انا دوامي من 8 الى 5 ونص ، وزوجي من 7 الى 2 ولما ارجع من الشغل اكون تعبانه وما افكر الا في النوم احس علاقتي مع زوجي كانت وايد متماسة اما الحين صرنا شوي بعيد وابتعدت الرومانسية ... ما نتلاقه الا على العشة والخميس بعد عندي نص دوام أروح فيه بيت امي ويبقه الجمعة اغسل وانظف ... شلون ارجع مثل ما كنا ... افنش .... صعبة .... ساعدوني
:sad:
شغلي ماخذني من زوجي شلحل؟؟؟؟؟؟؟؟؟
s
12-06-2006 | 01:04 PM
ا
12-06-2006 | 01:11 PM
حبيبتي هذي البدايه ...
صبري شوي ولاااااااااااااااااازم تقعدين معاه وتحسسينه إنج مب مقصره بس يبيلج وقت لين تنـظمين وضعج
حاولي ترتبين وقتج بين الشغل والبيت ... في البدايه بتحسين إنه مستحيل ... بس ماعليه
المهم لاتقصرين معاه أبد ... طلبي منه إنه يساعدج علشان ... بهالشي بتكونون مع بعض ... ومثل مايقولون الزواج موكله قعدات رومنسيه ...
بس النقطه إلي أشوفها مهمه ... قولي له إنج ماتبين تقصرين بحقه بس المسأله مسألة وقت
والله يهنيج ويسعدج ولايغير مابينكم إلا للأحسن :)
صبري شوي ولاااااااااااااااااازم تقعدين معاه وتحسسينه إنج مب مقصره بس يبيلج وقت لين تنـظمين وضعج
حاولي ترتبين وقتج بين الشغل والبيت ... في البدايه بتحسين إنه مستحيل ... بس ماعليه
المهم لاتقصرين معاه أبد ... طلبي منه إنه يساعدج علشان ... بهالشي بتكونون مع بعض ... ومثل مايقولون الزواج موكله قعدات رومنسيه ...
بس النقطه إلي أشوفها مهمه ... قولي له إنج ماتبين تقصرين بحقه بس المسأله مسألة وقت
والله يهنيج ويسعدج ولايغير مابينكم إلا للأحسن :)
م
12-06-2006 | 01:15 PM
السلام عليكم ورحمة الله وبركاته
هلا بيكي أختي...
ليش الخميس أختي تقضيه بره البيت ؟
أنا الخميس عندي طوارئ...لازم أقضيه في البيت مهما حصل...شويه أعوض زوجي و بنتي عن غيابي طول الأسبوع عنهم بسبب شغلي...
و يوم الجمعة كمان أحاول أقضيه معاهم...و بالنسبة للغسيل ما أحاول أكومه كله يوم الجمعة...وزعيه على أيام الأسبوع ...أو إصحي يوم الجمعة من 9 الصبح مثلا خلصيهم على قبل الصلاة...
رتبي وقتك أختي...الرجل ما بيستحمل...و بتلاقيه بدأ يطلع بره...
u
12-06-2006 | 02:12 PM
مرموم:
السلام عليكم ورحمة الله وبركاته
هلا بيكي أختي...
ليش الخميس أختي تقضيه بره البيت ؟
أنا الخميس عندي طوارئ...لازم أقضيه في البيت مهما حصل...شويه أعوض زوجي و بنتي عن غيابي طول الأسبوع عنهم بسبب شغلي...
و يوم الجمعة كمان أحاول أقضيه معاهم...و بالنسبة للغسيل ما أحاول أكومه كله يوم الجمعة...وزعيه على أيام الأسبوع ...أو إصحي يوم الجمعة من 9 الصبح مثلا خلصيهم على قبل الصلاة...
رتبي وقتك أختي...الرجل ما بيستحمل...و بتلاقيه بدأ يطلع بره...
:gum: كلامها صح
ر
13-06-2006 | 08:28 AM
أنتي فكرتي بزوجك كيف لو جبتي عيال وين وقتك راح يتقسم صراحة الله يعينك طيب ليش ما أدوري دوام يخلص الساعة 2:30 أحسن لك
ا
13-06-2006 | 08:31 AM
اللي يشوف مصيبت غيره اتهون عليه مصيبته
ج
13-06-2006 | 09:01 AM
:shy: أنا بصراحه حبيت أنصحك أنك تحاولين تنظمين وقتك فأحيانا الرجل يلقاها عذر علشان يتزوج وحده ثانية فلا تخليله فرصه أنه يفكر كذا وهذا رجل أتمنالك التوفيق.
