:: تعبانه من الوحده ::

اختي فاهمة احساسك

احنا كلنا خواتك هني

الله يفرج همك

السلام عليكم


نفس ما قالت الاخت دانة المغرب\\احنا كلنا اهنيه خواتج فضفضي واتكلمي وقولي شو مظايقنج واحنا باذن الله بنساعدج

اختج دلع

فدييييييييييييت عمرج والله كلنا خواتج وانا اول وحده امد يدي لج ويشرفني اني اكون صديقه لج.........

لاتشتكين من الوحده وانتي معانا وأي شي في خاطرج قوليه .........بعدين ليش عازله نفسج روحي اطلعي تمشي قعدي مع هلج ............. واذا ضقتي احنا معاج ...................

فاهمين احساسج ووايد مايمر الانسان بمواقف
تخليه يعزل عمره
بس غلط
الانسان اذا ضاق المفروض مايقعد رووحه يخفف على عمره بأي طريقه
حتى لو اضطر ان يغير نمط حياته,,, اهم شي
مايعيش في هم وتفكير

بتتعبين وايد اذا تميتي عهالحال

طلعي فرفشي انسي همومج

ترا دنيا واخرتها كلنا بنموت

ليش نعيشها بهم ونكد ونحنا بايدنا نعيشها بسعاده؟!

نحنا كلنا وياج لاتفكرين بشي ولو احتجتي شي ترانا موجودين

والله


يفرج همج حبوبه


سماااااااااااااااااااااااااااااايل ^_^

الناس ما بناخد منهم شي غير يعرفوا اسرارنا ويهرجوا فينا خلي همك لنفسك واشتكي لربنا احسن من الناس

والله يفرجها علية وعليكي

وحاولي تشغلي نفسك في البيت باهتمام بطيور او زهور او تعلم تطريز او قراءة احسن من الكلام مع الناس الا مايجيب غير الهم
انا جربتهم وسبحان الله برضوا مافي راحة وغير كدة حتسير حياتك معروفة كل صغيرة وكبيرة فيها

الغالية نحن هني كلنا خواتج وصديقاتج قولي اللي في قلبج
ولا تكتمين مب زين عليج عنوني حاولي تكونين صداقات ابدي
فيها من نفسج وغيري الجو اللي انتي عايشة فيه وانتي تقدرين
تغيرين وضعج بايدج .. استعيني بربج سبحانه لأنه ما في انسان وحيد
دام انه على يقين ان الله فوقه ومعاه بكل خطوة .. وترا الدنيا ما تستاهل
كل هالهموم اللي نحن بايدنا انيبها لنفسنا ..

احنا كلنا خواتك هني
وإذا احتجتي اي شي انا بالخدمة حبيبتي

الحياة الوردية

فدييتج اخبارج الغالييه

والله يوم قريت الي كتبتيه عيني ادمعت ... يمكن لاني حاسه فييج .. و حاسه بالشعور الي قاعده تحاولين توصفينه لنا و انا متاكده بعد في خوات اهني عارفين هل شعووور


حبيبتي اكبر انواع الاكتآب هي الي قاعده تعيشين نفسج فييه الحين ... العزلة و ووهم نفسج انه محد فاهمج و محد حوالينج غير نفسج ... هو اكبر انواع الاكتآب بالنسبه لي


يعني شوفيني مثلا .. صدق ماعندي خوات ... و بيتنا شبه فاضي طول الوقت و ابوي مسافر عني .. و يعني طول الوقت اقعد بروحي بالبيت .. و شوي الجو اكتآب .. بس يعني عودت نفسي اهييء نفسي اني ماتملل.. مع انه الوضع ماتغير ليحين الجو نفسه و افراد البيت نفسهم .. بس الي غيير هل فكرة انا .. يعني قلت هو جذي جذاك ملل ملل ... بس ليش ما احاول اخلي الملل في وجهة نظري روتين عادي اتعود علييه .. والله من قمت افكر جذي


تعوودت يعني صرت مامانع اقعد بروحي ... ساعات ادق على ربعي و ساعات اطلع مع مرت اخوووي .. يعني احاول اكسر هل روتين شوي ... و النفسية تساعد ..

فديت روحج انتي لانه نفسيتج تعبانه الحين و ماتقدرين تسطيرين على اي ضيق ايج لانه موصله حدج .. اذكر مريت في جي ظروووف و حاسه فيج والله .. كل الي اقدر اقووولج حاولي انتي تغيرين من هل روتين لانه محد يقدر يغير او يخفف هل ضيق غييرج ...

و فديييتج لا توقلين ماعندي ربع كلنا خواتج و اي شي تبيينه انا حاضره و متاكده باقي الاخوات بعد ماراح يقصرون

طمنينا علييج فديييتج

دانة المغرب

شكرا الغالية لردك ولمواساتك لي
وارحب باخوتك لي .. ودعوااااااااااااتك

بنت الغالي

تسلمين الغالية على مشاركتك .. ولو ما اعتبركم خواتي انا ما تكلمت وفضفضت لكم .. ويشرفني انا اكثر ويسعدني اني اكون صديقتج ... وبصراحة من زمان خاطري اتعرف عليج .. بس كل واحد اكيد لاهي بعمره .

