بنات منو ولدت بعملية قيصرية في مستشفى دبي

هلا والله اختي اول شي تقومين بالسلامه يا رب وان شاء الله تربين طبيعي ...والله يساعدج على التوم يا رب...واول شي ادعي ربج ليل نهار تربين بولاده طبيعية...

اما عن مستشفى دبي انا انصح تروحين مستشفى الوصل لان يا اختي الوصل متخصص للولاده مب شرات مستشفى دبي..اهتامهم بالمربيات قليل وبعدين الزحمه عندهم دايما يعني عادي ما تلقين لج مكان او غرفه لان كل الوافدين يربون فيه لان التكلفه بسيطه...وبنت اخت ريلي يوم ربت فيه لعوزوها وايد وسولها قيصريه وتلعوزت ..واخت ريلي تشتغل هناك في قسم الولاده نفس الشي ما تمدحه...وهذا رايي وراي اكثر الناس الي اعرفهم...

اما من ناحية التخدير العام والا الموضعي ان شاء الله البنات يفيدونج وان شاء الله تربين طبيعي بدون قيصريه ولا تعب يا رب...

المشكلة مستشفى الوصل مارضوا يفتحون لي ملف عشان انا مش من دبي

انا مرت خالي وبنت خالتي ربن بتوأم والثنتين ربن طبيعي الحمدلله بس مب في مستشفى دبي
يعني لا تفاولين على روحج بالقيصريه واصبري على عمرج يوم الولاده مب على طول تطلبين العمليه لان الطبيعي اهون لج وااايد عقب
الله يسهل عليج وتربين طبيعي بدون حاجه للعملية امين والصراحه مستشفى دبي ما يمدحونه بس لا تنسين ان الله وحده هو اللي يسهل وهو اللي يعسر فكثري من الدعاء يمكن تكون ولادتج فيه خيره لج عن غيره من المستشفيات الله اعلم

[grade="00008B 0000FF 008000 4B0082"]الله يقومج بالسلامة..[/grade]

انا ربيت في مستشفى دبي قيصيريه من سنه ونصف وسولي تخدير كامل والحمدالله مر بخير صح تعب والم بس الحمدالله ومعاملتهم زينه ويجابلون الياهل يومين والاخت اللي لتقول ان المستشفى زحمه مو وايد وعلى الفكره الوافدين لهم طابق خاص والمواطنين طابق خاص مو مع بعض

ان شالله اتربين طبيعي

انشاء الله تربين بالسلامة00

انا ربيت في مستشفى دبي و بتووم00و الحمدالله تعاملهم رائع وااايد00 و مافي زحمة00

صح تعب و عوار و الحالة لله بس اوكي 00

انا هذا راااااااااي00

و التخدير العام احسن لج بوااااااااااااااااااايد لا يقصون عليج حبيبتي00

و اي سؤال راااااااااسليني على الخاص و انا في الخدمة

هلا اختي
انا صار لي شهرين من ولدت بقيصرية بس بالتخدير الموضعي لان احسن من العام وانصحش لا تسوين عام لان واااااااااااااااااايد متعب
اسمع من مجرب ولا تسمع من طبيب والله يتمم لج على خير يا رب ويتربون في عزج

فطومة الحلوة-عرج زاايد - كوااافيرة شكرا خواااتي طمنتوني

هلا اختي الله يتمم عليج بالخير ان شاء الله
اما عن العملية القيصرية لا تحاتين لان مرت اخوي ولدت بمستشفى دبي بعملية قيصرية والمخدر موضعي والحمد لله ضلت اسبوع بالمستشفى واهي والنونو بخير والحمد لله ويسووووف كمل سنه بتاريخ 5-6-2006
ان شاء الله انتى بعد تولدين وتبشرينا ولا تنسين نبي الحلاوة
اوكيييييييييييك
ام رشــــــــــــــــــــــــــــــــــــــــــــــــــــــــــــــــــــــــــــودي

انصحج بالموضعي ...انا ولدت عندهم قيصريه و موضعي ....واااااايد احسن من العام ....اختي تاخذ عام و اتم تعبانه و مدوخه ثلاث تيام و لوعه و صداع و دوخه ابدا مب شي

بالعكس الموضعي وااااااااااااايد حلو ما تحسين بشي ابدا لا تخافين ... حتى اذكر دكتوره التخدير كانت يالسه وياي طول العمليه و تسولف ويايه سوالف و لا كاني في عمليه ....علشان تشتت انتباهي و ما تخليني اخاف او ارتبك ....

و احلى شي انج تكونين صاحيه و تشوفين البيبي اول ما يطلع و تشاركين اهلج و زوجه الفرحه بعد العمليه على طول ....يعني ما يفوتج شي من فرحهم مب مثل يوم العام ما تدرين بالدنيا و تكونين اخر وحده تشوف البيبي ..

ربي يسر لج و يتمم لج على خير و يقوج بالسلامه ان شااااااء الله

فروحة القطوة:مشكورة عزيزتي ان شاء الله بتوصلج الحلاوة

مرمر:مشكورة عزيزتي أن شاء الله كل شي يكون بخير