أ
14-06-2006 | 03:25 AM
ما عندج غير ثلاث حلول
أحلاهم مر بالنسبه لج وانتي برايج
الحل الأول:-
اتركي الشغل واهتمي بريلج وعيالج أحسن
الحل الثاني :-
اتركي ريلج وجابلي شغلج خله ينفعج
الحل الثالث:-
بدلي وظيفتج بحيث يكون قبل موعد رجوع ريلج من الدوام ولو بنص ساعه
وقبل كل هذا استشيري ريلج
أحلاهم مر بالنسبه لج وانتي برايج
الحل الأول:-
اتركي الشغل واهتمي بريلج وعيالج أحسن
الحل الثاني :-
اتركي ريلج وجابلي شغلج خله ينفعج
الحل الثالث:-
بدلي وظيفتج بحيث يكون قبل موعد رجوع ريلج من الدوام ولو بنص ساعه
وقبل كل هذا استشيري ريلج
*
14-06-2006 | 04:00 AM
اختي ساعات عملج طويييله وااااااااااااااااااااااااااااااااااااااااااااااااايد
حاولي تلقين لج وظيفه ثانيه دوامها اقل
حاولي تلقين لج وظيفه ثانيه دوامها اقل
ا
14-06-2006 | 06:28 AM
والله انصحك تنامين بدري وتكونين قايمه للدوام وانتي مصحصحه واذا جيتي لاتفكرين ابدا انك تنامين اقعدي مع زوجك طووووول اليوم الين وقت النوم
اعتقد المسئله يبيلها تنظيم وقت فقط
وبالنسبه لتبديل الشغل الظاهر البنات يحسبون الوظيفه على كيفهم تجي وتروح والا على المزاج على كذا ماحد تم بشغله
اعتقد المسئله يبيلها تنظيم وقت فقط
وبالنسبه لتبديل الشغل الظاهر البنات يحسبون الوظيفه على كيفهم تجي وتروح والا على المزاج على كذا ماحد تم بشغله
أ
14-06-2006 | 03:49 PM
شوفي لج مكان ثاني تشتغلين فيه ولو انتي مش بحاجه للشغل اتركيه احسن لج
باجر وراج عيال شو بتسوين
باجر وراج عيال شو بتسوين
أ
15-06-2006 | 10:00 AM
السلام عليكم إختي
أنا أقول حاولي تنظمي وقتج مثل ما قالوا بعض الأخوات ...
وفعلا إذا هديتي هالوظيفه من وين بتلقين غيرها ؟؟؟ هالأيام الوظايف ما تتحصل بالساهل
وبعدين حتى لو قلنا الوحده تتفرغ لعيالها ومالها ومال الشغل بعد الحياة استوت صعبه وايد
ولازم يتشارك فيها الزوج والزوجه ... والشغل ما فيه عيب ... أهم شي تعرفين كيف تنظمين وقتج ..
وعلى فكره إنتي ذكرتيني بنفسي لأني أعاني من نفس المشكله بس أنا عارفه كيف أسيطر على
نفسي ... وعارفه كيف أنظم وقتي ...
يعني بقولج شو أسوي أنا دوامي يبدأ من 7:45 إلى 3:15 ودوامي في بنك وطبعا أرجع للبيت
تعبانه .. أضيفي إلى ذلك إني حامل في الشهر الثالث ... وأروح البيت أتغدى وأصلي العصر
وأرقد تقريبا من الساعه 4 العصر إلى الساعه 6 وما أطول أكثر من ساعتين لأني أحسب وقت
إني بالليل لازم أرقد من وقت عشان الدوام ... وبالنسبة لي أنا ريلي يداوم في مكان بعيد
وما ينزل عندي البيت إلا يوم الأربعا ويرجع الجمعه يعني أشوفه يومين بالكثير ...
وأضيف لج بعد إني أخذ دورة ICDL كل أحد وثلاثاء من الساعه 7 المغرب للساعه 9 بالليل
بس الواحد يقول الحمد لله على كل حال ... واللي يشوف مصيبة غيره تهون عليه مصيبته ...
