شنو رايكم بالطرق الحديثة للولادة؟؟

بصراحة أول مرة أسمع عن هذي الولادة ... بس أنا لو جاتني الفرصة أني أختار الولادة الي ابي اولدها ... أختار الولادة المائية ...

يتخيل لي أنها أسهل طريقة من هذي الطرق .....

ما سمعت فيهم من قبل

الولاده الطبيعي هيه احسن اللي متعودين عليها..اتوقع جي..

وماسمعت هاالطرق اليديده...

والله فى مستشفى البحرين التخصصى موجودة بس السالفه تخرع اشوى

شنو السالفة أسأل عنها عدل وخبرينا

اي انا سمعت فيه بس شنو بالضبط ماعرف وفيه بعد ابرة الظهر واعتقد قيمتها 150 الى 200 دينار بس انا بعدمتخوفة منها مع ان يقولون زينة..بس انا بعد اول بيبي وافكر بالولادة انشالله الطبيعية ابلا اذا استدعى الامر لاسمح الله حزتها بجوف شيصير

انه اللى سمعته انه الدكتورة اتكون معاج بالغرفه وتخليج على راحتج يعنى مو غصب تنامين على الظهر تقول لج اى طريقه تريحج سويه هذا الشى على الأقل يقلل الخوف وايد ناس مجربينه واخت رفيجتى توها من شهر ولادة واهى قاعده على الأرض مثل ما خبرتكم وتقول الدكتورة قالت لها انه اكو وحده بعد وللدت واهى واقفه كان اريح لها من كل الطرق الثانية وانه قلت بسأل دكتورتى بالأول بجوف شنو رايها بالموضوع وبعدين بفكر

[frame="3 80"]الولادة و هي جالسه على كرسي الولادة ليست جديدة با هي قديمه

و حدة جارتنا كانت تشتغل دايه في سوريا تقول كانت زمان تولد الحريم و هم جالسين على الكرسي الخاص بالولادة


و هو يكون واطي و مفتوح من النص علشام ينرلون البيبي - يشبه كرسي التواليت في الحملم و انتوا بكرامه


على فكرة يقولون هذي الطريقة تسرع الولادة لأن الجاذبيه الأرضيه تساعد في نزول الطفل


أه الله يذكرها بالخبر جارتنا ام زبيدة و الله كانت حرمه سنعة
بدور صورة و برجعلكم[/frame]

اعرف وحده ربت في العراق في البيت عند دايه وهي قاعده قعدة الحمام العربي
وطبعا ماسكينها من يمينها ومن يسارها

طبعا هالولاده كانت من 29 سنه

والله في طرق كثيرة علمونا إياها بدروس الحوامل بالمستشفى الأمريكي بس أنا أخترت الولادة العادية لأني ماكنت أتخيل وآنه واقفة أولد بعد وين في الوحدة قوة...

صديقتي ولدت قبل شهر بالتخصصي بالماء،، وايد كانت سهلة ومب مؤلمة بالمرة,,,

انه اللى اقصده مو اهى اللى قاعدة على الكرسى لاااااااااا زوجها قاعد على الكرسى واهى على الأرض ،،،، انه وحده للحين ما حددت وين بولد اول شى بختار المستشفى اللى بولد فيه وعقبها بجوف الطرق


اللهم ارزق كل محروم يارب ويسهل علينه الولاده ويرزقنه الذريه الصالحه

رانيا البحرينية:
والله في طرق كثيرة علمونا إياها بدروس الحوامل بالمستشفى الأمريكي بس أنا أخترت الولادة العادية لأني ماكنت أتخيل وآنه واقفة أولد بعد وين في الوحدة قوة...

صديقتي ولدت قبل شهر بالتخصصي بالماء،، وايد كانت سهلة ومب مؤلمة بالمرة,,,

السلام عليكم

انا فكرت في الولاده المائية بس الصراحه خايفة وابي تشجيع لان تكون من غير اي عمليه جراحية ياليت احد يفيدني

تحياتي

تبين الصج كل الطرق تخرع يبى له قلب بس رب العالمين يسهل انه وحده أفكر اروح مشتشفى البحرين التخصصى بس من كثر ما أسمع انها مستشفى تجارية بس يمدحونهم بالولادة

والله انه بعد أفكر بالطريقة المائية بس خايفة اشوى قلت بسأل دكتورتى خبرج دكتورة سندو خبيره وقديمه بجوف شنو رايها وبخبركم

انا اختي بالمره ترى محد مدح لي المستشفى التخصصي .... لا في والده ولا شي .. ممكن تسألين وننتظرج ...

.... تحياتي

تبين الصج حتى انه اللى اعرفه عنهم انهم تجارييين بس مستغربه وايد يمدحونهم بالولادة بس نطرونى اسئل وبرد عليكم قريبا

والله على تعب 9 شهور الوحده ما تجازف .. تولد الولاده المعروفه وبلا طرق وفنتكه في هاي السوالف :)

بنات الله يعافيكم وش الطريقة المائية اول مرة اسمع عنها ....

في الدول المتقدمه يخلونج تختارين الطريقه وفي الولاده في البانيو مع ماء دافي ...

أنا شفت في برنامج (رحلة جنين) اللي عرضته إم بي سي قبل فترة إن أسهل طريقة للولادة وانتي على ركبتك أو واقفه بس مثل راكعه وايدينك على السرير !!

ولما قلت للوالدة قالت حريم أول كلهم اللي يولدوا لوحدهم يولدوا على ركبهم !!!

معلومة جديدة ومفيدة :)