أبي اتعلم ساعدوني

ولا يهمج ,, راح أبدأ معاج من الألف إلى الياء ,,

راجعة لج إن شاء الله :) ,,,

ليش زعلانة :) , صدقيني ما نسيتج ,

توني فاتحة على موضوعج عشان أرد عليج ولقيت هالوجوه الحزينة :) ,

دقايق وبتلاقين رد يرضيج إن شاء الله :) ,,,

بالنسبة للأدوات المهمة , تختلف من بنت إلى بنت ,

لأن ممكن تكون البنت فنانة بالميك أب فتلاقينها تحرص على كل ادوات المحترفين ,

والبنت الثانية عادية بوضع المكياج , فتلاقينها تحرص على الأدوات المهمة بس ,

ولذلك راح أقولج بس الأدوات المهمة اللي يفترض تكون عندج :) ,,


يفترض يكون عندج كريمين أساس واحد للطلعات العادية وواحد يكون تغطيته تكون أحلى للسهرات ,

وأرشح لج الكريم الأساس للطعات العادية من هالماركات :

كلينك ,

هذا الكريم يعطي إضاءة توهج للبشرة حيل حلوة ,









ماك ,



لوريال ,





ميبلين دريم موس ,



ماكس فاكتور ,





وأرشح لج كريم أساس السهرات والمناسبات ,

ديفينورا من جيرلان ,

دبل وير من استي لودر , بس ترى درجاتهم شوي غامجة اختاري أفتح درجة ,

بالنسبة لبودرات الأساس ,

أنصحج يكون عندج بودرتين ,

بودرة مضغوطة , وأرشح لج ديفينورا الذهبية من جيرلان هذه دايماً أمدحها في كل ردودي عن

البودرات لأنها فعلاً مخملية ورائعة ,



وبودرة حرة أو سائبة يعني لوس باودر , وهذه ممكن تاخذينها من بودي شوب أو ميك أب فور

إيفر أو كانيبو أو من ماك , يعني عندج كذا ماركة وكذا اختيار :) ,,



نجي ألحين للكونسيلر ,

أنصحج بكونسيلر ميك أب فور إبفر التيوب ,



أو كونسيلر ماك روووعة ,



أو إذا عندج هالات داكنة أو عيوب بالبشرة أنصحج بباليتة الكونسيلر من ميك أب فور إيفر ,

ألحين نجي للبلاشرات ,

المفروض يكون عندج ثلاث ألوان ,

برونزي ,, ووردي وبرتقالي خفيف , عشان يكونون مناسبين لجميع أنوان المكياج ,

وتقدرين تدكجين بينهم , يعني مو شرط كل واحد تحطينه بروحه ,

ممكن تمررين الفرشاة على البلاشر البرونزي بعدين تمررينها على البلاشر البرونزي ويطلع لج

لون حلو ,

بالنسبة للماركات , عندج ماركات كثيرة بلاشراتها حلوة وطبيعية , بس بقولج ماركات

حلوة ورخيصة ,

بودي شوب ,, بورجواه ,,

بالنسبة للأرواج , المفروض يكون عندج الألوان الأساسية , الفاتحة والغامجة ,

الأرواج الغامجة : الأحمر , الفوشي , والبني , البرتقالي <<< مع إني ما أحب الأرواج الغامجة كلش ,

الأرواج الفاتحة : الوردي , اللحمي , البيج , البرتقالي الفاتح ,

وطبعاً هالألوان بالأخير ترجع إلى ذوقج وشنو إنت تبين بالضبط وشنو إنت تحبين :) ,,,

أقلام التحديد , حلو إنه يكون عندج ثلاث أو أربع ألوان يناسبون مجموعة الأرواج اللي عندج ,

مثل العنابي , البني , البني الفاتح للأرواج الفاتحة , والوردي ,,

وأنصحج لا تشترين أقلام التحديد من ماركة غالية , ممكن تشترينها من ماركات رخيصة

وبنفس الوقت حلوة مثل بورجواه , ماكس فاكتر أو ريميل , أو بوبا ,

ألحين نجي للعين واحتياجاتها ,

تحتاجين الألوان الأساسية للشادو , مثل الألوان :

الأسود ,, البني ,, الوردي ,, وأبيض بلمعة للإضاءة ,,

تحتاجين أقلام كحل أسود وعندج أحلى الماركات اللي عندهم كحل أسود وفاحم ,

جيفنشي ,, ريفلون , ماك ,,

وإذا كنت تحبين الآيلاينر عندج بلا منازع لانكوم , أو عندج الكحل الكريمي من ماك ,

بالنسبة للماسكرا ,,

أحلى الماسكرات حالياً هي إيف سان لوران , وهذه حلوة وتعطي الرموش شكل روعة ,

خليها للسهرات والمناسبات ,

واشتري وحدة للاستخدام اليومي ,, عندج بورجواه ماسكرتهم الجديدة روعة , وعندج لوريال

بعد ماسكرتهم الأخيرة حلوة وتعطي طول للرموش ,

أتمنى أفدتج وما غفلت شي ,

وترى أنا قلت لج المستحضرات بدون ما أعرف نوع بشترج وبدون ما أعرف ميزانيتج للمكياج ,

بس أنا ذكرت لج ماركات مختلفة أتمنى تختارين من بينها ,

وأتمنى بعد إنج تجربين الشي قبل لا تشترينه ,, ولا تنخدعين بكلام البياعين ,, ترى يغرونج

ليما تشترين بدون ما يعرفون إذا الشغلة تناسبج وإلا لا ,,

موفقة إن شاء الله :) ,,,,,,