يا فرحه ما تمت

السلام عليكم
اعذروني اخواتي دايما بكتبلكم عن مشاكلي بس ما عنديبغربتي احد افضفضله غير اخواتي
قصتي اني متزوجه من سنتين وما صار معي حمل ورحنا للدكتوره وعملنا كل التحاليل اللازمه
والدكتوره طمنتنا انه كل شي سليم وحكتلنا انه التاخير بسبب عامل نفسي وحكتلي ما بدي اشوفك لاني كنت كل شهر انطلها مره ومرتين واكتر حكتلي ارتاحي وانسي الموضوع
وفعلا الشهر الماضي اخدنا بنصيحة الدكتوره وطنشت الموضوع على الاخر خصوصا اني انشغلت بموضوع السفر حتى نصائح الدكتوره انه ارتاح بعد الجماع وما اقوم مباشره ما طبقتها وعلى العكس تماما كنت اقوم اغسل الله يكرمكم مباشرة بعد الجماع حتى موعد دورتي ما حسبته ولا فترة الخصوبة وصدف اني كنت مصابة بالرشح وطول الشهر وانا احس بالم شديد بصدري حتى حجمه كبران وكمان كنت اراجع كتير خصوصا لما اشم ريحة طبخ ما تعجبني بس ما شكيت كنت كل ما احكي يمكن حامل زوجي يبعد عني الفكره ويحكيلي ما بدنا نتعشم متل الاشهر الماضيه وانه المراجعه اكيد بكون سببها الرشح والانفلونزا
وبيوم نزل علي خيوط بنيه الله يكرمكم انا حكيت شكلها الدوره وبعد كم يوم صابني مغص الدوره بس بشكل فظيعيشد علي الوجه يشد يشد وبعدين يروح وعلى هالعموال نص ساعه زوجي خلاني اشرب مرميه وحبتين مغص على اساس انها دوره وراح عالصلاة وقتها انا دخلت الحمام وازا
بالمنظر الفظيع والله مش قادره انه يروح من بالي لقيت قطعه كبيره بالفوطه خفت كتير وما عرفت ايش هاد
حسيت حالي غيبت عن الوعي من الصدمه وصار جسمي يرجف اتصلت على زوجي وانا ببكي واترجيته يجي عالبيت واجى وزوجي طيار ولما شافها يا حرام انصدم اتصلت بامي حكتلنا اننا نغسلها تحت المي حتى تبين ازا كانت حمل او لاء
وطلعت حمل محكتلنا انه كان ولد يعني تخيلو الحلم الي كنت استناه من سنتين انام واصحى وهو بخيالي وادعي ربنا بمنتصف الليل تحقق وراح هيك بغمضة عين والسبب انه كنا جاهلين وما عرفنا انه الي كان معي اعراض حمل وطبعا عملت الهوايل خلال الشهر طلوع ونزول ومشي كتير وشغل بالبيت وحمل اشياءثقيله وانا مش عارفه تخيلو اشوف القطعه الي كانت راح تكون ابني الي تقر فيه عيني وهي قاعده تنشف وتصغر بره جسمي بدال ما اشوفه يكبر جوى جسمي
الله يصبرني ويعوضني خير طبعا زوجي اخده ودفنه بالرمل تخيلو شعوري واحنا بندفن الحلم الي حلمنا فيه ليالي وليالي كل ما تذكر ما اتخيل انه الي صار معي حقيقه نفسي يكون حلم والاقي حالي اصحى منه واصير حامل وافرح انا وزوجي ونتهنى ونحس بمشاعر الامومه والابوه
نفسي لو كنت حسيت اني حامل لو عرفت الشعور
راسي من كتر الافكار الي تاخدني وتوديني راح ينفجرراح ينفجر
يعني قد ما سمعت قصص عن الي جربو التنزيل بس غير لما الواحد نفسه يجرب غيييييييير
الحمدلله مرات بنظر للموضوع من الناحيه الايجابيه
انه الحمدلله صار عندنا الحمل طبيعي وتادنا انه فعلا ما عنا شي واني نزلت بالبيت مش متلا وانا مسافره لا قدر الله وكمان اني الحمدلله ما احتجت عملية تنظيف ولا صار معي نزيف ويمكن رحمة من ربنا انه ما كنا نعرف وبنينا احلام وامال وبعدين ما تتم الفرحه
بس والله صعبه ,,, ومش شوي ,,,, صعبه كتييييييييييييييير
يااااااااااارب
يارحيم يا رحيم يا لطيف عوضنا خير
يا رب انت اعلم بما في داخلي يا رب ارحمني برحمتك يالله
ارحم بحالي وهون علي ما انا فيه وعوضني خيرا منه في القريب العاجل جدا جدا جدا
اللهم اجرنا في مصيبتنا واخلفنا خيرا منها