بنتي عمرها 4 سنوات أخليها تنام بروحها؟؟؟

نصيحتي جربي تخلينهم مع بعض في غرفة وحده مدة أسبوع بدون الخدامة وحاولي أنك تتطمني عليهم كل ساعتين أو ثلاث ساعات ... البنت على ما اعتقد أن نومها متواصل وما تصحه من نومها في الليل ... بس الولد كونه بعد سنتين فيكون نومه مو متواصل فإذا صحى من النوم وجاء لك ينام في الوسط بعد ما ينام ردي رجعيه في سريره ... وأفضل لك أنك تخلينهم في غرفة قريبة من غرفتك ... وتوضعي جهاز الأرسال وأستقبال لأي صوت يصدر من الأطفال إذا كانوا مستيقظين .....

سلامي وتحياتي ........

برأيي عمر 4 سنوات كبيرة على ان تنام معاكم بغرفة واحدة...

اسمعي كلام اختنا بحرينية حلووة، وخلي الاطفال مع بعض في غرفة وحدة... اكيد البنت راح تغار من اخوها اذا شافته ينام بينكم وهي بره الغرفة..
وبنفس الوقت الولد راح يتشجع لما يشوف انه هو واخته نفس الحال ثنينهم بره ينامون..


المسألة يبيلها صبر.. والا راح تكون غرفة نومكم انتي وزوجك عنبر مش غرفة على حد تعبير احدى الامهات في عروس :)

مره قريت ان شرعه لا يجوز الطفل الي تعدى السنتين انه ينام في الغرفه مع امه و ابوه

و فعلا خليها هي و اخوها و مافي داعي للشغاله ...و اقعدي معاهم اقري لهم قصه او سور من القران لين ينامون و اطلعي عنهم ...بيفرحون بغرفتهم و بينامون فيها

و مثل ما قالوا الاخوات اشتري جهاز الارسال .. و في منه يكون بالكيمرا يعني تقدرين تطالعينهم باي وقت بدل ما كل شوي تروحين تطلين عليهم و ترجعين

333399

مشكورات خواتي ما تقصرن جزاكن الله ألف خير
بس بيني وبينك نوم التعبان مثل الميت والليل كل شئ يصير فيه خاصة أني أنا أداوم يعني كيف ليلي بيستوي إذا كل ساعتين او ثلاث ساعات أروح أطل عليهم فأشتريت راحتي وخليتهم معاي بنفس الغرفة أنا فكرت قلت لما الولد راح يكون عمره 3 سنوات راح أخليه هو واخته ينامو بغرفتهم. يعني شوفوها أنتو بيتي عبارة عن طابقين وكبير نوعا ما وما في غير أنا وزوجي وأطفالنا الأثنين والخدامة وغرفة الأولاد مجهزة كامل لهم بس انا طبيعتي شوي خوافة على عيالي يعني أتخيل أن حرامي يطب علينا وعيالي بغرفة ثانية وهم بعدهم صغار وخاصة أن لو نومتهم بروحهم بنظطر أن ما نقفل البيبان مال الغرف بالليل . والله محتارة وكلامكن طمني شوي بس ياريت اللي حالتها مثل حالتي اتشور علي؟؟ الله يخليها

ماشاء الله اربع سنين تفهم كل شي،، أنا ولدي بيكمل السنتين قريب وخلاص ناوية أطلعه لكن باظطر الغي غرفة الجلوس يكون ماتنام الشغالة معاه،، عزيزتي مايجوز أنها تنام معاكم سبحان الله يصير شي وأنتوا ماتحسون أن البنت تشوففكم،
ابقي معاهم بالغرفة واقري لهم قصة وقرآن وشغلي عليهم جهاز الإرسال يكون تسمعينهم بالليل...

توكلي على الله .... ورقدي بنتج في في غرفة ثانية .... احسن لها صدقيني .... بتتعود ويوم انتي متردده صدقيني هل التردد ما بيخوز عنج .... الدنيا امان .. وحطي النونو بو سنتين وياج فترة وبعدين كش ملك :shy: في غرفته ... واشوي اشوي بيتعودون .......


ولا تحاتين .... الا هي مساله وقت .....

