خلطة للشعر انما ايه .. !..

السلام عليكم ورحمة الله وبركاته

في خلطة مقرفة بشكل مو طبيعي ... ريحتها يعني بتطق لبيت الجيران بس تحملوها

وانا من اليوم بديتها عقب ما طالعت مواضيع عروس وجفت الاشياء المفيدة للشعر ... قلت اجمعها واحطها بشعري

وسويتها اليوم بديت واحين وانا اكتب هي برأسي بس رابطتها بكيس نايلون وفوق الكيس حاطة لي قطعة قماش .. عشان الريحة ... النفاذة ...

اول شيء .. ييبوا شوية جرجير من محل الخضرة و رأس ثوم وراسين او 3 بصل .. انا يبت بصل ابيض وانتوا وبكيفكم احمر لو ابيض ..
وشوية زيت خروع ملعقتين كبار يعني يكفون ..

خلطوهم كلهم بالخلاط .. وخلوهم فوق شوشتكم الحلوة :shy: :shy:

وبعد الخلط و كل شي .. نطروا عليها 5 ساعات او اكثر ... والي تتحمل الريحة تنام فيهم للصبح عشان الوقت يمر بسرعة ولو اني ما اعتقد بتنام من الروائح :angry:


وبعدين شيلوا الكيس و حطوا شوية زيت دابر املا وخلوه نص ساعه تقريبا .. و عقب روحوا غسلوا شعوركم ...

والمكونات كلها اشياء طبيعية ومفيدة للشعر .. وان شاء الله راح تفيدكم يا رب ..

في أمان الله