المهمم أنا جبن بتاع التطويل كنت كل يوم خميس أعمل حمام لشعرى بليل بالمايونيز وعليه أى زيوت أنا عايزاها لوز-سمسم-زيتون -ممكن احط زبادى وأنام بيها طبعاً الريحة أوووووووووف بس كنت أغسله تانى يوم الصبح كويس أوووووووى وبعدن أجيب زيت جدايل بقى بصراحة كنت بحط بفترى يعنى شعرى مش طويل مووت وعلبه الجدايل أكبر شوية من علبة زيت الأملا وأنا خلصتها بالظبط فى 4 مرااات يعنى فى شهر بس بجد مش قادرة أقولك شعرى طول طول بجد منها تمن العلبه كان أظن 90 جنية بس للاسف مش لاقياه تانى طبعاً لو ليكى حد فىالسعودية يجبهولك من هناك أحسن وفى كمان زيت أم الجدايل برضة سعودى دة مجربتوش بس عملن مرة استفتاء فى حواء اية أحسن جدايل ولا أم الجدايل والمعظم قال أم الجدايل
فى كمان حمام كريم بالنخاع من حراز لسه جيباه بس مجربتوش وجبت حمام كريم الكثيرة كانت بنت قالت أنه بيغذى الشعر بس جربته مرة واحدة فمش قادرة احكم عليه وفيه فى حراز حمام بالتوم والنخاع بس البت قالتلى ليه ريحة فقلت بلاش موضوع التوم دة
طولت عليكى بس قلت أديكى خالص خبرتى فى الموضوع دة

بنات كنت عايزة أسألكم حد جرب الفورجية فى السراير أصلها عجبانى أوى ويا ترى تعرفوا حد شاطر فى الفورجيهات

ازيكم يا بنات مصر

ان شاء الله هنزل مصر في 8

ومعليش يمكن موضوعي شوي خارج عن موضوعكم
عاوزة اعرف احسن دكتور او دكتورة متخصصين للعقم يعني
تنصحوني فين اروح علشان انا الدورة بتتاخر عليا كتيييييييييييييييييييير
ومتجوزة بقالي مدة كبيرة اتمنى تفيدوني وجزاكم الله خير

واحسن صالون عندكم بيعمل استشوار وتسريحات حلوة حريمي طبعا

جويرية مبروك اختى الغالية وربنا يتمم لك على خير


وفعلا واظبى على الاذكار وربنا يحميكى والف سلامة عليكى:sad:

داليدا ازيك ياجميل وحشانى مووووووووووووووت كنت عايزة اسالك عن زيت الجدايل من بورسعيد انت جبتيه منين لان انتى عارفة اننا بورسعيدية زى بعض , وكمان لو حد من بنات المنتدى محتاج حاجة من بورسعيد ياريت يقولنا انا تقريبا بسافر بورسعيد كل اسبوعين , وعايزة اعرف كمان اضمن انى اجيبة من بورسعيد ولا السعودية , و عايزة اعرف ياترى الزيت ده بينشف الشعر لانى سمعت ان الزيوت بتنشف وان الكريمات افضل , انا اشتريت من عند حراز زيت ضفاير هو بيقول عليه حلو هو مجموعة زيوت كتير وعليها بصل وثوم بس انا لسه ماجربتوش ., وجبت كمان كريم العروسة بتاع السنفرة والصابون المغربى اللى فى العلبة على فكرة يابنات فايدة الحمام المغربى التنعيم وبالتكرار بيشيل الخلايا الميته اللى على الجسم فاللون بيفتح وكمان ماتستعجلوش نتيجة الحاجات الطبيعية لانها بتاخد وقت .
جويرية حبيبة قلبى خلى بالك من نفسك وخصوصا موضوع الحروق لانها احيانا بتسيب اثر واحنا مش ناقصين , ربنا يهنيكى ويسعدك و يحفظك من كل سوء .

:clap: داليدا ازيك ياجميل وحشانى مووووووووووووووت كنت عايزة اسالك عن زيت الجدايل من بورسعيد انت جبتيه منين لان انتى عارفة اننا بورسعيدية زى بعض , وكمان لو حد من بنات المنتدى محتاج حاجة من بورسعيد ياريت يقولنا انا تقريبا بسافر بورسعيد كل اسبوعين , وعايزة اعرف كمان اضمن انى اجيبة من بورسعيد ولا السعودية , و عايزة اعرف ياترى الزيت ده بينشف الشعر لانى سمعت ان الزيوت بتنشف وان الكريمات افضل , انا اشتريت من عند حراز زيت ضفاير هو بيقول عليه حلو هو مجموعة زيوت كتير وعليها بصل وثوم بس انا لسه ماجربتوش ., وجبت كمان كريم العروسة بتاع السنفرة والصابون المغربى اللى فى العلبة على فكرة يابنات فايدة الحمام المغربى التنعيم وبالتكرار بيشيل الخلايا الميته اللى على الجسم فاللون بيفتح وكمان ماتستعجلوش نتيجة الحاجات الطبيعية لانها بتاخد وقت .
جويرية حبيبة قلبى خلى بالك من نفسك وخصوصا موضوع الحروق لانها احيانا بتسيب اثر واحنا مش ناقصين , ربنا يهنيكى ويسعدك و يحفظك من كل سوء .

إزيك أنت يا مارو
بصى يا قمراية طبعاً لو ممكن تجيبى الزيت من السعودية هاتية وأنت مغمضة هيكون أضمن وأرخص وطبعاً مفيش مقارنة فى الجودة
نيجى للمهم بالنسبة لجدايل أنا كنت جبته من الفار بــ 90 جنية ولقيته بعدها عند أيمن الأفندى بــ 70 بس للأسف دلوقت هو لا هنا ولا هنا بس أم الجدايل موجود عند أيمن الأفندى وكمان كريم الكثيرة والاتنين بــ 70 جنية
بالنسبة لموضوع تنشيف الشعر ده بيفرق من شعر للتانى يعنى أنا الزيوت بتجيب معايا مفعول أحسن من الكريم