اختج : رووووووووو:flower: وووووووووز

انا بنتى من عمر 4 شهور وانا بدات احاول ان اجعلها تنام وحدها والحمد لله ربنا وفقنى ولو ان القاعدة احيانا يكون لها استثناءات عندما تنام فى بيت جدتها او مصيف فهى لاتنام فى غرفه بمفردها ...لكن بصراحة انا تعبت كتير فى الاول انى اضطر الى مراقبتها كل ساعتين او ثلاث وانى بمجرد انى احس بهمهمه لها اجرى على غرفتها لكنى حسيت ان كده صح الطفل لسه ما بيقدر يمشى فيعتاد على مكان نومه من غير احتمال انه يقدر ياتى لكى .....للعلم ده تم مع معارضة الجميع وكل ما حد يعرف يعتبرنى ام قاسية لكن اكتشفت ان الطفل يكون نومه مستقر اكثر من لو كان فى الغرفة معانا فى احساسه باى حركة فى الغرفة او ضوء لظروف صلاة الفجر مثلا او غيره ..لكن مثل ما قالت احد الاخوات اختارى غرفة قريبة جدا منك وممكن تفتحى باب الغرفتين وانت باحساسك كام صدقينى هاتحسى باى حركة لهم فى غرفتهم و بالتوفيق ان شاء الله

السلام عليكم ورحمة الله وبركاته

ما شاء الله أختي 4 سنوات كبيرة...السنة الجاية بتروح المدرسة إن شاء الله :)

هو بس الخوف إنها تشوف أو تلقط شيء يصير بينكم بالليل...لأنها حتى لو صحيت و شافت شيء بتظل تكتم في نفسها لأنه بتحس إنه في شيء غلط...و خطر جدا هذا الشعور على الطفل...

و ما شاء الله بيتكم طابقين...و كلكم محشورين في غرفة واحدة :)...حطيهم في غرفتهم...و قولي ( اللهم يا من لا تضيع ودائعه إني أستودعك أولادي...فاحفظهم يا رب بما تحفظ به عبادك الصالحين )

البنت مره كبيره وانا رايي من راي الاخوات .
وانا عن نفسي بنتي عمرها سنه الى الحين سنه و8 شهور وهي تنام لحالها وبين الغرفتين باب سحاب واخليه كل مفتوح عشان اي حركه او صوت اروح على طول حتى ماله داعي جهاز.
لان سبحان الله طفال وتقولون ما يفهم الا يفهمون الاطفال ويمكن تطالعكم او تسمعكم وتسوي نفسها نايمه.
اتمنى اني افدتك.

تبين نصيحتي ، البنت وااااااااايد كبيرة مافي داعي تنام عندكم في الدار ، آنا عيالي اللي يكمل مابين السنة ونص

إلى السنتين أطرده من الدار ، أصلاً شرعا ً مايجوز لأن الياهل عيونه مفتحة على كل شي .

وإذا انتي خايفة من الشغاله تنام وياهم طلي عليهم على غفلة بين وقت والثاني عشان تتطمنين أكثر وإذا حسيتي إن

الشغالة تستاهل اتركيهم والله معاهم .......:sad: :sad: :sad:

شوفي اختي اذا بين غرفتج و غرفتهم يصير تركبين باب ...ركبي فبيكون مثل الجناح المغلق و بجذي تطمنين

و بعد اشتري الجهاز الي فيه كيمرا مثل هذيل



هذا حجمه اصغر



جذي بتكونين مرتاحه بدل ما تقومين كل شوي و تروحين لهم

شكرن لكن والله ما قصرت معاي بجرب هالوكيند وأشوف شو بيصير معاي

انا مع اخواتي لان بنتي عمرها 4 سنوات ومعودتها تنام الحالها من دون الشغاله لان انا ماعندي شغاله اصلآ
وبعدين الرجال يمل من الاطفال يبي ياخذ راحته عند النوم(S)

هلا اختي ..الصراحه ما شاء الله بنت كبيره وايد انها تنام معاج للحين حتى ولدج ...شوفي انا مثلج احاتي بس ما ارتحت لين فتحت باب بيني وبين غرفتهم وطبعا ركبت باب يعني لما ينامون افتح الباب بينا وخلاص احس انهم معاي بس بعيدين شوي عني وتحسين براحه وايد لج ولريلج اثناء النوم والله يعينج وتوكلي على الله

شكرا آخواتي الكريمات استفدت من ردودكم إلى اختنا

تسلمن والله على هالردود التشجيعية الطيبة.