وحتى الخميس عندي دوام لين الساعه 2:15 وأقوم من النوم الصبح وما خاطري أروح الدوام
لأن ريلي يكون في البيت ... بس بالرغم من هذا أقول بستحمل ما عليه كل شي بيهون إن شاء الله
والخميس من أيي من الدوام أرقد لين 5 العصر وأقوم نروح أنا وريلي وبنتي نتمشى أي مكان
ونروح نتعشى بمطعم ... أو أروح عند أهلي ... المهم أكون مع ريلي والجمعه نفس الشي أكون
ويا ريلي لين المغرب هو يروح خلاص ... عشان الدوام ماله أبعد من المنطقه اللي أحنا ساكنينها
فيروح السكن العسكري ماله ... وتمر الأيام على هالأساس .. ماحد مرتاح .. بس هذي الدنيا
يا إختي وللظروف أحكام .. وأهم شي إن الزوج متفهم هالشي ... وحاس بزوجته لأنها تساعده
ولو هو ما يبا زوجته تشتغل خلاص يقول لها إقعدي في البيت ربي عيالج .. بس دامه سمح لها إنها
تشتغل وتساعده لازم يتحمل هالأشياء ... ( وكان الله غفورا رحيما ) ....
وأهم شي الواحد لازم دوووووم يقول في باله الحمدلله على كل حال ... ويحمد ربه على النعمه
اللي عنده ... لأن هالنعمه يمكن ما تكون عند غيره وكل ما حمد ربه إن شاء الله ... الله بيسهل
أموره كلها بإذن الله ...
وأتمنى لج التوفيق أختي ...
أنا أقول حاولي تنظمي وقتج مثل ما قالوا بعض الأخوات ...
وفعلا إذا هديتي هالوظيفه من وين بتلقين غيرها ؟؟؟ هالأيام الوظايف ما تتحصل بالساهل
وبعدين حتى لو قلنا الوحده تتفرغ لعيالها ومالها ومال الشغل بعد الحياة استوت صعبه وايد
ولازم يتشارك فيها الزوج والزوجه ... والشغل ما فيه عيب ... أهم شي تعرفين كيف تنظمين وقتج ..
وعلى فكره إنتي ذكرتيني بنفسي لأني أعاني من نفس المشكله بس أنا عارفه كيف أسيطر على
نفسي ... وعارفه كيف أنظم وقتي ...
يعني بقولج شو أسوي أنا دوامي يبدأ من 7:45 إلى 3:15 ودوامي في بنك وطبعا أرجع للبيت
تعبانه .. أضيفي إلى ذلك إني حامل في الشهر الثالث ... وأروح البيت أتغدى وأصلي العصر
وأرقد تقريبا من الساعه 4 العصر إلى الساعه 6 وما أطول أكثر من ساعتين لأني أحسب وقت
إني بالليل لازم أرقد من وقت عشان الدوام ... وبالنسبة لي أنا ريلي يداوم في مكان بعيد
وما ينزل عندي البيت إلا يوم الأربعا ويرجع الجمعه يعني أشوفه يومين بالكثير ...
وأضيف لج بعد إني أخذ دورة ICDL كل أحد وثلاثاء من الساعه 7 المغرب للساعه 9 بالليل
بس الواحد يقول الحمد لله على كل حال ... واللي يشوف مصيبة غيره تهون عليه مصيبته ...
وحتى الخميس عندي دوام لين الساعه 2:15 وأقوم من النوم الصبح وما خاطري أروح الدوام
لأن ريلي يكون في البيت ... بس بالرغم من هذا أقول بستحمل ما عليه كل شي بيهون إن شاء الله
والخميس من أيي من الدوام أرقد لين 5 العصر وأقوم نروح أنا وريلي وبنتي نتمشى أي مكان
ونروح نتعشى بمطعم ... أو أروح عند أهلي ... المهم أكون مع ريلي والجمعه نفس الشي أكون
ويا ريلي لين المغرب هو يروح خلاص ... عشان الدوام ماله أبعد من المنطقه اللي أحنا ساكنينها
فيروح السكن العسكري ماله ... وتمر الأيام على هالأساس .. ماحد مرتاح .. بس هذي الدنيا
يا إختي وللظروف أحكام .. وأهم شي إن الزوج متفهم هالشي ... وحاس بزوجته لأنها تساعده
ولو هو ما يبا زوجته تشتغل خلاص يقول لها إقعدي في البيت ربي عيالج .. بس دامه سمح لها إنها
تشتغل وتساعده لازم يتحمل هالأشياء ... ( وكان الله غفورا رحيما ) ....
