عن صلاحية المكياج ...دلوني تكفووووووووووووون

ا

الحلم الهادىء

عروس برونزية

10-06-2006 | 06:47 PM

مرحبا بنات بدش بالموضوع على طول

الحين تسريحتي عليها مكياجات اشكال والوان وانا من النوع اللي ماستخدم المكياج وايد ! او اعلق على شغلات معينه لين استهلكها

وتعرفونا البنات مانقاوم تشري المكياجات ...فاشتري ولا استخدم ! لدرجة ان عندي علب مكياج جديدة ولا فيها شخط واحد بس قديمه ! يعني والله ما ابالغ عندي علب ماستخدمتها من سنوات فوق الخمس سنين شدوهات وارواج وبودرات

وانا دايما اخليهم على التسريحه يعني بدرجة حرارة الغرفة وتحت عوامل التعرية والرطوبة والحر !!

فشرايكم؟؟ شسوي؟ افرهم بالزباله والا شسوي؟

يعني اللي تعرف عمر الروج شكثر؟ والبودره؟ والشدوهات؟؟؟ خبروني بليز ابي اعرف

علما بانني لما استخدم شىء من المكب اب القديم ماتتحسس بشرتي ولا تصيرلي مشاكل !! فاستغرب ان كل هالسنين صامد هالمكب اب !

دلووووووووني

R

RoO7 QtR

عروس مشرقة

10-06-2006 | 08:03 PM

الحلم الهادي والله انا نفسج مو دايما احط ميك اب و عندي شكثر اشيا ماستخدمتها ومن فتره سويت تصفيه ع الاشيا القديمه وتخلصت منها .. بس انا عكسج ويهي يحسس من البودره والفاونديشن القديمين ..

حسب ماقريت انه المكياج ماكسيمم يكون عندج سنتين من الفاونديشن والبودره والشادو والبلاشر اما المسكره اقل تقريبا 6 شهور ..

اما عاد اشيا من خمس سنين قطيها بدون تردد هههه اظمن لج .. =)

م

مجـد

عروس ماسية

10-06-2006 | 08:19 PM

شوفي أنا عندي وجهة نظر وقلتها كذا مرة ,,

إن أدروات التجميل طالما مو حاطين لها تاريخ إنتاج وتاريخ إنتهاء مثل باجي المواد الإستهلاكية ,

فيعني هذا إنها ما فيه مدة صلاحية معينة ,,

وطريقة حفظ مواد التجميل تطيل في عمرها , أقولكم شلون ,,

طالما كانت المواد محفوظة في مكان بارد , جيد التهوية , وقليل الضوء , فهذا يعني طول مدتها

أما إذا كان العكس فهذا يعني بسرعة راح تخرب , وخصوصاً وإن الخليج معروف بحرارته القوية ,

وفيه علامات تدل على تلف مواد التجميل مثل :

تغير رائحة الروج ,,

تجمع الزيت وتكتله في كريم الإساس بحيث ينفصل عن باجي المواد ,,

أتمنى أفدتج ,,

وعلى فكرة أعرف بنات يحطون مكياجهم في ثلاجة معتدلة البرودة حتى ما يتلف ,,

:)

-

-%-سحابة حب-%-

عروس ماسية

10-06-2006 | 11:55 PM

يعطيج العافيه مجد

ا

الحلم الهادىء

عروس برونزية

11-06-2006 | 09:25 PM

والله سويت تصفية للاشياء وايد وللاسسف جديدة بقراطيسها ورميتها لانها قديمة اكثر من سنتين !!

وخليت الباقي :)

مشكورين على النصايح وخاصة الاخت روح قطر ومجد :)

M

Marshmallows

مشرفة سابقة

12-06-2006 | 06:26 AM

لا اختي خلي عندج شوية كنترول انا كنت مثلج لكن قدرت اغير هالطبع

المكياج له فتره صلاحية وينتهي لكن انا اعتمد على الريحه

خصوصاً الروج اذا خلاص انتهى تشمين ريحته قويه ..

الفاونديشن و الماسكارا يختربون بسرعه ارميهم على طول لو صار للفاونديشن اكثر من سنه والماسكارا اكثر من 6 شهور واصلاً بتحصلينها نشفت ..

اما باقي الشغلات لو تحبين تخزنينها بوقت افضل وما تستخدمينها دوم احفظيها بالثلاجه بس تكونين بعدج ما فتحتيها