وبصراحة انا كارهة اكلم احد او اشوف احد
ما لي نفس ابدددددددددد والله

والله صار لي سنين على هالحال ... والحالة ما اكذب عليكم كل ما لها تزيد

الله وحده المعين .. الحمدلله على كل حال

شوق قلبي

الف شكر لك الغالية على مشاركتك ومواساتك

عارفة والله كل الكلام الي قلتيه لي واقووووله القهر لنفسي
بس مع الاسف ؟؟؟؟؟؟؟؟؟؟؟ لا فاااااائدة ترجى مني؟؟؟!!!!!

احاول اغير نمط حياتي والله باني اطلع واعمل اشياء كثيرة .. بس ما احس الا بالهم بداخلي والغم حتى لو غيرت .. احس بحرقة وبنيران مشتعله والله بقلبي وجسمي .. ما اقدر استانس ابددددد

ما ادري ليش انا جذي
:cry: :cry: :cry:

حنونة ومزيونه

الف شكر على نصيحتك الغالية .. وهذا الي انا افكر فيه .. لهذا اتمنى اكون كتومة لاسراري لان الناس ما تحفظ الاسرار بصراحة ..و الشكوى لغير الله مذلة .. سبحانه ربي

بس احيانا الواحد يحتاج لانسان نفسه يواسيه ويشكي له همومه ويحاوره ويناقشه باموره .. والله كريم يا رب يفرجها علي وعليج وعلى جميع المؤمنين والمؤمنات يا رب العالمين

وما اكذب عليج احاول اشغل نفسي باشياء ... بس وحتى لو انا منشغلة وبذروة انشغالي مع اني ما لي نفس اصلا اعمل اي شي .. تراودني بنفسي وحشة كبيرررررررررررررررة من الوحدة ..

الحمدلله على كل حال .. وربنا كريــــــــــــــــــــــم

اختي الحياة الوردية ليش الضيق هذا كلو ؟.....
اكيد في سبب ....
ولازم معالجة المشكلة عشان ترتاحي ...
الكل بيشكي من الوحدة واولهم انا .....
بس المسلم يعرف كيف يستغل الوحدة ويتغلب على معاناته ....
بس وين اهلك ؟ ... طيب صديقاتك ؟؟؟
عموما احنا هنا اخواتك واحنا معاك اكثري من الاستغفار والقرآن والصلاة واعملي لنفسك برنامج تستفيدي منه في يومك وحاولي تنجزي اشياء تحسسك بالاهمية
وتفائلي اختي والله يصبرك ويهديك ويوفقك يارب ..

اختي كلنا معاك وكلنا اخواتك وصديقاتك واهلك بعد

اختي ترى هذي الوحشه اللي تعيشينها ممكن تكونمن الشيطان هو اللي يلعب في عقلك ويبين ان الناس ماتحبك ومالها خلق تشوفك وهذا يزيد اكتئابك وتزيد من عزلتك لنفسك
اختي كل وحده مدت يدها للمساعده :)

اختي الغاليه اطلعي لبيت ربعك وغيري جو ..... روحي زوري اقاربك ... حتى انك لو تلعبين مع الصغار تحسين بالفرق وبالسعاده

يعني ترى انتي قاعده تجيبين المرض لنفسك وترى الهم والاكتئاب هو السبب

فديييييييت عمرج
لاتضايقين نفسج جذي
صدقيني فتره وتعدي
وكلنا مرينا بظروف مشابهه
وينج قبل؟؟ تذكري لما كانت نفسيتج حلوه ودوم مستانسه ومرتاحه
تذكرين لما كنتي تشاركين معانا بالمواضيع
لما كنتي تشغلين نفسج

اشغلي نفسج
استفيدي من وقت فراغج
اطلعي مع ربعج
زوري هلج
جربي ادخلي المطبخ
اشتري مكياج وجربيه
جمعي بنات العيله عندج

حاولي تكسرين الروتين اللي عايشه فيه

واحنا خواتج يالغاليه واي شي تبينه احنا حاظرين وبنسمعج

ملاك الورد

مشكورة يا الغالية وما قصرتي
والي بقلبي والله كثيرررررررررررر ما بقدر اقوله
وانا احاول اغير من الروتين الي هالكني .. بس والله العظيم يا عالم ما لي نفس اعمل اي شي؟؟

وبصراحة ... انا ما مش طايقة والله حتى ارد على موضوعي ولا اتكلم مع احد ولا اروح ولا اجي

liwliw

مشكورة اختي وما تقصرين وتشرفني صداقتج واخوتج والله
ودعواتكم لي

دلوعة باباتها

هلا الغالية .. انتي شو اخبارج؟؟ وحشتيني والله وايد

الله يعينج يا الغالية على الي انتي فيه ... وفعلا انا عايشة او معيشة نفسي ( ما ادري ) باكتئاب فظيع؟؟ احترت مع نفسي والله كثير ؟؟؟!!!!

شاكره لج مرورج وردك الي اثلج صدري .. بس انا ما ادري شو فيني يا اختي .. انا قاعدة احاول اني اغير من روتين حياتي .. واحاول اني اتاقلم مع وضعي وتقريبا تأقلمت على الوحدة الي انا فيها ... بس شي مو حلو والله .. يعني ما عندي صديقات او اي احد يتصل لي او اتصل له ولا احد اطلع معاه .. اذا حبيت اطلع لوحدي مو حلوه بنت تدور بروحها .. وحتى بالبيت والله مو مرتاحة .. في اشياء كثيرة تضايقني بالبيت .. يعني مو مرتاحة ولا بمكان .... شو الحل الاخير لهالمشكلة؟؟؟؟؟؟؟؟؟؟؟؟؟؟؟؟

ما لي الا الصبر والدعاء ... بجد سئمت هالحياة كلها