وأهم شي الواحد لازم دوووووم يقول في باله الحمدلله على كل حال ... ويحمد ربه على النعمه
اللي عنده ... لأن هالنعمه يمكن ما تكون عند غيره وكل ما حمد ربه إن شاء الله ... الله بيسهل
أموره كلها بإذن الله ...
وأتمنى لج التوفيق أختي ...
م
15-06-2006 | 11:21 AM
الله يكون في عونك أختى الصراحة دوامك متعب مرة بس شتسوسن أحيانا الظروف تجبر الإنسان على هالشي،، أنت في الفترة حاولي تدورين لك على شغل ثاني عارفة أنه صعب بس ربك كريم..
حاولي تنظمين سالفة الغسيل يعني مثلا غسلي بالليل وأول ماتصحين شيليهم ونشريهم يكون لما ترجعين العصر الغسيل نشف،، الكنس وغيره خليه على مراحل،، حاولي ماتطولين بالنوم،، خصصي مثلا الجمعة كله لزوجك من أول النهار لآخره يكون تعوضينه بقية الأيام فما تكونين يومها مربوشة عنه بالغسل والتنظيف...
حاول تنظمين وقتك أكثر والله يسهل لك وظيفة ثانية....
حاولي تنظمين سالفة الغسيل يعني مثلا غسلي بالليل وأول ماتصحين شيليهم ونشريهم يكون لما ترجعين العصر الغسيل نشف،، الكنس وغيره خليه على مراحل،، حاولي ماتطولين بالنوم،، خصصي مثلا الجمعة كله لزوجك من أول النهار لآخره يكون تعوضينه بقية الأيام فما تكونين يومها مربوشة عنه بالغسل والتنظيف...
حاول تنظمين وقتك أكثر والله يسهل لك وظيفة ثانية....
أ
15-06-2006 | 11:24 AM
أختي مثل ما قالوا الآخوات لازم تنظمين وقتج, وحاولي ما تنامين العصر , بتتعبين في البدايه بس بعدين بيتعود جسمج على هالنظام. وليلة الخميس اطلعي وياه. ويوم الخميس خليه بس حقه, ويوم الجمعه قومي على التسع وخلصي شغلج.
الله يعين الجميع
الله يعين الجميع
ل
15-06-2006 | 12:20 PM
لازم تنظمين وقتج
ع
17-06-2006 | 09:10 AM
خلي طلعاتكم مشتركة يعني زياراتكم اخر الاسبوع لاهلج او اهلة
في نص الاسبوع مرة تتعشون برع.....مطعم, حديقة , بحر ,هو حتى لفة بالسيارة.
لا تخلين شغل البيت ياخذ كل اجازتك الاسبوعية ...وزعي الشغل على ايام الاسبوع...
خططي لاجازتكم السنوية بعناية...
في نص الاسبوع مرة تتعشون برع.....مطعم, حديقة , بحر ,هو حتى لفة بالسيارة.
لا تخلين شغل البيت ياخذ كل اجازتك الاسبوعية ...وزعي الشغل على ايام الاسبوع...
خططي لاجازتكم السنوية بعناية...
ر
17-06-2006 | 09:22 AM
ههههه
حبيبيتي ذكرتيني بعمري
قصتك مشابه لقصتي
انا كنت موظقه و اعاني مثلج
و فنشت
بس قدرت أطول بدون شغل
الحل أختي او مثل ما قالت الأخت مرموم
اقضي على الأقل يوم الخميس و الجمعة مع ريلج
و بعدين النظام زين
لازم
تسيطرين على نفسج و تنظمين عمرج
استعيني بشغاله part time
حبيبيتي ذكرتيني بعمري
قصتك مشابه لقصتي
انا كنت موظقه و اعاني مثلج
و فنشت
بس قدرت أطول بدون شغل
الحل أختي او مثل ما قالت الأخت مرموم
اقضي على الأقل يوم الخميس و الجمعة مع ريلج
و بعدين النظام زين
لازم
تسيطرين على نفسج و تنظمين عمرج
استعيني بشغاله part time